牛大人台灣火鍋吃到飽 (偉華中心)

营业中

休息中

二訪牛大人，對上一次是食晚市在旺角瓊華，感覺好多人，lift口位置好擠迫。今次嚟到沙田分店午市放題，依然滿座，牛大人真係好受大家熱愛。沙田呢間環境唔錯地方很闊落。◽️極上和牛吃到飽套餐 $198 限時90分鐘，這個餐已經是價錢最高了，午市真係好抵食👍🏻有9款湯底選擇，揀咗鴛鴦鍋+$50，最愛當然麻辣鍋、蕃茄鍋，麻辣鍋可自選辣度，怕太辣嘅人都唔使怕。入口先帶陣陣辣，後帶麻香味，配料加入去滾後吸收左麻辣鍋既香辛味，相當惹味😋呢個價錢真超值，已經有上腹牛五花、安格斯特選牛板腱、澳洲和牛M5牛屑卷，全部牛都好好食😋都分唔到邊隻打邊隻😅入口即溶，口感完全不會韌！另台式小食很多，有梅甘酥炸薯、士林鹽酥雞，真豬小香腸、糖醋甜不辣、鬼馬老油條⋯⋯都食得好滋味😋令人回味在台灣夜市的美食🥹最後吃了玄米茶雪糕，滑溜香甜，啖啖玄米茶香，今餐真係大滿足🥰📝整體：好多好多嘢食同好多都是台灣飛過來嘅食品，食過返唔到轉頭，依家仲好回味🤭如諗唔到食乜嘢，食牛大人一定冇得輸，唔會後悔😆有機會食午市當然抵啲啦👍🏻

《舒服居家嘆邊爐🏡》———————————————-#牛大人 🐮-最近開放返晚市堂食，大家就一窩峰衝哂去打邊爐，搞到周圍都大排長龍😝唔想同人迫又想同朋友聚下，我哋就諗到條好橋，就係買湯包返屋企打，一樣可以享受到牛大人嘅台式風味🇹🇼-佢有兩款口味，分別係「牛夫人秘方麻辣鍋」同「牛大人紅燒牛骨鍋」，一包就夠4至10人食，夠哂抵食😆而且十分方便，加入3000 ml嘅雞湯或者滾水就可以打邊爐～-有朋友唔食得麻辣，所以我哋揀咗紅燒牛骨鍋🐄 一撕開包裝袋，香味已經撲鼻而來，直頭以為自己去咗牛大人🤣 湯頭濃而不鹹，好有層次感，略帶甜味，所以大家都唔洗點醮其他醬料都已經好夠味😝-火鍋湯包可以直接喺門市購買，或者喺各大 IEAT門市同網店選購，輕鬆就歎到台灣風味嘅特色湯底啦😘-⭐ 參考價錢︰牛大人紅燒牛骨湯包：$68🍌 抵deal 指數：7/10

第一次食牛大人係食晚市，個陣已經覺得幾不錯！今次發現原來仲有幾抵食嘅吃到飽午市套餐～午市分咗三款set，今次試咗咩都有齊晒嘅 ——「極上和牛吃到飽套餐」（՞ټ՞☝每人$198加一，可以食足90分鐘～火鍋放題嚟講性價比算高！佢有9款湯底可供選擇，我就揀咗阿嫲養生濃湯鍋～湯底有紅棗、娃娃菜、蟲草花等等～啖湯有淡淡嘅藥材香，好甜同埋感覺好養生！本身套餐有包一啲肉類、配菜、台式小食等需要scan QR code落單點～以下都係我試過，覺得值得食嘅：✨澳洲和牛M5牛肩卷✨安格斯特選牛板腱✨章魚珍珠漿✨瓜仔雞水餃✨台式蝦餃✨士林鹽酥雞✨真豬小香腸✨鬼馬老油條外面有個自助區可以拎多款丸類、蔬菜、飲品、滷牛肉飯、醬料等～另外仲有少見嘅台灣王子麵、新竹米粉任食～個人幾鍾意食牛大人嘅丸類，特別推介：✨芋頭貢丸✨香菇貢丸✨特級花枝丸✨拔絲芝心丸呢度主打嘅冷泡茶，都幾不錯：✨桂花烏龍淡淡清香嘅桂花味加烏龍，味道溫和～🔹洛神花茶味道微酸，消滯解膩～*✨為私心推介！

想喺屋企都食到「牛大人台灣火鍋吃到飽」🤔早排發現牛大人推出咗2款外賣鍋底湯包😍.牛夫人秘方麻辣鍋🍲係牛骨湯加上辣椒乾🌶用上大紅袍花椒同30種藥材熬製煮成嘅湯底🔥麻辣味味道濃郁，仲好有後勁🤣成間屋都聞到麻辣香味💨一包湯包可以4至10個人食用👭🏻👬🏻叫埋班friends打邊爐就啱晒😉.牛大人二人外賣套餐🥡安格斯特選牛板腱🐮上腹牛五花🐄西班牙豬梅肉片🐖花雕酒雞件🍶🐔龍蝦沙拉丸🦞特級花枝丸🦑海膽包💛拔絲芝心包🧀蔬菜拼盤🥬🥕🌽🍅🍄醬料🧄🌶🌿菊花普洱冷泡茶🌼洛神花茶冷泡茶🌸

之前停咗晚市堂食，又二人限聚令，我同老公都好想試牛大人火鍋，得知佢哋推出咗兩款火鍋湯包，老公就話買返屋企，在家都可以嘆到牛大人火鍋湯底！牛大人火鍋湯底有兩款- 牛夫人秘方麻辣鍋- 牛大人紅燒牛骨鍋因為我哋同小朋友一齊食，所以就揀咗「牛大人紅燒牛骨鍋」。牛大人紅燒牛骨鍋湯包，一包有 300g，加 3000ml 雞湯/開水，就ok！湯包仲要係 4-10 人份量，好抵食！湯包以慢燉烹調能釋放牛骨中嘅營養物質，使牛大人紅燒牛骨鍋熱量低又含豐富蛋白質 (熱量低係最吸引)。湯底成份：牛骨、牛肋骨、洋蔥、紅棗、八角、肉桂枝、香葉、陳皮。我開頭仲怕個女會唔鐘意，點知佢話個湯好香，我哋烚好嘅食物都好夠味，唔洗加調味都得！兩款湯底喺門市 及 iEat online 都有售，有機會要試埋「牛夫人秘方麻辣鍋」先得。

疫情下少左出外食飯，有時係屋企都會心思思想打邊爐♨️，一款方便裝外賣火鍋湯包🥡 真係岩晒。兩款湯包口味：ll、ll，可買回家打邊爐！🥳 只需加入3000 ml 雞湯 or 開水即可輕輕鬆鬆打邊爐喔！份量十足，牛肉質素不錯呢，而且蔬菜亦新鮮種類多💕。簡簡單單已經吃到飽😋。火鍋湯底亦濃郁，就算安在家中🏠，都可以吃到餐廳台灣風味，真係好重牛骨風味又很惹味呢。想在家吃火鍋so easy。.

今朝去沙田踩完單車就去食午餐🚴‍♀️🚴🏻‍♀️喺偉華中心見到新開嘅台灣火鍋牛大人做完運動肚餓就當然要食吃到飽任食午餐火鍋啦😋.🌟90分鐘極上和牛吃到飽 （$198）.餐廳會提供QR code俾我地自己落單極上和牛套餐有最多選擇除左其他套餐都有嘅牛五花、西班牙豬肉片🥓、花雕酒雞件🐓之外仲有澳洲和牛M5牛肩卷、安格斯特選牛板腱、秘制滷大腸、牛肚、牛筋、蟹籽墨汁漿、章魚珍珠漿等等款式非常多 超豐富！🤪.台式火鍋最有特式嘅唔少得火鍋湯底我哋就選擇左牛大人紅燒牛骨鍋湯底非常濃郁 就好似食緊一碗牛肉麵咁🍜所以淥完啲牛肉都唔需要加調味料已經好入味😙至於和牛牛肉食落牛味十足 牛筋仲好腍添.除咗QR code點選食物之外 仲可以去自助火鍋配料吧拎肉丸、蔬菜🥬飲品亦都好多選擇🥤仲有台灣特色小食同熟食 例如鹽酥雞、小香腸、皮蛋豆腐、酥脆薯、甜不辣、滷肉飯特式嘅台式手工水餃選擇仲有好多🥟.最後梗係唔少得甜品🤩雪糕只有一款味道就係玄米茶味🍵🍦食落好有茶味而且好軟滑 食完甜品非常滿足因為太飽所以仲有好多款式食唔到 一定要下次再試😆

打邊爐最緊要喺個湯底，牛大人出咗火鍋湯包，一於試下佢！暫時見到有兩款口味，秘方麻辣鍋&紅燒牛骨鍋。買左一包紅燒牛骨鍋黎試試，打開包裝濃郁嘅湯底緩緩流出，只需加入3000ml 雞湯或開水即可開爐，再放入喜歡嘅食物💕湯底好重牛骨味，落咗豬牛雞肉、金菇、丸等，基本上唔洗點醬料都已經好夠味，而且仲帶有點點甜味，喺屋企都食到牛大人嘅味道😋牛大人二人外賣套餐份量十足！有牛肉、豬肉、雞肉，一盆丸、蔬菜、金菇、瓜類等等，三個人食都飽飽地

一年四季都係打邊爐既季節😎，今次叫左個清清地既湯，阿嫲養生濃湯鍋，湯底有娃娃菜、桃膠、紅棗😆一坐低就用QR code落單先，特別鍾意點花雕酒雞件，大舊得黎仲要好嫩滑😍，雞件上面仲有粒粒杞子今次留肚食下熟食，叫左士林鹽酥雞，好香脆，唔會成舊炸粉咁，等緊水滾既時間食就最岩喇🤣另外，鍾意去牛大人係因為自製既冷泡茶，好多種類，完全唔馬虎，解膩最岩最後照例去午市自助雪糕位攞左個玄米茶雪糕填肚😝，鍾意佢唔太甜又有茶香。

聽過唔少朋友介紹呢間台灣火鍋店由台灣師傅親自主理，一直bookmark咗好耐...最近男朋友生日終於嚟咗試吓喇！🔸極上和牛吃到飽套餐午市時段90分鐘任飲任食，每位$198🔸湯底有九款唔同嘅火鍋湯底，真材實料熬製成！揀咗店員所推介嘅牛大人紅燒牛骨鍋👍🏻據說採用優質牛腿骨先燒後燉而成，熱量低又含豐富蛋白質。湯底愈滾，味道愈濃郁，認真好味！🔸火鍋配料呢個套餐同其他套餐相比，最架勢之處就係可以任食澳洲和牛M5牛肩卷、牛媽秘製鹵牛筋 、蟹籽墨汁漿、干貝鮮魚漿及章魚珍珠漿。澳洲和牛M5牛肩卷肉嫩牛味濃郁，喜歡吃牛之人一定要試呀！除咗牛肉之外，呢度嘅花雕雞件都超份味好食，個人大推呀❤️除此以外，餐廳設有自助bar，有多款由台灣直送嘅火鍋配料，丸類款式豐富，仲有台式嘅粉麵揀添呀！🔸小食全部都係台灣經典人氣小食。食咗糖醋甜不辣、士林鹽酥雞、真豬小香腸及鬼馬老油條，樣樣都好出色美食。當中最愛真豬小香腸，咬落好有肉感，甜甜哋好惹味。🔸飲品有茶、汽水、紙包飲品，當中最吸引就係四款冷泡茶。包括：洛神花茶冷泡、桂花烏龍冷泡茶及菊花普洱冷泡茶。全部都係無糖茶，清新解膩，打邊爐飲就最啱喇！

一年四季都喜歡打邊爐， 與朋友相聚， 傾下食下，充滿熱鬧氣氛， 今日嘅台式火鍋店在沙田開了新分店， 專程來湊湊熱鬧 ，點了『極上和牛吃到飽』套餐， 90分鐘任飲任食， 只需要 $218， 十分抵食，讓人大快朵頤。台灣鳳梨雞鍋 雞鍋湯底材料豐富， 半隻肥美嫰春雞浸泡在清湯中，還有杞子、鳳梨及苦瓜等， 煲滾後， 香氣十足，先呷一口湯， 鮮甜之中帶出淡淡鳳梨的果香，夠曬溫補開胃。自助區：客人必須配戴口罩，去自助區取食物， 不同款式肉丸及各種蔬菜用獨立透明膠兜盛載， 放於冷藏櫃內， 保持衛生和新鮮 。最喜歡芋心貢丸及香菇貢丸 ，鮮味爽彈， 芋心丸中心填滿粉糯滑溜的芋頭蓉，口感不錯。 特別喜歡金菇、 西洋菜、 娃娃菜 、生菜， 灼熟後 ， 吸收了湯底精華， 特別爽甜美味。飲品區：汽水口味款式多， 多款膠樽支裝冷泡茶系列， 有洛神花、桂花烏龍 、白桃烏龍等， 最喜歡它的桂花烏龍茶， 啖啖桂花幽香， 冰爽解膩，打邊最佳拍檔。台式小吃：即食台式小食， 有梅甘酥炸薯、鹽酥雞， 兩款香脆香口，風味十足， 真豬小香腸， 爽彈微甜，充滿台式風味，讓人掛念的台式夜市人氣小吃。打邊爐怎可少得美味的牛肉：▪澳洲和牛

講起台灣吃到飽, 好多人都會推薦牛大人, 牛肉高質得黎, 價錢又夠親民👍 午市非常抵食, $198就可以任食極上和牛, 還有多款配菜, 一齊黎睇睇有幾抵食啦:🍽️🅕🅞🅞🅓🥘湯底: 阿嫲養身濃湯鍋~ 適合喜歡清淡嘅朋友, 不會像藥材湯咁濃郁, 湯底的味道不會蓋過牛肉本身的鮮味。🐮牛全部都係牛:上腹牛五花, 安格斯特選牛板腱(濃郁有嚼口), 澳洲和牛M5牛肩卷(鮮嫩油潤), 牛媽秘製滷大腸/牛筋/牛肚(叫得秘製一定要食啦)。🐷西班牙豬梅肉片, 西班牙豬五花片 (不騷爽口)🐔花雕酒雞件 (嫩滑肥美)🍡特色漿丸: 蟹籽墨汁漿(爽口彈牙, 裡面仲有粗粒嘅章魚), 干貝鮮魚漿, 章魚珍珠漿 🍱台式小食: 魚香皮蛋豆腐-上面鋪滿木魚屑,加埋類似章魚小丸子嘅醬汁, 下面是濃郁皮蛋同滑溜豆腐, 非常美味！私房鴨血-麻辣爽口鬼馬老油條-熱辣辣 脆卜卜梅甘酥脆薯-酸微微又香口又唔膩鹽酥雞-香脆扎實台灣小香腸-有烤脆皮🍻飲品多元化, 仲有自家製特色泡茶🥗蔬菜區亦夠豐富, 值得一提嘅係有淮山, 健康之選！

🍴牛大人台灣火鍋吃到飽 📍沙田沙田正街11-17號偉華中心2樓9A-9B號舖-----最近天氣熱了些，仍無阻我想打邊爐的心😎。復活節假期到沙田找朋友，就順道來這間沒去過的牛大人沙田分店吃個豐盛嘅“#極上和牛吃到飽“午餐。-餐廳設有自助落單系統，亦有自助區俾大家攞食物，餐品以肉食、丸類、麵食為主，想要海鮮就要額外+$30自行升級，75分鐘我地兩個女仔唔食得太多，就無額外升級到。呢次湯底揀選咗#眷村白玉酸菜鍋，酸酸地幾開胃，令人有胃口可以大戰一場。-🍖肉類：澳洲和牛M5牛肩卷雪花分佈平均，入口就算說不上即化，亦油脂豐腴。阿嬤燒酒雞嫩口滑溜；羊肉卷香而不膻；西班牙豬肩肉則肉質緊實彈牙，整體肉品質素符合期望。🍠台式小食：◆#士林鹽酥雞：酥酥脆脆，雞肉鹽香濃濃，炸皮不厚。◆#真豬小香腸：雖然明知美味源於內含肥豬肉，但依然令人欲罷不能，係令人懷念嘅台灣夜市味道。◆#魚香皮蛋豆腐：百福豆腐配搭冰花半流心皮蛋，穩陣之選，唯獨醬嘅份量稍多。◆#糖醋甜不辣：煙韌有咬口，個人中意烚熱再食。◆#酥脆薯：香口之外，本身嘅橙番薯亦選料高質，香甜無渣，雖是飽肚嘅小食，卻又令人欲罷不能。🥟火鍋料：◆#台式蛋餃：富蛋香

食物質數係唔錯，但服務真係好差😖一直食過另一間牛x都係食90分鐘，時間都非常足夠！但牛大人就係你食左30分鐘後就通知你仲有10分鐘last call, 我等你湯黎仲要湯滾都要10分鐘啦！last call 都通知我三次，夠90分鐘前10分鐘又比單我埋，食到滾水淥腳咁！ 最後連雪糕都冇食到….😭

牛大人推出咗全新火鍋湯包啦🎊🎊呢兩日天氣咁涼爽，即刻買返包黎打邊爐先🤩 率先登場嘅有以下兩款口味：🐮「牛大人秘方紅燒牛骨鍋湯包」🌶️「牛夫人秘方麻辣鍋湯包」本身唔係好食得辣，所以今次就揀咗牛大人秘方紅燒牛骨鍋湯包🥘特別選用優質牛腿骨先燒後燉而成，一撕開包裝已經聞到好香濃既燒牛骨香味😋成份有牛骨、牛肋骨、洋蔥、紅棗、八角、肉桂枝、香葉同陳皮，好足料🉐湯包熱量低又含豐富蛋白質，只需加入3000ML雞湯 / 開水即可。每款湯包足300g，份量絕對足夠4 - 10人食，無論屋企人一齊打邊爐定約埋班朋友都一定夠食😏等我下次試埋牛夫人秘方麻辣鍋湯包先🌶️