牛奶冰室 (海悅豪園)

营业中

休息中

有睇過周星馳《食神》電影都應該識得黯然消魂飯，估唔到係牛奶冰室都有得食。今日星期六，坑口分店都幾多人，等左差唔多20分鐘先有位。 蒜香蜜汁叉燒蛋飯 ($61) 叉燒用梅頭肉再配上蜜糖燒過，勁淋勁香，食落唔會有渣。流心蛋煎到脆邊，蛋漿連埋脆邊同飯一齊食，勁好味。 焗一口豚肉意粉 - 香濃蕃茄汁 ($60) 個焗意粉面鋪滿左勁多芝士，蕃茄醬勁濃，芝士嘅咸味岩岩好中和左蕃薯醬嘅酸味，勁正。另外，豬扒本身好淋好入味，同埋已經切好左，食嘅時候好方便。 熱杏霜(左), 熱鴛鴦(右) (跟餐) 熱杏霜雖然都係開粉沖，但餐廳完全無hea，落足份量。熱鴛鴦嘅咖啡奶茶比例岩岩好，成杯鴛鴦都好香濃。 牛奶冰室雖然係集團形式經營，但出品一啲都唔馬虎，性價比黎講絕對可以回頭。 

海悅豪園有一店員非常冇禮貌，食品已經一早放在收銀處後，她並無細查看號碼，不斷重複未有，態度侮氣，再等候20分鐘催問時，另一店員才發現已包裝好的食物，而那店員並無表示歉意，真的很差的服務質素

牛奶冰室已經變咗我嘅食堂😂成日諗唔起食咩㗎就會食牛奶冰室，同埋分店都好多，基本上去到每一區做嘢都可以食到👍🏼而且我覺得佢係近來算幾有質素，性價比幾高嘅冰室，特別喜愛嘅早餐，$30-$40已經可以食多一個好豐富嘅早餐。而且我最喜愛就係，牛奶冰室用嘅公仔麵，係伊面底。特別好吃。😋😋😋 另外早餐嘅蕃茄肉醬米粉都好食👍🏼👍🏼炒蛋都好滑👍🏼最近牛奶冰室嘅檸檬茶轉用左冷壓左既檸檬汁，反而咁樣幾好，又好飲，唔會成日篤爛個檸檬皮會好苦澀😂熟流心蛋推介👍🏼

餐廳位於屋企樓下，所以經常都會幫襯首先環境裝修風格新穎，冷氣都足夠，侍應都算服務很好，不過就略嫌星期六日外賣等候時間會比較長，所以我都是會選擇平日在餐廳進食食物方面都算有質素，湯夠濃夠入味，炒蛋很香，吃得到濃濃的牛油味，麵包都是新鮮,上枱都是熱辣辣，不過我就略嫌麵比較少，同埋叫檸水檸茶沒有原隻檸檬比較可惜，始終我食茶餐廳都希望有保留傳統文化檸水檸茶都有片原隻檸檬。總體嚟講都算是將軍澳坑口區一間有質素的餐廳，區內選擇不多，所以我都會經常幫襯的

牛奶冰室,茶餐,晚餐也食過,都好美味,今天十点幾行經又想試下早餐,麥皮售罄,唯有改吃喜愛的雪菜肉絲米線+熱飲(熱麥樂克),第一次飲,問了職員也只話是好立克,但飲落好立克加了其他,是好飲,最“正”是雪菜肉絲米線,問職員何解湯底黃黃地式原來是雞湯, 食落味道不錯,應該是忌廉雞湯做雪菜肉絲米線湯底,與別不用,還美味

冷氣太凍喇, 太大風喇, 吹到我勁辛苦!希望可以改善喇!講返食物先~五香雞翼好好吃哦, 雞翼酥脆外皮又帶左五香料嘅香氣, 真係好好味。芝士拉絲菠蘿包超級好食, 個拉絲嘅芝士好豐富, 加上12元就叫到, 唔算貴喇。食起黎成口都係芝士, 超級好食, 一定要趁熱食, 正呀。炸雞髀也好食, 外皮煎得香脆, 雞肉都好入味, 整體口感幾好。就是覺得可能因為放得耐左, 或者炸得耐左? 外邊比較乾燥, 希望下次炸嘅時間短少少。最後係咖哩牛腩飯, 佢地用嘅牛腩質素好好好, 唔似其他餐廳煮我太耐, 變成煲完湯嘅肉渣。 佢 D 牛腩口感軟嫩, 咖哩汁都OK, 夾埋飯食, 正喔。

其實所有百分百集團既餐廳啱啱開張頭果年都幾好食 唔知點解越做啲質素就越差 (e.g. 厚德間韓樂&南豐間百分百）但係啲間暫時都仲係叫新開 所以仲係好食 質素都唔差出面成日見到人龍好長 但係turnover 都算快唔會話要等好耐 個menu 都算幾多野揀 岩曬一家人黎食個下午茶/ 午餐今次試左牛奶冰室既牛腩咖喱飯都幾好食 又唔會用埋啲垃圾米煮 女仔食一份其實太大份食唔曬 不過怕辣既人就未必啱食 (利申：平時食開譚仔三小辣覺得佢辣過三小）可以考慮試吓佢地啲焗飯都唔錯 下次都會再黎食

「牛奶冰室」嘅靚早餐，試咗佢哋嘅沙嗲牛肉麵同埋咖啡。總括黎講，嗰啲嘢嘅味道都唔錯。首先講下沙嗲牛肉麵，佢哋嘅牛肉煮得剛剛好，肉質鮮嫩，配上香辣嘅沙嗲醬汁，味道好開胃。湯底亦都有啲濃郁嘅牛肉味，令整個麵碗更加美味。麵條彈牙有嚼勁，係一份好滿足嘅早餐選擇。至於咖啡，「牛奶冰室」嘅咖啡係一款香濃而且順滑嘅咖啡。喝落去有一種濃郁嘅咖啡香氣，唔會太苦，啲人都會鍾意佢嘅口感。特別係喺早上飲一杯，真係可以提神同享受一個悠閒嘅開始。「牛奶冰室」嘅靚早餐給嘅感覺係舒服同滿足。呢度嘅食物唔需要大讚，但各樣嘢嘅味道都唔錯。

整體來講味道同環境都OK 用手機落單嗌嘢飲嗰邊好詳細熱飲可以濃啲定淡啲 啲粉麵都唔錯 30幾蚊一個嘅餐一個人食嘅話對我來講啱啱好，試咗佢哋個爆漿菠蘿包 有熱同埋凍，兩個都有試過。我覺得係值得回購 光線比較光猛，唔係嗰種暗黃色唔會令人覺得好眼瞓😂服務員基本上態度都OK

早餐落樓食牛奶冰室。就算閒日早上都有幾多人等，因為大件夾抵食。我叫咗個牛排早餐，有牛扒，炒旦，腸仔，多士，仲有一條粟米。坐我對面嘅隊友就叫炸魚早餐，有大大件炸魚，炒蛋，多士，都係一條粟米。嗰條粟米真係好吸引，如果有牛油配埋就更加好。另外我地再加配左一份火腿細通粉。見到隔離枱叫咗菠蘿油，好似好吸引，我地又叫左一個菠蘿油。菠蘿包都算幾大個，加埋大大塊牛油，每人一半share，份量啱啱好。但係唔係太鍾意呢個連鎖食店嘅檸檬茶，啲檸檬冇得督，用沖劑，控制唔到個酸度，個味道仲假假哋，真係大打折扣。

今次介紹一下，來自將軍澳坑口，這份超曬標嘅下午茶餐！「紅豆西多士」+「雞翼」當大家見到這個「紅豆西多士」+「雞翼」，都會覺得卡路里超標嘅食物！不過，的確幾好味道！超標都要食

10 Jul 2023今日來到牛奶冰室 坑口分店一坐低就睇佢menu但都係普通茶餐廳食物如果想睇下間茶餐廳功力一定食佢個乾炒牛河乾炒牛河，不過不失，作為覓食家嘅我，我會點評價呢碟牛河呢？乾濕度：3.6 / 5乾炒牛河故名思意，就係要乾，啲河粉始終都有啲水份，唔夠乾，油唔算多。因為河粉新鮮，唔洗太多油都可以炒得鬆散。火喉鑊氣：3.3 / 5因為河粉有啲濕，啲牛又唔夠焦焦口感，成件事都唔係好夠鑊氣色澤：4.2 / 5色澤點解咁重要呢？因為第一眼望落去要吸引到你好想食佢，刺激到你食欲，呢碟嘢好明顯夠色喇，都ok嘅味道：4.0 / 5味道出乎意料，牛有牛味，豉油味都夠，但都係果句：唔夠鑊氣！河粉係用幼身果食，接觸面大，吸豉油都多咗，所以夠味。整體：3.8 / 5都係啱啱好合格，有待改善！

覺得牛奶冰室以連鎖茶餐廳黎講，質素真係算幾好！因為屋企住喺附近，所以基本上唔煮飯，都會叫佢嘅外賣平時唔叫小菜,炒飯定係茶餐，都覺得佢質素都好穩定所以專登上嚟分享！今日叫咗個焗豬扒飯，飽肚又舊簡單一盒過睇相都知佢份量非常充足，相信就算係成年男士都應該食得飽炒飯底粒粒分明 基本操作不過最值得讚係佢嘅豬扒佢一啲都唔韌，好juicy，剪得好香口真係好值得讚有冇坑口居民都係牛奶冰室嘅fans呀？hahahhaha

食物質素已經唔係特別好，等外賣果下先最谷氣，用外賣app 落單，預計15分鐘可取外賣，點知等左45分鐘都仲未有（只係叫左個五香肉丁麵餐，蒸炒炸燘燉焗都唔洗，斷估都唔洗煮咁耐）問個收銀，佢竟然話再等下，平時等成個半鐘都係咁，完全無幫我催下的打算，叫佢幫我催吓，佢仲叫我自己行入去傳菜果邊問，最後真係忍唔住走入去問，點知傳菜果邊話一早已經出左。呢個時候個收銀先走過黎，唔知係邊度搵到我袋外賣出黎，真係唔該哂！

App 寫等待時間三十分鐘…. 到指定時間, app 寫可取餐, 但原來是假的😅😅最後等了五十分鐘…常餐只有通粉, 漏了炒蛋和多士. 鷄扒鐵板餐沒有黑椒汁, 沒有茄汁. 無言…….🙄