爽爽麵店 (已搬遷) 新店位置

難得入元朗，當然要試下朋友推介的醉雞和豬扒。下午三點幾，都幾多人，但係又未至於要等位。和朋友來，分別要了一客醉雞撈麵和豬扒撈麵，自己做雙拼。阿姐切了雞胸及雞翼部份給我們，雞胸都幾嚡，又吾係太入味喎，雞翼就效果不錯。精粹所在的醉雞汁就調校得很對味，香香的酒味，又吾太鹹。如果雞的質數再好啲，同醉雞汁相輔相成番就更理想了。豬扒就真係一絕，外皮炸得金黃香脆，醃得入味，肉質好鬆軟，咬落亦吾覺係經過梳打粉的處埋。好食。不覺原來很耐都没有叫過撈麵食了，這裏的生麵都爽口彈牙，下蠔油拌勻，簡單的美味。跟隨撈麵的一碗是雞湯來的，試了幾啖，好有雞味，不過始於有介心驚落了味精，冇飲晒成碗。會懷念這裡的豬扒的。

放假天, 午餐時份一個人不知去那裏吃, 想起都有一陣子沒有到過爽爽, 趁平日不會有太多人等候的好機會, 決定再去. 原本打算食醉雞跟豬扒雙併, 但要39元, 都幾貴, 所以今次只點了豬扒湯河(23元而已). 有過之前的經驗, 這回要求豬扒要另上, 此外還叫了馳名的菊花茶一杯.豬扒仍然好味, 食落好爽口, 有質感, 新鮮豬肉跟雪藏貨真的不能相題並論, 因為一般的雪藏豬肉絕對唔爽口, 肉質死實實. 而且豬扒另上, 不會把豬扒的香味浸淡, 保持到香味. 所以大家如果是食豬扒的話, 記得叫他們另上啊! 河粉就一般, 不夠爽滑, 加上湯底偏鹹, 有味精湯底的感覺. 不過來這裏最主要是食醉雞和豬扒, 那個粉底都變成了配角.自家製的菊花茶幾好飲, 很有菊花的香味, 絕對用料頗足, 又不會像現成的菊花茶飲品般甜到漏, 夏天消暑清熱唔錯.還有, 這兒吃醉雞原來可以隨意要求食那一部份, 我聽到有人要求雞上脾, 他們一樣照給, 唔錯! 最重要是不用特別加錢, 所以大家下次可以按自己的喜好下單時要求食那一個部位, 我想他們在可行的情況下應該都會給你的.

有事入元朗，路過，見到好多好多人排隊，開頭唔知咩事，行到龍頭，先知係一間麵店，果時真係幾驚，因為我本身唔知間野係出名，平時點會見到有麵店咁多人排隊......做完要做的事，同朋友搵野食，講開剛剛我話見到好多人排隊，朋友先話我知，原來間店好出名，咪去試下。已經五點，無人排了，唔使等。本想叫豬扒河，但河賣完，改左撈麵。麵，超勁梘水味，個人絕對唔喜歡。豬扒是鬆軟的，但味道唔覺得好食。朋友就叫左醉雞，食左少少，味道可以，但唔覺得特別真係好好食......得罪講句，我一直認為，市區實在太多好野食，有時有D比較偏遠的地方話有D野好好食，去試完之後，其實覺得如果間野在MK，就只係好普通的貨色......唔知道仲有菊花茶出名，所以無試。兩碟野要六十元左右，其實係幾貴.......

今日一個人去爽爽麪店，食左豬扒併醉雞米粉，埋單$ 39，都幾貴，不過好好食！醉雞:另上碟，主要係雞脾肉，肉質好滑，但唔會太肥，酒味都頗濃。正！豬扒:食落好爽口，有質感，相信係新鮮豬肉，因為一般的雪藏豬肉絕對唔爽口，d肉死實實。不過，建議豬扒應分開上，因浸係湯度，無咁香。環境:相當擠逼，食完好即刻走！

住了元朗咁多年都未食過這店!平時經過係唔起眼的亦唔會有衝動走入去食野......因近排本人常上openrice搵食,先知到這店原來咁出名的,所以同老公去試下...........Order:醉雞脾米 --- 香酒味,雞夠滑豬扒米 --- 味道無乜特別,但件豬扒的質地好怪(唔識講,覺得口感差d)菊花茶一支 --- 係最好味的我念我唔會為左支菊花茶再去食羅

跟食友到大西北掃街,相信是少點食力都不成,四五餐是走不了,今次首站是由爽爽作起點.大既是過了中午時段,雖然要等位,但人數不多,十多分鐘有位聽說是快了.起初正店沒位子,大家給安排到舖後的小房間,原來是另有天地,不過當有店員見大家在拍照後,又急急腳把大家轉回正店,可能小房間是有點問題吧,但亦不用理會.一場到來,自不免要主打的醉雞,豬扒及菊花茶.菊花茶 : 奇怪地是先講菊花茶,因為當日實在太熱,先來一樽起不了作用,結果是再三追加,菊花茶用膠樽上,相信是自家出品,雪得夠冰凍,入口菊花味香醇,而且不太甜,既健康又清潤.豬扒 : 由於都有五六位食友,一於切件上,豬扒用醬油醃過,然後煎得微焦,入口鬆化,但完全感覺不到化學成份的口味,肉味香濃,食得出是新鮮貨色,去得快不用留過夜,自然每日都有新鮮豬扒出爐,其實有時簡簡單單已經好好,有時部份食肆巧立名目,說道醃了幾多日,又話用什麼什麼果木薰,結果是死實實無肉味(詳見深圳食評)醉雞 : 要了一隻分兩碟上,酒味其實不太濃烈,比較輕柔,雞是雪貨,供應問題,但凡小店,總不會用新鮮罷.雞肉經過冰鎮,令雞皮收縮變得滑溜,店方同時故意將雞浸得只有八九成熟,略帶血絲,目

爽爽麵店 位於元朗鳳攸北街 5號地下，這麼一間不怎起眼的食店，每一到午市便爆到七彩，全店滿座！這當然有他獨特之處，就是他們的招牌醉雞！ 不要小看這麼一小碟雞，一口咬下發現以這個價錢來說實屬不差，醉雞酒味濃而不苦，鹹淡適中，雞肉好明顯是冰鮮雞，但肉質不比鮮雞差！雖沒鮮雞的那種彈牙，但也不至於〝梅得得〞，除了醉雞，還可配搭湯米粉或河粉。米粉上湯非常有味，絕不是鹽水湯，但一般廣東米粉未能更添色彩，如果是配合台灣的新竹米粉，相信一定更加美味！醉雞米粉 $29菊花茶 $7一杯菊花茶 $15 一枝

聽Yan說過這裡的醉雞和豬扒很好吃，心郁郁想來食番餐，但總是找不到機會和時間。直至某日，要入元朗睇一個鋪面，就早一點出發，吃完再辦正經事。一心來吃這兩樣東西，餐牌也不用望太久，就要個醉雞豬扒撈麵，加杯熱奶茶。醉雞和豬扒撈是分開上，先是醉雞，用隻小小的不锈綱盛著，帶點酒香，酒味卻不算很濃，雞肉嫩滑，雞骨鮮紅帶些血水，有人或會怕生，但正合我心水。墊底還有兩粒雞腎，夠爽口，不錯。豬扒撈麵，主角的豬扒肉質鬆化，煎得香口，醃得入味，肉味濃香，新鮮豬扒果然出色；墊底的撈麵，質感爽口，混埋蠔油，收貨了；搭幾條西生菜，青綠爽脆，很難得的我用全部吃掉。熱奶茶，不算很滑，但茶味幾重，喝起來都舒服。埋單$52，並不便宜，但食物做得出色，自然客似雲來。

這兩天終於都見到太陽, 趁這風和日麗的日子, 試一試最愛的醉雞!!從遠遠已見店外擠滿人群, 入到店內坐下一看餐牌, 發現加左價, 樓上的朋友曾說醉雞豬扒米$35, 而家承惠$39, 菊花茶$7! 其實由幾時開始加價呢? 我不知道因我都是第一次食.叫了醉雞豬扒米, 因我坐近廚房所以見到佢係用一個細的不銹鋼的煲盛載豬扒, 一有order 阿姐即從煲中剪豬扒, 好有住家的感覺!! 等等等..........終於有得吃啦..........豬扒---------很入味, 好似媽媽煮的豬扒米粉---------煮得唔夠"林"醉雞---------很有酒香味, 雞胸肉也不鞋口, 咬落有啖啖的醉味............good!!雞腎---------都是很有酒味, 仲好爽口...........good...唉.........原來可以叫雞脾唔使加錢..........下次我一定要雞脾同另加一碗雞汁倒入米粉中同吃!!

之前住在附近成日食，堂食外買，keep住食！搬走后，今次來吃已半年后.....好多人排隊...好多工作人員...有点迫及亂的感覺！例牌要一碗醉雞米多葱，再加件朱扒可惜葱不願比我太多，雞已經無了酒味.....至于朱扒味道有点過濃!!!今個午歺有點失望！以前店子經營很簡單只有二三位大嬸处理，食物一流！後期有兩個男服务員入侵，服务及食物開始下降，我想是人多了分歧也多了，口味也多了！真可惜！希望雞有返酒味啦

前日訓醒, 諗唔到食咩好, 男友仔忽然提意去食『爽爽』又好喎!! 真係好耐無去過啦, 反正要去超市入貨 + 去街市買餸, 一於又去爽返下~ 真好彩, 黎到o岩o岩有 2 個位, 一坐低就開始見到出面等位啦...肚仔餓餓, 落單先: 豬扒麵 $26 醉雞米 $28 菊花茶 $7先上枱既係少少一碟醉雞, 香香既酒醉味 + 黃油視覺 = 吸引耶~雞皮同雞肉都好滑, 好入味, 滑之餘又唔太淋, 讚!! 跟住上枱既, 係分開上既河粉(油菜一條) 同埋男友仔既豬扒麵... 豬扒依然香口有質感, 肉厚而不韌, 讚!! 河粉好滑唔易斷, 湯底清淡, 讚!! 菊花茶飲得出係自家制, 香香既菊花味, 感覺清新~ 繼續支持!!! 推推...Yeah~

講左咁耐...終於都試了...帶媽媽去吃...人多都要搭檯...不好意思大拍特拍...又趕住吃...(最大原因都是吃)到爽爽一定要吃的是醉雞,豬扒 & 菊花茶...難得來到...不太愛吃豬扒的我都要了雙併...醉雞豬扒湯米 $35媽要了醉雞湯米 $25雖然貴$10, 但份量十足!!先說醉雞...酒味不太重, 可能因為要顧及有駕駛人士(胡說的XD)不過雞肉很滑...好好味!底下還有雞腎...精華所在~另外, 一定要把醉雞的汁一併倒於湯粉中...超正的說!豬扒, 好吃...不是乾爭爭的...醃得相當入味...好Juicy : )另加2杯大大杯菊花茶 , $7/杯不太甜...有菊花味...好好飲~總消費 $74一定會帶男友去試試!!

星期天，特地帶兩位朋友前往光顧。到達時發現等候的食友有十餘位，有點猶疑，但最後仍決定等下去。小妹吃水餃醉雞麵，朋友分別吃豬排麵和醉雞麵。 落單後才想起醉雞可選雞骴而不需加費，心中暗罵自己傻瓜...................醉雞固然好吃，而且不會因有苦澀味，墊底的雞什更精彩。此店的豬排與大埔聞名的豬排不同，非油炸，更健康，而且醃得相當入味，但仍吃到肉香。另外，自家製的菊花茶，菊味濃郁，甜度剛剛好，有益健康，叫人追著喝！然而，水餃的質素簡直差得不能接受！ 根本吃不到有筍絲，木耳絲印象中是有的，但肉竟是"梅"的，口感差得令人吃驚，連一般的粉麵店的水平也及不上！既然小店以豬排及醉雞作主打，其他沒有把握或水準的製作是否應該考慮從餐牌中刪除，以守住食客的良好印象和小店的美譽。因為可惡的水餃，小妹只好能給個"OK"吧！

到元朗去,地膽帶我去吃出名的醉雞,名字聽了很久,但一直都未有機會試呢!到了門口,見到有很多人等外賣,門面真的如一家普通的粉麵檔!5個人分開2張桌坐,我叫了醉雞米,他們就叫雙併。醉雞和米粉分上,雞肉很嫩,和清淡的米粉,還真的是很配合!還試了一塊豬排,則覺得普通。而且也有點太貴了...。下次再來,我還是會再選醉雞吧!

住左元朗廿年,但都唔知呢間野原來咁出名,之前聽到王苑之講好好食,所以一直都想試下,但佢開工時間同我返工時間撞到正一正,搞到今日先可以試到。今日天落幾大雨,去到門口老細已經開門問食咩,因為我係外賣,只可以o係門口等,我叫左一個醉雞豬米,等左五分幾鐘終於到我,於是急步返到屋企開餐。先講講包裝,醉雞連酒放入一個細盒,一開蓋已經有好香酒味,另陫豬扖同米粉就放埋一齊,睇苫就無咩分別。首先我係俾我老巴先試下,因為佢做左粵菜廚師都三十幾年,評價點都中肯d,佢食左夠醉雞,講左一句「都唔錯」,咁一定唔差得好邊。醉雞今次係雞脾肉,食落口酒好香,酒味就少少甜,雞亦都好滑,再試下d豬扖,唔知係咪浸左好耐.食落去感覺唔係話好乾身,可能係我個人唔係太好豬扖,個米粉就同出面普通查餐廳無咩分別。總體黎講,最可取都係得個醉雞,另外既就可有可冇,三十蚊食到咁既質素都幾抵,值得再去。