牛知己 (已結業)

元朗-牛知己：晚市90分鐘放題（美國極選牛肉+海鮮放題）（$188）+10%位於世宙下面的牛知己，之前在IG見過佢既牛肉花，想試好耐了！但係我食既$188 90分鐘晚市放題就沒有那個花，只有平時食到一碟碟的牛。呢度特別既地方係佢其實係一個韓式火鍋放題！湯式有多種韓式選擇，牛骨雪濃湯不用加錢，我選的韓式泡菜湯就+$20。火鍋用銀色湯鍋，好有韓國風味！桌面上有tab可以下單，肉類和海鮮都在這裡order，然後一盤盤肉就會經路軌去到桌子旁上面！好自動化！我的$188套餐可以選美國極選牛肉、西班牙豚肉、西班牙五花肉、美國雞腿肉，海鮮有紐西蘭半殼青口、 原隻魷魚、帆立貝、蝴蝶蝦。前菜、蔬菜、丸類、飲品、熟食都可以在自助吧桌拿，非常方便，種類頗多，滿雪櫃都是，我覺得很滿意了！我特別欣賞他飲品方面的選擇，除了一般雪櫃內的凍罐裝飲品，還可以選擇熱的例如沉香茶！甜品有豆腐花，但我覺得最後一定要留肚食佢嘅乳酪雪糕，好多配料可以揀，超級正！

這天與媽媽來元朗辦點事，搞掂後在大橋街市附近搵食，經過這間牛知己見幾新幾大間就來試下。這裡做有火鍋放題，不過媽媽話想食湯鍋，而且都湯鍋set都有前菜炸物飲品雪糕任食任飲，OK，聽媽媽的話！飲品凍櫃有三大個，仲有加拿大豆漿，水正果(據說是幫助消化及醒酒的飲品)。跟媽媽一樣取了豆漿，唔太甜，又夠濃，推薦！咖啡熱茶都有前菜第一round有木耳＆蓮藕、中華沙律，第二round中華沙律換左泡菜，yeah！最鍾意泡菜😍另外的薯條熱辣辣，正呀！濟洲牛丸雪濃湯配飯($63)：不要少看這個鍋，牛肉的份量多得驚人！食極都有！🤣 而且不是普通肥牛，瘦的部分多一點，幾有肉香，牛丸也大大粒，有肉味，跟普通粉感重的牛丸不能相提並論。馬鈴薯排骨湯($70)配烏冬(加$10)：這個湯很有趣，有類似菜乾的東東🤣，味道很特別，有點中菜的親切感！排骨是連著軟骨，燉得很腍，整塊都可吞掉。烏冬滑溜有口，份量比想像中多，加$10值了！吃完正餐當然食埋個雪糕！兩隻味都要食！雪糕機旁還有幾款toppings可以自己加，隨意灑了一些在綠茶軟雪糕上，賣相即時upgrade！雪糕的texture&味道都唔錯，加上脆脆的花生及脆米，吃一杯

今日去咗元朗打邊爐， 打邊爐我都打得多，呢間我都係第一次! 因為朋友介紹， 話嗰度好特別所以咪一試， 試完之後真係與別不同！首先講下環境 ，舖頭非常之大 ，設計非常之靚 ，入到去每一個都係卡位，四個人一張，而我就同朋友坐了一張卡位 ，初頭都好唔習慣，唔知點點嘢食，原來它的點嘢食好似元氣一樣用ipad 點嘢食， 所以你點乜都一目了然， 嘩我真的非常之開心， 最令我覺得特別的是它送食物的時候， 都是像元氣一樣用車軌出這個食物， 所以我覺得這間舖頭真的令我眼前一亮 ！講返食物， 食物非常之多元化，你講得出的都會有， 樣樣都非常之新鮮， 有海鮮、 鮮牛肉、 豚肉 丸、魚及好新鮮多元化的菜， 連秋葵都有得打邊爐， 我都是第一次 ！講返主菜，牛肉非常之鲜，我一連點了很多碟， 簡直冇令我失望; 湯底亦都是另一個亮點，它的湯底是豬骨湯底， 初頭叫的時候都擔心好肥， 但是當他一嚟到， 奶白色的豬骨湯底， 令我眼前一亮， 我不由得的飲了幾啖湯 ，簡直令我回味無窮！ 它的丸、牛肉及海鮮非常之鲜，根本不需要點這些醬料也能滿足到自己的味蕾！ 飲品亦都多元化， 只要你想飲的都會有， 服務員態度又致誠，所以這一晚令

剛巧在世宙樓下探望完朋友，被這一間走韓國風格的牛知己所吸引，於是便進去吃火鍋晚餐。店舖入面天花掛著發光大圓球裝飾，樓底好高，座位寛闊，坐得頗舒服。晚市不同火鍋套餐可以選擇，我們選了第二便宜的$188美國極選牛肉海鮮放題配免費的牛骨湯底，有九十分鐘可以任飲任食。套餐包豬牛雞任食，還有四款海鮮任點。可以用ipad落單點肉類和海鮮，經由輸送帶送到客人面前，十分方便。前菜有泡菜和麻辣木耳蓮藕，泡菜偏酸口味，而麻辣木耳蓮藕夠麻夠辣，十分開胃，食指大動。而炸麥樂雞、餃子和韓國粉絲都可以任取，但為了留胃口吃其他美食，所以沒有嚐到。牛肉新鮮嫰滑，和牛骨湯底十分夾﹗外面更蔬菜丸類自助吧應有盡有，蔬菜非常新鮮，而丸類種類多，特別的是有放題少見的長洲大魚蛋。 韓國桃酒都有，正！總括而言，餐廳放題款式新穎，性價比高。

以為好得，終於今日晚同屋企人去食！超級唔得🙅🏻‍♀️🤦🏻‍♀️ .... 啲雞炸到硬晒、超乾、唔Juicy 、骨多肉少每次落單叫幾多件就送幾件！雞髀、雞翼全冇見過！😒炸雞同短片介紹一啲都唔同！炸物只有炸薯條、炸餃子甜品只有雪糕機雪糕，一放入口，已經唔想食，冇奶凍！仲要$138 一位另加一原本兩小時嘅任飲任食！只食咗 45分鐘就走！唔會再去！全部同介紹唔一樣😒超級失望😤所以平嘢冇好 😓之後仲要買嘢食！

見呢間都開左一段時間，又見到好特別的韓湯火鍋放題，一於試下，原來間店都幾大，好多位，好彩我地7點黎到都唔洗等位。用IPAD點菜超方便，點完之後仲有輸送帶將食物送來。我地選左「美國極選牛肉+海鮮放題」，除左肉類、海鮮任食之外，出面仲有自助吧，自己出去拎，有蔬菜、丸類、腸類、菇類、幾款熟食同前菜、自助醬料吧、飲品同雪糕。除左hite啤酒之外，其他飲品任飲。湯底選左牛骨雪濃湯，清得黎又有香濃的牛骨味。肉類放題可選美國極選牛肉、美國特產牛肉、西班牙豚肉、西班牙五花肉、美國雞腿肉。兩款牛肉都係非常腍，非常濃郁的牛味，而豚肉較厚較大片，比較有口感，五花肉就好腍。海鮮放題就可選紐西蘭半殼青口、原隻白魷魚、帆立貝、蝴蝶蝦，海鮮都好新鮮，蝦好彈牙，爽口，帆立貝鮮甜﹗

星期六日落大雨, 搞到冇咩心機去街市買餸 (其實搵藉口）, 捉左老公出元朗買少少野順便食埋個lunch, 朗屏一出行去世宙就見到間新開既餐廳, 裝修新淨, 見除左韓燒仲有平平地既lunch set可以選擇, 今日我地叫左韓式炒牛肉跟伴飯同埋韓牛午膳, 跟餐有餐飲, 唔少得韓式泡菜銀莖捁木等配菜,可以自己出去自行refill, 仲係無限次數添！我個人最欣賞係佢跟伴飯, 好多大型餐廳只係跟白飯,見到有伴飯真係喜出望外, 我自己叫既韓牛湯,湯底好甜,滿滿既牛肉甜味, 撈飯真係好一流！原來餐廳仲有自助雪糕機同有豆腐花,$6x蚊up一個set lunch 有咁多野食非常抵！

放假先黎落雨好彩屋企樓下有間火鍋店唔洗出去都有好野食！呢間野開左一排，成日都排哂隊，今日都唔例外。。好彩等左十分鐘就有位，都算迅速店內環境光猛舒適，空間感大自助調味吧有好多唔同種類既醬料選擇，仲有說明咩醬汁配搭咩肉類或者蔬菜好貼心點單電子化～我個人好中意呢個做法，一來自己清楚點過咩食物，二來可避免漏單情況仲有多款蔬菜/丸類/麵類等配料選擇。蔬菜好新鮮，值得一讚而且店員不斷巡視食材，衛生程度達滿分我點左$138既套餐，有牛肉，豚肉無限追加。呢個係韓國泡菜湯底好重泡菜味，夠香夠惹味哈哈 好得意，點左既配料會係呢條軌道上送出黎我見格離枱個小朋友好興奮，呢個idea唔錯呢個肥牛意外地有牛味 (因為對任食既牛肉期望係低d), 而且油脂味香，食落口好滑仲有肉汁唔錯。呢個雞都唔好忽視～原來用左雞髀肉，唔怪得之肉質咁嫩好滑，啖啖肉，一d都唔韌啦好食！

剛巧走到世宙樓下，餐廳門外見到一個穿韓服女服務員。令我勾想上年和男友在韓國賞櫻穿韓服回憶，於是我們忍不住進去懷緬一下。晚市不同火鍋套餐可以選擇，我們揀選了$188美國極選牛肉海鮮放題配牛骨湯底(不用加錢)，套餐包美國極選和特產牛肉、西班牙豚肉和五花肉、美國雞腿肉任食。還包括四款海鮮任點，有紐西蘭半殻青口、帆立貝、原隻白魷魚、蝴蝶蝦。餐廳有秘製韓式醬油配搭，不過自己最喜歡蒜蓉+豉油(偏甜)+辣椒的調味。冰箱有飲品豆腐花任飲任食，特別是有很多款韓國飲品，有我最喜歡的韓國清新桃酒。套餐會先來四盤肉(豬牛肉各兩碟)，結果發現牛肉質數不錯，有驚喜﹗更想不到牛骨湯底和牛肉相當配搭，可以帶出牛肉鮮嫰味道，而且將牛肉放下去煮不容易出現起泡問題。另外客人可以用ipad落單點肉類和海鮮，較為環保，不會浪費紙張。而且有輸送帶送餐，快捷準確又衛生。除左肉類之外還有蔬菜丸類自助吧，想吃多少就夾多少，我們忍不住出了去數轉拿取自助食物。 吃飽飽當然要來吃一點甜品，有自助雪糕機。抺茶雪糕很好吃，Topping有煙韌迷你棉花糖、小熊糖，吃完十分滿足。

夏天前最後岀擊，打邊爐！係元朗呢間牛知己打邊爐係韓式既，試下都好喎！離遠已經見到個門口，間舖好大，樓底好高，坐位又闊，去過旺角食放題既人一定知，D位又迫又窄，呢度真係無得輸。好，睇下食咩餐先。我地選呢個極牛加海鮮放題，百零蚊有海鮮，算係甘。韓式泡菜鍋，少少酸酸辣辣甘，好開胃。呢度送食物都係自動化，海鮮送到了，青口都好大粒下。極牛同豚肉都好靚仔，色澤紅潤新鮮，食落肉味重，正！特牛同五花腩就有少少脂坊，食落就口感滑D，特別係五花腩，唔好以為好肥，食落係爽既，呢個好好食。減肥既人要食，唔使減肥既人更加要食！美國雞腿肉，用黎打邊爐一d都唔差，仍然食到雞肉果種嫩滑。係岀面可以自己拎配菜同肉丸，個醬汁區，真係要講下，款式同平時食既好唔同，個辣椒醬油好有韓味，而且醬汁夠濃，唔稀。飲品款式都算多，仲有牛奶布丁，豆腐花，抹茶雪糕等等既甜品。

因為今日放假，所以約好友去打邊爐。 朋友帶我去佢樓下嘅餐廳食飯， 名叫「牛知己」， 餐廳位於元朗安寧路38號世宙商場地下26-27號舖。 門囗放了多部汽水櫃， 飲品是任飲的。 我哋揀咗個清清地嘅《海膽海帶湯》， 估唔到湯底都好清甜。 我哋用平板電腦下單， 又方便又環保， 仲有用輸送帶送餐， 我Like 呀！ 又快捷又方便。 我哋揀咗個《美國極選牛肉， 海鮮放題 》。牛肉有大理石狀嘅花紋，入口肉質滑嫩， 牛肉味濃郁。有多種海鮮任叫， 例如青口、 魷魚同蝴蝶蝦等等。青口肥美鮮甜， 蝴蝶蝦爽口彈牙， 好味。 除了打邊爐外， 仲有即食自助區， 有麵同小食。 除了肉類同海鮮，仲有蔬菜、丸類、 麵等等。 蔬菜十分新鮮， 好爽口。 最後大家記得食甜品呀， 真係好滿足， 好飽。 總結吓先， 食物不錯， 環境寬闊， 價錢大眾化！

好抵㗎任食火鍋！有幾個價錢比你簡，我地簡左$188， 任食牛，豬加海鮮！好適合一家大細去，d位夠哂闊，坐得幾舒服！但個牛骨火鍋湯底，我認為咸左dD菜係自己出去任拎，呢個安排唔錯

去左元朗呢個美食天堂，唔知食咩既時候黎左陣寒風，就決定了食韓式火鍋！牛知己 係一間自助任食韓式火鍋，裝修新興乾淨，門口更有身穿韓服的女子，更添韓味！韓式泡菜火鍋湯底泡菜的味道由打開鍋蓋果刻，香噴噴的滿足了我聞覺，而且，配料非常充足，唔係只有色水！好濃郁的韓式泡菜呀！海鮮極選牛肉 牛肉肥美，脂肪飽和，入口有牛肉脂香，又無根，好難得！豚肉大大塊，肉味濃，又不失豚肉味！海鮮包括青口、白尤魚、帆立貝、蝴蝶蝦　青口滾完仍然大大粒，蝴蝶蝦係無殻，岩哂我呢個港女，海鮮好正，仲可以無限refill 配料種類繁多，蔬菜係好新鮮清洗得非常乾淨，丸類繁多，而我較為喜歡娃娃菜同芝士丸！蘿白、蓮藕就要開始時落下火鍋，差不多到尾聲就可以食得！正小食薯條、炸餃子、韓式粉絲、年糕魚糕。炸餃子既餡料係泡菜，風味十足！年糕魚糕亦有地道風味飲品&甜品飲品有凍有熱，任均選擇！岩哂我只喜歡熱飲的人！甜品有豆腐花同雪糕，而雪糕有乳酪及綠茶口味，加上朱古力醬及脆脆，充滿個人色彩的雪糕！整體黎講，牛知己 的性價比相當高，環境坐得舒適，亦有牛牛作為配襯！如果想食韓式火鍋，牛知己確係一間值得去試的鋪頭！

同朋友第一次去食，因為星期六食，怕會多人，所以訂位比較穩陣，去到服務態度好好，環境舒適，座位舒服，店員一開始會介紹餐廳既湯底同打邊爐套餐。最後點左個韓牛套餐，我個人認為唔貴，呢個價錢食到A++韓牛、牛他他、黑毛豚肉、其他優質火鍋食材、韓式炸雞、乳酪雪糕、炸物、大量飲品款式，食完好滿足。湯底亦係自家製，打邊爐前試飲左，好正，飲得出係自家研製，醬料亦都多選擇，呢間價錢無得輸，良心餐廳，真心值得推介比朋友仔，一定要約朋友食多幾次😋

傳統嘅任飲任食打邊爐就食得多，韓式嘅打邊爐都係第一次，呢度嘅任食套餐有幾款，今次我地簡嘅呢個套餐可以任食嘅有肥牛、雞腿肉、西班牙豚肉、帆立貝、蝴蝶蝦、紐西蘭半殻青口、小魷魚，而呢D食物係用平板電腦落單後，就會有自動化路軌送上食物，感覺好新鮮而除左用平板電腦落單嘅食物之外，出面既自助區仲有好多丸類、蔬菜類、炸物類、飲品同甜品等等，款式都算多元化湯底我地簡左海帶海膽湯，食嘅時候幾清，可以食返本身食材嘅鮮味牛肉牛味幾濃 雞肉非常滑溜，滾左好耐都唔韌而今個三月仲有個PROMOTION，就係LIKE 左佢地個Facebook page， 就每人送一份1++韓牛牛丸同牛筋丸，而且任食嘅時間會再多三十分鐘TIM