牛知己 (已結業)

平時成日食日式嘅shabushabu 最近就見到呢間新開啲韓式湯式火鍋 同日式其實都係大同小異 不過湯底同醬料方面就黎個大變身 變晒做熟悉嘅大醬湯、泡菜湯etc...任食嘅形式都係按款收費 基本上200蚊內就可以食齊豬牛雞同海鮮 使唔使再升級食啲精緻啲嘅肉類就睇個人喜好啦入座揀完plan之後揀埋湯底海膽海帶湯 真係有一粒粒嘅海膽同大量海帶 充滿海洋嘅味道 清得黎帶點鮮甜點肉類可以用ipad 其他係晒出面自助 點完幾分鐘啲肉就會係上面嘅輸送帶出黎😂薄切豚肉淥兩淥就食得 肉質好嫩 肉味都好重 一碟好快清晒 要再追加！雞同牛都唔錯 不過覺得豬係最好食 薄得黎又有肉味重中之重係呢個幾醬！仲有個最佳配搭建議 芥辣配牛肉 大醬配豬肉 蒜蓉配蔬菜 辣椒配海鮮 但我自己溝咗隻芥辣蒜蓉 配乜都好食😋食肉食到咁上下 就要食返啲菜同菇中和一下 出面自助吧就有各款蔬食同丸類要飽肚嘅有麵 要新清有沙律 要重口味有泡菜跟住仲有啲肥仔野 薯條同炸雞（炸雞係另外加錢的）飲品都係大路嘅韓國牌子基本上所有肉類食一轉 自助吧又食一轉 都飽到上心口啦 價錢同食物嘅性價比都唔錯 岩晒鐘意打邊爐又鍾意韓國野嘅人黎食

朋友在世宙的新屋入伙，和他一起結伴到樓下牛知己慶祝。點了這個特級美國牛肉海鮮套餐，湯底都很有韓式風味。牛骨湯，大醬湯，海帶湯及泡菜湯，後3者需要加20元，而我和朋友就選了牛骨湯。放題是有時限的，限時90分鐘。點菜都是用ipad 的，可見餐廳也很高科技化。飲品及其他火鍋配料要自助式，自行挑選喜愛的飲品及火鍋料。醬料是自行配搭，我就喜歡韓式風味的大醬醬汁。先來一碟特級美國牛肉，油脂分佈平均，不會太肥，灼熟後牛味突出，朋友讚不絕口。西班牙五花腩喜歡五花腩的絕不能錯過這款腩，少少肥但很嫩口，配合牛骨湯更為入味。美國雞腿肉也不錯，大大件兼雞味濃郁。響駖和烏冬也是火鍋必點的食品，特別是烏冬索入牛骨湯的精華更是令人回味無窮。美味的火鍋放題最後以乳酪雪糕作結。

9月時都好好，但我10月再去。一開始坐位都不滿，因為我地有7人，但要加椅，無大啲嘅椅比我地。再加上額外嘅爐擺得都危險。重點係服務差到爆。問加一個post係比邊個睇，個侍應係咁答我like完比櫃檯睇，佢係答緊雞果個post。佢仲要成程黑面。所以最後走左。

本來諗住入黎食個lunch set 睇見個餐牌幾抵食，有一個主食再配一碟肉類！平時凈係個主食都已經唔平喇。。。點之。。。見到個午市火鍋價錢仲吸引，最平70蚊咁上下就有得打邊爐，然後我地就臨時轉軑決定食韓式火鍋！有四款湯底，普通韓牛牛骨湯就唔使加錢，其他都要加$20，鴛鴦湯就要加$30最後要咗海膽海帶湯，感覺清清地又好多海帶可以食。黑糖水正果 $25見到好似好養生又唔係好貴，就叫咗黎試試～係韓國傳統嘅養生飲品，可降膽固醇、健脾益胃，仲話可以舒緩經痛，講到好處多多咁，飲落就有好大陣肉桂香，混合薑茶嘅味道，我覺得都唔錯，一渣可以飲好耐～除咗套餐上面嘅肉都可以另外加一份份高級數啲嘅肉。西班牙豚肉肉味好重！係好新鮮嘅紅色肉質，完全唔會有騷味。而且切得非常薄，放入去滾幾下就食得，唔使計晒時咁等食～牛肉岩晒牛魔王啦！不過我比較喜歡食呢度嘅豬肉多啲，因為豬肉配呢度嘅特色韓醬好夾！芥末醬係點咩都咁好味，再另外加啲蒜泥，用黎點肉類冇得輸呀～每次食物到嘅時候都會喺上面個輸送帶運過嚟，好似都係第一次見呢種出餐方式，覺得勁新奇😂海鮮嘅種類就唔算好多，三四樣左右，都好過冇嘅～印象中味道都唔太突出，都係專心食返肉算

今天晚上，也就是剛剛，去吃。一開始我是要了兩個人的位置，之後要了一個鍋，然後有人來弄煤氣。之後煮了差不多半個小時還沒有煮沸，然後叫人來才知道原來是煤氣問題。服務也不太好，亂說什麼。我之後有一個人進來等我，坐在那裡什麼都沒吃，坐了十幾二十分鐘左右。之後他們說那個人吃了東西要收取多一個人的錢，可是問題是那個人甚麼都沒吃，就想白白收多兩百多，還只是十幾分鐘而已，有沒有再好賺點？我們都沒有對你們的煤氣說什麼，你們還這麼理直氣壯？我們都沒有問你們拿回那等的時間和之後等沸騰的時間了。

最近阿姨做野附近開左不少新食肆，原因是新樓，總附有不少新的餐廳，見到價錢不算太貴的韓式打邊爐，就約了放工就去吃吃看餐牌都是全用平板電腦自助落單，既環保又方便，鍾意吃牛既我地當然馬上點左特級美國穀飼牛，雖然這裡是叫牛知己，但也有豬和雞吃的唷因我們是吃最平的套餐廳，9點後入座只須148咋，但也有另外加錢的1++韓牛、安格斯牛小排、澳洲和牛等海鮮也有青口、墨魚仔、蝴蝶蝦等，出面自助區也有不同丸類和蔬菜類，也有供應唔同熟食冷食，例如紫菜薯條、韓式炸餃子，仲有辣芽菜同泡菜，食粉類亦有公仔麵等比你自己夾醬汁類都有分5種，仲要好詳細介紹哂邊款適合配邊咩食我地揀左一個鴛鴦鍋，一邊係海帶海膽，有好多海帶，仲有少少海膽另一個係牛骨湯底，好香好滑啊，鍾意食牛既一定鍾意至於另一鍋大醬湯，辣辣地，食落都幾惹味雞腿肉大大件，可以首先落左鍋先等佢煮下先，食落一D都唔鞋，煮左咁耐都仲係幾滑特級美國穀飼牛都幾有牛味，唔會好老好肥，好食魚蛋大大粒，啖啖肉，好爽口芝士腸都啖啖芝士味韓牛他他就係我地平時所講既生牛肉，仲有隻生蛋係上面，牛肉好林好食甜品除左雪糕機，都仲有布甸可以揀除左乳酪味雪糕，仲有抹茶味，配料有恐龍蛋、彩虹朱

今日同朋友經過世宙，見到有韓牛食，我地就俾佢吸引左入去食lu，一入到去坐底，店員就馬上為我地細心介紹湯底，韓牛，同食用方法黎到呢到必點當然係韓牛啦，仲有唔少得既豬豚肉同雞，最後揀左個泡菜湯底，係等緊既同時，我地就出左去拎d小食，有泡菜，薯條，餃子等等......可以食D沙律，冇咁濟，而飲品櫃都有好多選擇拎完小食，野飲，番去，野食話咁快已經到齊曬，唔理三七廿一，放曬韓牛，豬豚肉同雞落去個泡菜湯底到，等到差唔多，韓牛食得喇，首先韓牛既味道好重牛味，好香，一入口即溶，，豬豚肉薄得黎，味道都好濃郁既豬味，而雞都好滑唔會好老，各有千秋之後見到menu有生牛肉就叫黎試下，味道不錯，麻油味好香，加埋蛋點綴，整體味道提升左，值得一試仲有其他海鮮架，有蝴蝶蝦、魷魚仔，食落都好爽口，幾新鮮仲有個叫黑糖水正果，有D紅棗等等，幾有黑糖味，應該都係韓式打邊爐必備既飲品，都算解渴最後出去拎埋個yoga，唔太酸，自助式，又好挽又好味，very good，下次會再黎食

元朗除咗多咗新型屋苑外，就係多咗唔同嘅餐廳進駐元朗，等我依D懶鬼唔駛出城搵食，留係元朗就可以試到新嘢...今晚就識吓個韓式邊爐睇吓有幾韓式先。裝修都ok邊行去坐位就見到有食物輸送路軌，已經諗火鍋都可以用輸送帶，點知坐低就先揀湯底，再用個pad去點嘢食，落完order無耐突然聽到聲，真係有輸送帶送過嚟，都幾得意，除咗自選食物外，出面仲有個凍櫃自己揀丸，菜，菇，麵類咁，仲有個炸餃子同薯條，個餃子個賣相一般但食落好好食，裏面有D肉醉同泡菜max埋，味道相當唔錯。食完前菜就係個湯底，個大醬湯少少辣又香，我落完牛肉唔點任何醬汁都好夠味，依肉夠新鮮點解咁講，因為平時D邊爐食唔夠一陣就好多泡，依間打到尾個泡都唔多，再飲埋佢哋個黑糖紅棗飲品，食完都唔覺得燥。

無下次 比雅軒食同真正上場既食物超大差別 所以唔好盡信廣告 另外 店內食物係宵夜時段係唔會加比客人 無哂就叫客唔好食 無哂唔會加 隔離枱無gas 叫換 居然同客人講你last order 左 我地唔會加比你 last order 係指叫野食係last 但唔係停止唔比繼續食 傻的嗎？ 個客好嬲問佢咩態度 仲話唔會有下次 所以呢間野轉左名質數都無變過 差！差！差！ 食物方面 呢個價 食牛一好過啦 肉無味 湯無味 加$20既說好的海膽唔見哂只有丸同蜆比較去返正常質數 所以建議大家去返牛一牛陣涮涮鍋好過 起碼唔使咁樣受氣

既然咁多人食飯又咁難得，當然要搵返間好野黎食啦。佢地最鍾意試新野，聽聞附近開左間新餐廳，就一於黎試下。打邊爐當然最緊要湯底啦，我地韓式大醬湯底，食指大動，湯料豐富，主要用大豆又有營養，味道甜美用黎做湯底簡直一流。不得不提係我地想試韓牛，就叫左1++韓牛，牛肉雪花紋理鮮明，相當新鮮紅潤，非常鮮甜牛肉味，肥瘦適中，襯上雞湯底就真係一絕，韓牛質素確係高，說得上是最適合打邊爐。另外仲有特級美國牛肉，肉質嫩滑，牛肉味唔錯，重點係任叫放題，而且仲有西班牙黑毛豬，肉質夠晒滑，唔怕食少許脂肪就真係唔怕叫，因為口感係非常滑溜架。除左打邊爐仲有韓式炸雞拼盤，仲有原味同辣味添，估唔到佢地做炸雞都唔錯，雞肉嫩滑，外皮夠晒脆口。仲有係黑糖水果茶，用黎襯打邊爐簡直一流，黑糖有益之外，味道唔會太甜，水果口味相當新鮮，正好抵消炸雞既熱氣。

所謂 1++ 韓牛, 每人 4款各2大大塊, 仲要紙咁薄, 完全無口感, 雪花跟在韓國食嘅 1++ 韓牛完全無得比, 完全係2樣嘢,其他品種牛肉亦都係一般,同樣係紙咁薄,食品選擇唔多, 侍應服務還可以, 但絕對唔會再有下一次。

今晚放工約埋三五知己黎到朗屏呢間牛知己食牛火鍋，呢間餐廳地理位置方便，就係正朗屏站隔離，一落站就好易搵到。餐廳環境好靚好大，入面位置重好闊落。實坐得舒服啦！牛知己唔單止有牛，重有其他應有盡有既火鍋材料，任君選擇。呢度既肉都好新鮮我同朋友就簡左個好特別既海膽海帶湯底，清清甜甜，甘就可以試真d肉既鮮味啦。各款蔬菜都好新鮮。重有我中意食既海鮮，墨魚仔同埋鮮蝦啊！呢d都係唔使加錢，可以任食嘎。牛知己既每款醬汁我都覺得好好味好有特色嘎!飲品方面都係有好多選擇嘎，有凍有熱!

想大食一餐， 假日放縱下自己， 食個牛牛放題啦 ！ 朗屏附近有間牛知己， 好近站 ， 好方便！鋪面好靚座位寬敞 坐得好爽4個湯底選左海膽海帶湯好香海帶味好多唔同嘅肉丸同埋菜類 ，底下都有個標籤寫咗名，可以自己挑選。有好多唔同嘅肉丸， 同埋其他蔬菜， 咁我就挑選左各樣一啲啦 ，多啲選擇，均衡飲食。醬料區嘅design好靚， 你可以自己一個自己鍾意嘅混醬， 去配合唔同嘅肉類進食！呢個就係我自製嘅醬料啦！ 豉油辣椒加蒜頭 ，非常之好味！講明係牛嘅放題點少得有呢個特級美國穀飼牛肉！ 每一片都好似紙咁薄， 叫一碟呢就有八片！ 牛奶好易熟嘅 ，一放入水滾兩滾， 就煮出一片超滋味嘅牛肉啦！除咗食牛佢都仲有其他嘅肉類 ，例如有呢個特級西班牙豚肉， 都好好味㗎！最後呢仲有啲個西班牙五花肉， 要咩肉類都有！當然唔少得最普遍嘅雞肉啦！呢個係我喺自選區挑選嘅菜式， 揀咗生菜， 龍蝦丸， 蟹柳， 南瓜，金針菇等等。喺自選區嘅菜式全部都可以任食 ，好爽呀！煮熟咗嘅雞， 可以配上呢個麻醬， 又或者係點樣呢個自製嘅醬油，滋味無窮，雞嘅口感好嫩滑！ 仲有墨魚仔同蝴蝶蝦㖭！ 自選嘅菜式有好多啦！有個種唔同嘅魚蛋肉

星期五晚去食，入座率大概四至五成到，提供既食物種類該有既大致上都有，亦無唔乜新鮮既情況，飲品甜品無乜特別，大路野。可以讚既係menu點既豬牛雞同少量海鮮送餐夠快，而且點幾多真係就黎幾多，牛雖然唔算好好食，但起碼唔會薄到一夾就碎。唯一比較不滿既係夠90分鐘既時候埋單，我地仲有野未食哂，同店員講我地唔會再拎野食，不過想清埋碌左既野食先，個陣先九點半，只有四成入座率無人等位，但店員都係回我地：「啲野食嘥咪嘥，個個都係咁嘥架啦。」

我同朋友星期四晚到附近行，見呢間舖新開又無乜食物係會喺座位旁人就諗住入去試下啲肉類都幾靚幾新鮮，但覺得如果想攪好呢間餐廳，有3點需要改善!第一，晚市任食火鍋個鍋連埋個手柄都係金屬，我同朋友多次夾食物時俾個鍋柄辣到隻手!安全好有問題!麻煩一係加個膠套去個鍋柄度，一係轉過第二款鍋!第二，入座order食物後，啲食物係會經座位旁嘅路軌送嚟。但職員完全無入座後講解過，好多食客都唔知!白白浪費時間!第三，職員/單張完全無講過湯底要另外收$20。我地到埋單先知道!俾唔係問題，可否時前講聲？