牛品台式火鍋

营业中

休息中

放工去尖沙咀行街，見到有120分鐘任食台式火鍋，餐廳有4種不同價錢的套餐選擇，價錢仲要吾貴🤩宜家食晚市牛御品以上套餐會送台式飲品春陽茶事，仲有2隻鮑魚仔送！🫨🫨平時買杯台式飲品都要30蚊啦，呢度可以一路打住邊爐一邊飲😂👍我地選左牛御品套餐，呢個餐已經有M9澳洲和牛，美國特上牛小排，海鮮等等。澳洲和牛一碟有2塊，肥瘦均勻，比起美國雪花牛瘦d,肉味濃☺️海鮮有海蝦，大蜆，蜆無沙肉質鮮甜！encore左幾次都無漏單🤩蔬菜區有平時少見既水蓮菜😆甜品方面，除左有 haagen dazs雪糕任食，仲可以DIY飄雪綿綿冰！😍😍真係未試過有得食又有得玩，仲有自助芋圓吧，自由加toppings 同雪糕，大滿足！

呢一間係位於尖沙咀熱鬧地段既台式火鍋餐廳,食材大部份由台灣新鮮直送，係香港都可以食到既正宗台式火鍋。今次我地食120分鐘任食牛御品套餐,套餐基本上包括了各款的肉類,也包括一些比較高級的肉類,例如澳洲m9和牛,美國頂級封門柳,海鮮(新西蘭青口、海蝦、蜆)等等。湯底方面,我地揀左青花椒湯底。湯底麻香十足,刺激着味蕾十分開胃。套餐包括的m9和牛,油脂分佈平均,入口即化。而美國頂級封門柳也是十分出色,肉質柔軟彈牙,飽含天然牛肉鮮甜味,搭配青花椒湯底,又添一份獨特的辛香。除了牛肉,餐廳還提供新鮮的海鮮,有肥美多汁的新西蘭青口、彈牙鮮甜的大蜆,在火鍋中煮熟後,盡情吸納湯底的香氣,口感鮮美可口。另外餐廳還有包括很多火鍋配料,各種丸類應有盡有,也有不同的台式小食,例如鹽酥雞香腸。絕對可以滿足到不同食客的需要,如果想過下台式火鍋癮,歡迎大家過來品嚐一下。

最近就試咗一間台式火鍋，地點喺尖沙咀非常之方便。佢需要上一樓嘅，但係估唔到地方好大，好光猛而且好多張卡位坐，一班人聚餐比較舒服🥳佢非常之多嘅湯底選擇，咁今日就比較想食清淡少少，就揀咗個元氣養生鍋🤣，試咗一啖湯底，感覺上好滋潤入邊仲有啲細嘅人蔘仔同埋雞件非常之足料揀咗個牛御品套餐$359位，而家仲可以送春陽茶事台式飲品同送左兩隻鮑魚😍😍套餐入邊可以揀M9和牛、牛小排、一口和牛、封門柳🥩等等，任叫任食。牛肉都比較高質，有牛肉嘅香味亦都唔會韌除咗肉類，仲有啲唔同嘅小食，包括鹽酥雞，香腸🍢🍡等等。咁我就叫咗個魚皮同埋墨魚仔。細細份啱啱好可以試一試，兩個嘅味道都有少少辣，香料十足除此之外，佢出邊仲有唔同嘅自助食物區，更加有台灣直送嘅丸類。甚至仲有啲熱食區、生果區、飲品區非常之多選擇，簡直眼花撩亂😍最後梗係唔少得甜品，好難得見到有一個自助飄雪綿綿冰嘅機😍即刻試一試先，整完綿綿冰，仲可以加Häagen-Dazs雪糕同埋唔同嘅台式配料，超級超級多選擇，有寒天、西米、愛玉、芋圓，鍾意食邊款就落邊款，好滿足😘牛品台式火鍋 (尖沙咀)尖沙咀樂道32-34號1樓

　第一次體驗台式火鍋 ，非常豐富和驚喜的一頓🤪火鍋一共有11款湯鍋，我哋揀左夏日限定—— 蟲草花白玉藏珍鍋，即冬瓜盅。夏日炎炎，瓜果當造，可說是消暑佳品。而且砌得美美的，影相一流。仲要送每人一隻鮑魚，好鮮美😗食材擺設都會弄得很有心思，每一份的份量都恰到好處！最值得食當然係主角——牛。牛都有很多種類，食過澳洲M9肩胛肉、頂級肩胛肉、美國封柳門、牛小排等，但令人一食難都係M9，份口即溶，冇辦法不一點再點😊自助區會有各種台式小吃、炸物、熱食、冷泡菜、飲品、水果、甜品。當中我最喜愛台式甜品，D台式配料好多款，有最中意的芋圓自由加topping，每一樣都好正宗好味！平時街食都吾平，今次仲要可以任選自己喜好！非常正😋加埋Häage n-Dazs嘅雪糕😍晚市牛御品套餐送春陽茶事，真係一間可以錯過既台式自助火鍋餐廳🥳

朋友冇介紹錯既高質打邊邊🤤❤️蟲草花白玉藏珍鍋 有成個冬瓜盅，仲有大蝦同蟲草花做裝飾，賣相吸引而且湯底好清甜🧡牛肉 澳洲M9肩胛肉～肉質鮮嫩，雪花均勻，入口非常軟嫩! 頂級美國肩胛肉同美國牛小排，都帶有豐富濃郁嘅牛肉香味～ 而美國封門柳，就更重肉香味，係食肉咽有既天堂呀!!💛小食 外皮酥脆既鹽酥雞，香辣嫩滑又香豆味既皮蛋豆腐，有牛根牛肉既牛三寶，非常入味～仲有炸到金黃酥脆既花枝丸，同埋細細粒好彈牙既炸黃金魚蛋～款式又多又好味!!💚火鍋配料 自助區有超多款台灣直送配料，花枝~ 香菇貢丸~香芋包心上貢等等好款丸類，仲有好多新款蔬菜同大甲芋頭等等💙甜品 除左好多款自助配料，芋圓非常煙煙韌韌，可以自己整紫米芋圓露!! 仲可以整綿綿冰，同有哈根大師任食，超jengrrr

火鍋湯底選擇也很豐富有經典的麻辣鍋、清湯鍋、養生鍋等等而我今次就揀左青花椒和牛鍋湯頭濃郁醇厚 與食材完美融合少少麻 好閃人胃口大增🔸店內提供的肉品選擇令人眼花繚亂澳洲M9和牛以及美國頂級肩胛肉的油花分佈均勻入口即化,肉質鮮嫩多汁🔸加拿大牛板腱、美國牛胸腹和封門柳則各具特色滿足不同口味 牛味都好重 好香🔸花雕酒醉雞件香氣四溢酒香與雞肉完美融合大大件 好抵食~🔸西班牙栗飼豬五花肉質細嫩 口感豐富佢既花紋好靚但略略肥左少少🔶除了之前提到的頂級肉類套餐仲送兩隻新鮮鮑魚好大件 肉質好鮮好彈牙呀蔬菜方面則有時蔬、香菇、金針菇等可以搭配肉類一起涮食🔶最令人驚喜的莫過於店內的台式甜品自助區應該係香港第1間有台式甜品自助區綠茶愛玉滑嫩可口 涼粉清新爽口西米同芋圓 都大大粒甜而不膩呢到既甜品區絕對值得留肚品嚐畫龍點睛的完美收尾我就整左個綠茶愛玉做base, 配涼粉, 西米芋圓 仲有椰果真係好好好食呀!!!📍牛品台式火鍋📍尖沙咀樂道32-34號1樓

5月去完台北玩, 好掛住台北既火鍋, 同同事講開, 佢話之前食過呢間台式任飲任食兩小時的火鍋好味道, 啲牛好正, 我就快快趣約朋友黎探店啦。這裡環境好光猛闊落，好多坐位包括有卡位, 坐落舒適, 枱下面仲有個籃可以放手袋都好貼心。我地揀左元氣養生鍋湯底, 最近想學習下養生, 哈哈! 跟住就揀左牛御品餐$359 (7至9點), 包括有澳洲M9肩胛肉、美國肩胛肉、加拿大牛板腱、美國牛胸腹、封門柳、牛脷心托、牛小排，不同牛的部位既牛肉味都好香濃，又爽口彈牙唔韌, 有驚喜, 我最喜歡封門柳、肩胛肉和M9和牛。跟餐每位有鮮鮑魚一隻, 都幾大隻, 加埋湯汁拾完, 好彈牙爽口，好食。叫埋鮮蝦和蜆都一樣好出色新鮮！小食就叫左麻辣鴨血, 辣度十足! 水蓮菜好爽幾特別~除咗落單食物, 另外都有提供多款台灣直送的火鍋配料 (一般丸類, 炸物)、蔬菜菇類等等。飮品區, 一般罐裝飲品和不同茶類飲料，選擇好多, 這些都可於自助食品區自取。我食左炸魚皮, 響鈴, 花枝漿丸, 好好味! 仲有好多野想食, 不過已經飽了~另外跟套餐會送樓下的春陽茶事手搖飲品一杯，又可以試多一款飲品。甜品及雪糕自助區，大愛呀！！口味可以自由

呢日放工，同同事去咗尖沙咀打邊爐，佢哋話要試新嘅台式火鍋，我哋就去咗牛品，呢度地方寬敞，裝修簡潔優雅，企理乾淨，坐得都好舒服。不得不提呢就選擇真係好多，除咗火鍋食物，又有台灣小食可以用手機點選。我最鍾意食椒鹽蝦，蝦肉夠彈牙又惹味；宜蘭蔥餡餅，皮薄餡又香。自助區有各類蔬菜🥬、菇類🍄，仲有響鈴、油炸鬼、魚皮呢啲打邊爐必食炸物😉當然仲有自助飲品同自助醬料區。響度食晚市，重送一杯春陽茶事茶飲，我選了老烏梅汁，酸酸甜甜，好開胃，又解渴，真心正！😁呢日試咗蟲草花白玉藏珍鍋，湯底清甜，養生又健康，而且炎炎夏日，係最正嘅消暑湯底。呢日每位有一隻新鮮鮑魚食，鮑魚彈牙又爽口，正～不得不提我最鍾意既係DIY飄雪綿綿冰😍，將黑糖將倒入去機內，自己用碗接住綿綿冰，之後重可以任加芋圓、涼粉、愛玉等甜食，食完真係好味又透心涼。

今日同同事出job去咗尖沙咀做嘢，做完嘢，佢哋話去打邊爐，我未試過打台式火鍋，一於去試吓。去到呢度地方都幾大，安排咗卡位俾我哋坐，講到食嘢，真係舒服！今日我哋揀咗夏日限定湯底，蟲草花白玉藏珍鍋，蟲草花養生，冬瓜又啱晒咁熱嘅夏天消暑。嚟到個湯底好吸睛😍好靚！飲啖個湯底，都好鮮甜。響度惠顧晚市，可以送一杯春陽茶事茶飲，我揀咗金桔檸檬，茶品清新。😊個餐仲有一人一隻鮑魚，新鮮又爽口。😃原來台式火鍋可以點嘅台式小食，我哋點咗炸花枝丸，又脆又彈牙；甜不辣夠晒煙靭；皮蛋豆腐，皮蛋香同香滑嘅豆腐好夾。除咗點既熟食，自助區仲有其他熟食可以選擇，例如涼拌青瓜、滷水蘿蔔、滷水豬肚等等！當然唔少得火鍋配料，出邊嘅火鍋配件選擇好多，有不同種類嘅蔬菜、瓜類、丸類，應有盡有。 我哋用手機點咗啲肉類，美國牛小排淥完牛味重好濃，入口即化；西班牙粟飼豬五花淥完肉質爽口，非常美味。最後我哋響出邊食埋雪糕，台灣甜品綿綿冰同任芋圓，就為呢餐晚餐作完美嘅句號。😋

今日行尖沙咀睇到呢間打邊爐放題都出左午市定食套餐，98蚊有5款肉類可以選擇美國牛胸腹加拿大頂級牛板腱西班牙栗飼豬梅肉西班牙栗飼豬五花花鵰醉雞件我地就揀左個比較特別既湯底，剝皮辣椒雞鍋，係唔辣既，但係又幾好味各款肉類質素都幾高，仲有好多款前菜熱食可以選擇，推介肉燥飯同豬肚，火鍋配料種類都幾多，特別係蔬菜好新鮮同丸類好彈牙飲品選擇都好豐富，有各式既冷泡茶，汽水都韓式飲品，甜品有芋圓食tim勁正，仲可以DIY飄雪綿綿冰自由加toppings&雪糕 晚市食牛御品套餐仲送埋春陽茶事既飲品tim

FD想試試臺灣火鍋，咁一定要試試牛品啦，食材大部分臺灣直送，好有保證。原來宜家食晚市牛禦品套餐，會送埋春陽茶事飲品，咁一定要揀啦。湯底我們揀咗限定蟲草花白玉藏珍鍋，造型好靚，有半個冬瓜加數隻蝦係入面。入口湯底好甜，飲得出落足料煲制。有數款臺式小食提供，可以一邊食住，一邊等火鍋。臺灣香腸，傳統臺灣古早味，香腸偏甜果款，入口肉味好重，好食。澳洲M9和牛肩胛肉，牛肉雪花分明，切得好薄身。微微燙10秒已經可以食。牛肉入口即化，好重奶香TIM。手切頂級封門柳，相比M9和牛，牛肉入口較脆口，唔會覺得硬。海蝦，蝦肉新鮮，入口好鮮甜。每人仲送一隻鮑魚，食落鮮甜彈牙，好味。除咗數款肉類，出面仲提供唔同嘢食，大部分都係臺灣直送。臺灣水蓮菜同心內美蘿蔔一定要試下，水蓮菜食落好脆口好似芽菜。心內美都係清甜脆口，同普通蘿蔔分別好大。最後食完火鍋，可以自製臺灣甜品，有飄雪綿綿冰可以製作，仲提供多款toppings，例如芋圓同哈根達斯雪糕等。我同FD DIY咗一份芋圓同一份綿綿冰，芋圓軟糯彈牙，雪花冰綿密入口即化，再加埋哈根達斯雪糕，好罪惡TIM。最後再食埋D生果，西瓜好甜，食咗好多件！

今日同朋友去尖沙咀行街，朋友想食台式火鍋，見牛品午巿套餐幾抵食，便去試下。我哋叫左兩個75分鐘午巿定食套餐，套餐包括任揀兩款肉類，及任食場内自助食品、台灣小食及甜品等，都只係$98位，加埋加一，百零元，就可以食到，真係超值。我哋兩個都係牛魔王，所以揀咗兩款牛，美國牛胸腹及加拿大頂級牛板腱，湯底我哋揀咗鴛鴦湯底（+$50)，花菇昆布鍋及牛品麻辣鍋。美國牛胸腹及加拿大頂級牛板腱估唔到牛份量都好多，每樣肉都有四碟，而且有牛味，呢個價錢食到里個質素，真係不錯。自助食品自助食品都很豐富，有不同嘅新鮮蔬菜，如A菜、娃娃菜、白菜仔、蕃茄、蘿蔔、芋頭及冬瓜等蔬菜，不同嘅菇菌類，如金菇、雞髀菇、冬菇等，不同丸類，如章魚丸、花枝丸、黑椒豬肚丸等，麵食有公仔麵、烏冬及粉絲等。另外，仲有一些炸物，如炸魚皮及蝦片等，台灣小食，如滷水雞翼尖、拍青瓜、滷水豬肚等，差不多有成十種等，真係幾多選擇。最特別嘅係佢嘅甜品，除雪糕外，仲可以DIY飄雪綿綿冰，有好多toppings可以加上去，如芋圓、紅豆、椰果、西米等，另外，晚市牛御品套餐會送春陽茶事，非常超值。

見到廣告賣相幾好，於是就試吓星期日下晝5:00入去。唔識嗌，就嗌咗最平嗰個$199，我都好明白，星期六日一定會加錢，上到去先知道原來每個人頭要加$20。心諗都唔緊要啦，食好啲。成排飲品區、甜品區、攞嘢食區、熟食區、都令人非常滿意。既然湯底都未熱嘅時候，當然食呢啲啦！整體上都OK嘅，都冇乜大問題。不過入嚟打邊爐，當然最緊要就係食牛啦，但係當佢送啲牛嚟嘅時候，所有一切好嘅嘢都已經補償唔到。俾大家睇吓我哋碟牛有啲乜嘢問題。請問呢啲肥牛點食得落？雖然我叫咗$199 個餐啫，再加埋$20星期六日額外加錢，至少都要$219啦，我覺得咁樣對客人好似唔係幾好喎。我依家唔係冇錢都要咁樣食嘢，但係請問肥到咁樣你叫人哋點食？我忍唔住再叫多一次，睇吓係咪真係咁肥…..點知結果都係一樣。其實餐廳係咪應該改善一下？呢個世界一定會有客人叫最平嗰個餐，但係唔該都唔好攞呢啲嚟應酬我哋呀，呢一餐絕對令我非常之失望，肥都咁樣都可以攞俾客人，成個餐都唔知自己食咗啲乜嘢。早知係咁，我叫貴少少啦，問題係我唔係冇錢食嘢，你哋舖頭係咪都唔好攞呢啲肉去俾$199啲客人？變相咪即係叫啲客人食貴啲？呢一餐絕對令我失望，好可惜我見到所有嘅評

餐廳由屢獲殊榮嘅台灣廚師李龍翔師傅主理，主打120分鐘台式火鍋放題，價錢有4個等級，以牛肉質素區分。湯料每日由台灣新鮮直送，有多達10款湯底選擇，更設有地道配料、小食同甜品供應，唔洗搭飛機就食到啦～ 近期新出咗兩款湯底，分別為綠野仙蹤濃湯同青花椒和牛鍋，要咗前者，集合鮮香甜口味，濃郁芫荽香氣撲鼻而來，芫荽控千祈唔好錯過！題外話，收碟速度都唔算好慢，而且座位幾闊落，坐得舒適。肉類方面大大力推介澳洲M9和牛肩胛肉，肉質軟嫩細緻，牛味濃厚、美國牛小排同肩胛肉都唔錯、醉雞大塊入味、紐西蘭羊卷肉散發獨特香氣，另外仲有豬同海鮮款式，正常發揮，想食回本都係建議點和牛啦🤭呢度提供多款台灣夜市小食，鹽酥雞、椒鹽蝦、炸花枝丸、黃金酥炸魚蛋、牛三寶、甜不辣、五味墨魚仔、宜蘭蔥餡餅、炸午餐肉等等，個人喜歡蘭陽糕渣、香腸同皮蛋豆腐，逐件嗌，不過可能係即整嘅關係等候時間比較長。自助區有各種蔬菜、炸物、主食、小食、水果、甜品同飲品。最驚喜莫過於甜點區，有得自製台式糖水、綿綿冰同雪糕，可以自己mix and match，好睇又好食，大人小朋友都啱，讚👍

呢間係尖沙咀我最鍾意嘅火鍋店，120分鐘晚市吃到你飽。見到又出咗兩個新湯底：青花椒💚同芫荽皮蛋🆕。今次揀咗元氣養生鍋🍲，入面啲材料真係好足，有雞又有人蔘，個人蔘味真係好濃。惠顧晚市牛御品套餐仲送新鮮鮑魚🍴，每位一隻同春陽茶事飲品🍹。🥢肉類🥩方面大推：🩵澳洲M9肩胛肉，鮮嫩肉質又有牛味。🩵美國封門柳，比較有口感同牛香。🩵一口和牛，入口軟嫩。其實全部牛都好新鮮，我就比較偏愛以上三種😋。🥢海鮮大推：蝦🦐、青口、墨魚仔同蜆。全部都好新鮮。小食方面：種類多到不得了🫣，有麻辣鴨血、鹽酥雞、椒鹽蝦、皮蛋豆腐、牛品牛三寶、黃金酥炸魚蛋、炸花枝丸、宜蘭蔥餡餅、台灣香腸、、台式甜不辣等等。今次好可惜見唔到有地瓜球，不過我點咗好多麻辣鴨血同皮蛋豆腐食。出面自助區都有啲熟食同埋蔬菜丸類任拎，我想講個八爪魚丸真係好新鮮，入面超多八爪魚🤩🤩。手機點餐點左蝦滑、墨魚滑、蛋餃同燕餃，都幾好食。✨自助甜品吧及飲品免費任飲✨🍧自助甜品吧提供三色芋圓、薏仁、西米、寒天、愛玉、紅豆、紫米及仙草凍，以及黑糖、糖漿及花奶供客人自行混合👍👍👍🍦 Haagen-Dazs雪糕任食🆕今次仲新出左部DIY飄雪綿綿冰可以比大家玩下😆。🍹飲品