牛知己 (已結業)

因為老友記生日，相約佢食生日飯，我都算好有心思，去開飯app search晒屯門元朗有邊間依店好食，睇左咁多間，最後揀左呢間，起碼大家未食過，而且好似幾抵食咁，雖然90分鐘放題，不過大家扑搥決定去🤣首先我要讚下個男經理👍🏻因爲我同老公早到左，咁老公買左好多野啦，而我地book左7:00，未夠鐘入去，咁我地就在門口等埋老友先入去啦，男經理真係好好服務，比我地入去坐住先，話唔駛我地抽住啲野咁辛苦，另外等我地齊人先計鐘👍🏻呢點已經要比個like佢🤗90分鐘放題，話長唔長，話短唔短，不過老友相聚，總覺不夠時間。我地齊人後即開動🤣落單用ipad落單，好方便👍🏻我地先揀左雙湯底，同埋揀左澳洲和牛，食物質素都唔差啵，啲牛都幾新鮮，薄切得來好靚😋而且啲野食係用列車🚅送來，真係夠晒特別👍🏻放題仲有幾款海鮮揀，都係非常之新鮮😋比我一定一定一定會再來👍🏻

服務態度不佳叫加湯叫十次都無人黎加要自己去加湯搵人拎野但係無人理我要走到去埋單個到先有人理第一次黎食澳洲和牛都無咁差今次食好似食緊牛魔最平個種垃圾牛咬極都咬唔開豬肉又係難食左下次唔會再黎食

喺朗屏西鐵站落黎轉個彎就見到個靚靚私人屋苑, 附近有好多野食, 見到呢間新嘅牛知己 都係簡單任食火鍋放題, 所以就試一試佢啦。呢度係放題形式 任叫一碟碟的牛肉 再加一些可自取的基本火鍋材料。 湯底有得加$30 蚊雙併, 都好化算丫。話曬都係韓式野 , 所以點都叫個韓式大醬湯 濃味一番, 湯底就好似係好濃郁的泡菜+ 雜菜湯的味道, 微辣,好多配料, 多到我要拎走D 。另外韓牛牛骨湯 本以為會淡味, 但原來有好重的胡椒香味, 感覺就好似係胡椒豬骨湯咁, 蔬菜嚮玲吸味嘅食材 就啱曬。坐低就跟兩份美國穀飼牛肉同豚肉, 仲有雞件。美國穀飼牛肉比較薄身, 但有牛肉味。同埋又加映 $48 安格斯牛小排, 我就覺得$48 好抵食, 入口都好鬆化。豚肉就無乜特別, 勝在夠薄 , 唔會 煮得耐就好韌咁。小女子毫無大志, 見到個薯條就心心眼, 我真係好鍾意食薯條, 竟然佢地嘅薯條係有紫菜粉, 粗身, 仲要新鮮脆口。韓國又點少得炸雞呢... 仲要有兩個口味, 皮就唔算好脆但肉非常嫩口, 可以食曬嘅。打邊爐嘅雞件外觀都好好, 肉嫩的。送餐係用小朋友最鐘意嘅高速路軌 .. 哈哈哈其實配菜方面都好全面好正常, 種類

今晚約朋友黎上新野。地點非常好找，朗屏站一落黎就係。環境非常乾淨，而且係坐得好舒服嘅卡位。為左試多兩款湯，加左30蚊做鴛鴦湯底，分別係清清地嘅牛骨湯同埋帶小小酸嘅泡菜湯。飲品選擇甚多，仲有精緻甜品任攞當然唔小得仲有大人小朋友都啱嘅雪糕機！自助醬料區，花多眼亂。韓式小食隨意拎韓式炸雞，衰鬼又幾好食咖喎，d 雞炸得好滑又惹味，拍得住炸雞店水準！自助配料區，好多新鮮蔬菜～仲有超有益嘅秋葵同蟲草花。出街食飯未必完全唔健康嘅～自選新鮮菜籃！自助嘅好處就係鍾意食幾多夾幾多，唔使做成浪費！兩款牛安格斯牛小排脂肪比較小，肉味濃，有咬口而美國見牛則比較薄身，一次幾幾塊都唔覺滯。另外黑豚肉一D 騷味都冇，又唔"鞋"餐廳採用電子落單方式，落完好快就好似壽司帶咁飛埋黎，又得食又好玩。餐廳坐得好舒服，私隱度高。又一d 邊爐味都冇而且食物有質素，加上食d 咩點d 咩全部自己話事，十分喜歡呢個模式。總括係間CP 值好高的餐廳！

前幾日見到有間“牛知己”，似係新開。主打食韓牛火鍋放題。於是今日就同朋友晏晝去試個牛肉火鍋放題($128)。入到去地方比睇門面預期中大，位置都較寬落，坐得耐都覺得舒服。服務員都好親切，同我地介紹有4款湯底，但最後我地都係食返最原本嘅牛骨湯，試試佢嘅牛味有幾濃。果然冇令我地失望，未飲左一碗湯，超清甜，之後就開始我地shabu shabu.牛肉都幾靚, 油脂分明，西班牙黑豚肉配上佢地秘製嘅醬汁一齊食係幾fresh，輕灼15秒食得。呢到仲有個自助吧，有薯條同各式冷盤，蔬菜吧fill嘢既速度都幾快。欣賞咁既價錢有咁嘅食物同服務質素，仲有我最愛既羽衣甘藍任fill。另外我地order左3式炸雞，甜酸味調得啱啱好。打邊爐又點可以唔飲嘢，呢個黑糖紅棗水果茶($25)飲落唔太甜，但幾滋潤。最後我地order左個牛小排($48)作結尾，三個字：平，靚，正。係有質素既肉質，原來晚市時間仲可以任fill。下次决定要食晚市。

放假既日子到啦！我約左個朋友去行山做吓運動～行完山都已經天黑，咁就去元朗附近食晚餐先，我朋友話想食火鍋就帶左我去間火鍋放題😂全部都係sofa位，枱同枱之間距離夠闊，坐得好舒服🙂火鍋湯底有牛骨湯/泡菜湯/海膽海帶湯/大醬湯估唔到連火鍋既鍋都係韓國既鍋黎！任食既雞肉好高質，唔會太肥，剛剛好我地encore左幾次西班牙豚肉都幾好味，完全無腥臊味另外，我地加左$48嗌左個安格斯牛小排超靚既油花比例，識食一定用牛小排打邊爐！極上享受竟然有蟲草菇係我至愛！公仔麵份量都細細份，最岩過吓口癮既我丸類同菜個d全部都係任食粟米好甜無得頂！！套餐係有包飲品既，但我見到有個黑糖水正果好似幾特別所以就嗌左個試下飲落酸酸甜甜幾開胃最後食埋個乳酪雪糕🍦真係好滿足總結：個牛小排真係好正！走左之後仲念念不忘，其他食物都幾高質，我一定會再黎食過

我今日提早收工，所以就去元朗搵男朋友等佢收工等到八點終於收工～我嗰陣已經超肚餓啱啱就見到間韓國火鍋放題價錢都合理，我地叫左個特選美國牛肉海鮮套餐餐廳係用平板黎落單，夠環保又先進又方便嗌完既肉類會要條運輸帶運過黎好得意！拎完之後要係平板個到按返回，架車先會返轉頭我地叫左個大醬湯底都好足料會介紹秘製既韓式醬油配唔同既火鍋配料，但我覺得本身湯底已經好夠味，但男朋友本身係一個重口味既人佢話加左醬油之後更加正響鈴淥幾秒就已經吸滿曬大醬湯，好好味自助蔬菜區有雪櫃雪住，保持新鮮仲有d小食同配菜，當中既泡菜同豆芽味道好正宗除左火鍋之外，仲有得嗌韓式炸雞🍗炸完既雞肉仲好滑我鐘意食呢款既炸雞，味道有少少辣，幾惹味飲品方面～當然唔少得韓國飲品啦仲有好經典既蜜瓜荳奶韓國火鍋放題夠曬特別，而且餐廳又夠環保同有創意（用運輸帶運送肉類），有機會再入元朗去食下

之前睇雜誌話元朗開咗間韓牛火鍋，睇到我心郁郁好想食，難得黎到元朗就當然唔放過呢個機會，一於試下韓牛火鍋同港式火鍋有咩唔同啦！入到黎環境都好光鮮，始終都係新餐廳嘛！差不多全部枱都係卡位，三五知己坐埋一邊廂打邊爐夠晒舒服。點咗既食物會係側邊條bar送過來，非常自動化！外面的自助飲品機、蔬菜櫃都好齊全，菜都有3-4款，菇類都有3-4款，丸方面有魚蛋、芝士丸、蟹籽丸、龍蝦丸等等。講下肉食，美國牛不過不失，至少起碼清潔唔會一pat肉咁黎到。西班牙豚肉呢肉感就較豐富。叫咗佢地推介既水正果，似乎幾養生～下次打邊爐又多個選擇啦！

是晚又係元朗搵食，今晚突然想打邊爐，就去咗呢間新開既韓式火鍋食飯。環境乾淨，有啲似日式火鍋放題，肉可以任追加，菜同丸就係出面拎，都算多選擇。見佢新出咗個水正果茶，一於試下，一jar有咁多，都幾抵飲。味道係微酸微甜，配火鍋都可以我地叫咗韓式大醬鍋，都幾特別，湯底係酸酸地既。美國肥牛，一盤都幾多下，唔會話好快就食晒。煮完之後係比較醬帳細塊，所以每次可以落多啲落塊淥，一注咁拎試黎食口感更佳。西班牙豚肉，薄切厚度適中～

開始落單啲肉到曬，但係冇爐冇湯底正，刺身牛豬雞湯底1.紫菜湯紫菜湯冇紫菜味，根本滾水加啲鹽，用黎驅風一流2.大醬湯一個字，酸，酸得黎形容唔到，擺個午餐肉落去，恭喜你，變成過期嘅午餐肉3.泡菜湯羅宋湯上述三款湯底要加$20大醬最正，記得要食食品一般正常嘅水平，但種類超少，超少，超少食野過程有部pad幫你計時，夠鐘即收錢，同你講五分鐘後要離開乳酪雪糕ok嘅熟食嘅餃子ok嘅總結，呢間野唔掂，真係唔得，係唔得，唔得，得....

昨晚我地四大一小一B原本訂左7:30pm食，咁職員講話留枱五分鐘，咁我就早少少去到，要齊人先入座，入到去比左另外一面廳係好大張既卡位我估坐到8-10個人，我話可以唔洗咁大張，職員話咁咪仲可以坐得舒服，既然你咁講照坐，坐唔夠五分鐘叫我地轉枱，好咁轉啦！轉枱都無所謂，佢竟然比張有梳化四人枱加一張二人枱，張BB櫈放左係梳化，變左左右要夾住個BB,而另外三個就坐對面，但諗一諗咁咪有一個人坐開左打唔到邊爐，咁我就問有無成張過既BB櫈，職員話無，咁我問可唔可以加一個爐，職員話唔得，要六人以上先可以加一個爐，但我地見手隔離枱五個人有兩個爐，職員話我一陣佢收番佢個爐，我地都費事再同佢講，走人唔幫襯，去其他地方食，食飽經過跟本果個枱無人坐，仲係要爆場，宜間野簡直不知所謂，唔怪得佢咁快轉手，睇佢幾時執笠

元朗發展得好快多了好多新樓盤, 今日專程去朋友在世宙的新居參觀聚聚。坐到點半，她便請我到其家附近的牛知己嘆韓式打邊爐。門面裝修企理，座位舒適。　點了９０分鐘特級美國牛肉拼盤，　有安格斯牛肉﹑美國及澳洲牛肉﹑青口﹑墨魚仔﹑蝦﹑蠔是限量的，　但其他蔬菜類＋丸類有超過十多款連貴價的羽衣金蘭都是任取﹑泡菜﹑炸薯條及四個飲料櫃飲品任飲。選了牛骨湯底清清地不會太膩及托出肉味，每類肉送上來都是色澤鮮亮，刀功細膩，薄薄的，放水一燙便熟，不會控制不好燙得太久而乾了肉汁又失了肉的鮮味。各類牛肉牛味濃，　肉嫩滑，配芥辣醬油更滋味，牛肉味更突出。但始終都最愛安格斯牛, 油脂同肉的比例好好, 入口化, 油香四溢。隨便說說對韓式炸雞的不能忘懷, 朋友便二話不說點了客韓式四款口味的炸雞拼盤給我試。 炸得剛好, 肉汁充盈, 漿粉又不會太厚﹑不油膩﹑醃得入味非常, 各有特色。 邊食邊飲有下火之用的黑糖水正果, 甘甘地有淡淡的玉桂味, 很順喉。很快90分鐘將過, 最後以一杯乳酪雪糕來為這美味的韓式火煱劃上完美句號。

好耐都起元朗食過新餐廳 ,黎黎去去都差不多, 估唔到新樓果然係新地方, 有新餐廳, 寫明係韓式食物, 當然唔可以錯過啦, 注明可以任食牛就更正外在環境好新~餐牌sorry, 影到人tim. 間餐廳差不多爆滿估唔到我坐正玻璃窗, 一面望境一面食野, 正出面仲有野食, 呢到係半自助, 半點餐, 真係變相好多野食不過佢仲有部份既食物係要單點, 即是要比錢, 但係如果質素可以點解唔比錢先,哈哈飲品櫃都好多唔同選擇講左冇耐, 食左少少野之後, 湯底先到我地叫左雙湯底, 一個海帶湯, 一個韓牛牛骨湯上菜上菜牛既紋幾靚, 食落都幾有牛味任叫任食岩哂我呢d牛魔雞肉都好嫩滑, 幾鮮味, 正仲有海鮮可以食, 真係幾多選擇揣口, 墨魚仔, 蝦特別係蝦真係食左好`多, 因為好`多熟既然係韓國餐廳, 點可以錯過泡菜,  一定要食啦

從未打過食評..真心建議大家唔需要去試星期日去左呢間野試左個午市火鍋..永遠都唔會再幫襯態度惡劣 夠鐘就趕人走 試業已經態度咁差 牛肉好難食..質素非常差..食左兩個公仔面醫肚..連牛肉都冇再食間野用gas爐 等左好耐都唔滾 係咪一種生意手法黎？等左15分鐘都唔滾..叫個侍應黎..佢即刻換過支Gas..D碗好污糟..點解試業都可以做到咁差勁既？價錢都唔平..同連鎖火鍋店價錢差唔多建議都係去番連鎖火鍋店食吧啦..起碼唔駛睇人面色先啦

路過朗平，見到有新開的任食火鍋餐廳，決定試一試。選了美國牛肉海鮮套餐，湯底是韓牛牛骨湯。想再追加食物，可用iPad 點菜。食物都是由自助運輸帶送來，彷似元氣的高速線，非常有驚喜。額外加了這款黑糖水正果飲料，黑糖味突出，有助降膽固醇，健脾益胃。餐廳設有自助食物區，其他配料，醬料，飲品都是無限量供應。當中更有韓式泡菜，喜歡泡菜的絕不能錯過。先來美國特級牛肉，牛肉鮮嫩，牛肉味濃，吃得津津有味。接著是西班牙豚肉，肥瘦適中，豬肉味濃郁之餘又有滑口的感覺。五花肉是另一款豚肉，比之前的一款更有油脂香，與牛骨湯的味道很匹配。越吃越上癮，忍不住再追加多碟牛肉。吃飽後再在甜品櫃拿了牛奶布丁，質感軟綿綿，牛奶味突出。