爆爆鍋

营业中

休息中

由佢開舖幫襯到而家睇住佢一次比一次差真係好失望以前成間舖得兩三枱客我成日介紹朋友黎食一來服務好好、二來食物質素高喜歡少肉多菜唔係食好多既真係一個好好選擇今次食真係最差既一次份牛肉上枱得六塊超薄心裡面都覺得少過以前之後第二份上枱得五塊真係過份左少少我仲拎返以前啲相黎睇以前係有八塊厚的我喺食評都post過唔止一次而家餐廳多人左全場爆滿但食物質素keep唔到服務差左理解的因為做唔切我都唔會再幫襯住喇

喺銅鑼灣廣場一期嘅爆爆鍋 主打台式一人石頭火鍋🍲除咗一個人都可以盡興 約埋朋友嚟一人一鍋都唔錯嘅ꕥ 澳洲M5和牛肩胛肉眼套餐而家有優惠 +$1就可以升級日本和牛肩胛肉眼🙂‍↕️我當然有加啦 肉質好軟嫩 入口有溶化感 滿意! 湯底就揀咗夜市養生排骨鍋 帶有微微藥材味 入面有一大條煮到好軟稔嘅排骨 再加一啲蔬菜 所有套餐都會包咗配料 例如冬菇/蜆/豆腐/丸類等等 仲會有一份主食同飲品所以都幾豐富㗎🥢推薦新竹米粉 索咗湯食好正ꕥ 安格斯牛小排套餐安格斯牛小排都好鮮嫩 牛味亦濃郁🐂呢個湯底比較特別 係爆炒燒酒烏雞鍋 職員會喺席前爆炒烏雞 再加酒點火 打卡一流🔥揀咗配寬粉 口感煙韌 仲追加小食夜市炸魷魚🦑酥脆香口埋單時每人都有一杯Haagen-Dazs雪糕 完滿🍨呢度嘅環境包括自助區都好乾淨企理 值得一讚~

✲ﾟ*。 🪨銅鑼灣抵食台式石頭火鍋🍲呢間餐廳原來係牛大人副線🐮主打台式石頭火鍋 一人一鍋Weekend都有午市定食套餐 $68起 任食90分鐘💁🏻‍♀️可以去自助吧 各款蔬菜任拎🥒仲有便當同鍋仔麵套餐價錢唔貴 幾抵食🫶🏻湯底我揀左夜巿養生排骨鍋&爆炒櫻花蝦鮮鍋比較推介夜巿養生排骨鍋入面有大大條排骨 藥膳味好香😋牛肉我揀左安格斯牛小排 唔錯😆飲品叫左杯冬瓜檸檬愛玉🍋 好消暑❄️原來食完仲有甜品 係Haagen Dazs 雪糕🍦-✨ 午市定食: 美國牛板腱肉定食 ($98)✨ 安格斯牛小排套餐 ($168)+10% service charge-📍 爆爆鍋 @baopot.hk銅鑼灣廣場一期1樓109號舖

之前上網見到呢間台式火鍋店同一般既火鍋店唔同，職員會先炒熱左個鍋先再加水打binno🤔咁特別當然要去試下啦😆同friend兩個人叫左個沙茶鍋同櫻花蝦鍋，炒緊個陣已經聞到好濃沙茶味同櫻花蝦味🤤🤤肉類我地就試左美國特級翼板肉同安格斯牛小排，雖然肉唔係任食但份量都唔少同相對高質，再配埋小食同d蔬菜主食就已經好飽😎小食今次我地試左鹽酥雞同炸魷魚，兩樣炸物都炸得啱啱好 食到停唔到口😋飲品方面大推橙意翡翠同翡翠檸檬，兩款嘢飲都唔會太甜感覺幾fresh，一路打binno一路飲一定係絕配😆最後仲有Haagen Dazs雪糕送，完美咁完結今日既晚餐🤤整體黎講餐廳d位都算幾闊，所以都坐得幾舒服，同friend一路食下嘢一路吹水都幾唔錯😌

店內有卡位同吧枱位，兩者都夠寬敞☺️QR自助點餐～有套餐也可散叫～自助吧蔬菜任食，大推萵筍同淮山🙌🏻🙌🏻 👉🏻 鴨血小排麻辣配套餐 $188·麻辣鴨血火鍋 - 湯底不算油，內裡有洋蔥/菜絲跟非常滑嫩鴨血，完全入味很讚🥰辣度比較溫和，就算點了中辣還是不會很辣·安格斯牛小排 - 雪花紋好靚，口感嫩帶一點咬口，牛味重🥳同湯底好合😋😋·滷水牛筋 - 已經燜煮入味，而且很軟稔，讚👍🏻·滷水金錢肚- 同樣已燜煮，放入麻辣湯中輕輕一煮就可吃🥰👉🏻 日本和牛肩胛肉眼+爆炒櫻花蝦鮮鍋 $168+$20· 爆炒櫻花蝦鮮鍋 - 席前爆炒，蝦味超濃，每口湯都有蝦的鮮甜，尤其煮完的蔬菜都會吸滿蝦味，個人好愛這湯底😍😍 · 日本和牛肩胛肉眼 $1 - 加$1可以從澳洲和牛轉日本和牛👍🏻👍🏻 和牛真的沒法挑剔，入口即溶又有牛香，超好味😋👉🏻 美國牛板腱肉 $28 - 雖沒有雪花但還是軟嫩，不乾不鞋，推薦想要健康一點朋友👉🏻手工墨魚漿 $28 - 內裡有明顯的墨魚肉，好味😋👉🏻自助吧 - 海帶/淮山/萵荀/蓮藕/粟米/金針菇/生菜/娃娃菜/ 茼萵 /冬瓜  🎈總歸一句： 食物/環境/店員都很好👍🏻價錢合理，一人一鍋子方

今日去咗銅鑼灣一間可以一個人打邊爐， 入到去坐低qr code落單， 揀咗 台灣爆炒石頭鍋 配 穀飼豬梅花肉再附加走地雞腿肉， 佢有人會過嚟幫你爆炒啲配料先(有誠意)， 佢有洋蔥， 蒜蓉， 鰹魚汁， 蔥花， 炒到香味散發， 跟住再加湯同鰹魚汁去打邊爐， 因為打邊爐本身都屬於熱氣， 所以佢蔬菜 類係放題畀你食， 你自己任夾， 款式都多， 例如 有生菜，娃娃菜 金針菇，蓮藕， 蘿蔔，粟米………… 隔離仲有醬汁可以自行調配， 個人口味 如果覺得個湯比較淡可以加啲沙茶醬， 變咗沙嗲湯底個湯滾起，先食咗一轉蔬菜， 再淥啲雞肉 同豬肉， 之後飲去啖湯， 再淥去之前預先準備好嘅配料， 有蟹柳, 芋頭貢丸, 芋頭, 豆腐, 蕃茄， 響鈴， 佢仲有個粉麵送埋(米粉/ 寬粉/白飯), 食曬之後， 再夾多轉蔬菜， 真係堅抽飽。 唔好以為就咁完佢仲有häagen-dazs雪糕送畀你， 真係好抵， 全部咁多嘢食加埋都係135蚊， 所以我會畀五星星佢， 大家一定要去試下

餐廳名叫爆爆鍋，已經覺得間餐廳幾得意，入到去都有好多呀石公仔🗿，幾搞笑！簡單啲講，佢就係火鍋🤣 但係有一啲嘅鍋底（鍋底寫住爆炒嗰啲就係），店員會喺你面前炒香，然後先加湯變火鍋，個經驗幾特別👍🏻 首先點餐有四個步驟：第一個步驟：選主餐第二個步驟：選白米飯/寬粉/新竹米粉（選一）及附送蛤蜊菜盤 （即係少少餸）第三個步驟：選鍋底第四個步驟：可以追加一款小食同埋一款飲品 （要加錢的）散點火鍋配料就任加嘅，有錢就可以點🤓😂成個過程用QR code落單，都幾簡單清晰，而自助吧枱都有一啲蔬菜俾客人任攞同埋醬料都好多款，啱晒混醬嘅人🙊主餐：綜合海鮮拼盤（$158）+寬粉+爆炒燒酒烏雞鍋（+$18）海鮮有四五款，算幾多選擇。味道同鮮味亦都正常發揮。爆炒燒就烏雞鍋就有啲特別，一嚟佢喺你面前炒，加酒嘅時候勁大火，好特別😂烏雞炒到好香，肉嫩份量多，同埋出邊少見到烏雞鍋，唔錯👍🏻寬粉有啲似紅薯粉，有飽肚感。安格斯牛小排（$168）+新竹米粉+夜市養生排骨鍋(+$18)牛小排肉質幾靚，份量對我嚟講足夠（我個人鍾意食菜多過肉），大大片，有肉香味🥰養生排骨鍋有淡淡嘅藥材味道，感覺幾健康（不過後期加湯之後都冇咩特別㗎啦

爆爆鍋價錢💲: $170/ $186/ +$22/ +$36/ +$28好味程度😋: 3.7/5服務🍴: 3.7/5環境🗾: 3.7/5性價比🥢: 4/5回頭率😚: 3.4/5-牛大人就聽得多食得多。佢哋旗下都有開一人一鍋。gimmick係爆香啲嘢，再加落湯落去，另到成個湯底香啲😋 揀肉/海鮮、主食、湯底、加配小食飲品。出面有蔬菜吧同醬料吧。餐廳中間位置有d個人位，就算一個人來都唔會尷尬！-✅✅爆炒櫻花蝦海鮮鍋+綜合海鮮拼盤+寬粉。櫻花蝦鍋爆香的時候，櫻花蝦陣味係超級香‼️記得唔好擺塊面咁近，一定會彈到d油上來😂但呢陣味係取代唔到，好正，加埋小小魷魚乾，個湯底鹹鹹鮮鮮，會濃過烏雞個款。海鮮拼盤入面有鯛魚，幾厚肉。新鮮小卷，軟軟腍腍，唔韌。蝦新鮮，肉質實淨。仲有啲蛤蜊都肥美的。呢個拼盤都唔錯🤤-✅爆炒燒酒烏雞鍋+安格斯牛小排+新竹米粉。用烏雞熬的湯唔會肥膩，啖湯都清啲🤫飲落幾重薑味，好似薑酒咁。牛小排肉質好靚☺️都有成十幾片，油花均勻，肉質好嫩，呢個肉叫得過😉新竹米粉一向都係我最鍾意的米粉類型，幼細的米粉更吸湯！-✅懷念鹽酥雞。粉漿都薄既，雞肉有甜甜的台灣口味。但可以更脆。不過$22有成8粒

今日出動銅鑼灣搵食，見到台灣地道爆炒石頭火鍋好似幾得意，就試下。「爆爆鍋」由台灣總廚主理，引入台灣在地石頭火鍋。店員會先把配料放到熱好的石鍋中爆炒，聽落非常吸引！每個set都會包一個主食：米粉/寬粉/飯🍚；蛤蜊菜盤：蛤蜊、響鈴、蟹柳、芋頭、丸、冬菇、豆腐等等，食材都好豐富！另外，仲有自助吧可以任拎各款蔬菜，就算打邊爐都可以食得好健康！🍲石紋精選牛肩肉套餐 $206 - 牛肩肉肉味濃郁，肉質雖厚實，但食落軟嫩，油脂均勻紅燒牛骨鍋 $12 - 以慢燉烹調牛骨，令整個鍋充滿牛骨細緻濃郁的香氣，並且營養滿滿夜市炸魷魚 $28 - 真係好有係台灣夜市食到炸物既味道，炸到酥脆可口！真心橙意翡翠 $18 - 以新鮮既翡翠柳橙榨汁而成，融合清香淡雅的茶底，非常清新解膩🍲安格斯牛小排套餐$216 - 牛小排油脂較多油香較重，肉質非常柔軟，鮮嫩味美！台灣麻辣鴨血火鍋 $20 - 台灣師傅自家煸炒過的香料再加入各種辣椒烹調而成，同時加入鮮甜既蔬菜湯頭，令鍋底辣中帶甜，惹味非常！鹽香四季豆 $18 - 四季豆好爽口，整得好入味，如果主食簡飯既話真係好好送飯！爾必思 $10店員會適時留意到我地需要，不時為我

📍 爆爆鍋大家對牛大人應該唔會陌生，近排得知佢地推出左副線品牌，就係呢間由台灣總廚主理嘅台式爆爆鍋，聽到個名已經覺得好有氣勢😎 主打一人一鍋，價錢親民，絕對適合一個人黎食架！✨Menu 簡單易明😏Step 1️⃣: 揀主餐 （有10個選擇）Step 2️⃣: 揀白米飯/寬粉/新竹米粉（選一） & 附送蛤蜊菜盤Step 3️⃣: 揀鍋底Step 4️⃣: 追加小食/飲品🐮澳洲M5和牛肩胛肉眼套餐 $188直接揀咗最貴嘅set 🥳係隻牛肌肉比較發達既位置，口感上較堅韌，但勝在牛味濃郁，油脂豐富！成碟總共有8大塊，煮完冇縮水～配埋個紅燒牛骨鍋（+$12），湯底比較濃味，用成大嚿牛骨去熬製，所以牛肉都唔太需要沾調味料已經好夠味！🐮美國特級翼板肉套餐 $148係黎自牛既腹部，翼板肉質地相對較緊實，有一定既嚼勁，相對上冇乜脂肪～配左個爆炒櫻花蝦鮮鍋（+$12），職員會即場爆炒櫻花蝦、薑蔥、蝦乾等等配料，突顯鮮味；最後先倒入湯底，海鮮味重🤤🥗蛤蜊菜盤 & 麵食每個套餐都會配嘅菜盤，可以一次過試曬大蜆、響鈴、芋頭、蟹柳、蕃茄同豆腐，雖然每樣得一件，但絕對好夠飽～而麵既話揀左寬粉，超級掛汁！✨自助吧主要都係蔬菜為主，望

爆爆鍋價錢💲: $170/ $186/ +$22/ +$36/ +$28好味程度😋: 3.7/5服務🍴: 3.7/5環境🗾: 3.7/5性價比🥢: 4/5回頭率😚: 3.4/5-牛大人就聽得多食得多。佢哋旗下都有開一人一鍋。gimmick係爆香啲嘢，再加落湯落去，另到成個湯底香啲😋 揀肉/海鮮、主食、湯底、加配小食飲品。出面有蔬菜吧同醬料吧。餐廳中間位置有d個人位，就算一個人來都唔會尷尬！-✅✅爆炒櫻花蝦海鮮鍋+綜合海鮮拼盤+寬粉。櫻花蝦鍋爆香的時候，櫻花蝦陣味係超級香‼️記得唔好擺塊面咁近，一定會彈到d油上來😂但呢陣味係取代唔到，好正，加埋小小魷魚乾，個湯底鹹鹹鮮鮮，會濃過烏雞個款。海鮮拼盤入面有鯛魚，幾厚肉。新鮮小卷，軟軟腍腍，唔韌。蝦新鮮，肉質實淨。仲有啲蛤蜊都肥美的。呢個拼盤都唔錯🤤-✅爆炒燒酒烏雞鍋+安格斯牛小排+新竹米粉。用烏雞熬的湯唔會肥膩，啖湯都清啲🤫飲落幾重薑味，好似薑酒咁。牛小排肉質好靚☺️都有成十幾片，油花均勻，肉質好嫩，呢個肉叫得過😉新竹米粉一向都係我最鍾意的米粉類型，幼細的米粉更吸湯！-✅懷念鹽酥雞。粉漿都薄既，雞肉有甜甜的台灣口味。但可以更脆。不過$22有成8粒

呢幾日落雨涼涼地，好岩打邊爐☺️而且好耐無打過，於是捉左友人一齊去滾😆爆爆鍋🔥係牛大人副線，由台灣總廚主理，主打地道石頭火燒一人鍋，進食體驗幾特別創新。共有八款鍋底，套餐有肉/海鮮+湯鍋+菜盤+珍珠飯/寬粉/新竹米粉，另可追加小食及飲品，仲有蔬菜醬料自助區（任食），價錢由$78-$178，豐儉由人，同時照顧到全素既朋友😊的確幾user friendly⭐️石紋精選牛肩肉套餐 $178石紋精選牛肩肉｜爆炒櫻花蝦鮮鍋｜寬粉｜蘋果醋QQ冰紅茶（微甜、少冰）職員會先幫客人爆香櫻花蝦🦐薑片、香蔥等配料，再落昆布湯，真係夠晒鑊氣🤤牛肩肉比較少脂肪，口感有嚼勁；寬粉幼滑煙韌，同時吸晒蝦湯鮮味😋蘋果醋酸酸甜，幫助消化，仲有粒粒蒟蒻，口感良好🥗隨餐仲附送咗拼盤，內有芋頭丸、響鈴、豆腐、蟹柳、蜆、芋頭、番茄、花枝丸、冬菇⭐️安格斯牛小排套餐 $234安格斯牛小排｜剝皮辣椒烏雞鍋（白雞件）｜新竹米粉｜寒天翡翠檸檬（半甜）🥩牛小排較多雪花，油脂相對豐富，口感柔軟；雞肉幾嫩滑，湯底微辣清甜，配新竹米粉唔錯😋寒天翡翠檸檬酸甜解膩，一樣咁有口感🦑夜市炸魷魚 +$28即叫即炸熱辣辣，魷魚粉漿較薄，入口酥香，火候控制恰到好處

最近喺銅鑼灣行完街之後就決定試吓新開嘅爆爆鍋，湯底方面都幾多豐富嘅選擇，紅燒牛骨鍋入面有舊好大嘅牛骨，牛味出晒嚟，爆炒沙茶石頭火鍋湯底就有職員炒香，非常惹味前菜揀咗辣味涼拌牛肚同鹽酥雞，牛肚幾夠辣，鹽酥雞都炸得幾好入面係嫩嘅套餐嘅包埋丸拼盤，貢丸都相當唔錯，另外仲試咗蛋餃，蛋皮夠薄，餡料都幾香澳洲M5和牛肩胛肉眼：呢款嘅脂肪比較多啲，油脂香重啲，我相當鍾意呢一款牛肉石紋精選牛肩肉：呢款嘅牛肉味就濃一啲，肉質就比較鞋特飲特別試左寒天翡翠檸檬，寒天嘅咬口特別好，但係就比較甜，推薦揀少甜

約朋友打邊爐想搞啲新意思，知道牛大人有一條副線【爆爆鍋】以爆炒石頭火鍋為主題，質素絕對有保證，而且性價比都幾高，人均百幾蚊就可以打邊爐，同自助任食蔬菜🥬，最後仲有雪條添😆綜合海鮮拼盤 $158 海鮮拼盤超足料🤤有越南海虎蝦、沙白、鯛魚片同魷魚🦑每款都好新鮮，尤其蝦肉爽彈，厚切魚片鮮甜，有驚喜爆炒櫻花蝦鮮鍋 +$12 爆炒類鍋底店員會即席爆炒材料，櫻花蝦、蝦乾同蔥炒香再加入湯底，幾鮮甜美國特級翼板肉 $148翼板肉油花豐富，肉味香濃，而且入口非常軟嫩爆炒燒酒烏雞鍋 +$18即席落左燒酒，熊熊烈火馬上爆出，好有鑊氣🔥烏雞件同薑片亦有先爆香，好惹味每個套餐更包括飯/寬粉/新竹米粉同一份蛤蜊菜盤，有蛤蜊、響鈴、蝦丸、肉丸、芋頭、豆腐、蕃茄同生菜，雖則話一人份量，都好豐富夜市炸魷魚 $28 懷念鹽酥雞 $22台式火鍋點少得台式小食，炸物香口酥脆，魷魚彈牙，另外雞肉嫩滑多汁，鹽酥好香蘋果醋QQ冰紅茶 $18 寒天翡翠檸檬 $18蘋果醋加入紅茶令味道酸酸甜甜，飲品中有蘆薈粒粒，好有口感，另外翡翠檸檬更加開胃，兩款飲品透心涼，啱晒打邊爐飲

呢間係銅鑼灣嘅爆爆鍋原來係牛大人旗下🍲主打一人一鍋嘅小火鍋，鍋底同埋肉類嘅選擇都幾多，而蔬菜仲可以任拎，實現蔬菜自由🥬石紋精選牛肩肉套餐 $148爆炒燒酒烏雞鍋 +$18呢個鍋好打卡able🤩店員會先炒一炒啲烏雞件再點火，一路炒已經聞到個鍋底好香🔥套餐有跟一份肉類、一份主食同埋火鍋配料拼盤，就咁睇相已經見到啲牛肉嘅花紋好靚😍入口都幾有牛味，而火鍋配料就有響鈴、豆腐、大蜆、炸花枝等，就咁食啲配料已經好夠飽😝另外仲可以揀寬粉、新竹米粉等作為主食，套餐最尾仲會有一支雪條送添🍦安格斯牛小排套餐 $168夜巿養生排骨鍋 +$18呢個鍋底入面有兩件一字排骨，飲得出藥材嘅味道😌而牛小排嘅肉味就更加香濃，而且份量都幾多🐮冬瓜檸檬愛玉 套餐 +$18我哋兩個都叫咗冬瓜檸檬愛玉跟餐，酸酸甜甜咁可以解膩😙招牌麻油炸蛋 $15呢個都幾特別，係一隻炸咗嘅流心蛋咁😆建議食法係要浸一浸湯，吸晒啲湯嘅精華，一咬落去入邊嘅蛋黃仲有爆漿效果😛雞子 $24雞子有大有細，以呢個價錢嚟講份量都幾多，而且都幾新鮮冇腥味🤓手工松露海鮮丸（3粒） $32呢款松露海鮮丸未煮已經聞到好香嘅松露味🍄而質感就有啲似花枝丸咁，食落口同樣都感受