牛摩 (荃灣千色匯I)

营业中

休息中

經過千色匯想打邊爐🍲見到牛摩好多款牛肉選擇，於是同朋友入去試吓，我哋試咗 $318 M7 和牛放題這個套餐內都有好多款牛肉選擇，當然我哋就梗係不停點 M7 和牛啦！灼到剛熟，入口嫩滑可口，牛小排亦不錯，還有牛舌爽口。而其他食品中羊肉都好味，不會太酥味，雞肉彈牙，還有其他熟食都不錯！

年尾嚟呢間餐廳食嘢都幾多人！自助區都好多選擇，而且蔬菜好新鮮！仲有雪糕食極尚牛小排- 豬骨濃湯，蟲草花雞湯牛小排牛肩胛牛肌腹精選牛肩胛：牛肩胛是火鍋中的經典選擇之一。它的肉質鮮嫩多汁，入口即化，充滿濃郁的牛肉香氣。雞肉：火鍋中的雞肉是另一種廣受喜愛的食材。它的肉質嫩滑，口感豐富，能夠吸收湯底的精華。牛舌：它的肉質細嫩，口感彈牙，擁有豐富的肉汁和牛肉的獨特風味。在火鍋中涮煮片狀的牛舌，可以讓人品味到每一口肉的鮮美和細緻，帶來一種融化在口中的美妙感受。鴨血：它的質地軟嫩，入口即化，能夠吸收湯底的風味，為火鍋增添豐富的口感和層次。鴨血的鮮美讓人難以抗拒，成為火鍋中不可或缺的一部分。海蝦：火鍋中的海蝦是一道令人垂涎欲滴的海鮮美食。它的肉質鮮嫩彈牙，擁有獨特的鮮甜味道#牛摩 #放題 #任食 #打邊爐 #優惠 #火鍋 #wagyumore #wagyumoreplus

平日出街食飯嘅好處就係唔需要同人爭位少人得來又可以安安靜靜咁食飯。所以今日見星期一就決定食平時超多人嘅牛摩。萬事平均每個人大概$200左右我哋叫咗美洲藍帶至尊牛肌腹餐任食放題！湯底方面仲升級咗要咗個膠原雞白湯，另一個就係壽喜燒汁味。一坐低就即刻去拎嘢飲同埋夾嘢食，出邊有好多各式各樣嘅菜，同埋仲有豆腐金菇壽司沙律沙冰雪糕，各式各樣嘅嘢咩都有！牛肌腹有少少咬口煙煙韌韌，但係又唔會太硬太韌。我哋食牛都食咗幾轉。除咗牛肉之外仲叫埋豚肉。豚肉比想像中腍身，唔太靭。同雞白湯一齊煮味道好甜幾好味。等個湯滾之前我哋仲食住啲壽司同埋前菜一路食一路等。最後梗係食埋個雪糕先走，落咗超多粟米片同埋朱古力豆。非常之滿足。

牛摩嘅火鍋放題主要以不同級數嘅牛肉劃分左幾個價錢，包括$189美國牛肩胛、$229美國IBP牛板腱、$279 SRF美國和牛、$349 美國極品牛小排、$509日本黑毛和牛，每一級都可以食返較平級數嘅牛肉，而我今晚揀選左中間價位嘅SRF和牛，即牛肩胛、牛板腱都可以任食。湯底揀選左博多美人骨膠原啫喱雞白湯及關東風壽喜燒，前者偏清甜，雞白湯較清淡；而壽喜燒較香甜，每人有一隻日本雞蛋，蘸蛋汁食都幾香。今晚主攻SRF美國和牛，牛肉色澤紅潤，脂肪分佈均勻，唔算太肥，但油香適中，肉味亦夠，整體幾balanced，幾抵食。試左碟牛板腱，油花無咁重，無咁滑，但都有牛味，由於係上一級，所以只點一碟黎試下味。牛舌薄切，質感爽滑，牛味適中，味道係唔錯，但太薄食得唔夠爽。美國極上黑豚肉脂肪頗多，油香幾重，食落好滑，豚味香濃。即燒即炸嘅小食有十多款，雞軟骨香脆可口，一口芝士嘅芝士有咸香，但要即食夠熱先好食。每款食品只可點2份/2件，海鮮類有海蝦、魷魚、帆立貝、青口、墨魚滑等等，丸類有醬爆瀨尿牛丸、牛骨濃汁牛丸、數款不同貢丸、魚旦、墨汁墨魚丸及龍蝦丸等等。飲品除左汽水及無糖茶之外，仲有兩款沙冰（提子沙冰及熱情沙冰

平時係荃灣勇者塔打邊爐多，原來行過隔離商場已經有火鍋放題，唔洗排長龍搭lift上樓👍🏻👍🏻唔入黎唔知原來佢地個樓底係咁高，入面裝修都好可愛，好多牛摩公仔😳▪️美國IBP牛板腱 $219牛摩個湯底最正就係可以一人一鍋，我坐大枱就係鴛鴦鍋，可以揀兩個湯底，所以試咗沙嗲同蟲草花豬骨，沙嗲勁惹味😋😋牛板腱切得好薄，有啲口感，而且幾滑，肥瘦適中，另外幾欣賞佢地個牛舌，同樣好薄，軟嫩除左有牛板腱、牛肩胛、豚肉、羊卷肉、雞肉，仲有海蝦🦐、青口、帆立貝幾款海鮮可以揀牛摩飯都值得一試！蕃警肉醬加上紫菜，味道濃郁自助區有丸類、蔬菜、壽司、甜品，食物種類就唔算十分多，但係飲品就好多款，除左罐裝汽水，仲有咖啡機、橙汁機放題時間90分鐘，時間緊湊啲，如果時間加長半個鐘會perfect啲

🚩荃灣千色匯🚩「牛摩」火鍋放題，湯底任君選擇，有6款免費自選湯底，另外仲有3款需付費既升級精選湯底。餐廳可以一人鍋，如果坐舒服既卡位，仲要以食大鍋同朋友共享鍋底🥘🐄美洲藍帶上品牛肌腹晚市放題 $188 （平日）任食🐂上品牛肌腹/🐷豚肉/🐣雞肉/🥚溫泉蛋/🍚牛摩飯/溫泉蛋牛摩飯再加自助吧有超過三十款既火鍋配料今次鍋底揀左🍅港式蕃茄薯仔湯及關東風壽喜燒🤪兩款湯底都非常濃味，我仲加多幾舊蕃茄去熬湯底，令湯底更鮮更濃味，湯底清甜☺️☺️套餐已包含一大碟既上品牛肌腹，份量相當之多，所以我都唔敢叫咁多驚食唔哂🤣另外再去左自助吧拎配料，其中白魚蛋超級好味，爽口極彈牙。除左火鍋配料，仲有少量熟食同甜品，有涼拌既中華沙律🥗同埋壽司，湯底未滾氣都可以食住先🤣🤣🤣甜品方面，仲有熱情果沙冰同埋提子沙冰，自己整既雲尼拿雪糕🍦💡整體餐廳食材新鮮，有好多野食比大家選擇，儘管同朋友口味唔一樣都唔怕，都可以一人一鍋😋📍 牛摩 (荃灣千色匯I) (荃灣)🗺️ 荃灣眾安街68號荃灣千色匯I 2樓2031號舖

晚市入座嗌牛小排套餐，頭盤好快就上左之後再想嗌牛就好難😂 total落左好似有5次單，等半個鐘都無上牛，但牛以外嘅食物就上得好快。向店員反映左2次 等左半個鐘都無牛，佢哋都係話要等下。結果三催四請下上左一碟，另一碟又係隔咗5知幾耐先上🤷🏻‍♀️📌想食任食牛，真係唔好食呢間📌除左頭盤，另外上果两碟質素一般除非好鐘意食佢啲小食配菜，想任食。否則真係唔建議幫襯😂比300幾蚊食丸同炸小食😂😂😂😂

#牛摩 之前外賣都買過幾好好味，今日難得平日放假可以慢慢係店度食而且價錢都唔貴 我哋選擇美國IBP牛板腱餐，當然仲有牛肩胛，2款牛肉各有特別，軟熟程度差不多，肉味都夠，我哋2人差不多叫咗10碟牛舌薄切，冇諗到口感不會好硬好味道，最後前後叫咗3碟羊肉卷薄切煮一煮就食得，有鴨血當然都冇錯過叫啦溫泉蛋牛摩飯，肉碎勁多，最後加多一個白飯一齊食就剛好，味道不錯加上蛋汁幾滑海鮮有青口，魷魚仔和帆立貝，新鮮程度不錯，口感幾彈牙各人一個湯式，就叫咗沙爹湯&蕃茄薯仔湯，味道都可以，唔會因為加湯而淡好多飲品茶，汽水，咖啡，選擇都唔少，菜在出面取而且仲有差不多都有10樣甜品，味道正常可以而家仲出咗個E-Pass..$999食到打邊爐任食，想食返IBP牛板腱加$39就得，夠晒自由想幾時食或要吾要升級都得，食5餐都抵返晒，有肉又有菜又不用自己煮仲要係同行朋友仲有85折添

態度差同屋企人近近地喺千色食打邊爐，夜晚七點幾入座，餐廳大約坐一半人左右，樓面人手大約三個(已計casher位)。入座前見到登記會員可以有折扣優惠，然後就上網登記咗，埋單嘅時候見到有$100 coupon，就用埋佢，然後問句侍應: 依 係咪有折扣優惠？侍應: 係耳邊勁大聲回應””減咗$100就冇折扣””大聲到我哋都嚇親同行嘅人大家都比佢嘅聲量嚇親，實在唔明點解態度會咁差。食物質素普通join咗SRF和牛套餐，二百幾蚊。和牛牛味ok，配上昆布湯底幾清甜，但肉質有啲嚡口，正正常常。烏冬煮一陣就一pat野咁極上豚肉豬味足夠，肉質唔錯菜只有4款: 娃娃菜、小白菜、油麥菜同生菜油麥菜幾清甜嘢食喺二百幾蚊任食嚟講，質素正常，性價比都算高嘅，但係態度嚟講就好差，問一句就好似唔耐煩，仲要勁大聲，同行大家都好明顯嚇到，佢都見到我哋嚇到，但一句唔好意思都冇。總括而言唔值得幫襯。其實兩三年前都幫襯過一次，感覺都係普通，估唔到再度光臨，都係咁差，加強咗我唔會再去呢間餐廳嘅諗法。

每次想打邊爐，一定會去牛摩打邊爐。食物種類繁多，亦有不同款的飲品和甜品可以一次滿足晒我所有的慾望。今次仲推出左牛摩牛小排套餐牛肉片：美味鮮嫩的牛肉片是牛肉火鍋的靈魂，口感絕佳，令我無限♾️點。豚肉片：有意外驚喜的豚肉片，入口軟滑，一點豬肉的蘇媚也沒有，是高質的豚肉片。蔬菜：蔬菜選擇多，包括生菜等，當中蓮藕片和萵筍係我最愛，入口爽脆，為火鍋添加的色彩和口感。飲品：除了一般紙包和罐裝飲物，仲有沙冰和特飲是令我出乎意料之外的驚喜。小吃：餐前小食薯條，並不是每一間火鍋店都有。但我今次可以一試過食曬😆😆，仲要味道不錯。甜品：甜品為不過不失，但為火鍋作一個完美的句號。總結來說，牛摩是平靚正之揀。

牛摩新推出$999 E-PASS!!! 😈🤩😱估唔到打邊爐都有月費計劃🤣🤣🤣呢個計劃平日8點後就可以用到，平時食牛摩都二百幾蚊一個人。😳 一個月只要去5次就已經回到本，諗落其實唔難。😎 TGIF 想食好d仲可以俾多$39 升級食靚牛。捉埋friend一齊食佢都可以85折埋單。😍我同個friend今日食左牛肩胛set，個set有齊牛羊豬雞，啲肉都幾新鮮，仲有佢推介既招牌牛摩飯😋 其他都係一般常見既火鍋配料，相當豐富，另外值得一提係飲品選擇好多，有成十幾款🤩，仲有埋甜品添！宜家出街食飯都唔平🥹🥲，想食平靚正既野不妨試試呢個計劃😗😗 。岩晒啲Weekday唔想自己煮同洗碗既打工一族🥸 ，有菜又有肉。咁就唔驚偏食冇煩惱啦🤭👶🏻。

今日收工去咗荃灣，因為之前見到牛摩出咗一個E-Pass🤣🤣生大食積嘅我哋梗係試試佢啦！$999 E-PASS，呢個plan本身係包最基本嗰個餐，我哋就加咗每人$117可以食埋SRF美國和牛🤣🤣🤣🤣E-PASS平日8點後可用，我哋第一次去真係都算好多人等位八點就入去食嘢！呢個E pass其實幾抵玩，除返開食五餐其實都係返到💰我哋見到有啲大隻仔，淨係過嚟食肉同菜，先諗到原來減肥嘅人都啱用🤣🤣🤣唔使食澱粉質！如果有朋友一齊嚟，同行朋友仲有85折~😂😂好抵玩咁而家講食物啦，食物質素真係OK ！除咗平時打邊爐有嘅嘢，佢仲有啲熱食，例如炸物仲有溫泉蛋，仲有一個叫牛摩飯👍🏻全部都唔錯，仲有佢啲肉類，加咗錢真係抵，因為肉質唔錯，而且最特別嘅係除咗牛肉同埋豬肉，呢度有埋平時好少提供嘅羊肉❤️❤️❤️有羊肉個人覺得非常抵食🤣🤣🤣食物選擇眾多，而且丸類都有一啲比較特別嘅丸例如將包牛丸中間係有葱。呢個超好食🤣🤣🤣❤️而且海鮮都唔錯，蝦嗰啲都比較新鮮👍🏻

話說係荃灣有一間叫做「牛摩」嘅地方，佢嘅特色就係佢嘅自助火鍋，價錢又實惠，真係超吸引人！仲有一個E-PASS嘅選擇，只需$999，平日晚上8點後就可以任食！而且如果加$39，就可以升級到食美國IBP牛板腱，咁抵！唔止，如果同朋友一齊去，仲可以有85折優惠㗎！真係好方便同抵食啊！我就嚟開始講吓呢間火鍋店嘅菜式啦！先嚟前菜先，佢哋有枝豆，簡單煮熟嘅枝豆保持住鮮甜口感，真係好開胃！仲有迷你甜薯，個皮烤得香脆，入口之後係軟糯嘅甜薯，真係好滿足呢！最後仲有溫泉蛋，個蛋白好軟滑，加上濃郁深橙色嘅蛋黃，好滋味！而家嚟講下重點啦！佢哋嘅招牌係美國IBP牛板腱，個牛肉超級鮮嫩，一煮入湯底就散發出香氣同肉汁，真係令人滿足到爆！仲有溫泉蛋牛摩飯，個蛋白鬆鬆軟軟，加埋多汁嘅牛肉同香氣撲鼻嘅飯，真係一道超有風味嘅主食！唔止係牛肉，佢哋仲有好多款肉類可以選擇！例如牛舌，肉質柔軟帶嚼勁，好濃郁嘅牛肉味！再嚟就係羊卷肉，超多汁嘅羊肉，配埋火鍋湯底，真係令人欲罷不能！仲有好多海鮮可以選擇。例如青口，佢嘅肉質鮮嫩彈牙，同湯底一齊食真係鮮甜無比！再嚟就係魷魚仔，經過烹調之後仍然保持住彈牙口感，好有海鮮嘅味道！最後就係帆立貝

同事知我鍾意打邊爐，懶神秘咁叫我放工同佢一齊dinner食，話我一定會鍾意，又話勁抵食。😋原來佢join左個E-PASS，佢話比$999可以一個月任食美國牛肩胛放題，如果我哋每晚食，每一餐都只係$45左右，真係勁抵！如果想食到升一級嘅靚牛肉，都只係加$39！呢個價錢真係食幾次都抵番晒，最緊要係每晚去開餐，唔洗買餸、唔洗煮飯、唔洗洗碗，慳返好多精神同時間！🥹每晚8點開始，放工去食時間啱啱好！同行嘅朋友仲有85折，真係好抵食！💯餐廳樓底高，感覺開陽，坐得好舒服。攞咗位，即刻行過圈影吓相。放醬料嘅地方好乾淨好整齊，🥦🥬🌽🍄雪櫃入面嘅蔬菜、丸類、菇類食物款式都好齊全，嘢飲種類都好多。🧃湯底要左昆布鰹魚清湯+蟲草花雞白湯，任食放題除咗美國牛肩胛，🐮🐔🐷🐑仲包埋雞肉、豚肉、羊肉卷等等。🐮個牛肩胛厚薄適中，牛肉味重。🐑羊肉卷好彈牙，又無羶味。打完邊爐我最鍾意就係甜品corner，呢度嘅雪糕有唔同嘅topping自由配搭，so sweet!! 🍨餐廳嘅waiter服務都好好，一有時間就會留意我哋個煲洗唔洗加湯，好貼心又有禮貌。

周末约了姐妹吃和牛火锅，荃湾千色汇这家火锅真的很不错。90分钟和牛任吃、饮料任喝，太适合我这种大胃王了推荐菜品：🥣锅底我们选择鸳鸯湖！麻辣鸭血汤和美人骨胶原啫喱鸡白汤。麻辣鸭血一端上来就好香呀，吃起来不会很辣。而另一汤底色泽如牛奶，满满胶原蛋白。🥩左贺霜降黑毛和牛最喜欢吃这个，纹路清晰看起来就很新鲜。在麻辣汤里涮几秒就可以了，肉质真的非常嫩。🥩极品牛小排脂肪和肉分配均匀，看起来就很好吃。肉质嫩中带点Q弹，吃起来很爽滑。🦐海鲜盛和一看就很新鲜，每款海鲜个头都挺大的。扇贝肉质鲜嫩，虾肉饱满。喜欢海鲜的姐妹不容错过。🍗炸物我们这个套餐有5款炸物和7款滋味小吃。每一款都挺不错的，鸡翅外脆里嫩，小番薯一口一个很好吃。自助区域食物款式多，还有精美甜品，吃完真是饱到扶墙走。