爆爆鍋

营业中

休息中

爆爆鍋，石頭鍋，睇呢兩個名都覺得好台式，心癮起就想試吓啦，落咗單冇3分鐘就嚟齊啲嘢，心諗咁大鑊，石頭鍋唔係即刻爆嘅咩，原味湯底個面剩係得洋蔥粒，乜都冇，試完個湯仲衰過落一粒濃湯寶，就將焦點放喺加$20嘅麻辣鴨血度啦，聞落去都幾香嘅，點知試完一啖個味又係淡如水，試過包嘅配料，一啲都唔新鮮，蕃茄霉霉地，沙白蜆得嗰一粒又腥又有沙，真係喊出聲，食咗半個鐘已經唔想再食落去，埋單用咗差唔多$300 ，又難食，完全冇味，大伏，仲話係牛大人嘅副線連牛大人10份一都冇，名副其實係搵人笨嘅港式餐廳

台式爆爆鍋，一人一鍋，地方算大，可坐長吧枱，亦可選擇2人或4人枱。二唯碼落單走地雞肉件套餐(走地雞肉)爆炒櫻花蝦鮮鍋(配蔬菜)(爆炒櫻花蝦然後加入清湯)雞件新鮮，肉質嫩滑。綜合海鮮拼盤套餐爆炒燒酒烏雞鍋（配蔬菜）爆炒烏雞加入燒酒點燃著火，然後加入清湯，鮮魷爽口，大蝦彈牙，魚塊肉質滑溜，蜆肉鮮甜。小食鹽香四季豆，加埋芝麻花生味道香口乾爽。鳳梨涼伴章魚，拌有菠蘿青瓜番茄仔，醬汁味道酸酸的，章魚粒爽口。另選澳洲M5和牛肩胛肉眼牛肩胛肉質滑溜。越南海虎蝦肉質爽口彈牙。每盤蔬菜有豆腐、蟹柳、炸芋頭、螺、響玲、肉丸、生菜，每樣少少，一個人食都好夠。亦設有任食蔬菜吧，可供選擇。黃帝菜、蓮藕、萵筍、金菇、生菜、娃娃菜、粟米、薯仔、東瓜。飲品兩杯真心橙意翡翠，唔係好甜有橙香味，椰果有咬口。寒天翡翠檸檬，酸酸的檸檬飲料，有爽口嘅寒天粒粒，增加口感。

//12 08 24 晴天🌞20:00 銅鑼灣 銅鑼灣廣場一期@baopot.hk一個人的快樂 ☺︎作為「牛大人」嘅𝘧𝘢𝘯𝘴，當然要食勻佢旗下所有嘅餐廳啦！而「爆爆鍋」就正正係佢哋最新推出嘅副線品牌。台式一人石頭火鍋，總共8款湯底，當中爆炒系列，更係用上「台灣」獨門配方。另外，仲可以根據自己口味，選擇喜愛嘅肉類、小食及飲品。( 場內亦設有免費自助區：調味配料及蔬菜)今日，我終於發覺，原來一個人都可以過得好盡興㗎~𖤐ˊ會有加一服務費🔻安格斯牛小排套餐 HKD$234ꕀ🔻剝皮辣椒烏雞鍋 + HKD$20湯頭十分鮮甜 裏面會有嫩滑雞件充滿辣椒同薑嘅辛香微辣 而且仲會散發出淡雅嘅酒香 令人越食越開胃🔻附送蛤蜊菜盤一人份量 配料豐富：蛤蜊｜響鈴｜蟹柳｜芋頭｜豆腐｜蕃茄｜生菜｜丸 等等…🔻安格斯牛小排肉質軟嫩多汁 油花均勻 自帶淡淡嘅牛脂香🔻新竹米粉幼細嘅新竹米粉 爽滑彈牙 好易吸湯基本上淥一淥就已經食得 🔻夜市炸魷魚 + HKD$28麵衣唔會過厚 外皮酥脆 魷魚𝘘彈加埋椒鹽嘅香氣 好味到停唔到口🔻寒天翡翠檸檬 + HKD$18🔻美國特級翼板肉套餐 + HKD$178ꕀ🔻爆炒櫻花蝦鮮鍋 + HKD

人大左有時出街打邊爐未必會想揀放題，食唔到咁多肉，反而想食高質肉同多d菜。今次係銅鑼灣揀左呢間半放題，仲要係牛大人嘅副線，一人一鍋，套餐可以自選湯底+肉+主食+蛤蜊菜盤+飲料，仲有自助區嘅蔬菜任食，所以同放題一樣飽！夜市養生排骨鍋排骨鍋充滿夜市台式藥膳鍋風味，足料藥膳味香濃，仲有好大舊一字骨，呢個湯底淥菜勁快入味。澳洲m5和牛肩胛肉眼和牛雪花分佈均勻，牛味香濃，油脂相對少但肉質都好嫩滑，好高質爆炒沙茶石頭火鍋店員會係面前起鍋爆炒配料，將沙茶醬炒副勁香再落湯，炒嗰陣真係勁香！令成個湯都充滿鑊氣味，好惹味安格斯牛小排呢個比牛肩胛多油脂所以食落更加軟腍，肥瘦適中蛤蜊菜盤有響鈴、蟹柳、芋頭、豆腐、芋頭貢丸，每樣都可以食少少，啱晒我呢d想食多幾個配料款式嘅人另下加左滷水百頁豆腐 （+$12），綿密紥實口感，配台式火鍋湯底吸滿汁。主食選了寬粉和新竹米粉，寬粉彈牙，新竹米粉一落湯份量超多，仲要勁吸湯，撈埋蔥蒜食更濃味。蘋果醋QQ冰紅茶手搖飲品好大杯，蘋果醋酸酸甜甜非常解膩，不過就冇咩紅茶味冬瓜檸檬愛玉檸檬愛玉清新解喝，有得自選甜度及冰店員會不時主動幫手加湯，最後仲有朱古力脆皮雪條，百幾二百蚊食到咁飽

🇭🇰 Causeway Bay 銅鑼灣｜Bao Pot 爆爆鍋An authentic Taiwanese 🇹🇼 hotpot place where each of you can choose your own broth while enjoying the same food!? 😉 Sign me up! You can choose your own mains (beef), broths and snacks, everything as a set! The set also comes with some vegetables, 🥬 tofu, mushroom, 🍄‍🟫 etc. There are also more veggies that you can take next to the sauce station! 😲🥩 Australian M5 Wagyu Beef Shoulder Rib Eye Set 🥩This is one of their most famous picks. ✨ I also chose the Braised Beef

呢幾日落雨涼涼地，好岩打邊爐☺️而且好耐無打過，於是捉左友人一齊去滾😆爆爆鍋🔥係牛大人副線，由台灣總廚主理，主打地道石頭火燒一人鍋，進食體驗幾特別創新。共有八款鍋底，套餐有肉/海鮮+湯鍋+菜盤+珍珠飯/寬粉/新竹米粉，另可追加小食及飲品，仲有蔬菜醬料自助區（任食），價錢由$78-$178，豐儉由人，同時照顧到全素既朋友😊的確幾user friendly⭐️石紋精選牛肩肉套餐 $178石紋精選牛肩肉｜爆炒櫻花蝦鮮鍋｜寬粉｜蘋果醋QQ冰紅茶（微甜、少冰）職員會先幫客人爆香櫻花蝦🦐薑片、香蔥等配料，再落昆布湯，真係夠晒鑊氣🤤牛肩肉比較少脂肪，口感有嚼勁；寬粉幼滑煙韌，同時吸晒蝦湯鮮味😋蘋果醋酸酸甜，幫助消化，仲有粒粒蒟蒻，口感良好🥗隨餐仲附送咗拼盤，內有芋頭丸、響鈴、豆腐、蟹柳、蜆、芋頭、番茄、花枝丸、冬菇⭐️安格斯牛小排套餐 $234安格斯牛小排｜剝皮辣椒烏雞鍋（白雞件）｜新竹米粉｜寒天翡翠檸檬（半甜）🥩牛小排較多雪花，油脂相對豐富，口感柔軟；雞肉幾嫩滑，湯底微辣清甜，配新竹米粉唔錯😋寒天翡翠檸檬酸甜解膩，一樣咁有口感🦑夜市炸魷魚 +$28即叫即炸熱辣辣，魷魚粉漿較薄，入口酥香，火候控制恰到好處

住銅鑼灣嘅朋友可能會留意到，最近牛大人集團喺呢度開咗間台式一人石頭火鍋店 ------ 爆爆鍋，作為深度打邊爐中毒者，我當然第一時間去食，味道真係好出色。呢度嘅形式係先揀套餐再揀湯底，今次叫咗兩個走地雞肉餐，試咗兩個湯底。爆炒燒酒烏雞鍋：走地雞肉件本身已經夠嫩滑。加埋燒酒香氣，成個鍋底超香濃。食埋佢附贈嘅烏雞，嫩口得黎又夠入味。 台灣麻辣鴨血火鍋：麻辣湯底好地道，辛香四溢，鴨血嫩滑。鳳梨涼伴章魚：清新爽口，鳳梨酸甜配章魚嘅彈牙，超開胃。寒天翡翠檸檬&冬瓜檸檬愛玉：兩杯味道都比得上外面嘅飲品店，清涼解暑，超好飲。另外我哋仲加咗沙白，中卷，鵝腸同埋啲雞子，每樣都好新鮮好食，價錢同份量都非常適合一個人點。可以實現一人打邊爐都可以多配菜🥺👍🏻餐廳仲有免費配料櫃，主要係一啲蔬菜類，款式都唔少，就算淨係叫左個套餐都唔會怕唔夠飽。爆爆鍋以多種特色湯底同高性價比，成為銅鑼灣火鍋愛好者必試之選。一人一鍋形式啱晒獨食嘅朋友。平日收工如果經過記得去試下啦！

忽然好想打邊爐同食好多野🤪上網睇到銅鑼灣嘅爆爆鍋可以任食蔬菜🥰岩哂想食好多又想唔肥嘅我呀😎夜市養生排骨鍋❤️藥膳味道好適合女仔滋補一下💖鍋裏面裏仲有好幾舊好軟腍嘅豬肋骨😋紅燒牛骨鍋❤️紅燒嘅味道帶輕微辣，個湯越滾越惹味👍推介比鍾意食重口味嘅朋友😌澳洲M5和牛肩胛肉眼❤️呢度嘅牛肉都幾厚切架，估唔到平價一人一鍋嘅牛肉質素都咁好！M5和牛口感軟綿綿，肉同脂肪嘅比較岩岩好靚😜安格斯牛小排❤️安格斯嘅牛肉出名肉味香濃，呢碟都唔例外😛每次食台式火鍋都會食牛小排✨小食方面叫左好夜市感嘅懷念鹽酥雞🤓同埋麻麻辣辣又爽口嘅辣味涼拌牛肚呢杯真心橙意翡翠，係我最近飲過最好飲嘅橙汁調嘅飲品🥤我同朋友都覺得好正呀🙌

係銅鑼灣等朋友放工想食火鍋🍲就揾到呢間爆爆鍋🫧90分鐘限時進食差唔多90分鐘會為食客送上一支雪條🫧素菜鍋套餐一人一鍋可以揀素食鍋而家仲送一個蛤蜊菜盤🫧蟹柳🫧澳洲M5和牛肩胛肉眼套餐和牛份量都唔少都有幾片🫧剝皮辣椒烏雞鍋烏雞鍋入面都有幾塊雞肉🫧招牌麻油炸蛋放入鍋裏20秒之後再吃蛋黃依然是流心的😍香香的麻油味放入鍋裏之後依然都有麻油味🫧雞子🫧越南海虎蝦（3隻）三隻虎蝦都十分新鮮🫧真心橙意翡翠好似台式飲品咁新鮮個包裝似台式飲品，仲以為其他食客喺其他地方買咗嘢飲推薦🫧素菜鍋套餐🫧招牌麻油炸蛋

早前經過銅鑼灣，看見一人台式火鍋「爆爆鍋」，內裡人客滿滿，決定放假和朋友前來試試。 餐廳套餐有多款選擇，套餐包括了主餐(肉類或海鮮)、飯/寬粉/新竹米粉、鍋底、菜盤。菜盤裡材料亦不少，包括蔬菜、芋頭、菇類、響鈴、豆腐…等等。而且套餐亦可追加小食或飲品，非常豐富。 😋餐廳使用QR code點餐，是日選擇：1️⃣綜合海鮮拼盤套餐🔸夜市養生排骨鍋🔸寛粉🍽排骨鍋散發著陣陣藥膳味道，材料十足。而新鮮的海鮮，內裡有沙白、蝦、魷魚、魚片，份量蠻多，味道鮮甜！ 2️⃣安格斯牛小排套餐🔸台灣爆炒石頭火鍋🔸新竹米粉🍽香噴噴的爆炒石頭火鍋，配上濃郁牛肉香氣的安格斯牛小排，入口即化，肉質軟嫩。3️⃣麻辣鴨血🍽嫩滑的鴨血，不但吸收了湯汁味道，還有鴨血的麻辣，很惹味！4️⃣爽口鵝腸🍽爽脆與軟嫩，令人一口接一口。5️⃣冬瓜檸檬愛玉(微甜少冰) （跟餐加18元）🍽軟嫩的愛玉，酸酸甜甜，清新、解膩。 6️⃣寒天翡翠檸檬（微甜少冰）（跟餐加18元）🍽酸甜清爽，令人開胃。7️⃣甜品：雪條 (跟餐）🍽還有脆皮雪條作為甜品，很滿足！

爆爆鍋係一人一鍋台式火鍋套餐包含以下4個自選STEP食物 另送蛤蜊菜盤 及任食蔬菜自助吧1️⃣揀主餐2️⃣揀飯/寬粉/新竹米粉3️⃣揀鍋底4️⃣追加配料/小食/飲品我哋揀咗3個餐分別如下:🥘安格斯牛小排 ($158)•台灣麻辣鴨血火鍋 (+$20)•寬粉•蜂蜜翡翠檸檬 (+$18)•夜市炸魷魚 (+$28)🥘石紋精選牛肩肉 ($138)•夜市養生排骨鍋 (+$18)•新竹米粉•真心橙意翡翠 (+$18)•懷念鹽酥雞 (+$22)•手工花枝丸3粒 (+$32)🥘走地雞肉件 ($98)•紅燒牛骨鍋 (+$12)•新竹米粉•真心橙意翡翠 (+$18)主餐2個牛肉都OK 雞比咗雞腿我鍋底3個各有特色 麻辣鴨血鍋嘅鴨血好滑真心橙意翡翠好飲 係橙茶 好Fresh小食炸魷魚同鹽酥雞都好香脆好味最後仲會每人送一條朱古力雪條蔬菜自助吧款式雖然唔算好多 但全部都係我鐘意食嘅 貴精不貴多😙而且地點優越 銅鑼灣站一出就見到 座位多夠方便 想食好D又可以加多D追加食物 想食平D亦絕對夠飽&滿足 進可攻退可守👍🏻

銅鑼灣有間一人火鍋店，可以自選湯底+肉類+小食+飲品，最平$78就可以埋單！無論係一個人定係同朋友食都可以好豐富㗎🥳肉類方面我哋揀咗澳洲M5和牛肩胛肉眼 $168，同埋石紋精選牛肩肉$148～兩款牛肉嘅肉質都好味，份量適中，M5和牛嘅油花會多少少，肉質同牛味道再突出啲！如果係同朋友嚟食嘅話可以叫一款貴價牛同一款平價牛share！湯底我哋要咗夜市養生排骨鍋 +$18，同台灣麻辣鴨血鍋+$20🤤兩款湯底都好味，如果叫寬粉嘅話仲可以索埋湯汁！如果食得辣嘅話推薦鴨血鍋🫶🏻我哋仲加配咗小食同飲品，鹽酥雞外脆內軟，雞肉嫩滑，調味吸引！鳳梨涼拌章魚酸酸甜甜，開胃嘅同時冇咁熱氣～配埋蘋果醋QQ冰紅茶同翡翠檸檬愛玉，冰冰涼涼，夏天打邊爐都冇咁熱🫰🏻

#20240804 📝📍 #爆爆鍋 銅鑼灣軒尼詩道489號銅鑼灣廣場一期1樓109號舖➖➖➖➖➖➖➖➖➖➖➖➖➖➖➖➖➖#綜合海鮮拼盤 $158💭 睇完@plasticthing 就係附近搵下食，見到呢間幾特別，主食同鍋都好多選擇，叫左個海鮮拼盤既份量比想像中多，入面有6粒沙白、6舊魷魚同魷魚鬚、3塊魚同3隻蝦🦐咁多種類岩晒鐘意食海鮮既朋友～.#安格斯牛小排 $168💭 打邊爐又點可以唔叫牛，所以另一款叫左個安格斯牛，預早溶好晒雪唔會硬冰冰咁分唔開要加分，雖然得5片，但其實每片都可以當兩片食，食落重牛味而且肉質彈牙，好味🐮. 🥢#夜市養生排骨鍋 +$18💭 揀完主食就要揀個鍋底，排骨鍋飲落有啲肉骨茶既藥材味道，果然係養生，跟湯入面仲有兩條大排骨，入味得尼又好淋，唔想食太重口味既話，呢個都係唔錯既選擇👍🏼. 🥢 #爆炒櫻花蝦鮮鍋 +$12💭 呢個係非常符合舖頭名「爆爆鍋」既主題😂因為會有店員姐姐係正面前爆炒左啲櫻花蝦先，一路炒一路聞到勁香蝦乾味，然後先撞啲湯落去滾，儀式感爆棚😚. 🥢 #蛤蚧菜盤 🥢 #自助蔬菜區 💭 無論叫咩主食或者叫咩鍋都會跟個菜盤，入面有蜆、蟹柳、丸、芋頭、生菜、豆

位於銅鑼灣嘅🌟爆爆鍋🌟，係一家🇹🇼台式石頭火鍋♨️！晚市火鍋由$88起，已包🥩肉品、♨️湯底、🥬蛤蜊菜盤、🍚主食、🍦甜品，仲可以去自助區任夾蔬菜🌽，真係超抵食🤩！🔥爆炒燒酒烏雞鍋 ＋$18點題嘅鍋底，店員會席前落酒爆炒烏雞，再落上湯！湯底帶溫和嘅藥材味，勁滋補！🥩澳洲M5和牛肩胛肉眼 $188和牛油花漂亮，口感極滑嫩，十分美味！🥬蛤蜊菜盤包含多款種類嘅火鍋配料，唔夠菜仲可以出去任添！🐓懷念鹽酥雞 ＋$22有台灣夜市feel嘅小食，質素good good good！🌶️鴨血小排麻辣配 $188如果有選擇困難症嘅話，爆爆鍋仲有最夯石頭火鍋配搭，配好晒之餘，價錢仲抵咗！♨️麻辣鴨血湯底 - 香辣味溫和，帶適量嘅麻，可自選辣度！🥩安格斯牛小排 - 大大片嘅牛小排肥嫩可口，牛味香郁！🐂滷水牛筋｜滷水金錢肚 - 套餐仲會包埋小食！🍹蘋果醋QQ冰紅茶 ＋$18｜寒天翡翠檸檬 ＋$18台式手搖飲品，可以優惠價加配！🍚主食可選寬粉、新竹米粉、或白米飯！🍦甜品奉送朱古力脆皮雲尼拿雪條，正！

身邊好多朋友都係邊爐控🤭今日朋友帶我嚟呢間地點好就腳嘅《爆爆鍋》打邊爐，地鐵站一出就見到QR code 落單好方便先揀主餐▶️之後揀飯/寬粉/米粉▶️之後就揀鍋底▶️最後可以追加小食/飲品ღ 主餐ღ石紋精選牛肩肉｜安格斯牛小排牛肩肉牛味濃郁，食落有口感牛小排油花分布平均，入口鮮嫩多汁🤤寬粉｜新竹米粉兩款都掛滿湯汁，寬粉煙韌彈牙ღ鍋底ღ-夜市養生排骨鍋湯底帶溫和藥膳味，淡淡嘅藥膳味飲落清甜順喉，完全冇油膩感，內有一條大排骨，排骨肉嫩而多汁-爆炒燒酒烏雞鍋店員先將烏雞喺鍋內炒熱再加上燒酒點火🔥好吸睛🤩香氣十足！湯頭清甜微辣，入喉香醇暖胃⋯⋯⋯每個鍋仲附送蛤蜊菜盤⋯⋯⋯ღ小食ღ懷念鹽酥雞｜夜市炸魷魚兩款同樣炸得酥脆，鹽酥雞雞肉嫩滑juicy炸魷魚香酥焦脆，肉質Q彈ღ飲品ღ寒天翡翠檸檬｜真心橙意翡翠（少冰）兩杯飲品都好正😋酸酸甜甜好解渴最後仲有雪條食𠻹