牛知己 (已結業)

自從世宙商場開左咁耐，我都第一次黎食飯~~~眼見世宙商場的格調都好華麗，所以怕價值偏貴但今次牛知己打破左我既想法平時食牛火鍋普遍都係去元朗廣場但今次起西鐵站附近就有間牛知己，價錢都係百幾蚊有得食喎~~一於試試質素佢地係用電子板點餐，仲要用日本點壽司既火車送餐眼見佢地火車一車車送到都無漏單，仲要好快送到，真係好方便佢地呢排仲做緊優惠呀LIKE FACEBOOK送炸雞喎~~~無理由唔坐低整整西班牙豚肉超大塊同薄，色澤正常，所以好安心食始終呢排話有豬瘟都有點怕豬肉唔夠新鮮架所以之後都係叫牛肉多SO FAR黎左兩次的牛肉質素都一致所以值得再黎食過既~~~數量同質素並不參次架~~~雞件都屬於肥美個種瘋狂的飲品系列佢地提供的菜都有別於其他店，例如有橙色的菇、細細粒的生根、豆卜、豆乾全部都好輕易一口的SIZE，岩曬班喜歡多食種類多於多食份量的人連小菜都有埋架~~~有麥樂雞、薯條、餃子最犀利既就係佢地既泡菜做得好入味，仲要大大塊俾你不似得出邊食既係碎濕濕佢地有提供到長洲大魚蛋、羽衣甘藍、南瓜，真係好健康的菜~~~同埋令人想去長洲一回啊~~~MENU仲提供有青口、蝴蝶蝦、墨魚好大粒魚蛋啊~~~好滿足海鮮

昨日我同未婚妻大人行過元朗，落雨又凍凍地，搵搵下見有雜誌介紹元朗牛知己，當堂嚇一跳，然後就食到笑。我地order左個最平嘅韓牛海鮮餐，加廿蚊配泡菜湯湯底，送菜好有效率，因為係用RFID嘅傳菜運輸帶，order嘅食物直接會送到檯，好正。雖然係最平嘅餐，不過牛肉好正，牛肉灼十秒就要食，如果咪會好老，點韓式辣醬食，一流。另外仲有雞肉又係好正，灼完食落仲係好滑，應該係同湯底酸酸地有關係，仲有啲豬肉片又係正，點蒜蓉醬食，喂！食完返唔到轉頭！牛知己有大量蔬菜供應，樣樣新鮮，丸類亦有好多，最緊要連甜品都咁正，雪糕乳酪任食自己唧，鍾意加咩配料都得，個半鐘頭食到飽飽，下次一定再嚟。

係元朗，有好多任食雞煲任食火鍋，價錢由百幾蚊到五六百蚊一位嘅都有，真係總有一間在左近，今次就去左依間牛知己試下，聽個名就知和牛有不簡單嘅關係喇。其實都有好多種選擇，唔同價錢食唔同野。依個年代都已經電子化，落單當然唔小得用ipay喇，又快又方便，店鋪都可以慳返啲人手。叫左兩個湯低，依個泡菜湯有啲似羅宋湯，好味。當然要食返個傳統嘅牛骨湯，好濃郁嘅牛味，正斗。肥牛，肥瘦均勻食落好煙銀彈口，唔係頂級價錢嘅牛都已經好好食。豚肉，豬肉味濃都似新鮮嘅，煮耐左都還嫩口。自助混醬區都幾多選擇。肚餓嘅可以食住熟食先。除左牛海鮮其他自便。重有即制雪糕機，依個低讚，好多地方都係現成的。整體來講係不錯嘅，價錢自己選擇，自由度較高，可以滿足唔同需要嘅你。

牛知已——牛之味元朗多野又低吃，系人都知啦.同事 birthday一行四人收工去食番個暖笠笠的火鍋，仲可以座底慢慢傾住食.系朗屏落車，發現新開左間火鍋店，四人同行，壽星半價。仲意韩式火鍋热辣辣的感覺，店内有8成客人，出品应該吾错，一於試下.一入門口，摆住四個雪柜，一個摆放布丁及豆腐花，另三個放饮料，当然，吾想饮饮料，还可以选择奶茶或咖啡，还有汽水機提供.我地点左2個湯底，一個牛骨湯、一個海膽海带湯.湯底沒上，先去熟食區睇下先.有冷盘莲藕木耳、牙菜、螺頭.之爱热辣辣的炒年膏、咖啡牛肉、韩式炒飯還有西米年膏糖水，生菜区見到少有的皇帝菜和甘藍，任君挑選.主角上場：牛骨湯就沒咩特別，值得推薦系海胆海带汤，份量超足.雪花的牛肉片和豚肉都片得好薄，二肥八瘦，放在湯内好快就熟，配上自制芝麻酱和蒜蓉酱，满满都系鲜嫩的肉味，就我自己都連点三盘.吃都差吾多，来返個绿茶雪糕，又到减肥的节奏啦！配料嘅方便乾淨又整齊落單都好夠時尚架

天氣凍最適合打邊爐！同住元朗既朋友話元朗新開左間抵食既韓式火鍋，想同我去試下餐廳裝修明亮整潔；其實打邊爐唔一定要一大班人既，呢間餐廳就有很多卡位，適合小組打邊爐。晚市打邊爐收費如下，真係好抵食。今晚就試下最平果個特級美國牛肉海鮮套餐先$168可以任點特級美國牛肉、西班牙豚肉等等，仲有海鮮同唔同既配菜，抵呀呢度有好多特色既韓國火鍋湯底選擇我地揀左韓式牛骨湯同韓式泡菜湯。兩款都比想像中濃郁，牛骨湯雖然清單，但很有牛味。泡菜湯就好重口，無論放什麼材料去煮都好正餐廳既沾醬選擇好多！而且佢有建議食法呢！我最驚喜係這裡的芝麻醬，同我最鍾意既日式連鎖快餐店的火鍋沾醬一樣唔同既係呢度可以任裝，但連鎖店只可以有一小兜呢。就算係最平宜的套餐，肉質也很不錯喔！牛肉看落很多肥膏，但煮熟後肥膏都消失了，而且肉質柔軟不韌好食呀。餐廳配菜選擇很多，最驚喜是竟然有羽衣甘藍和蟲草花這類稀少的配料！另外我們還叫了個三色炸雞，分別是醬油味、原味和甜辣味。三個之中我覺得甜辣最好食，另外兩個味道也不俗！炸雞外皮脆內裏多汁，正至於飲品區都有好多罐裝飲品選擇，連plus可口可樂都有，我即刻飲左幾罐。想不到這個價錢的打邊爐竟然可以咁

天氣涼左唔食火鍋都對唔住自己~ 香港冬天短左要把握多D機會先得。世宙下面開左新既餐廳都未試得哂，今日先黎左牛知己食下先！初初我都唔係好知佢指既韓式火鍋有咩分別，我估係加Ｄ泡菜咁樣，去到先知唔係，原來係要先飲湯再打邊爐架！店員俾左4個我地揀，我地揀左傳統牛骨湯。真係好好飲，蔬菜索左d湯仲正！我推薦羽衣甘藍🥬好少火鍋店有！仲有一個特別就係佢用平板下單之後有火車軌送食材黎座位到，不經人手上菜！感覺上快左！追加肉類海鮮係免費，一禁左一分鐘都冇送速遞到面前。我知道有Ｄ壽司店都係咁，但火鍋店就真係第一次見。任食有得自己拎蔬菜，丸類，前菜，飯，醬料，甜品仲有4個飲品櫃咁多款韓國飲料任拎。用餐為90分鐘，平板仲會提示你就黎夠鐘！今日打卡仲送炸雞

得知朋友被放逐幾小時，天氣有點冷，於是相約在元朗的《牛知己》打邊爐。落單方便 - 用 iPad 落單，及旁邊的路軌送餐以最快速度送到客人。 地方寬闊，價錢親民，有梳化位，是個晤錯選擇特級美國牛肉海鮮套餐 HKD 158 特級美國牛肉西班牙豚肉西班牙五花腩美國雞腿肉 精選海鮮 海膽海帶湯 HKD 20 共有四款湯底，而海膽海帶湯蠻特別，外面也不易找，於是點這個了！海湯海膽。 美國牛是其中一款任食，但絕不馬虎- 雪花的比例很多很多！ 後繼的牛也一樣! 有重牛味而且很易咀嚼！用上簿切西班牙豚肉、五花腩，脂肪比例同樣很好！ 除了肉類，還有其他 — 菜、丸類、甜品布丁雪糕、泡菜、韓式飲料等。

難得約到幾位朋友出嚟食飯， 天氣涼當然要食火鍋火鍋火鍋，仲要係任食任食嗰一隻💪💪💪見呢間野新開張， 地方闊落，大件男士都坐得好舒服😏唔會迫到其他人，又未試過韓國火鍋咁就俾佢呃左入嚟90分鐘放題，話長唔長，話短唔短，爭取時間🤤肉類同海鮮用ipad落單，好方便又環保♻野食係用列車🚅送來，真係夠晒特別⋯食壽司就見得多列車🚄，下次要帶囡囡嚟試吓🤣我哋選左小小酸酸辣辣嘅泡菜湯。感覺好似羅宋湯仲有個熟食區，肚餓可以食住先🤤有韓國食品試吓飲品選擇都幾多，仲有甜品任攞！仲有豆腐花食任食既雞肉好高質，唔會太肥，啱晒鍾意食雞肉的我😏牛肉，豚肉，雞肉每份都有好多片，而且牛肉同豚肉切得好薄，肉質都幾嫩滑。豚肉完全無腥臊味丸類同菜個d全部都係自助式，鍾意食幾多就夾幾多最後食埋個乳酪雪糕🍦真係好滿足

天氣凍係時候又出動🤤一家大細打邊爐！呢間新開又大間又光猛位置有闊落，帶住小朋友都坐得舒服呢間牛知己係專食韓國湯底，有4款湯底可以揀，都係第一次試韓國湯底🤤+$30仲可以升級至鴛鴦湯我哋六個人可以開兩個爐，咁就可以試晒兩種口味😏有4個火鍋套餐可以俾你揀，90分鐘放題，食唔同種類既肉我哋有小朋友關係，當然揀最平嗰個比較化算🤣醬油仲介紹最佳配搭點樣溝🤤除左邊爐之外，呢度都有幾款熟食俾大家揀下呢度既肉類、海鮮都係用ipad來落單！方便又環保♻️其他丸類、菇類、蔬菜都可以自已岀來拎💪食幾多拎幾多飲品選擇多，仲有甜品任攞啱晒小朋友清清地嘅牛骨湯泡菜湯酸酸地有少少辣既，感覺有少少似羅宋湯除美國特級牛肉仲叫咗豚肉，都是切薄片！海鮮嘅種類就唔算好多，三樣左右，都好過冇嘅～都係留返個肚食牛肉😝走之前一定要食杯雪糕先走，有抹茶雪糕同乳酪雪糕，仲可以加配料添小朋友全晚乖乖坐定定都係等這一刻😏

朋友推介，牛魔王之選。頭盤生牛肉好味，牛味甜。牛骨湯好清，推介韓牛1++，安格斯牛有牛味，上菜速度快，因為用運輸帶送出，服務員有禮。熱食雖然唔多款，味道不錯。呢個價錢食到幾種牛，抵食！

而家得果十幾度，唔打邊爐點對得住自已呢間牛知己係專食韓國湯底，唔洗食來食去都係個d款，有4款湯底可以揀，真係好少見，+$30仲可以升級至鴛鴦湯晚上有4個火鍋套餐可以俾你揀，90分鐘放題，食唔同種類既肉醬油仲俾埋最佳配搭你睇，等你可以食得更滋味除左邊爐之外，呢度都有d熟食供應俾大家呢度既肉類，海鮮都係用ipad來落單其他丸類，菇類，蔬菜類，都可以自已岀來羅，食幾多羅幾多就最好喇我地揀左海膽海帶湯，平時係韓國料理飲海帶湯就多，打邊爐就真係第一次，而且入面真係有大舊海膽係湯底入面各叫左一盤牛肉和豚肉，切得薄薄的，個人比較喜歡呢度既特級美國牛肉，唔會太多脂肪，食落有肉味精選海鮮就有呢3款，可以無限追加黑糖水正果店員介紹我地飲，清熱的，有養生作用，唔喜歡的話，呢度都仲有汽水櫃俾你任揀同朋友口痕點左個炸雞來試，有3款口味，酸辣味就最岩我喇走之前一定要食杯雪糕先走，有抹茶雪糕同乳酪雪糕，仲可以自已加配料添，另外仲有幾款甜品俾你揀，睇我吱個雪糕吱得幾靚，真係大滿足

是日和office 同team的同事仔去打邊爐，之前跟同事成日食牛一食到厭，放工路過見到呢間牛知己好似幾吸引，所以決定食吓 一入到去見到飲品雪櫃，飲品種類幾多，有鳥龍茶，有樽裝維他飲品......另外可以自己斟汽水或者熱飲~~~大家可以選擇醬油和配料，有烏冬、麵等食物，仲有薯條和韓式泡菜，我們覺得薯條好好食，同事覺得泡菜都有水準~~~呢度的食物選擇都算唔錯，同事最開心係見到牛旁~~~而我就喜歡上中的皇帝菜~~~今次我地點咗牛骨湯底，清清地，而我就夾咗d野食~~~食食吓就見到d肉原來到咗，見到有牛又有豬，感覺真係好豐富同事仔話d豬肉有兩款，味道有d分別，而我們都不斷添食牛，始終牛真的幾好食~~~一盆盆的肉有路軌送上，感覺好似元氣，如果昕昕來食一定好開心如果想添多盆牛，可以用電子餐牌，我們點完就見到好快上到~~~呢度除咗打邊爐仲有唔係打邊爐的位，當我影呢幅相後才知道我的舊同事仔跟我擦身而過，最後大家都有相認由於跟同事午餐的時間有限，只能食一個鐘，雖然時間好似好趕，但我地都好享受打邊爐來講呢間價錢雖然唔算最平，但食物質素有返咁上吓，俾大約100蚊食個豐富午餐算是不錯的選擇下次仲可以一班同事食

天氣轉冷，又是食火鍋的季節，一般食肆火鍋配料價錢逐碟計算，不免就位就住，食得唔夠暢快！今晚就選咗在元朗世宙商場果間牛知己任食放題，九十分鐘任點任食，嘩！百零二百蚊一位！咁抵食？選咗特級美國牛肉果款，（$168一位）同埋個海膽海帶湯底（$20）除美國特級牛肉仲叫咗豚肉，都是切薄片上，方便火鍋灼不多久就食得，再醮以自己混和醬汁（好為選擇）蒜蓉，辣椒，蔥花，麻醬，豉油，隨自己喜好！牛肉味輭滑，有甜味，豚肉亦好食！食完唔夠可以通知服務員添加，順便一讃，這𥚃員工個個都好有禮貌，好投入工作、值得一讃！除咗主食嘅牛肉外，其他火鍋配料是自取的,都有好多選擇，有芝心丸，墨丸，牛丸，魚塊，起碼有十多款，另外又有好多好新鮮蔬菜，有娃娃菜，皇帝菜，秋葵，生菜，鮮冬菇！感覺上好新鮮同埋洗得好乾浄！除新鮮蔬菜，仲有多款泡菜，自由選擇作前菜！這𥚃還提供免費罐裝飲品汽水或烏龍茶，真係任飲任食！還有注意到這裡客人都好斯文，唔會去搶野食！因為食物好豐富，源源供應，又使咩去搶咁失禮吖？

元朗世宙樓下間韓式火鍋放題想去食好耐，見佢裝飾有曬聖誕氣氛，於是帶上固定飯腳去食~份量係好多，跟餐既牛肉片唔係其他餐廳放題得個幾片膚衍下，而係肉質都好好~我敢講女生食佢本身既牛肉片都會飽都不行，更別說是去任加肉菜既自助區! 但一場黎到又點可以唔試下佢地既泡菜同煎餃子呢?!餃子係傳統韓上式泡菜糸粉絲口味，絕對唔會失望~揀左加$20既海帶海膽湯底，個人非常中意，而且滾左湯都好容易撈到海膽,多料又有鮮味!見佢樣樣都咁好食又夠曬韓式口味，我同細佬決定叫埋個韓式三式炸雞，果然無令我地失望!特別係辣味炸雞好正!辣得黎甜甜地，而且佢係用路軌自己運D餐飲過黎，既先進又快捷，元朗人得閒真係要黎呢度試下喇~

約左朋友係元朗食飯，見到依間牛肉火鍋店，就去左試下啦！  我地就要左個90mins ＄168加一既特級美國牛肉海鮮放題  湯底一共有4款比你揀：分別係泡菜湯、海帶湯、大醬湯同牛骨湯  泡菜湯係辣既，大醬湯就小小辣，我地有人唔食得辣就叫左個大醬湯啦，都幾有係韓國食大醬湯既味道  每枱都會有部機比你點食物，肉、丸同海鮮都要係部機都點，之後d野食會由路軌送過黎，都幾得意！    另外叫左個安格斯牛小排，望到d雪花都覺得吸引！安格斯牛肉採⽤用美國⽜牛的肩胛位置,⼝口感滑滑嫩，⾁肉質鮮嫩多汁，入口有濃郁的牛肉香氣,⾁肉與油脂分布均勻，呈⼤大理理⽯石花紋，油脂豐厚    好少可連五花肉都有！    其他配料例如菜類、菇類、粉麵烏冬就要自己出去拎啦仲會提供少量熟食，行過聞到d紫菜包飯好香，忍唔住拎左幾件！    飲品都要自己出去拎，都幾齊全，有我鐘意既白色可樂熱飲都有，唔飲凍野既朋友唔洗驚