爆丼丼 (已結業)

週末下午和女兒到荃灣shopping，之後往做美容，做完已經到了晚餐時間，老公也來到接我們，所以約埋一齊食，美容師介紹我們去附近的河背街，有間叫爆丼丼的日本菜食店，那兒的丼飯和拉麵又平又好味，不防試試，那我們就依指示前住。食店地方不大但整潔，座位不會好迫。在門口的餐牌價錢不貴，圖片賣相吸引，而且還清楚寫上用甚麼材料。我們要了2碗拉麵和一個丼飯。晚餐的丼飯和拉麵有麵豉湯或汽水送。松葉蟹海鮮爆拉麵：這個是店家推介，材料豐富又新鮮：有長長的葉蟹腳、鮮蝦，大大隻的青口和帆立貝，味道鮮甜，又有蠔和其他配料，湯底有4種選擇，我選了豬骨湯，湯十分濃郁香甜，配埋彈牙的拉麵，真的回味無窮！雜錦魚生丼飯：女兒最喜歡食魚生，所以要了這款丼飯，初時以為88元只是普通的一碗丼飯，但當侍應將飯放到面前，女兒嘩的一聲，魚生舖滿整碗飯，像一座小山，魚生都好大件，厚切又新鮮，牡丹蝦大大隻，帆立貝是大size果隻，都好鮮甜，還有肥美甘香的三文魚、吞拿魚、劍魚、油甘魚、左口魚。其他還有蟹柳、玉子和蟹子等，女兒邊食邊讚，甘美味又多料的丼飯，真低食！吉列豬扒拉麵：老公選了地獄辛辣湯底，他說辣度剛剛好，豬骨味濃郁，好惹味，豬扒厚

舖頭開張前已經有留意呢間餐廳，身為荃灣人都知o個個位置既食肆唔易做，但每次行過呢間舖都見到爆場甚至有人等位，想必食物質素應該唔錯，當然要抽時間試試啦。一行二人入到店舖望餐牌都有唔少選擇舖頭雖小但已經坐滿哂人，好彩咁岩位唔使等，Yeah! 望下牆邊，呢度既招牌菜應該係丼飯同拉麵。我簡左極上魚生丼（$148）而朋友就簡左北海丼（$128），等左5分鐘到就送到檯上，都好快手。極上魚生丼（$148）第一眼既感覺係賣相吸引，位量極多，兩個女仔都夠食！呢個丼飯有齊牡丹蝦、三文魚、海膽、帶子、油魽魚，全部都厚切又新鮮，小編特別鐘意海膽，味道唔腥，鮮甜味濃，下次一定要試下舖滿海膽既四重爆丼先得。隨餐仲附送大大碗麵豉湯，呢個餐性價比超高，值得一試!北海丼（$128）友人的北海丼則包括吞拿魚、吞拿魚蓉、帶子、油魽魚以及三文魚，魚蓉打得好幼滑，黏黏滑滑，再夾著青蔥絲，有著淡淡既草青味，好好味，其他刺身同樣油脂甘甜，入口即化，跟餐送可樂，食完超飽超滿足。埋單加一每人都係百五蚊，好味又夠飽，地點都方便，好開心荃灣有間咁高質既丼飯小店，真心值得推介！

同朋友又來到呢頭搵食，本想食上次間拉麵店，驚覺它已經結業，換成了爆丼丼，看了看門口的餐牌，感覺也對胃，就一試吧。店內客人不少，全店差不多七成滿座，初安排坐了張二人枱，有點少迫，但小店主食為一碗丼飯或一碗拉麵，基本上枱面都無乜其他野需要擺。店員送上熱茶兩杯，綠茶包還可以。餐牌在隔離枱自己拿吧，揀好食物後隨意放下便可。丼飯附送汽水或麵豉湯，揀了後者，好像跟日本野較配合。湯夠熱，味道濃但不死鹹，又幾好飲喎。火焰魚生丼（$98）自己點了呢款，魚生堆的滿滿的，好吸引呀！背面火灸過的魚生十分甘香，全部厚切，有帶子，三文魚，左口魚，油甘魚每樣兩片，仲有一大堆蟹籽。其中三文魚同油甘魚最為肥美，入口一口魚油真係唔講得笑，帶子好鮮甜，左口魚不過不失，飯混了少許壽司醋酸酸的很對胃，而且魚油滲左入啲飯入面更香口，連豉油同芥末都無乜點點過。四重爆丼（$188）朋友的四重爆丼更震撼，滿滿的海膽，太誇張了吧背面主要就是海膽，配上魚籽，帶子，吞拿魚蓉。海膽有兩種不同的，一種較滑入口即瀜，另一種較有質感同更鮮味，不知是否一板不夠才混了兩種海膽（?）朋友這碗的帶子沒有火灸過所以較軟身，它跟魚籽也很鮮甜。吞拿魚蓉略微不夠肥

今晚去食飯之前，睇到以上食評講到爆丼丼既刺身好好味，諗住一試。去到可能過咗晚飯時間，唔使等位。睇完menu就叫咗雜錦魚生丼同埋火焰魚生丼，兩個丼既魚生除咗蟹籽之外，完全唔新鮮。就連最基本既三文魚刺身唔好味!下次一定唔會再黎!

生飯除咗要夠新鮮，份量亦都好重要，我食量已經大，我老公食量更大，要滿足我哋兩個真系唔容易！荃灣呢間新開嘅日本餐廳，魚生飯真系好抵食！呢個四重奏丼只系＄188 ,有滿滿嘅加拿大海膽、三文魚子、帆立貝、吞拿魚蓉，仲要好大碗， CP值滿分！食丼好怕食到唔新鮮魚生又或者只係面有層切到好薄魚生，但呢度都真係真材實料，有約半板海膽，加拿大海膽嘅味道係比較濃，而且一d腥臭味都冇！好食！佢地嘅拉麵都好多料，松葉蟹海鮮爆拉麵，一共有四隻蟹腳，兩隻㠙，兩隻青口，三隻蝦，仲有帆立貝，超豐富！而湯底我選擇番茄，果然夠濃味！我發現松葉蟹腳凍左更滋味！我地仲叫左d串燒牛脷同雞翼，燒得唔錯，熱辣辣食最好！兩個set都有飲品送！

在荃灣「搵食」很少走到這邊來，要不是朋友提起也不知道這裡有間日式料理餐廳。也許因為餐廳不在很旺的地段，平日晚上一進去就有位了～只看餐廳名字就知道他們的招牌是丼物吧，坐下來之後看到牆上大大張海報介紹著「四重爆丼」，又有海膽又有三文魚子，當然要試一下！這個飯的飯量不少，滿滿的一個小山丘🙈我們2個人share 一碗再加點串燒就夠飽了。海膽份量很多，排得整整齊齊的，而且不會很腥。三文魚子的「皮」比平時食到的厚，但還算新鮮。帶子刺身也是厚厚的，更好的是沒有雪味。上面的吞拿魚蓉還可以撈飯吃～串燒牛舌要趁熱吃，調味也不會很鹹，只是有一兩塊是筋位，比較難咬開。雞翼也燒得不錯，一份2串共有4隻。雞皮燒得有一點脆脆的，個人吃得較淡也略嫌味道稍淡，調味可以再豐富強烈一點。總的來說，這個丼$188有這麼多海膽，又有三文魚子和帶子，而且還配了罐裝飲品，算是okay喇～

今日去到荃灣掃下街，發現街市果到新開左一間日本野，好唔起眼 😂 不過個名聽落都幾爆，一於去試試去先！黎個餐前小食，整返個燒牛舌食下先，$52 有 2 串，牛舌都幾有汁，又唔會過硬，如果再香啲就更好！到黎主菜，分別叫左黑豹墨汁拉麵 $88、野菜雞扒丼 $48、粒粒魚生丼 $42，魚生丼嘅魚生都幾新鮮，重點係份量都幾多，cp 值高，而野菜雞扒丼就正正常常冇乜大驚喜，而墨汁拉麵真係第一次食，睇落都幾特別，其實個底都係豬骨湯底加左墨汁，濃度適中，叉燒都好多塊，都係瘦叉燒，份量都幾大碗，隨餐仲送野飲同麵鼓湯！

今日行荃灣 搵野食搵到去河背街見到有間新開冇耐既爆丼丼價錢又唔貴 諗住去試下新野叫左三色丼有三文魚、大蝦同埋油魽魚樣樣都好大件食落都新鮮彈牙三文魚除左色澤鮮豔油脂分布都幾平均油魽魚睇落少少油膩但食落完全唔覺蝦又夠鮮甜大隻好食！媽媽唔係好食生野要左豬軟骨丼份量都幾大碗豬軟骨又夠多佢話豬軟骨食落脆脆地配埋個汁都幾香仲叫左幾個小食加州卷表面佈滿哂蟹籽食落有青瓜都幾爽口加埋蟹籽有幾種口感芝麻雞翼燒得幾香上枱既時候係啱啱燒起仲係熱架食落去有少少辣不過怕辣既人都可以食到要左一件南瓜餅但切開兩塊都仲係好大塊食落同平時食既南瓜餅有少少唔同但都幾得意幾好食估唔到荃灣都有價廉物美既日本丼下次可以再黎食！

今日起荃灣千色店行街Lunch hour人又多又唔知食咩好Openrice搵到間日本丼位置起眾安街隔離少少隱世 但食落味道都唔錯啊！一人要左一個丼每個丼都跟麵豉湯/汽水麵豉湯唔會咸 幾好飲極尚招牌丼$128有三文魚腩、大蝦、三文魚籽、油魽魚等等樣樣食材都好新鮮每啖食完都齒頰留香油而不膩配埋個落左壽司醋既飯一齊食好快就食哂一大碗朋友叫左火炙魚生丼$78炙燒得好香配埋蟹籽食無得彈食完個丼有少少意猶未盡加單叫左三文魚$25、油魽魚$36同埋吞拿魚刺身$28每件都好大塊好新鮮油魽魚食完仲有啲回甘追加多個芝士年糕$22熱辣辣食 炸得好香！正！！好滿足既lunch

荃灣區，其實自己都好熟，唔可以話自己食勻晒，但都應該七七八八，尤其是大鴻輝，食店林立，有時等Lift都要等成30分鐘，今日同朋友喺大鴻輝行前一個街口，去咗河背街呢間爆丼丼，佢開咗大約一個多月，梗係要來試吓，門面裝修都好日式feel其實佢位置都好方便，當然相比大鴻輝附近，好多人都未必會來呢一條街，但係有時要食好嘢，就不妨行遠少少，裏面裝修好有江戶時代感覺，唔講仲以為去左日本由於時間尚早關係，我同朋友慢慢研究下Menu ，服務員好有禮貌咁為我們遞上熱茶，我留意到佢哋都係幾個好有熱誠的年青人，態度值得一讚我地先來個蟹籽沙津醒醒胃食物種類都好多，不過我留意到佢哋嘅丼飯應該係主打，於是我就揀咗個四重爆試吓睇吓點樣爆法而我朋友就揀咗個松葉蟹海鮮爆拉麵話咁快，服務員首先送上第一度爆，終於明白佢點解叫做爆丼丼，嗰種爆量的感覺，猶如火山爆發一般⋯⋯嘩，洗唔洗咁多啊滿佈海膽，拖羅蓉，三文魚子，賣相已經贏晒，真係唔知從何入手，勁啊接著朋友的松葉蟹海鮮拉麵又到埗，大大隻松葉蟹腳、鮮蝦、青口、帆立貝、蜆，望上去就已經知道係新鮮，再爆呢兩大主食推介，真係不分高下食飽飽散下步去地鐵站都係10分鐘左右乍

爆丼丼 的 鹽燒牛舌 串燒 正荃灣有間新開張的日本餐廳，當然要去試吓啦，我喜歡試吓新食肆，看看他們的水準、還有是否適合我的口味。晚市有個推介，松葉蟹海鮮爆拉麵🍜 好吸引喎！店員端上拉麵時，整個碗面給海鮮覆蓋，真是很‘爆’喎🤗先試下個湯先，我選擇咗最原始嘅豬骨湯，因為我想知道食材是否符合我要求，這個不錯。介紹一下海鮮的份量，有鮮蝦三隻、青口兩隻、帆立貝一隻、蜆二隻和重量的松葉蟹腳四隻，嘩！材料很新鮮，好豐富呢。拉麵的質地也非常好，有彈性，要趁熱食🍜串燒我喜愛鹽燒牛舌，一客有二串，很厚身 有口感，爽口有嚼口又不會韌 👍🏻 本來想叫多一客，肚子飽了，下次吧😋

朋友說最近試過一間新開的日本餐廳質素不錯，今晚一同去試試。可能時間還早，未有太多客人，我們慢慢看下menu 研究一下選什麼食物。先點一個蟹子沙律來滿足一下女士的沙律慾望，先開開胃，吃點新鮮蔬果，沙律的份量很多，很新鮮、很美味。👍🏻四重爆丼 是餐廳的晚市精選推介，相片已很吸引 就來一客☺。有‘爆’量海膽 ，有加拿大海膽、鮮美的拖羅蓉、大大粒帆立貝和多到快要流下來的三文魚子。樣樣都好新鮮，下面的飯量也很足夠，飯粒粒粒鮮明的粘在一起。店長向我們推介一個頂級 松葉蟹海鮮爆拉麵，我哋選豬骨湯湯底，海鮮份量蓋過所有麵條，每樣食材都新鮮，有新鮮大蝦三隻、青口兩隻、帆立貝一大隻、蠔二隻 及松葉蟹腳四隻。 完成這個拉麵要預多少少時間，要慢慢品嚐！回味無窮！今天吃得很滿足，飽飽的。還有好多食品想試， 下次再來。當我們在說天談天說地之際 ，餐廳已坐滿客人，很熱鬧啊！

响荃灣返工返咗幾年，成日拉同事試新嘢，同一個鋪轉手好幾次，每次總會去試試，但次次都唔太啱口味，今次都係抱住一試無妨心態，點知今次試出驚喜來😆粒粒魚生丼 $58 👍🏻👍🏻👍🏻👍🏻平時都多去板長食，鍾意叫櫻花丼(又係雜錦粒粒魚生响面)，所以今次特登叫嚟作比較，兩者魚生都新鮮同大大粒，而款式就因應當日貨源，如果要我揀，我會揀＂爆丼丼＂，因為比較多魚類，同埋無加一，但唯一唔ok係地方太細，對面學校學生佔咗7成，所以多人嚟較難搵到位，不過我下次都會帶其他同事嚟試其他食物嘅😊一人丼 $58

上星期經過荃灣，已經見到個派傳單嘅姐姐熱情地遞上宣傳單張，不過當時已經約咗朋友食雞煲，但係對於張傳單上面嘅食物依然係念念不忘。事隔幾日，都仲係心掛掛，今日晏晝嘅時間就約埋朋友去試吓呢一個刺身飯，雖然餐廳係新開張，餐牌上面嘅選擇唔算好多，但係價錢都相當實惠，對於選擇困難嘅我，真係好難揀。.極上招牌丼$128 (lunch 送麵鼓湯/汽水)上圖心大心細，最後揀咗極上招牌丼，新鮮嘅刺身排得滿滿嘅，見唔到入邊嘅飯，真係真材實料。刺身望落去都好新鮮，見到呢一個情況，立刻食慾大增。入面有好大隻赤海蝦、厚身帶子、肥美三文魚腩、劍魚腩、油潤甘香油甘魚、雖然賜婚刺身飯係用小木桶盛載，後來才發現啲飯嘅份量都好多，真係食唔晒所有嘅飯.三色丼$78 (lunch 送麵鼓湯/汽水)下圖但睇啲相，已經覺得好新鮮呀，刺身真係好鮮味。同埋啲面話其實雖然餐牌冇海膽嘅刺身或者壽司，但係其實可以詢問下店員，因為佢哋先視乎品質才決定當日有冇供應呢。.另外叫了芝麻雞翼嘅小食$22，即叫即炸不過不失，不過炸得有點over了，顏色較為深色，個人還是推介刺身丼！.餐廳環境:。題外話：最重要係lunch冇加一，着校服仲有九折，過咗l

难得抢个沙发。感觉这个位置最近一直在改头换面，不过始终是日本店。这家推丼饭，刺身饭，也有拉面乌冬。感觉厨师还是很有要求的，摆盘和食物都很不错。米饭的软硬Q弹程度恰到好处。亲爱的点的刺身饭，我点的野菜烧鸡丼，外加蟹籽沙律和紫薯金栗饼。照烧酱陪饭很赞，刺身的饭醋饭也挺好吃的，看老板给刺身也很大方，三文鱼很厚片。沙律分量很够，紫薯饼做的很好吃，也不会太甜。总体好评，也比较实惠，这个价位这个质量算很好了。他们家鳗鱼饭也不少人点，下次可以试试这个和拉面