牡丹軒中菜廳

营业中

休息中

限聚令下食客只得寥寥可數小貓三四隻，不用等位直接入座，環境寬敞、樓底超高、空氣清新、清靜舒服、廁所光猛骨子。普洱，水滾茶靚濃濃深啡色的茶水，熱熱灌入，茶味甘香消滯解膩提神醒腦。豉汁煎釀彩椒，真煎彩椒不是馬虎掉落炸爐，不是炸得乾鞋刮口油膩的品種。彩椒色彩斑斕爽甜焦香，釀著不是普通魚蓉，極像蝦膠彈牙鮮味，食得津津有味。醬燒鵪鶉髀，微暖不夠熱扣分，不夠焦香乾身扣分，醬汁太厚太甜太濁扣分，肉質不夠嫩不夠滑扣分，感覺似十足即食真空包裝貨翻熱。蹄香鮮蝦餃，啖啖筍粒無欺場，爽脆清甜碰埋鮮爽蝦仁，絕到無可從投訴。松茸帶子燒賣，濃濃新鮮扇貝味突出，不是帶子的味道，明顯係沙插切片，即牛角貝。鮮松露回香非凡，想再食再食的衝動，彈中有幼細緊緻。南翔小籠包，熱烘烘的溫度輕輕燙嘴，形狀保持未有下塌，不雖怕燙輕輕浸到陳醋降降溫，灌湯清甜加包皮薄彈，那有不可口的機會。蜜烤燒脆鱔，鱔皮乾身爽脆焦香無比，不幸欠肥美而鱔脂窮脊，鱔甜不足。蒜香青瓜海紅葉，紅紅綠綠顏色繽紛吸引。沒有味道的海蜇頭晶凝剔透爽脆非常，味道全靠蒜蓉陳醋，剛剛撈起較為清淡不太入味。沒有用鹽醃過的青瓜，天然原味搭爽脆。竹笙龍蝦湯餃，暗淡無光的湯汁有點水有

午市開放時間11:30am~3:00pm環境無得頂，開揚，三邊落地大玻璃，裝修雅緻，遠眺窗外比花草樹木包圍，陽光直射，感覺置身大自然中，勁有度假feel,心情都好啲大量美酒以供選擇餐單選擇也多黑色保溫壺和有茶葉中文字牌的茶壺，若多叫一壺其他茶葉品種，方便區分，非常細心~金腿茸燒賣~$52肉質口感彈牙，非常足料，每粒也是飽滿的豬肉，配上金腿茸，好食~蜜烤燒脆鱔~$78外皮香脆，肉質鮮嫩，上枱的賣相也下足功夫，絕不馬夫~晶瑩鮮蝦腸$48每條腸内有三大隻彈牙鮮蝦，而每一條也非常粗狀，抵食又好食~黑金流沙包~$38沒有流沙感，反而奶王口感更濃稠，好食~椰汁十勝紅豆糕~$38這款甜品，一定要試，椰汁味濃，再夾著中間的粒粒紅豆糕，味道變成甜度適中，一人可以KO一碟食後感環境 服務食物 就連最後一關的洗手間也乾淨衛生，也有五星級酒店級數

無論是外賣定堂食，態度都一樣差，童叟無欺：）食物普通，價錢貴，態度差到難以接受。如果你在平淡生活中想找尋一些挑戰，那就來吧。但是職員們的目標看起來都很一致：他們不想讓你再次光顧。

難得黎到愉景灣想輕輕鬆鬆享受生活🤩📸揀咗呢間中式餐廳，入面環境大，職員都好有禮貌，樓底高，3面落地玻璃可以望到出面既景色，令人覺得好舒服😌女人就係鍾意一set set整齊既餐具😍😍😍松茸帶子燒賣 4件 $48燒賣上粒係一大粒既帶子😍松茸味就唔算好突出陳皮牛肉球 3件 $35好大粒既牛肉球，特別既地方係牛肉比較有咬口，值得一試👍🏻菠蘿叉燒餐包 3件 $38呢個配搭不錯，新鮮滾熱辣製作，每一啖都散發住啲熱煙，叉燒掩蓋菠蘿皮既味道，勝在個皮夠鬆脆安格斯牛肉腸 $48發現呢間餐廳既牛肉都不錯，牛肉佔嘅比例唔算多，味道幾好食

以前去愉景灣跟朋友試過舊嘅牡丹軒，價錢比較親民，味道也不錯。上月從康樂會會所那邊搬了出來，成為獨立嘅餐廳，變咗所有人都可以去，去愉景灣食買玩，就多咗個選擇。點心睇得出係有心思，樣樣都有點小創意，務求令到自己同外邊的點心不同。嗰個安格斯牛肉腸唔同平時啲牛腸咁食法，好似將啲牛腩炆左之後撕成一條條咁樣，唔知有冇形容錯，因為我都係食咗一舊，好味！下次可以再試下。除咗食物幾多選擇，最鍾意就係佢個環境。跟一般酒樓或者酒店嘅中菜廳不一樣，勁高樓底，窗外可以望到周邊大自然景色，咁樣飲茶法，幾新穎。嚟緊新年又冇得去旅行，一於去staycation，周圍行吓，再試多次至愛嘅十勝紅豆糕

金網煎煱貼賣相靚，而且係全港首屈一指最厚煱貼皮，咬落成嚿麵粉，真係有待改良，金網片以為可以食埋嘅，原來只啱裝飾用，千萬唔好謂食，超強油膉味，飲晒成壺茶都唔掂。迷你菠蘿餐包，有水準，好味。古法馬拉糕清甜鬆軟，賣相唔錯。蹄香鮮蝦餃，大過匙羹嘅馬蹄蝦肉餃，好味，皮爽滑，如果一個人食晒四隻，已經飽左一半。大部份點心都係三件，要四件就另外加錢，都幾方便4人行。座落愉景灣巴士總站對面新大樓，裝修環境都算係高級中菜廳，地方都算闊落，座椅設計舒適，椅後邊仲有貼心設計，有個勾可以勾住隨身物品，不佔座椅位。係愉景灣唯一可以飲茶食點心嘅地方，假日就超多人。

一路喺愉景灣返工，都無啖好食，最近同同事去試左新開嘅牡丹軒，新裝修環境幾靚，樓底夠高，坐得幾舒服，而帶檯職員又好笑容。整體食物質素唔錯，個人推介蝦肝炒鴛鴦米粉，米粉炒得幾乾身，同埋甜品十勝椰汁紅豆糕，紅豆糕椰汁香味濃郁，而紅豆部分又恰到好處，岩哂我呢個紅豆控可以再去嘅茶樓～～～～～

放假去愉景灣行下，幫襯咗呢間新開嘅中菜。大堂樓底超高，窗外望到好多花草樹木， 加上當日陽光好好，真係好舒服， 香港好少酒樓有咁嘅環境。今次5個人嚟，試咗幾樣點心同小食，質素都唔錯，特別推薦蝦餃，大大粒之餘蝦肉新鮮同好彈牙。手袋千絲酥係佢哋嘅推介，個皮好鬆化，入面牛肉碎唔會太鹹。朋友喜歡香口野所以試埋個煎鍋貼，個皮厚薄適中，個人唔鍾意啲肉太肥，呢個就啱啱好。菠蘿叉燒包個皮同埋餡料味道都ok，不過熱啲就更好。另外試咗個素鵝，外脆內軟，食素嘅人可以試下。整體嚟講食物質素唔錯，味道唔會太濃，感覺似乎冇乜味精，適合鍾意健康飲食嘅人，但係可能係新開，啲員工仲係有啲唔熟手。下次會嚟食晚飯，試下佢啲小菜！

新裝修完成後 漂亮多了食物也有小件的甜品 可以讓我每種嚐一件 美美的另外下午有下午茶 挺好的蝦餃燒賣 賣相不錯 流沙包 差點勁 蒜蓉生菜 做的地道 湯汁多少真正好天花板 展示了 大氣 逼格高

新牡丹軒嘅點心比之前更精緻，價錢雖略為調高，但亦加入咗唔少新嘅點心供客人選擇，例如:黑松露龍蝦餃，竹笙龍蝦湯餃，菠蘿叉燒餐包等，都好有水準，點心同餐包好夠熱。另外，我鍾意佢可以加單隻點心，五個人飲茶叫一籠蝦餃可以再加一隻，有彈性。炒粉麵方面我試咗花竹蝦乾桂花炒鴛鴦米，令我有驚喜。餐館內嘅裝修亦好高雅同有品味，色調柔和，張凳好舒服，後面有個勾仲可以掛袋，十分貼心，連餐具都好講究，枱與枱之間嘅距離亦夠寬敞。服務員招呼殷勤，有笑容同有禮貌。I will be back.