爆丼丼 (已結業)

🍱🍱三文魚親子丼$68 連汽水🍱🍱自上次係隔離食完個伏嘅牛肉爆丼😑(㩒翻hashtag睇啊💁)都係揀翻魚生丼飯 果然好好多😎😎非常厚嘅三文魚生 仲要有成7-8舊😱質素不錯der 肉質不散不酶 仲帶少少黏口 大大啖咬落去好幸福😚當然再肥美啲會仲好😂三文魚籽粒粒飽滿 甜中帶咸香 非常送飯🐟下面係扎得實實嘅飯 食完超飽🍚建議加多點醋同選擇黏性較低嘅珍珠米 會更適合於丼飯🍱🍱.🌰🌰紫薯金栗可樂餅$18 兩塊🌰🌰其實我係見到栗子先叫 紫薯只係配角 入面都有不少栗子粒 新鮮炸起 粉漿厚度剛好 不錯的小食👍

首先相片同實物大少相差太遠，坐位迫都算，筷子盒內冇筷子！上菜龜速咁慢又留單，我叫左3個丼，食完第一碗丼第二同第三碗都未到！同埋應該跟3碗麵豉湯都留左冇比到，再而唔跟匙羹又點食呢（其他客人係有跟囉）？拉麵又霖又糊唔好食。又冇人加茶！整體來講就係一個字「差」

最愛吃日本丼飯的我, 一看到Holiday介紹荃灣有新開爆丼飯屋, 即時9秒9飛車去食心頭好啦!!我還是第一次走到河背街, 原來新店就在小巴站前... 甫一坐下, 朋友阿強說:「原來你想食嗰個 四重爆丼 要 18:30前落單先至係 $98, E家要$138呀! 咁你仲食唔食呀?」(梗係食啦) SY就是鰻魚控...一見到鰻魚就發狂...其實去丼飯店, 不吃刺身, 吃鰻魚一定有點傻. (當然, 今日後, 我又覺得小朋友又傻人有傻福嘅) 蒲燒滑蛋鰻魚丼($98) 一上枱, 真的是原條巨鰻伴著一個特別的碗向我們問好... SY:「點解咁多蛋嘅?」我知道他不愛吃蛋, 但今次半熟炒蛋很香又不老...SY一邊食一邊說:「好彩我係鍾意食E種滑嘟嘟嘅蛋啫」 我:「好唔好食呀?」, SY:「好食呀! 鰻魚無骨, 好多肉」, 強叔叔:「都燒得幾香幾好食喎, 同埋真係幾鬼大條」 到我的四重爆丼 登場....強叔叔:「點解同個Menu幅圖個Size差咁遠嘅?」 其實, 真的理想的Size與現實永遠是有出入的.... SY:「哦...因為個Menu被放大電筒照過吖麻」(咁十成十照過幾次添啦) 有海膽、蔥吞拿魚腩、

近排識多咗住新界西嘅朋友，多咗機會嚟呢頭行街食嘢，先發現其實荃灣嘢食真係唔少，除咗大商場，街上嘅小舖選擇亦多。今次嚟到呢間舖仔，以大碗魚生飯招倈，就同朋友試下，睇下有冇餐牌見到啲相咁大碗先。招牌菜：四重爆丼！如圖所見，有大量我最鍾意食嘅海膽，仲有toro蓉、帆立貝同三文魚籽。份量睇落果然同餐牌張相差唔多，而且材料亦算新鮮。呢個係極上魚生丼，亦係擺到滿嘅刺身。兩隻大蝦啖啖肉，同樣夠新鮮，值得推介。咁大碗刺身飯都係一百幾十，其實幾抵食。

依家 d 刺身丼都流行將刺身放得爆滿 剩係見到 o甘多海膽都流口水!我依個係叫四重爆丼有大量 o既海膽, 拖羅蓉塔頂, 帶子同三文魚籽由高空睇落去, 真係填到滿 ga! 侍應會畀定 d 碗仔, 唔怕食到好呢 hea, haha帶子好厚身, 大大塊呢拖羅蓉好滑~ 其實疊得好高, 份量都幾多下海膽佔 o左依個丼大半 ge 位置, 好正 ar而且質素唔錯, 係好鮮甜 ga!朋友 ge 粒粒魚生丼價錢平 d不過 d 刺身一樣係堆得好高呢 刺身粒好有光澤, 好新鮮我食 o左粒希靈魚, 卜卜脆好有口感~飲品可以揀麵豉湯或者汽水麵豉湯落 o左好多昆布~ 仲有咖哩飯同拉麵, 選擇都幾多~

同朋友去開荃新天地行街行得耐有d攰就梗係要搵下啲嘢食醫下肚啦見到有間新開嘅日本料理啲菜式仲要好多元化又有海鮮拉麵，壽司，刺身丼飯，串燒勁多好嘢食所以就入咗去食頭先入去就係俾佢出面嘅海鮮拉麵poster吸引就梗係要叫返呢個松葉蟹爆拉麵雖然個名叫松業蟹 但其實除咗蟹之外 仲有好多海鮮 例如帶子，蝦，青口，蠔 勁足料而朋友就叫咗個午餐日式咖喱豬扒丼個豬扒炸得幾好 唔會個炸漿離開咗塊豬扒為食嘅我哋當然唔係只會叫咁少啦我哋仲叫咗個三文魚腩刺身 芝麻雞翼 同埋鹽燒牛舌 刺身好新鮮 而且串燒都好出色太肚餓食咗一隻雞翼先記得影相

荃灣出名多好野食，只要比心機去搵去試一定會搵好野！今晚同媽咪黎食既呢間就抵食夾大件啦！我地到既時候仲早，未係好多人。我地叫左一份燒牛舌 $52/2 串，兩份明太子雞翼$38/2隻，一份炸餃子$28，一份金龍卷$68， 一個雜錦魚生丼$88。燒牛舌好厚身，啖啖肉，食落好Juicy! 明太子雞翼好好味，因為要拆骨又要釀明太子咁多功夫，係屋企一定唔會自己整啦，所以如果餐廳有我一定會叫！雞翼燒得好香，明太子夠晒味，正！炸餃子比想像中無咁油膩，入面仲有好碎既軟骨添，個皮又夠薄，好食又驚喜，必點啊！我既至愛金龍卷啊！入面包左青瓜，甜蛋同炸蝦。炸蝦仲係熱嫁！加埋滿滿既沙律醬，真係好好味啊！如果可以切細件少少就Perfect啦！雜錦魚生丼好足料，隻蝦仲粗過我手指，三文魚，帶子，吞拿魚全部都好新鮮，好鮮甜！飯量仲好足添啊，一定夠飽。丼飯仲可以簡跟野飲或者麵豉湯添。

係附近行完經過見到呢間個餐牌都幾吸引～講到咁神奇就試下呢個《四重爆丼》$188啦！一個飯有齊海膽、拖羅蓉、帆立貝同埋三文魚籽🤩舖滿成個面勁吸引😋😋四樣入面最好食嘅就係帆立貝同埋三文魚籽三文魚籽爽脆，一咬即爆帆立貝大大舊，可能係平時嘅兩倍size😋另外都嗌咗個汁燒雞扒丼，反而呢個幾有驚喜雞扒肉超滑，肉嫩👍仲要有好多菜添！每一個丼都會跟一杯野飲嫁最後仲散嗌左花之戀，勁足料，有成個拳頭咁大！！

荃灣真係越黎越多好野食，今晚又孖住我個荃灣之友捐窿捐罅去食好西今次佢就帶左我去河背街即係楊屋道街市附近d橫街窄巷入度食日本野。講就話係d橫街窄巷好似好複雜咁，但查實由地鐵站行黎都係十零分鐘，仲要係橋駁橋咁行，都好方便。呢間日式餐廳細細間，裝修簡單整齊，不過座位就比較窄但係都算舒服既。Menu呢度主打係食丼飯，除左有海鮮丼、仲有咖喱丼、鰻魚飯、拉麵等等...價錢係由$52起，超級大眾化1800前仲免收加一tim極上魚生丼$148呢個極上魚生丼係有牡丹蝦、三文魚腩、油甘魚、帶子、同海膽。d刺身好新鮮，三文魚腩超肥美，而個海膽就好甘甜。份量係適中既，d飯食落都好有嚼口，不過就略嫌濕左dd。成個丼飯餐仲包個麵豉湯或者汽水tim，好抵食呀四重爆丼$188呢個四重爆丼係限量發售既，入面有海膽、拖羅蓉、帶子同三文魚子。拖羅蓉食落除左鮮之外，仲有層油香，海膽既比例都真係好多，仲有部份火炙過tim，鍾意食海膽既朋友就唔好錯過啦

同朋友諗起想食日本野又想訂定枱唔洗等/唔洗等咁耐位見呢間全部好評咪Book黎試下當晚預訂七點半點知早左去到見店內無乜人就入去問下提早入座店內座位唔多但留意到有吧枱位覺得好正適合自己一條友食唔洗搭枱👍🏼不過今晚我地兩人坐左四人枱點餐方面我一眼就睇中左個魚生丼然而朋友無做資料搜集無諗到人地個名叫「爆丼丼」係點解搞到我地一人一碗飯之餘仲嗌左好多小食就係咁魚生真係好大塊好厚肉都新鮮留意碗飯都幾大碗咖其實鮫子、串燒、雞翼都好好味熱辣辣 味道又夠 唔會太咸雞翼同牛舌出乎意料地大塊/大舊但唯獨個雞扒丼無咩驚喜Btw 驚咩喜啫 雞扒飯想要有啲咩驚喜啫不過真係眼闊肚窄食到最尾果幾啖有少少夾硬黎太飽喇埋單$400有找離晒譜 好抵 好好味爆丼丼係真係爆丼丼無吹水

▶️早前丼飯傳到街知巷聞...趁著星期五晚上🌃..就去在附近地方..約我男友一齊食飯...有間專食日式料理餐廳🍴..就是爆丼丼🍱▶️餐廳內帶有日式風格感覺🤣..吾講以為自己去日本呢🇯🇵▶️簡單餐牌上非常清晰列明格錢..非常好牙👍🏻還帶有本店新推介😲吸引更多客人非常細心👍🏻▶️北海丼..當中包括,吞拿魚,帶子,油魽魚,三文魚,帶子刺身都新鮮甜口感😝,三文魚色澤鮮豔,吞拿魚加魚子加一淡飯😋...感覺好滿足呀🤩▶️松葉蟹海鮮爆鳥冬..這個本店必點的😈咁睇賣相已經非常吸引😲...有鮮蝦,青口,帆立貝,蜆,松葉蟹腳...😋材料非常生鮮...好豐盛轉日本鳥冬加上豬骨湯底味道一流到頂點呀😍加罐汽水..簡直飽到暈啊😌隱蔽高水準丼屋..非常值得推介👍🏻

經過呢間新開既日式食店，見到價錢唔貴就入去試下啦座位非常狹窄，不過係香港呢個彈丸之地都冇得奢求咁多。我地叫左一碗雜錦魚生飯同埋一碗海膽魚生飯。呢個雜錦魚生飯有三文魚腩大約三片、大甜蝦兩隻、油甘魚兩大片、帶子兩大隻、海膽兩片。超豐富呀！確實價錢唔太記得，應該係百五六咁上下。呢個價錢食都咁豐富既魚生飯，真係非常超值！而且味道亦十分好！用料非常新鮮！另外呢個海膽魚生飯有海量海膽、帶子數隻、三文魚子、拖羅蓉。呢個價錢大約百八、百九，啲海膽多到好似唔洗錢咁！食材都十分新鮮！呢間野絕對值得番啅呀

好野，今日又可以同愛人去拍下拖，係我推介下去左呢一間。其實呢間野的上手都係食日本野，當時個間我同最愛都非常鐘意食，事關個間抵食夾大件，又新鮮，最重要係平，之後執左笠就變左呢間爆丼，同一舖位，但唔知同唔同老闆呢？我諗唔同掛好，比大家睇睇今晚食咩啦！豬排拉麵，據我的最愛表示，湯底唔味精，清清地好夠味，佢表示非常鐘意，事關好多時外出食拉麵（包括出名的拉麵店），味精、鹽味、油之強烈係食完個口都仲會有味，但呢碗唔會。另外，拉麵方面亦不如一d平價拉麵店般有強烈的「揀」水味，所以算唔錯。豬排方面，我略嫌唔夠爽脆，豬排瘦左d,所以肉質偏鞋。整體黎講都唔錯。之後就係我的刺身飯，黎張close up同埋唔同角度比大家睇下先。其實一上桌，我曾經質疑夠唔夠我食，睇起上黎好細碗，但原來係勁飽，我最愛都食唔晒剩左少少飯。整體刺身係新鮮，隻甜蝦係大隻蝦，唔係放題食個種細細條，幾鮮甜，其實全部都算唔鉑。之後仲叫左兩個小食，首先有我愛人最愛的芝麻雞翼，由於我太飽關係而佢又好鐘意食，所我割愛比埋我個隻佢食，聽佢表示好脆口，評價好高。最後係油甘魚頭呢條魚魚，一上桌個下都心感不妙，雖然佢非常大條，但賣相差，燒得焦，所以無法食

去到荃灣都有好多嘢食選擇....各式其式乜餐都有....不過今晚行到去河背街....竟然比呢間特色日本丼餐廳所吸引...於是走咗入去試下門面嘅餐牌五顔綠色....色彩繽紛....已經好吸睛而且見到佢哋嘅餐牌都好似好多選擇咁呢個三文魚壽司都肉質肥美我就叫咗呢個.....松葉蟹海鮮爆拉麵份量十足....而且真係有好多海鮮仲有三隻松葉蟹腳好鮮甜麵質都好彈牙再嚟多個....極上魚生丼嗰兩隻刺身蝦大到不得了....而且三文魚腩刺身極度肥美真係啖啖肉又新鮮最後加多一個火龍卷.....一個字.....埋單計數...每人205元有找....仲食到飽一飽添

丼飯熱潮還沒有減退跡象趁復活節我們又來湊湊熱鬧我們點了四重爆丼和爆松葉海鮮爆拉麵這款四重爆絕對是這餐廳的招牌賣相吸睛由四種海鮮組成分別是海膽三文魚籽帶子拖羅蓉最震撼的是那座堆積如山的海膽除了份量多味道亦鮮甜甘香帶子和三文魚籽也有驚喜口感十分豐盈有油脂香每一口也是味蕾的高級享受爆松葉海鮮爆拉麵又是另一種爆這款海鮮大雜燴滿足了貪婪的心多款海鮮有鮮蝦青口帆立貝蜆松葉蟹腳值得一讚是細心的店員已經把蟹腳預先鉗開湯底亦有不同款式選擇喜歡濃味的我點了黑蒜豬骨湯底麵條吸收了湯底的精華更顯惹味。喜歡海鮮的朋友一定不僧失望