牛気 (屯門市廣場1期)

营业中

休息中

唔會再幫襯！服務同上餐速度勁差！我地5大人2小朋友，入座後就上湯底同生肉。食完首輪牛肉，order第二次牛肉，等左15-20分鐘都未黎，再叫第三次先有人過黎問我地係咪order左兩次牛。前後大概等左半小時先開始食第二輪牛肉，無幾耐職員走埋黎提示用餐時間快已到叫我地埋單先。我地之前點既3份水魷都未到，咁再吹下啦。 點知黎得6舊。我問呢份魷魚係一份定3份，個侍應話呢份係3份。。咩話，3份既分量得6舊？湯底： 以前食過3次，加湯底係會加反本身個湯底既，點知今次淨係補得清湯。食物：係大廳出面有得自助夾菜嗰啲， 丸類得二至三款。其餘都係生菜，娃娃菜，金菇。。餐廳有1至2％檯係hold起左，當booking？定係純粹hold起幾張檯，方便人手唔夠情況下容易打理？ 舉手叫人都要舉勁耐先有人幫你。啲人企晒係前面嗰度，後面係無人理架！ 我想講今晚我同fd一同5人無人食得飽，大家都好似無食過嘢咁！

屯門市中心大排人龍的日本放題餐廳 - 牛氣牛氣一直都係人氣火鍋放題店，平時一到晚市時間永遠，每一間店都係大排長龍 ! 個個都大讚抵食又好味，因為性價比的確係高！近排牛氣為左吸納番多D客人，晚市火鍋都做緊放題優惠，有好多款唔同套餐選擇畀大家揀，當中以唔同級數既牛去區分價錢，最平人均$198(未計加一)就可以食到牛肩肉、豚肉及雞腿肉啦！CK食呢個已經夠哂喉啦 ! 如果牛肩肉都滿足唔到各位既話，CK就推薦大家可以揀$248既SRF美國極黑牛套餐。因為美國極黑牛其實係由日本和牛及美國頂級安格斯黑牛混合繁殖出産既品種，更加突出到兩款牛各自既優點，令每片肉都有日本和牛既靚油花，入口又有美國安格斯既濃厚肉香，簡直係牛中極品！仲要唔使$250就可以任食，我都懷疑餐廳有無錢賺呀如果淨食牛都唔夠喉，大家可以加錢揀特選牛小排加海鮮放題套餐，除左牛小排、SRF美國極黑牛、牛肩肉等肉類選擇外，亦都有埋大海蝦、青口、日本帶子等新鮮海鮮，款款都非常鮮甜美味，咬落爽口！不過真係有咁大個胃先好揀呢個呀，唔係食到部分食物食唔到其他食物盞哂錢呀 !牛氣提供9款湯底，包括人氣北海道昆布湯、川椒麻辣湯、日式牛骨濃湯等等，大家亦

昨日約咗朋友打邊爐，最後去咗牛氣，14:30人齊後一氣呵成一行三人入去，我叫咗＄88豚肉定食倆位：＄108美國牛肩肉壹位定食：叫咗豬骨湯底。 湯底未到先去取飲品和外圍食品，有炸魚皮，碗仔翅，鷄旦和蔬菜，蔬菜有生菜，芽菜，金針菇，鷄肶菇，冬瓜，羅白，丸類有芝士丸，牛丸，魚旦，墨魚丸，腸仔，福袋。 好快定食猪肉，牛肉，湯底到咗，第一眼睇到大大舊猪骨，湯底好白第一時間放入鷄旦烚，再次睇向定食，今次份量比前幾次大份咗，一行三人都食得很飽。最後比錢＄312平均每位＄104。 不過定食衹限星期一至五公衆假期除外

日本集團食牛數一數二好食既餐廳 - 牛氣「牛氣」出名抵食。佢地既90分鐘和牛放題經常令到想減肥既我都投降上次係尖沙嘴THE ONE食過一次「牛氣」之後, 一直都念念不忘,上網一查原來自己地頭都有一間,就決定又去過一過食癮啦!之前去THE ONE個間牛氣雖然好味, 不過環境始終細左少少, 好彩屯門呢間環境大好多, 大家走動取食物時也不會太迫, 睇落點都食得舒服D呀! 同平時食放題一樣, 都會睇到一個雪飲品既雪櫃, 而旁邊有茶包、熱水等供應,飲品選擇多之餘, 仲有甜品供應, 全部細細碟岩晒女士同小朋友, 唔會做成浪費!肥牛未到, 我又肚餓, 就去睇睇有咩熱食可以先食頂下肚先~熱食有魚蛋、炒飯、炸春卷等等, 汁醬可以自行調配, 不過食開放題既經驗話我知, 單靠湯底都已經非常入味, 根本唔需要再點醬油啦火鍋配料選擇都算多, 選擇都唔少, 出面既粟米好甜,湯底就建議揀豬骨湯底, 味道清而唔濃, 用黎灼熟和牛就最岩啦!切「特級美國豚腩肉」既師傅刀功唔錯, 每片都薄如紙, 所以好易熟好快食得。不過因為CK我比較中意食肥牛, 就幾乎無乜食呢個, 試左一片, 比肥牛係相對上無咁嫩, 但都係豚肉味濃。「極

屯市有幾間火鍋，見OpenRice有得訂位，所以就揀咗食牛氣，咁就唔使等餐懵先有得食😆揀咗牛肩肉放題，午市每位減$40，折咗連加一每位$189💰湯底揀咗博多豚骨濃湯，大大嚿豬骨，煲湯濃到係奶白色，食咗大半個鐘就濃到有D杰，鍾意食清啲嘅可以叫店員加清水估唔到牛肉會咁高質，入口有牛味，油脂分佈平均，唔會過肥，平時食放題通常都係第一碟靚，之後加單都會差D，不過呢間就加單啲肉都係咁靚仔👍🏻👍🏻👍🏻另外仲有豚肉同雞肉都係任食，豚肉我本身就麻麻，雞肉都無試到🤭 自助區有幾款菜、丸、豆製品⋯⋯丸類選擇唔多，不過有啲款都幾特別，試咗幾款冇話特別好食，比較特別嘅係麻吉燒（其實即係芝麻湯圓），煮淋左就係一粒偏鹹嘅湯圓，好特別不過試一次就夠😂😂😂飲品都有幾多選擇，呢款烏龍茶好飲過道地👍🏻最驚喜係餐廳入面竟然有部棉花糖機，冇任何指示需要自己摸索點樣整，玩咗兩次就整到自己成身都係糖😂 店員話佢哋一開始玩嘅時候都係咁😂 棉花糖機隔離仲有一部雪糕機，都係可以試吓自己唧，只有海鹽雪糕一種味，好 好 食 ！ ！嚟到一定要試一杯！除咗棉花糖同雪糕，仲有幾款日式甜品、撻、豆腐花，都有幾多選擇。另外都有幾款熟食，茶葉蛋、魚蛋

食物嘅種類又唔可以話算係好多，中規中矩咁，如果中意有鴨血啊，鴨腸等等嘅人就可能唔係好適合依間，最得意嘅係有綿花糖機挽，但係依家好似因為疫情好似都已經冇再開放住。

天氣轉涼，又係時候食火鍋，今次我同朋友食晏時間去左屯門市廣場嘅牛気，餐廳主打任飲任食午市60分鐘， 晚市90分鐘，有涮涮鍋及壽喜燒，湯底有數十款選擇。今次試下美國極黑牛放題，牛肩肉，豚肉，雞腿肉，墨魚滑，牛骨濃湯底，仲有其他火鍋配料及甜品任食，罐裝飲品任飲！牛骨湯底味道濃郁，令食物非常入味，值得推介吓美國極黑牛，薄切嘅牛肉片，充滿肉汁，入口即溶，滾1分鐘左右就食得，我同朋友食左4碟先停到口。雞腿肉都非常鮮嫩，沒有雪味。甜品方面，有乳酪雪糕同我最鐘意嘅棉花糖任食，仲可以自己玩埋一份添❤️

平日食飯不算多人我哋4人選左 極上美國牛小排+海鮮放題加錢要左兩個 ： 豬骨 同麻辣佢麻辣湯底唔太辣 有鴨血！但不是任叫（喊出嚟）個人認為如果想慳錢食 海鮮放題可以skip 唔係海鮮唔好食 係佢地個肉好好好食最欣賞佢係肉類真係唔錯 唔係hea 你 交足貨同堆雞蛋係任拎的 平時要加錢但每次都要叫人去拎肉呢個好少見好多都電子自動化佢自助甜品有棉花糖整 好岩大人細路仔去食

26.08.2021 牛気上Open Rice預約8:00去食牛気，未到7:30已經到了，門外也有不少人正在等候；門口職員姐姐好好人，話首先看看7:30預約人有無到來，這樣好合理，畢竟別人比我約得早。不久可以入座，還給我倆四人座位，坐得特別舒適。只得一個半小時進餐時間，之前來吃過一次，只顧拍照及吃菜，吃了很少牛及海鮮。所以今次選擇了牛小排$248牛小排放題，盡情不停吃牛小排，肉質很甜，問職員原來可以任意一次上多少碟，上牛速度都相當快，可以吃過不停。最後二人吃了八碟，很滿足呀。除了牛，豚肉雞腿肉墨魚滑也是任叫任食，但比起牛小排實在相差太遠，可能自己太喜歡吃牛。本身也有幾款蔬菜、瓜類、麵食、熱葷、甜品、壽司自取；雖然不算很多，但應該有些會啱食。最有趣是棉花糖機，只需加一、兩殻砂糖，就可以轉出大大個棉花糖，影相啱like最好！如果進餐時段可以延長些，就更滿意了。

真開心，友人提前與我慶祝生日，當然要大吃一頓，我哋去屯門巿廣場 「牛氣」午餐放題，限 90分鐘 😀🐂、牛、牛肉，店舖環境都幾好，坐得舒服牛小排、牛肩肉、海鮮、澳洲和牛、價錢分別是 $188 起選擇了 最平宜的牛肩帶放題，包括豚肉及雞腿肉生日月份奉送牛一份，太好了，店員即時燃亮臘蠋🤗黑蒜豬骨湯底，不油膩，好喝牛肩肉嫩滑，挺好，吃了三監🤗可以拎冷 熱飲品，甜品、糖水，蔬菜🥬丸、少量壽司、瓜、番茄🍅南瓜、雪糕、日本雞蛋、沙律🥗等等乳酪雪糕😋 雪耳 紅棗 杞子 圓肉糖水夠滋潤埋單連加一 $334 ，平宜啊！後來才知道，原來午市 每位激減 $40 👏

我哋揀咗佢啱啱新出嘅沙嗲湯底味道10分濃郁 好香口 好重沙嗲味👍係沙嗲湯淥完啲嘢食已經夠味 可以唔使點其他醬🤤食物種類算多 有蟹柳，蟹子丸，芝心丸，芝士腸等等平時出邊打邊爐比較貴嘅食材👍如果好彩嘅話，仲有鴨血添😍肉類方面，就要叫店員幫你攞豬肉同牛肉就比較普通但係幾驚喜嘅係，淥咗好耐之後，雞肉仲係好嫩滑👍除咗打邊爐嘅食材之外，仲有唔同種類嘅小食同埋甜品我推薦佢嘅布朗尼蛋糕 食得出好重朱古力味 咬落香甜 又唔會太甜膩👍小食有碗仔翅，炸春卷，咖喱牛腩等正正常常，不過幾足料，幾好食裝修得幾新淨 大家都會坐得幾開 唔會太迫 可以好舒服咁同朋友傾偈😍

我同朋友二人，星期六大約4點鐘行過見到牛氣，入面d位幾舒服又無乜人咁，就入去食放題。首先，個侍應安排左我地搭枱，4人枱中間有塊板隔開。我地見個場勁多位 全場3份1人都無，咁要求調另一張台，個侍應竟說‘如果有位就比左你啦’。 但疫情下，同隔離位實在太近了，咁我地見到第個侍應再要求調位，終於肯調，調左一個近廚房的偏僻位，但都好唔洗同其他人太逼。其實建議一下，唔係旺的時段，可以開放其他空位出黎比人坐，其實有幾張4人卡位hold起左至到我地食完90分鐘都無人坐。到食物，第一round幾碟肉，將牛肩肉擺落個鍋到，即刻浮起勁多油渣，已經好快拎上黎，但食落超‘鞋’口，口感極差，係仲‘鞋’過烚左好耐的肥牛！之後豬都還好，但又浮好多豬油渣！而雞又係‘鞋’口。最後我同朋友係全程食菜，就快埋單果陣店員仲問洗唔洗加肉，不了！連頭盆的肉都咁難食，之後加的肉真係想像唔到........呢間唔會再有下次！

今日一個人嚟試吓lunch打邊爐我揀咗任食牛肩肉，而家做緊優惠可以減$40。連埋加一都係$15x。揀咗個昆布湯底，淡淡地唔算太濃味，牛肉正常唔算太有牛味，反而我覺得佢個豚肉同雞肉唔錯，豚肉爽口雞髀肉就幾滑。配料都係啲丸，金菇，蘿蔔，菜嗰啲冇乜特別。我最後食埋杯軟雪糕同飲埋杯咖啡呢個價錢任食食到飽算係咁

今日約左個朋友食飯，之前聽人講話呢間打邊爐吾錯，想試好耐，一直都好多人等位，我又吾鐘意排隊，所以見今日6:30甘早應該冇咩人，所以嚟食，我哋吖左牛小排餐$258，黑蒜猪骨湯（好味😋），佢有好多吾同既蔬菜、仲有部棉花糖機，種類相對都幾多，佢哋位比較寛，坐得都幾舒服，服務都幾好，叫佢做野都幾快，用餐都幾愉快，差唔多到8點我哋走果時就見到出面好多等位

排隊的話就大概60分鐘左右，以星期六既晚市黎講排隊嘅時間都尚可以接受。安排入座嘅時候都好快，一入到去坐低就已經有嘢食同埋個鍋喺度，可以加快到成個進度。配料來講都算OK，但係唔知係咪因為太遲入座，出去攞完一次，好多嘢食都冇再refill ，選擇可能比較少。