牛知己 (已結業)

想食牛肉做主題既放題火鍋平時都會揀個兩間連鎖店，今次試下新野，元朗既牛知己。一入到去，店內已經充斥著好香既牛味😲首先揀套餐同湯底👇🏻今次揀左美國極選牛肉加海鮮放題$188當中有兩款牛一款豬，五花腩同雞腿肉任食。海鮮就有青口，魷魚，蝴蝶蝦都係任食😋海底有五款選擇，今次就揀左海膽海帶湯👇🏻原來唔係原先教好個海膽湯，係有一舊舊既海膽係入面。湯入面超多海帶多到最後都食唔哂😵出面仲有自助任食區，有一啲熟食，泡菜炒飯等。任食既火鍋類有一啲比較特別，例如羽衣甘藍，秋葵，大魚旦同雪魚都比較小見。主角肉類同海鮮😋肉都切得好薄，食落有肉味。蝦食落爽口，整體唔錯🙂🙂雞腿肉好厚肉，煲耐左少少都仍然好嫩滑，好食🙂甜品除左有豆腐花，仲有自助雪糕區。$188@1有埋海鮮同自助區熟食同火鍋料，我覺得價錢算係抵🧐由落單到上枱時間都係10分鐘內，冇漏單，員工都好勤力收空碟。整體幾滿意🙂🙂

香港人打邊爐呢家無論凍定熱都會食而且火鍋底、材料或者形式千變萬化今晚係元朗食邊爐放題美國極選牛肉、海鮮放題$188一位有五款肉類，四款海鮮，任食，極選牛肉同特產牛肉牛味濃，西班牙豚肉夠爽口有多款醬料任意添加除左呢D肉類任叫任食，仲有打邊爐配料、熟食、甜品、飲品等等飲品有汽水之外，仲有啤酒，重點有Hogaaden！啤啤佢！火鍋湯底叫左海膽紫菜，飲落幾清甜！提提大家，限時90分鐘！呢個價錢相對地真係抵架！食到好味嘅牛肉，又可以飲到咁多啤酒！

小編今日岀開元朗做野，經過依間牛知己，心諗應該係食牛料理，點知睇真啲，原來係食韓國野。Set lunch 價錢由50幾到90幾不等，但重點係可以任食前菜，甜品，同任飲野。小編同朋友見好似幾抵，就試下佢。🥬泡菜食韓國野點少得佢呢。🖤木耳味道偏辣，但好爽脆。🍗原味炸雞+拌麵 - $56有4件炸雞，雞肉嫩滑，吾會話好多油流曬岀黎，又香口。拌麵個份量好大，最欣賞佢個醬，酸酸辣辣的。麵質彈牙，好岩小編既口味。🥔薯仔排骨湯飯 - $70排骨係豬軟骨，又係大大件。一咬落去肉就甩，煮得軟淋入味。🥛加拿大豆漿除左各款罐頭飲品，仲有豆漿。🍦乳酪蛋糕食完正餐，又點少得甜品。乳酪蛋糕，夠綿夠滑。

今日去嘅呢間係韓式火鍋放題🇰🇷外面有多款熟食、打邊爐材料、甜品、飲品等等......🥬🥕🌽🍡🍻🥤除左外面有得拎食物之外😜呢到好似元氣咁🚄有火車送食物到你枱只要係電子Menu揀左你想要嘅食物🥩火車就迅速送上今日揀左美國極選牛肉、海鮮放題🇺🇸當中有5款肉類🦞4款海鮮任叫任食當中嘅極選牛肉、特產牛肉都好嫩牛味亦好重😉而西班牙豚肉亦不能錯過🇪🇸好濃肉味之餘又唔鞋口海鮮嘅蝴蝶蝦爽口彈牙🦐食多幾隻都無問題最開心有長洲大魚蛋小妹食左3、4粒🍢哈哈今次放題黎講質素唔錯😚

依個炸物係可以自己係出面枱任夾架佢嘅味道同炸薯條係一模一樣架，個外皮都炸得好脆乳酪味嘅雪糕佢係可以自己仼食架嗌一個餐就可以仼食，真係好抵佢仲有花生味雪糕，花生味好濃，濃到好似食緊真花生感嘅味道不過啲配料都唔係好多，得6種配料依個飯味道其實係偏淡，淡到冇乜味，要加啲醬先可以有味啲好味啲，啲飯份量都算少依個豚肉好肥，每一塊全部都差唔多有半塊係脂肪肉質都好乾，不過味道都唔錯，用黎配飯都ok嘅嗌依個飯餐係有埋個湯，個湯味道都好香濃，唔會好淡好似正係飲水感，都唔錯

-放工後好想食好野😋，朋友仔提議 👭試間🆕既任飲任食打邊爐......牛知己。入到餐廳見到全部都係卡位，好正呀😍😍兩個人都有得坐好大張卡位，好舒服😎。餐牌有唔同級數牛肉放題選擇，我地叫咗美國極選牛肉·海鮮放題（$188)可以任食兩種牛肉🥩豚肉🐖、雞肉🐓、青口、帆立貝。。。。用ipad落單，一叫好快就由路軌送上，好新奇🤩。食物都好新鮮同高質😆😆。湯底叫咗牛骨雪濃湯同大醬湯👏🏼👏🏼，店員話係新鮮熬 + 無味精既湯，直接飲咗先都得，牛骨湯好鮮甜，大醬湯好有韓國味道✌🏼。自助吧仲有好多火鍋材料，菜、丸🍡腸、麵、年糕、響鈴⋯⋯熟食有蕃薯仔、炒飯、薯條⋯⋯飲嘢竟然有少見既韓國烏龍茶、龍井茶酒精飲品🥂都係任飲，超正🤩。食咗好多嘢食，已經好飽🐽，但點都要食埋我至愛既乳酪雪糕❤，好滿足。雖然90分鐘時間已夠，但職員可能見我地傾得咁開心都無趕我地走。真細心。==========牛知己地址：元朗安寧路38號世宙商場地下26-27號舖

今日去左試韓式既火鍋放題, 呢間叫牛知己, 一睇名就知專食牛今次無揀到最高級既和牛放題, 反而揀左次一級既美國極級牛加海鮮, 因為咁就試到餐廳水準穩唔穩定首先調味料好多種, 你想食既都有得揀, 亦有啲韓式調味料野飲都算多, 唔會淨係汽水, 會有啤酒, 韓國野飲丸類同菜都唔少, 豆腐等等都一應俱全時下放題店必備既乳酪雪糕都有, 豆漿橙汁都有, 試都試唔晒咁多款湯底揀左比較出名既雪花濃湯湯底好香牛骨味, 滾到白雪雪就知好香濃, 味道香甜無味精. 淨飲都得, 用黎烚菜,豆卜個啲更加好正主食係美國極上牛肉脂肪分佈幾均勻, 食落牛味重, 明顯比其他放題用料靚好多, 呢個encore左好多盤海鮮都係無限叫, 有蝦,墨魚, 青口,帆立貝, 海鮮款式算幾多, 而且係任食, 用濃湯烚完真係無得彈另外令我驚喜既係佢既豬肉脂肪唔多適中, 肉質爽口彈牙, 可謂呢間店既隱藏彩蛋食完熱野梗係要整返個甜品, 呢晚我滿足了

元朗一向都係美食雲集之地, 呢晚我就相約余爸爸去食韓國火鍋放題! 可以任飲任食90mins㗎！呢度裝修有點韓風, 仲有好多卡位, 地方闊落, 坐得舒服! 晚市套餐有幾可選, 我地揀左$188(成人每位)嘅美國極選牛肉+海鮮放題! (加一另計)我地覺得呢個價錢好抵食, 絕大多數嘅火鍋配料呢度都有齊!  醬油可以係出面自助區任攞, 除左有平時火鍋常用嘅醬油外, 仲有啲韓式嘅醬油~ 自助區還有多款配料如蔬果, 粉麪, 韓式年糕, 熱食, 甜品和飲品任君選擇~ 如喜歡健康養生, 可以試試呢度嘅加拿大豆漿呢！呢度都係行自助下單, 係tab度揀好, 然後就可以order~ 啲肉會經路軌送過嚟, 很有新意! 有趣有趣! 牛肉色澤紅潤, 切成薄片火鍋最捧! 仲有其他肉類, 啱晒我地呢啲食肉獸~ 多款海鮮可選, 大部份都不用加錢就可以無限添食!  而且質素也不錯喔! 我地encore左幾轉青口, 帆立貝和蝴蝶蝦呢！ 最後, 食埋乳酪雪糕就圓滿了！很抵食的韓國火銅放題!

朋友突然話想食下泡菜，就黎到呢間餐廳食韓式料理，有午市火鍋放題同其他午餐，由於唔太肚餓就無選擇火鍋啦。午餐都包飲品、前菜、炸物、甜品同乳酪雪糕。我地簡左一個韓式湯鍋，一個精選套餐。飲品都有好多款。韓式炒豚肉配拌飯，豚肉好夠味，薄薄一片，肥瘦適中，仲有大量洋蔥，配飯食好好食，伴飯個醬酸甜中帶點辣，粟米就原本落左麻醬料味。另外，見到好多人點炸雞，賣相十分吸引。豬軟骨辛辣湯湯配飯，豬軟骨份量好足，好夠軟腍，呢隻辣唔會刺鼻，第一啖會覺得唔係幾辣，但係後勁十足，慢慢飲起個湯都幾辣下。食埋杯乳酪雪糕，好滿足！火鍋價錢真係幾抵仲要無加一，有機會再黎食。

作為香港首間提供韓式火鍋放題店「牛知己」，誓要成為牛迷良伴！店名之一的「知己」，諧音跟韓國字的湯或者窩찌개(Jjigae)相似，寓意良朋知己一起共餐，享受美好的打邊爐時光。本店以牛肉專家的使命出發，與食客成為最「牛」的好朋友。繼早前係呢度幫襯過晚市韓式火鍋放題後，一直對牛知己念念不忘，大家以下見到既都係任食任拎架湯底菜式由韓國大㕑主理，自家制無味精的正宗韓式人蔘雞湯底！烏雞落足本，餐廳俾夠一隻我地share，原隻烏雞冇斬過，我同友人都係第一次成隻雞食呢個價錢，任飲任食乳酪甜品前菜，大家真係好易返本！

平時都去元朗，唔到變咗咁多，身已經好擠迫，依家直頭係水洩不通。為已經變成一個藥房城，過藥房城嘅野如洗頭水藥妝等等又真係好平。我哋行到又餓又攰之際見到呢間牛知己，係沖入去嘆下冷氣食個Tea啦.甫進餐廳，強大嘅冷氣湧面而來即時為我地紓解熱氣，境亦不俗。配合任飲任食既非酒精飲品及雪糕小食Bar更為化算，肉脂肪比例剛好唔會話太肥膩之餘。得有微微鹹香亦唔會太燶，蔥段等配料炒香既豚肉亦中和肉味無咁漏。下次繼續味道五錯。

又到星期五，當然要試新嘢食好嘢，今日去到朗屏西鐵站試新嘢😋😋因為想食肉又想試下海鮮，所以揀咗$188嗰個餐。同平時打邊爐嘅配料差唔多，都係d肉丸同菜。但呢到有幾樣嘢配料平時打邊爐好少見，例如羽衣甘藍、秋葵、蟲草花，呢幾樣好少會喺火鍋店見到。除咗火鍋配料之外，重有d熟食，例如薯條、蕃薯仔、炒飯同埋韓式魚片年糕。未有嘢食嗰陣，夾少少熟食醫肚都唔錯。😋因為想試唔同湯底，所以叫咗個鴛鴦湯底，大醬湯同雪農湯。上湯底嘅時候，職員同我哋講話個湯冇落味精，可以直接飲。雪農湯幾香農，有少少奶味，大醬湯就驚太咸，冇試到😂嘢飲方面，一般嘅汽水同茶都有，重有酒都係任飲，有d重係韓國酒，鍾意飲酒嘅可以試下。另外，甜品有豆腐花同雪糕。食完熱辣辣嘅火鍋，食返個凍冰冰嘅雪糕就最正。*掛住食，冇影到嘢飲同甜品😆😆

今日同屋企人一共四個去試下晚市，我地食最貴388（但有折扣338一位） ， 食到後面越黎越不滿首先佢部電磁爐好似壞左咁 每兩分鐘自己跳黎跳去，一下熄左一下變細火一下又突然變大火，全程見我地張檯就係到調整部機，問佢地佢地比我地答案係部機好敏感，湯水可能滴到操控位就感應左，咁大佬呀你食火鍋無可能無湯水滴到啦 我地後黎用紙巾擦乾淨咪一樣跳黎跳去本身對佢哋韓牛幾有期望，點知真系好普通，沒牛味而且仲要鞋， 真系好失望😞咁貴根本唔值 ， 問服務生係咩肉佢地推黎推去最後都係無人答得出都算，分兩次點一樣的肉黎ge都唔同， 叫左大蝦唔係咁新鮮， 講真，呢個價錢我覺得之前吃得牛唰鍋仲好d, 還比較平

既昨晚上嚟到元朗打邊爐，看到一家韓國餐廳好吸引, 餐廳食嘢坐嘅環境都還蠻舒服，二人都可以坐沙發，有自動路軌送餐，感覺好新奇！外面有個自助區，好多飲品可以選擇，無論啤酒,即磨咖啡,熱茶,汽水全部都有嘅,我和朋友叫咗兩個餐，一個就係韓牛牛肋骨湯配烏冬，啲牛同湯都好有韓國牛味，d牛再加d烏冬落湯到食，好好味。另外要咗個豬軟骨辛辣湯飯，湯頭辣中帶甜，十分開胃!食物味道唔錯,服務很一般,性價比還算可以,總括嚟講，下次想再試這裡的火鍋!

見食評不錯，即管去試試， 未入座就叫你揀定食邊一款價錢，因為他說一入座就開始計90分鐘， 我哋選擇$238/位， 四款海鮮全部都唔掂，全部都係雪到冰哂既海鮮， 食咗一轉已經唔會再食 牛肉方面 - 個樣好靚，但係完全冇牛肉味，又鞋 豬肉方面- 其中有一款有啲『豬壓味』， 有一款還可以接受 泡菜湯底- 完全冇泡菜味,好似羅宋湯 其他配菜係自助取， 較為欣賞只有粉絲， 新鮮蟲草花， 其他都一般，丸類好粉，魚柳完全散曬 ，冰烏冬全部斷曬一節節小食有炸薯條及炸日本番薯仔，薯條完全唔脆點餐只有一小時，就已經沒有得了 ，時間超趕，唔會再去，埋單每位要$275, 超唔抵食， 唔明點解食評啲人寫得咁好飲品方便算唔錯，幾多選擇，服務都可以， 地方環境都舒適， 有路軌送餐比較衛生， ipad點餐亦都方便，起碼唔會漏單時間太趕，甜品都唔夠時間食