牛極 (大河道) (已結業)

間鋪開咗咁耐都係第一次食，肉質鮮嫩真係幾好食，飯同湯，沙律都可以任添真係幾好嘅，價錢都幾公道，最喜歡可以自己控制生熟度，因為我唔喜歡太熟，太熟怕啲牛肉會好韌。牛肉又有多款揀喎😋

荃灣發現平民石燒牛*牛極*蹤影。一個人餓餓地試下先🥹。自助形式售票機買票。首先選擇主食牛牛🐮不同位置。分咗三個重量同價錢。最平$85就有180g牛牛🤩。點完牛牛🐮可以出自助區拎沙津。湯。白飯。食幾多拎幾多。唔好做大嘥鬼😂。日式牛肉湯🥣勁足料。湯頭肉味香濃。牛肉淋身。有d似羅宋湯嘅感覺😍。任飲真係好正。忍唔住都encore左一碗😮‍💨。牛柳（Tenderloin）上枱用紙巾蓋着。油唔會周圍彈。好窩心❤️‍🔥。選擇細size 180g。份量十足。肉質軟腍，肉汁亦豐富。

忙咗成個星期週末突然好想吃肉，難得早放工，試吓區內成日排長龍的熱石燒！真心平靚正🐮最低百元不到己有交易。餐廳係半自助式，先在售賣機點餐再入座。自助區無限添的海苔白飯、椰菜沙律仲有牛肉湯！個燉牛肉湯超有誠意，足料香濃，係我食過咁多間熱石燒最正的！椰菜沙律亦有芝麻醬和日式洋蔥沙律醬，我比較鍾意洋蔥沙律醬，酸酸地清新開胃。不需數分鐘，店員遞上熱辣辣的熱石牛扒，我喜歡他用廚房紙蓋上，避免比啲油彈親。慢煎兩分鐘，再厚切一塊，入面仲係紅色鮮嫩嫩，快灸兩面數10秒，剛好的五成熟🐮🐮🐮牛柳想減肥嘅我特登揀牛柳，肉瘦同油花比較少，雖然油脂少，但都肉質軟腍，肉汁亦豐富！醮些秘製燒肉汁超惹味🐮澳洲牛仔肉眼肉眼扒明顯脂肪分布比較平均，聞到滲在熱石上的油脂，已經充滿食欲！牛味較濃郁，加點海鹽和黑椒調味，超好餸飯

今次嚟嘅呢間餐廳 係主打石燒肉嘅 而且性價比都幾高㗎🥰一入去店員就示意先喺自助點餐機落單同俾錢😗 操作都簡單易用嘅 除咗俾現金 仲可以用支付寶俾錢 之後將張飛交俾店員 店員就會安排座位㗎啦😌呢度要每人最低消費叫一個餐 咁套餐就包咗湯 沙律 白飯任食 唔怕食唔飽呀🤣日式牛肉湯牛肉湯好足料 會𢳂到牛肉同洋蔥出嚟食 牛肉都好腍 絕對唔會因為喺個湯入面而太韌😺 湯飲落唔算太鹹 比較重黑椒味沙律都係自助吧度攞嘅 有兩款沙律醬 柚子沙律汁同胡麻沙律汁🙊厚切牛舌燒牛舌有三片 望落就唔算好厚 牛舌口感唔係啖啖肉 軟腍腍嗰款 而係比較爽口 雖然牛舌有菜墊底 但係都係略嫌燶咗少少 可能本身已經煎過咗火 唔關個石燒事😂 因為喺廚房已經煎熟咗先上碟 牛肩排 300g呢個就有分三個重量嘅 我哋就嗌咗中間嗰個 有唔同嘅牛肉揀我哋就揀咗最頂頭嘅牛肩排 牛肉有係廚房輕輕煎咗先上碟🐮 嚟嘅方式好特別有張廚房紙加條竹籤叉住 咁樣就可以防止啲油彈到自己 覺得呢個設計好好呀 因為成日食石燒牛都彈到一身都係🙈 牛肉咬落口幾腍身 可以根據自己嘅喜好而燒到鍾意嘅生熟程度 今次我哋呢件牛中間有牛筋嘅部份 所以食落口更加有口感呢間石燒

平時經過大河道都見到依間日式餐廳，前幾晚終於黎咗食晚飯🥣依間餐廳啱曬鐘意食日本野既朋友仔🥰間餐廳個位置好顯眼其實好易搵到！入到去望上天花板見到好多把日本傘，即刻好有日本feel🇯🇵 雖然間餐廳唔算好大間，但勝在夠乾淨整齊👍🏻👍🏻👍🏻而且裝修好日式，好似去咗日本咁我同朋友都各自order咗石板牛柳，最正就係可以自己去決定幾多成熟，所以好有烤肉味入面仲好多汁，仲有好多調味料自己選擇配搭🥰我最鍾意嘅就係佢啲牛肉湯同埋沙律係任食任飲，飯都係任添，我同朋友都各自refill咗兩次🤣食到飽晒！非常滿意👍🏻

今日收工特登約咗朋友去食荃灣鐵牛嘅熱石燒牛扒，好耐未食過啦！店內天花板放左好多把日本嘅和紙遮，超有日本味道，簡而清嘅設計。 舖面地方呈長條型，枱與枱之間都有一定嘅距離，感覺舒服。即使成間舖頭嘅人都食緊石燒，都唔會煙霧離漫，攻到成間餐廳都係。 一間店有三部冷氣，所以抽風系統好好。一入到去，就自行去自動販賣機買自己喜歡嘅牛品種燒。 我哋叫咗180g 重嘅牛柳（$115），然後就可以去店中間自助任拎，日本飯、牛尾湯同埋椰菜絲沙律。 一上枱，有一張抹手紙蓋住熱辣辣嘅牛柳，防止彈到客人同送菜出來嘅店員。 石燒溫度超高，牛柳亦非常有牛味，冇筋、肉質脂肪比較平均，口感非常嫩口，彈牙。 用石頭燒嘅好處，係可以自行燒到啱自己嘅熟度，同令牛肉溫度keep 住高溫，食牛最緊熱，凍咗冇咁好食。 喺枱上面，仲有三枝調味料（有鹽、蒜片同胡椒）俾你加落舊牛肉上燒。

🚩牛極唔知咁多款肉你哋最鍾意食咩肉呢～我就最鍾意就係食牛肉！呢度嘅牛肉有好多款式俾你揀，而且有自助吧，任食沙律菜/飯/日式牛肉湯，幾大食都唔驚唔飽😌〰️〰️〰️〰️〰️〰️〰️〰️〰️〰️〰️〰️〰️〰️〰️🌈牛柳 180g $115牛柳放咗喺一塊好熱嘅石板上面，黎到枱面嘅時候大概係三成熟～記得要快快手切開啲牛肉，令到佢平均受熱！咪先食到最尾就會好生，石板又唔夠熱嫁啦～我覺得女仔食180g就岩岩好啦，肉質超級淋，完全冇筋！好似預先煲到淋晒咁！食牛一定要有蒜茸，配埋佢比嘅燒肉汁，超級濃味！一定會黎再食！

呢間牛極我已經去過好多次，因為我鍾意佢地任食的椰菜絲沙律，白飯同埋湯都係任裝。今次我叫咗180g的Top Blade 即係牛肩扒佢哋連埋上面任食嘅嘢都只係$85😱佢呢度係用火山石做燒牛扒，火山石可以長時期keep同高溫，另生牛扒變熟。好過用鐵板好快就冷卻。切到細細舊燒到啱啱熟，佢哋啲生蒜頭同埋呢牛肉醬汁食一流另外想講佢哋嘅湯其實好好飲，係牛肉羅宋湯，好重牛味裏面仲有好多牛肉添呢度係先買飛後入座嘅，所有選擇喺晒部機度，任君選擇

一入到去店員就會叫你掃安心出行，掃完就會教你用嗰部機，有種返咗日本小店嘅感覺🤪 可以用現金/支付寶😋 如果想更有去旅行感覺，可以入錢，佢跌返啲錢出嚟都幾得意🫣入到去等食都唔係淨係坐，你要去拎飯、湯、沙津、醬料(蒜蓉、自家製燒肉汁、辛味燒汁)、餐具同圍裙，拎到返嚟你嘅主菜就差唔多到㗎啦🍴 如果唔鍾意醬料，枱仲有鹽、黑胡椒同埋香料可以揀，我試晒咁多隻就覺得鹽係最帶到牛味🤪我自己就揀咗牛柳$115/180g，好淋😋好好食，我自己之前都試過牛肩，食埋今次牛柳，覺得牛柳好食好多😋😳 仲有，着淺色衫記得帶圍裙🤪，真係會污糟㗎😂

其實我嚟啲舖頭最鍾意係食佢嘅沙律菜🤪 加埋胡麻醬真係好正🤤 呢嗰係一啲平時你唔會自己整嚟食嘅嘢🤪 落咗單唔洗3分鐘嗰牛就送到嚟，啱啱夠時間俾我拎埋湯😋 嗰日式牛肉湯都好好飲，所有料都煲咗好耐，好淋，好易入口，包括洋蔥蘿蔔嗰啲😋我今次叫咗最平嘅牛肩排$85/185g，都幾好食，好有牛味😋 但有嗰少少tips，如果驚太熟，記得拎定隻碗，放咗係隻碗到先再慢慢食😂 相反如果驚太生，一嚟到就好切定粒，燒埋入面嗰啲位🤪

牛極入面位都幾多，裝修一般但勝在整潔，而且每次去都有改善。牛極lunch set有好多選擇，今次我揀咗豚肉，豚肉上碟嘅時候冒煙，一陣烤肉味真係好正，食落仲有肉汁，亦都冇豬臊味石板烤到啲豬肉邊位脆脆地咁嘅份量只係六十蚊，抵自助區嘅沙律🥗有蓋遮住，唔再係之前咁用保鮮紙，進步咗！醬汁區都幾乾淨店員姨姨照顧得幾周到，整體感覺好咗好多。六十蚊白飯任裝仲想點？隔離仲有海苔飯素，加埋燒汁咪係「牛極飯」囉🤣Refill 咗兩次餐湯沙律，非常之滿足都係嗰句，$60咋！

平時都好鍾意食石燒牛，因為好多時候出面嘅西餐都會overcook咗啲扒，而石燒牛就可以自己控制生熟程度。今次食呢一間係好出名嘅街坊石燒牛，皆因佢價錢親民，而且牛肉高質，平時食lunch set都幾抵食，今次已經係唔知第幾次回訪🤪出面仲有自助吧，有沙律、湯同白飯，沙律係椰菜沙律可以撈柚子汁/胡麻醬，湯係日式牛肉湯，唔請得笑個湯勁足料超多牛肉煮到好軟淋🤤 加埋蘿蔔成個湯好鮮甜✨飯仲可以加紫菜咁就可以自製牛角飯🙌🏻白飯任裝，餓底朋友都唔會怕唔夠飽啦😝不過佢哋主角都係牛，今次嗌咗180g牛柳 ($118)，牛柳肉質好結質，咬落牛味重而鮮嫩，就算係三成熟個時食都唔會嗌唔開～佢哋有好多唔同嘅醬料可以揀，不過自己就覺得加埋herbs and pepper就更加好食😆 以石燒牛嚟講，呢間真心幾高質素，而且冇乜幾可餐廳自助吧唔係比麵豉湯而係真係滾湯，所以覺得佢哋都幾用心，係一間貼地得嚟又好食嘅石燒牛🥰所以會繼續係未來回訪❃注意❃午市一般比較多人，建議可以非繁忙時間到訪，亦可外賣🙌🏻-⚑ 地址：荃灣大河道77-89號寶成樓地下9號舖✎ 於深水埗、旺角、銅鑼灣、佐敦、元朗、油麻地、灣仔、大角咀、土瓜灣、紅磡

⭐️牛極⭐️。牛肉｜極致。一絲不苟 衛生企利。供應多款石板燒小食 牛扒 和牛😼餐廳每天供應的5款肉類——牛肩肉眼——牛肋骨扒——西冷——牛柳——正宗日本和牛💛每款都提供份量自選😼 沙律、極多牛肉嘅牛肉湯🙈、珍珠米白飯——自助形式任飲任食——加上有好多醬汁俾你揀😼 日式裝潢 🗾——和風味道濃厚 ——抬頭望向雨傘陣今日嘅小插曲令我對你牛極嘅印象非常好因為客人唔小心整跌咗調味料個蓋店員見狀即刻上前示意並執拾之後入廚房拎消毒用具及毛巾反覆清潔🧽然後先至放返原位呢種細節地方做得好自然對佢廚房裏面衛生情況有信心😗👍🏻

今日同朋友，經過大河道呢間日式燒肉餐廳，俾佢嘅餐牌吸引咗，所以同個朋友入咗去食。間餐廳充滿日式嘅風格，頭頂有好多紙傘。最值得讚嘆嘅係餐廳入邊有個男女廁所。餐廳所有嘢都係以自助形式，入口附近有一部自助落單機，但因為我哋嗰時店內冇乜人，所以可以直接入座。我揀左一個180G 既牛柳(Tenderloin) $115，呢個價錢包晒飯、沙律菜同埋湯，仲要係無限添飲，添食。襯牛柳未到前，試左碗湯，勁鮮甜，而且好足料。沙律菜都俾人隨便夾，我仲食咗三大碗！主角嚟啦！石燒牛柳！牛柳送上嚟之前，大概有三成熟，可以利用石頭上嘅熱力，繼續將舊牛肉再整熟啲。試試個牛柳，好新鮮，好Juice。而且店舖好窩心，有件圍裙俾我哋着，避免自己啲衣服沾滿油漬。而且每張枱都有黑椒、海鹽、辣椒，以供客人自己添加。

餐廳內部裝修好有日本色彩，個價錢都好合理，最平$85就有仲包 蔬菜，飯，湯，自助任食我一睇個餐牌畀個牛柳吸引咗，點咗個180g 嘅牛柳-$115嚟試下先餐廳好細心， 喺石燒牛上菜時，會用餐紙遮一遮，而且自助吧果邊有即用即棄圍裙，以免客人比油彈親， 抵讚!! 份牛柳上枱果時，大概四成熟放咗係一塊熱嘅石板上面嚟keep住牛柳嘅溫度加少少鹽已經好好食餐廳有提供燒汁，蒜蓉比我地自己調味我食完個沙律，牛柳，加個飯同埋個惹味牛湯，已經好滿足好飽