牛気 (屯門市廣場1期)

营业中

休息中

15.04.2021 牛気終於第一次來試屯門牛気，星期四夜晚不用等位，去到即入場，入場前選定邊一款任食，由最平$188(牛肩）、$258（牛小排）、$298、$348（和牛）$398...唔食海鮮唔使揀298 ， 298同258同樣係食牛小排，分別就係多咗三文魚刺身同埋幾款海鮮（包括大蝦、青口、花膠）；如果唔食海鮮嘅朋友，揀$258已經可以。可能人少嘅關係，所以我哋只有三個人，佢都比兩個湯底我哋揀，最後揀咗番茄同黑蒜油豬骨湯底，朋友話黑蒜湯底最好味。地方座位好寬闊，坐得好舒適。另外，醬汁任倒，但款式唔算好多，起碼無我最愛嘅芫荽，除咗平常醬油蒜頭芝麻醬之外，自己加咗日本雞蛋。唔需要寫紙，自動準左幾盆牛小排，牛肩、海鮮、刺身各一碟。因為得90分鐘，所以要爭取時間食自己喜愛嘅菜同牛肉，重點當然係食牛，牛小排同牛肩都非常之好食，牛小排就滑身少少，牛肩就比較濃味，兩款都咁好食；有機會當然想試食和牛，但價錢雖然比較貴，但任食嘅值得一試。蔬菜嘅款式其實主要三款，油麥菜、唐生菜、娃娃菜，但係呢三款都好新鮮好好味，其他菇類蘿蔔芋絲蘿蔔豆腐響鈴丸類粉麵...無限任添，其他熱葷甜品款式種類和味道都可以。唯一

用OpenRice 訂位，仲可以賺埋Asia miles 。中午2個成人，食美國極上個餐，午市優惠每人減$40埋單人均$270。環境衛生乾淨，食材都新鮮，但自助吧種類選擇比較少。但有罕見嘅紅色蘿蔔，爽口又甜，盛載器皿乾淨，飲品種類 日韓台都有，甜品雖然種類較少，有日式糕點，軟雪糕和棉花糖要自己整,。仲有我最愛的泡芙。P.S湯底鴛鴦鍋要加錢，叫咗黑蒜豬骨 有大大舊豬骨 ，另外蕃茄湯 都有好多蕃茄，總括湯底濃，唔需要沾醬油

今次係第二次黎屯市分店食，一定要係六點前黎到，如果唔係就會有排等位😂😂平時都係食開昆布湯或者豬骨湯底，但今次想黎個激啲嘅，所以叫左個四川麻辣湯底⋯·揀左美國牛肩肉放題($188，另加一)，呢個價錢包左任食牛肩肉，豚肉，雞肉，出面拎嘅火鍋配料同埋熟食、甜品等等。牛肉唔會切到薄到透明，所以都食到牛味，唔會鞋同韌；豚肉同雞肉都唔錯，雞肉係雞腿肉，唔係雞胸，所以岩晒我呢啲唔中意食雞胸嘅人🤣🤣·火鍋配料有手打烏冬、拉麵、菜、丸、響鈴、蟹柳、炸魚皮等等；小食方面有味付螺肉、中華沙律、八爪魚、咖喱魚蛋、素翅等；甜品就有乳酪雪糕、抹茶雪糕、抹茶蕨餅、豆腐花、泡芙等，款式都好多🤤🤤飲品方面都係大路野，汽水、茶等等⋯蟹柳同抹茶雪糕係必食！！！佢嘅蟹柳唔係好假一食就係成舊麵粉果啲假蟹柳，係真係食到一條條絲嘅蟹柳，我估應該係真蟹柳🤣抹茶雪糕都好重抹茶味，可以加雪糕配料，我最中意加可可波😆😙我地兩個人食左五份牛，一份豚肉同埋雞肉再加啲係出面夾嘅配料已經好飽😂😂麻辣湯底係幾正嘅，真係好辣，尤其是淥菜同響鈴就會索晒啲湯🤭🤤如果唔係好食到辣嘅話千其唔好試呢個湯底自殺喔🙉

去左牛氣食午餐好抵，因為午餐每位減$40，所以折埋真係好抵，因為男朋友唔太食肉既關係，我地最後食左188個個餐，減左$40後每位都只係148，當然未計加一啦⋯⋯加埋兩埋都係$300幾就打到個邊爐仲抵過自己係屋企買料打。今次我地叫昆布湯底清清地，呢啲湯底唔會有伏簡簡單單，到黎到就上左兩份牛一份豚同埋一份雞，牛就無咩油脂但最平既餐算係咁其他配料亦中規中矩,但要提既係手打烏冬，小編覺得好好食，質感唔似平時食開既冷藏烏冬。飲品方面都有唔同選擇，亦非常貼心有唔凍既飲品供應。但當日好似人手唔足夠，所以都無咩人幫手 執枱

2020年12月25日 Merry Christmas我們的聖誕大餐來牛氣食午市涮涮鍋放題嚴選美國牛肩肉放題$188/位午市優惠，每位減$40折實後，埋單每位$167今日刺激啲選左四川風麻辣湯見佢紅卜卜，以為好辣，職員仲主動過嚟話幫我哋加水等佢淡啲，怕我哋辣，我地拒絕左服務員的好意，因為除左首啖覺得有少少辣之外，越食越唔辣，食到最後直頭一啲辣都冇，佢啲乾辣椒係裝飾嘅嚇得下人坐低冇耐就送上兩碟牛肉、一碟豬肉及兩件雞肉，首輪的肉類質素很好。到第二輪叫咗一碟牛肉，同所有同類型店嘅結果都係一樣，之後嗰啲牛肉都唔靚，顏色好靚紅卜卜，但係，有硬筋及牛肉都鞋啲。放喺出邊嘅蔬菜及種類都新鮮。所有食物嘅種類都唔算多，唔係好多選擇，蔬菜都算新鮮。佢甜品種類都有幾款，但係有一半都唔好食。佢自家嘅牛氣糯米糍，朋友食咗一粒，即刻吐返出嚟，佢話唔好食，我用手摸落去都係硬硬嘅，所以我都冇食到。今日午市熟食有茶葉蛋、辣魚蛋、蒸燒賣、日式咖喱牛肉、碗仔翅及雪耳糖水，除咗燒賣我覺得佢比較粉之外，其他食物質素都唔錯，個人推薦日式咖喱牛肉、碗仔翅、糖水。取食物餐具的器皿，裏面有水，食咗90分鐘，都沒有換過裏面啲水，其實都好嘔

星期六中午食，點最平既肉，限時90分鐘，每位減$40，唔需要等位，抵食，有熟食，甜品雪糕，仲有棉花糖機比人自制棉花糖，食左3支🤣🤣有一粒係雪櫃既糯米糍物體非常難食😅我見到隔離枱有人拎左都係食一啖吐返出黎，呢粒野認真要改善🥶雖然我點最平既肉，不過都可以，但因為太多野食，反而肉食少左🤪最鍾意佢有日本生雞蛋🥚就咁點肉食，食完冇肚痛肚屙既🤣🤣沙津都新鮮但醬汁選擇唔多，總括黎講性價比高既，推介會再去😋

屯門大部分的邊爐都已經食厭左，最近牛氣新開張幾個月就特意過黎試一下，星期六6點幾拎飛，等大約1個鐘頭多d先有位。4個人食可以選兩個爐，就選左番茄同黑蒜油豬骨湯，番茄湯底比較推薦，味道比較濃，黑蒜油豬骨湯似系清湯，完全食唔到黑蒜味，而且每次加湯都只系會加清湯，令到成煲野變左清湯邊爐，唔多夠味。今次選左無海鮮200幾蚊那個餐，牛小扒味道唔錯，比一般邊爐的肥牛好食，其他肉類就一般；除左肉類外，其餘都系自取，蔬菜種類偏少，熟食也有幾款；飲品有比較特別的波子汽水罐裝、自助的超甜果汁；甜品亦有和菓子、雪糕、豆腐，但全部都系偏甜整體食品唔錯，價錢少貴，最好食都系個牛小扒，食悶左周圍的邊爐可以一試。

打邊爐，都係我最愛之一，打邊爐，除咗食材之外，湯低亦係重要一環，我叫咗個麻辣湯，一啲都唔知食緊咩，又唔麻，亦唔辣，但好處係，唔會搶走食物既原味，哈哈但我選咗嘅係普通牛肉，肉質同肉味都只係平平，蔬菜，麵食同甜品都吸引唔到我，最後我食咗個乳酪味雪糕，還好的留意枱好細，唔好拎咁多嘢，小心無位擺仲有個電池爐，由於我叫咗鴛鴦湯底，左邊滾左右邊唔滾，要將個煲移來移去

餐廳：牛気 (屯門)地區：屯門地址：屯門屯盛街1號屯門市廣場一期3樓3235, 3236, 3237及3239號舖日期：25/8/2020 時間：12:00人數：2人等位：唔洗價錢：$422網上見到牛気最近做緊75折優惠，見咁抵，我哋就提早一日係OpenRice 訂位。去到唔洗等位，就算無訂都仲可以walk in，但大約12:45左右就full晒。我哋見有75折咁抵就簡咗極上美國牛小排90分鐘放題（原價$258/1位），埋單$422，非常抵食👍🏻小食款式都係平時出面啲打邊爐放題咁，值得一提嘅佢仲有魚蛋、燒賣、自製甜筒雪糕🍦同綿花糖，都係幾好味👍🏻我哋仲試埋佢嘅咖喱飯，但唔夠熱，所以麻麻地。而火鍋食物就當然係推薦佢嘅極上美國牛小排，入口即化，非常出色，我哋嗌咗5碟，比豬、雞肉多，可能因為牛小排太出色所以豬、雞肉無乜點食太多都係一碟。另外佢嘅豆腐同魚滑都有驚喜，係繼牛小排後最好食嘅兩樣火鍋配料。佢呢個75折優惠真係好抵，而且又好味，如果想食就留意住OpenRice/佢哋嘅FB啦。絕對值得推介👍🏻

突然心血來潮好想打邊爐咁就即刻用GULU 上網排隊啦 咁但馬屋/牛一/牛摩/同埋呢間最新開嘅係牛気 但馬屋實在太多人啦 咁我哋最快就排到呢間牛氣啦 揀咗嚴選美國牛肩肉放題 $178 加一咁好似其他打邊爐咁樣啦 咁就除咗你嗌果款牛肉，雞肉同豬肉啦 咁另外就會仲有啲配菜 就可以自己出去拎嘅咁我覺得牛氣嘅配菜會比牛一同牛摩相對係多嘅 我就試咗佢個黑蒜豬骨湯底啦 其實如果食丸嗰啲係食唔出個湯底嘅 但係啲菜係吸晒啲黑蒜味嘅 所以個湯底都尚算合格甜品就比較少嘅 佢都係有啲日式甜品 甜品我就一樣都冇食到 同埋佢仲有糖水嘅但都冇食到 咁佢同場仲有葡撻 仲有咖喱啊

疫情好轉，太耐冇出街吃飯，於是就去食放題放肆一下。😋😋因為太高興，豪一豪叫左個極上和牛+海鮮放題。我們叫了豬骨湯底，真係有舊豬骨响度，湯味都好濃郁鮮美。和牛賣相真係睇見就超想食流晒口水，雪花均勻散布，顏色夠晒紅證明新鮮。食落真係講唔出咁好味，有牛味得來，嫩滑、鬆軟。海鮮也很不錯，長腳蟹、蝦、螺食落都好新鮮，肉質不會梅。侍應貼心地為我們提供了較剪、手套、濕紙巾。不怕弄髒雙手。我後來亦試左牛小排，發覺都相當唔錯，有牛味而不會諧，下次如果想經濟啲可以叫牛小排餐。另外我朋友叫了任飲清酒，值得一讚佢容許我單人叫任飲，有些做放題的地方，如果叫飲品放題一定要全枱叫，也許怕我們互相飲同一杯。但這裡就容許一個人叫任飲，那麼我不喝酒的就不用白付了錢。還有值得一讚的，地方很闊落👍🏻👍🏻坐得很舒服！

難得有人主動提出想食邊爐放題全因餐廳做緊二人同行一人半價優惠於是抽出空檔大飽口福試咗牛小排套餐牛、豬、雞同墨魚滑都可以無限任添加上熟食、蔬菜、甜品同飲品任拎真係非常抵食而且環境衛生同服務都好好店內空間感都好足夠即使抗疫期間都令人食得安心😆叫埋任飲sake久違放任嘅lunch好幸福的感覺....

2/9. 4pm同至愛的去試下牛氣。我們由於剛起床，沒有太多胃口，於是選了入門級的$178x 2pax.第二位再減$50，幾扺！選湯揀左地獄湯底，肥牛口感偏鞋，有牛味，但切得算厚比起牛一！菜和丸的選擇不多……最估吾到係有燒賣和蝦餃，甜品和菓子和乳酸甜筒好食，有Encore 會再去的！

好友Chris為我慶祝生日來牛氣打邊爐，仲收到生日禮物紫色刻名浴巾今餐叫左嚴選美國牛肩肉放題$188 每位減$50 折實後每位$157湯底要咗黑蒜豬骨湯，唔覺有黑蒜味，不過豬骨湯底濃郁，味道唔錯，有一大舊冇肉嘅豬骨，唔食得都睇得來了兩盤牛肉、一盤豬肉、兩粒雞肉，牛肉及豬肉都唔錯，雞肉就麻麻哋！今日嘅熟食有魚肉燒賣、咖喱魚蛋、粟米羹、白飯、日式咖喱牛肉、素翅、蟲草花湯、壽司！壽司及粟米羹冇試，蟲草花湯味道麻麻哋怪怪地。日式咖喱牛肉好好味，好過牛一，素翅真係好似碗仔翅，加埋麻油及醋一流呀！今日嘅雪糕有原味乳酪及藍莓雪糕，兩隻味嘅雪糕都好味道。唯獨扣分嘅係服務方便，人係企係我枱隔離，成日望住我，但係又唔收野，佢睇到我將啲污糟碟搬出去時，咁岩次次佢個頭就拎歪咗，唔係一次囉再唔係就一定要我主動攞起，叫佢收碟，佢先攞走。

好耐無食過Shabushabu.平日lunch做緊優惠梗係要試試啦.我哋仲book到有75折🥰.Lunch menu仲有d係60分鐘放題，仲抵食，不過我地就覺得太趕啦，都係90分鐘慢慢食岩我哋多啲.揀左極上美國牛小排🥩放題 （原價$258）湯底：壽喜燒(另加$10) .同其他放題一樣，一開始送上指定食物，牛小排真係高質，雞髀肉🍗都好滑，豬就麻麻啦.其他配料都多款揀，仲有少量熱食，甜品，雪糕！.另外一提大家都可能關心衞生情況，lunch time都幾多人食架，但餐廳衛生情況良好，做足清潔，食物有蓋蓋住，大家可以放心食用😌