牛知己 (已結業)

朋友仔上左遊輪玩左八日回來勁想打邊爐下午在元朗區打邊爐真係要搵搵先又真係搵到喎兩個人選了特級美國牛肉套餐每位$128+1包括特級冊美國牛肉西班牙豚肉西班牙五花肉美國雞腿肉以上四款都可以九十分鐘內任食看似切得好薄但淥熟後還是有得口感的服務員超有禮貌及甜美笑容令人食慾大增👏🏻👏🏻👏🏻👏🏻👏🏻坐位亦好闊落，店內整潔衛生好好🌟🌟💀💀💀再加上自助食物好多丸類及蔬菜類我勁鐘意食嘅窩荀我食左好多🐷🐷🐷而飲品有超過二十款罐裝包裝汽任食真係唔怕選唔到飲品加埋一$282兩人我覺得好抵食呀👏🏻👏🏻👏🏻👏🏻👏🏻👏🏻

星期六訓到日上三竿然後一起身就肚餓 同老公決定去附近主打韓式任飲任食火鍋一次過當食早午晚餐 餐廳座位全部都係卡位形式 唔使驚坐得唔舒服晚市90分鐘放題有五款套餐 價位由平民到豪食 任君選擇我地揀咗美國極選牛肉 • 海鮮放題湯底有牛骨雪濃湯 海膽海帶湯 韓式大醬湯 韓式泡菜湯 韓味辛辣湯 共五種湯底我地想食得韓啲於是揀韓式大醬湯落單後所有肉類會各上一碟 海鮮類就可以透過座位上嘅pad自行選擇食物會以運輸帶由廚房送出 夠特別開始前 我地先試一啖大醬湯 惹味香濃中帶少辣至於肉類放題包括美國極選牛肉 美國特產牛肉西班牙豚肉 西班牙五花肉 美國雞腿肉我同老公係牛魔王 所以主攻兩款牛食牛肉呈鮮紅 肥瘦均勻 肉質爽口有牛味建議淥大概5-10秒就可以食 唔會過老 剛剛好海鮮放題可選紐西蘭半殻青口 原隻白魷魚帆立貝以及蝴蝶蝦 每款都好鮮甜 加上 吸收大量大醬湯帶微辣特別推薦彈牙魷魚同埋厚肉青口自助區則有廿四款蔬菜丸類供應 總有一款啱心水另外熟食區係兩款炸物 炸餃子同埋麥樂雞麥樂雞熱辣辣 點埋泰式辣醬 好食過麥當勞韓式小菜泡菜 芽菜 中華沙律 三款長期供應 至於飲品方面包括罐裝枝裝盒裝 枝裝最抵飲食飽飽再

拜年拜年，新年例排活動，搞掂之後到了世宙樓下的牛知己打邊邊，都幾多人等位，人氣不錯嘛。勁光猛的店，離遠已見到餐廳。用pad落單夠方便。醬料幾多選擇，因為係韓式火鍋，有韓式辣醬，燒肉醬等，哈哈。任吃的自助前菜，有泡菜，大荳芽等。仲有炸餃子，麥樂雞塊等。自助火鍋料，一般丸丸腸腸菜菜等。菇類，響鈴卷，蟲草花等。飲品亦有很多選擇，汽水機，咖啡機，茶包，罐裝野飲等。甜品有乳酪機同數款topping。牛肉會由中間呢條軌到送出，幾有型呀。開餐了，要了美國牛肉餐（$188），牛肉質素一般啦，多肥類型，一分錢一分貨好合理。豚肉就有驚喜，幾滑而且無豬臭味，個餐仲有雞腿肉同海鮮數款都係任食的。食飽飽就係甜品時間，整左個抹茶乳酪，意外地好重綠茶味，encore先～湯底有四款選擇，除牛骨湯免費外，其餘三款湯底要加錢的，要留意了～$188一位食90分鐘，都算係公價黎啦。

早幾日行元朗花市經過見到呢邊開咗幾間新餐廳，位置就喺大橋後面安寧路嘅新商場，見到其中一間主打韓式火鍋任食放題，所以安排呢日嚟試下同其他火鍋放題有咩唔同門口標誌好養映眼有多款套餐同湯底選擇，都係食90分鐘，呢日係閒日但未夠7點差不多已經坐滿人，待店員帶我們入坐之後細心講解，原來食物是由電動路軌輸送，先用枱面嘅 I pad點選，跟住點選嘅食物就會好快🚄走到你面前食物隨點選外仲可以喺自助吧選擇食品及飲品淨計罐裝飲品已經有十幾款，甜品有豆腐花同布甸轉個彎又有汽水同轉個彎又有汽水咖啡☕️茶同雪糕🤤蔬菜🥬同菇丸類都有好多種響玲豆卜拉麵都有另外有幾款韓式小食同Kimchi,醬油蒜粒辣椒🌶️粒芝麻醬樣樣齊，最啱混醬嘅人個煲係用韓劇成日見到用嚟煮麵嘅牛肉望落偏肥，但牛味十足，我覺得比連鎖XX火鍋放題更好食呢個係五花肉，油香滿載口腔，肉味香濃但唔會有豬腥味，值得一試雞肉大大件又夠嫩滑，另外仲有蝦、帶子、青口、小魷魚等等，帶子同魷魚細細隻但都好好食，另外推介一定要試拉麵🍜，個別包裝口感彈牙真心覺得呢度好食放集團式，地理位置方便，價錢中等，店員都好有禮貌同好細心幫忙希望能夠保持水準，值得一試

天氣凍，最好就係打邊爐，今次呢間係韓式邊爐環境舒適， 座位係卡位甘坐，五洗同其他人坐得好近！打邊爐必食就係牛，用ipad點牛，再由輸送帶送過黎，好似食元氣壽司甘除左牛，仲可以點豚肉，雞肉其他邊爐配料就係自助形式，種類都ok！仲有小許前茶同熱食，如韓式前菜，麥樂雞，餃子，韓式炒飯。值得一贊既係，店面，自助bar都好乾淨，擺放得又整齊，令人食得好放心仲有甜品，乳酪雪糕，罕見到仲有綠茶味，由於我食得太飽，就無試，不過友人話幾好味

燒肉食得多，韓式火鍋就真係第一次聽平常見既都係部隊鍋，得丸、菜同公仔麵，呢度就有牛豬雞任食，仲有唔同套餐揀～落單係用ipad，環保啲、唔會浪費紙張仲有輸送帶送餐，快捷又衛生啲。本來怕韓國野一定好濃味，呢款海膽海帶湯就岩哂清清地，唔會愈食愈口渴，同時又食到海帶既鮮味。呢度既牛肉雪花較多，肉質軟身油香較重；豚肉片大塊爽口，肉味較濃。$188套餐都包左幾款海鮮任點。蝴蝶蝦一淥好快食得，蝦肉爽彈，最緊要唔洗自己剝殼好方便雞腿肉好厚嫩，又無乜肥膏。除左肉類之外仲有蔬菜丸類自助吧，應有盡有，想食幾多就夾幾多，唔怕嗌完食唔曬做大哂鬼龍脷柳一定要拎啖啖肉，口感滑嫩。炸麥樂雞同餃子都有得任拎想食十八件雞唔洗去老麥，呢度既更加香脆。餃子幾特別，內餡除左豬肉椰菜仲添左粉絲粒，口感豐富，係外皮唔夠脆同偏油左少少～Like fb仲有炸雞送，即叫即炸新鮮熱辣，如果係無骨雞就更好食飽仲有得自己整乳酪雪糕，有我最愛既可可米同花生粒，當然要食返夠本！加埋朱古力醬完全可以媲美老麥朱古力新地第一次試韓式火鍋，90分鐘由頭食到尾好滿足如果炸雞都有得任點就好啦～

好多時用 Open Rice 做 book 地方食飯，方便嘛 好少去元朗區，人生路不熟，就選咗“牛知己”，見到食評都唔錯，又方便可以用 app 做 booking。果然係真既，牛肉， 黑豚肉，蔬菜，好新鮮呀！海鮮就普普通通，雪到好似冰一樣 餐廳用 tablet 落單，冇漏單，做得好 食材用路軌送到座位，好得意喔 甜品有乳酪雪糕，綠茶，雲呢拿，兩種味，仲可以有 爆爆珠做 topping 老實講，90分鐘未夠喔～ 如果可以多半小時就好，可以慢慢食嘛

搬入元朗後真是大享口福啊，因為有太多美食啦！這天悠閒的下午想打個火鍋於是找到間韓式火鍋，韓國火鍋在香港比較少有呢！餐廳很闊落全部是卡位坐得舒適，我們選了特選美國牛肉套餐，有60分鐘，任飲任食。湯底選了海膽海帶湯，很清甜的，而且我撈到了海膽，熟了的海膽味道都鮮甜。先會來兩盤牛一盤豚肉，肉類不錯，好吃！豚肉意想不到地非常鮮甜，而且爽口彈牙，牛肉有鮮甜的牛肉味。外面可以自取的是丸類和菜類，生菜放進鍋裏幾秒就可以食，鮮甜又爽脆，丸類我喜歡墨魚丸，彈牙鮮甜。還可以用電子屏幕選一些海鮮，選了玻璃蝦，記得是爽脆的，但還是肉類比較出色，之後點了雞件也不錯，很滑而且有些調味，所以味道不錯！還有我最愛的小菜泡菜，吃了兩碗！飲品我發現了一款超好跟的，是柑桔蜜糖，酸酸甜甜而有些澀澀的味道，很像真的柑桔的味道，太美味了！吃飽飽了就吃些甜品吧，山形豆腐花跟抹茶雪糕，抹茶雪糕不是太甜，而且不是很膩，所以即使吃得飽飽仍然吃得下，太滿足的一個下午呢！

想食任飲任食既打邊爐除左牛陣、牛涮鍋，元朗都仲有一間選水，今日行到朗屏附近見到有間牛知己原來係放題邊爐黎既！至愛仲要係韓式主題既，試試試！！-今次選左美國極上牛肉海鮮放題🙌🏻套餐有美國極上肥牛、雞腿肉、西班牙豚肉、帆立貝、蝴蝶蝦🦐、紐西蘭半殻青口、小魷魚🦑，除左套餐主食，外面既自助區仲有好多丸類、蔬菜類、熟食類、甜品區等等，應有盡有🤘🏻有少許前菜選擇，都係韓式類，有泡菜、撈芽菜、中華沙律，後面係韓式炒飯，泡菜好食啊，做配菜一流！除左前菜，熟食類都有麥樂雞、炸餃子，新鮮炸起，餐廳refill都快！自助區方面擺放得好整齊，感覺都好乾淨，食材新鮮，菜都有四五種，丸類腸仔都有基本既選擇，最特別係佢有個龍脷魚柳醬汁選擇都比平時多，有韓式既醬汁，仲會教你菜類肉類配咩汁先最好食！其實一坐低選擇好套餐，餐廳就會送上套餐包既肉類，要添加既都係用餐廳既ipad，套餐既海鮮都係用ipad加，最得意係依到用運輸帶送菜架湯式方面其實有幾款韓式湯，我地選左比較清既韓式牛骨湯，飲落都有淡淡既牛骨香！而肉類既油脂分佈都平均，任食質素黎講都好不錯！幾有驚喜既係海鮮類，蝴蝶蝦好正呀！！唔洗mid殻既蝦已加分咬落都好爽口，

韓式火鍋放題在香港不多，就算上次跟姨姨去旺角吃韓燒火鍋放題，我們都只顧吃燒肉，沒有時間吃韓式火鍋。今晚我和媽媽就正正經經在元朗 一嚐韓式火鍋，溫度只有11度，更有藉口吃火鍋保暖。平日韓劇所看的海帶海膽湯，現在我也可以在牛知己點海帶海膽湯作為火鍋湯底，這湯太補吧，滿是海膽與海帶，可想而知它多鮮甜，當火鍋湯頭很不錯。我們先去探究有甚麼可即吃飽腹，湯底需時滾煮嘛。涼菜方面有泡菜，螺肉，荳芽，熱菜則有炸雞塊，炸泡菜餃子，炒雜菌，炒飯及燉排骨。我拿了兩款涼菜和兩款熱菜，泡菜，螺肉，炸泡菜餃子與炒雜菌。泡菜微酸微辣，開胃非常，讓我猛吞口水，誰能抗拒。螺肉具彈性，頗有咬勁，炒雜菌濃香多汁，媽媽挺喜歡它的味道。至於我就推介炸泡菜餃子，香脆的餃皮包覆泡菜粉絲，口感豐富。美國雞腿肉給得不少，軟嫩彈牙，最重要是沒雞骨，吃來方便多了。雞腿肉在海帶海膽湯裡浸泡，特別溫潤順口，全身開始暖起來。特級美國牛肉瘦肉偏多，油花較少，但不受油脂少而影響其肉質，牛肉不乾柴，入口蠻柔嫩的，且肉味濃重，建議大家跟我們一樣涮煮至五分熟享用。切片的西班牙豚肉肉片上可以看到粉中帶白的油花，輕輕涮煮就可吃，豚肉肥瘦均勻，細緻帶點微微脆脆

近日天氣稍涼，見朋友屋企附近新開了間韓湯火鍋放題，價錢公道，放工便約幾個朋友入內一試！揀選特級美國牛肉海鮮放題，加$20點了海膽海帶湯底。餐廳用tablet 加單，方便無比！ 餐具一絲不苟，用上韓式餐具，未食先加分！ 加錢叫了安格斯牛小排及西班牙100%杜洛狄克黑豚。店員將黑豚排成玫瑰花上碟，即時心心眼😍牛小排肉同脂肪比例均勻，口感嫩滑，黑豚肉沒有豬臊味，肉果鮮甜。至於任食的美國牛肉亦沒有比下去，有牛味，不過脂脂較少，不可淥太久。 除了肉類，還可任吃青口，墨魚仔，蝦及丸類。其餘蔬菜類則可在外面自己揀選。 不得不提竟然有長洲大魚蛋，口感彈牙，一粒等於三粒普通丸咁大！至於飲品，除了有汽水機外，還有韓式及港式罐裝飲品任君選擇，不喜歡有汽飲料的朋友，還備有茶包可沖熱茶，非常貼心！ 原來而家like facebook專頁，即送韓式三色炸雞，三款味道包括原味，醬油味及辣味，金黃香脆的外皮，鮮嫩的雞肉，香脆不油膩，正！

朋友約係元朗食飯,我地去左牛知己,依間餐廳聽個名就知道專係食牛,好特別餐廳空間寬敞，坐得好舒服。今次揀咗特級美國牛肉海鮮放題，而晚市5點-7點會有早鳥優惠，所以每人都係$158。湯底我地點咗韓牛牛骨湯，話係含有豐富嘅蛋白質同氨基酸，有補鈣同美容嘅功效~ 韓牛牛骨湯美國牛肉放題可以任點美國牛肉、西班牙豚肉、西班牙五花肉、美國雞腿肉、海鮮、其他基本嘅丸類、蔬菜、火鍋配料等等。依間鋪頭另外一個特色係用pad黎點菜，再用輸送帶送到你面前，簡單方便又快上菜！美國牛肉，肥瘦均勻，牛肉味濃。西班牙豚肉，反而味道有少少淡，不過薄身，好快就熟透。西班牙五花肉，比例唔錯，煙韌又香。海鮮方面有青口、墨魚仔、蝴蝶蝦，鮮甜多汁，用清清地嘅牛骨湯黎煮就更加突出鮮味。見到肉類質素幾高，於是加錢叫咗牛小排($48)試下。簡直係一試難忘，好嫩滑又清甜。 碌碌下個pad見到黑糖水正果依款飲品，好得意咁，原來係肉桂再加上紅棗等等佢藥材，有下火嘅作用。最後當然要試下佢嘅自助雪糕機~

日式火鍋開到城行城市，一定唔會陌生。但係韓式火鍋真係無乜聽過，之前有同事曾提過依間韓式火鍋係幾特別，今日去開元朗就體驗下。朗屏站E出口行一陣就到，係世宙樓下，相當易搵。晩市放題90分鐘，有幾個價錢既選擇，我地就叫左188果個，有肉又有海鮮食。想要鴛鴦湯底就要另外加錢，而且佢d韓式湯底充滿特色，泡菜湯底、辛辣湯底、海帶湯底。。。由於唔食得辣，都係要返最元始既牛骨雪濃湯！落好單揀好湯底，已經有三碟牛運到過黎。效率認真高，基本上所有落單野食上菜速度都好快，仲好特別地係用路軌咁運過黎，一碟又一碟既牛係路軌送上，好得意。肉都有好幾種，美國極選牛就最推介。新鮮，薄切，肥瘦又岩岩好，淥一淥食得，夠淋好好食，而且一碟既份量都幾多。仲有海鮮，蝴蝶蝦，青口，帆立貝同原隻白尤魚。仼叫又真係幾爽，唔洗就住就住咁食，好少海鮮有得仼食唔嬲。出面仲有好多前菜同炸物。泡菜真係唔錯！麥樂雞又新鮮炸好，熱辣辣無得輸丸，菜，菇類既選擇都好多，而且夠新鮮飲品選擇都唔少，而且係大路既選擇。最後仲有甜品，乳酪同雪糕為依個晚餐畫上完美既句號。閒日都滿座，係有原因既！

朋友遷居世宙已一年多，一直未有機會試試附近的食肆，得知世宙樓下有火鍋放題，咀嚵的我必定要來吃一次！甫坐下店員已經很有禮貌地詢問我們要哪款湯底，我們選了海膽海帶和韓式大醬湯底，兩款都很清甜！未進餐廳前已被它以花的姿態堆砌成的花之豚所吸引，這個當然要點！另外火鍋店罕見的炸雞也可以選，還有三種口味：原味，醬油和辣味，三款都很香脆！吃過以上的重點菜式，就要試試它的海鮮，玻璃蝦，墨魚仔和青口都很新鮮，令我們吃個不停！隨之就是一大堆不同種類的肉，有韓牛韓豚韓雞，美國牛和雞腿，西班牙豚肉和五花肉……不同種類的肉令人大開“食”戒！這還未完，還有火鍋的基本材料如不同的丸和魚蛋，菜和午餐肉………很多很多……媽唷……胃部要爆破了！雖然熟食繁多，但飲品甜品也是不可或缺，最後來個軟雪糕🍨果真是個完美的句號唷！

今日晏就已經心郁郁想打邊爐，於是經過見到牛知己，lunch有韓式火鍋放題🇰🇷🇰🇷，因為平時都係食日式同中式多，都未試過韓式，所以就決定試一試啦😋😋咁我同朋友就簡左90分鐘既特級美國牛肉套餐，而且加左$20簡左海膽海帶湯做湯底，個湯底有大量海帶，仲有都唔少既海膽，而湯底味道都幾鮮甜👍🏻👍🏻一開始佢就上左幾碟肉比我地，雞肉🐥🐥都算嫩，就算有兩舊我地唔記得食，煮左成45min都唔會好硬😂😂牛肉都唔差，肉味好夠而且都好軟淋👍🏻👍🏻豬肉煮熟左都唔會話硬，有驚喜😋😋而呢間餐廳同其他火鍋放題店都一樣，有得出去拎其他丸、蔬菜、麵飲品選擇都多,連係街買都唔平既支裝飲品都有😍😍仲有雪糕機任吱雪糕，分別有乳酪雪糕同綠茶味既雪糕🍦而且雪糕既配料都有好多款😍😍