牡丹軒中菜廳

营业中

休息中

牡丹軒中菜廳愉景灣愉景灣愉景廣場1樓，個大天花好靚，採光一流，感覺好開揚，好舒服。好特別係d菜具係比較西式 配合番愉景灣個vibesss我同友分叫了個點心做前菜，開開胃: ) 3款點心都好出名好美味~  主菜叫左乾炒安格斯牛河，上菜時已經聞到勁香，食落口時更令我驚豔不已。牛肉切割得均勻鮮嫩，與寬薄的河粉巧妙融合，帶來層次豐富的口感。炒勻的醬汁將所有風味融合，牛肉的濃郁與河粉的輕盈在嘴中交織，讓人回味無窮。

過來愉景灣酒店staycation，晚市路過隨意找一間餐廳進去，想不到充滿了驚喜；環境優美，服務優良👍叫了幾個小菜亦非常有驚喜，食得到師傅是比較有心去做：）琵琶豆腐所有調配很完美，南瓜的汁醬與豆腐很夾；霜降牛柳粒做到外面熟，入邊還是半山熟的狀態，很好吃；冬瓜盅就配料很足，但略嫌味道較清淡；希望餐廳見到，好好珍惜及讚賞這些師傅，確實現在出外面食嘢很難找到好吃的餐廳了😮‍💨一定會有下次，希望下次再來水準仍然保持到💪🏻有機會也想來試試午市的飲茶😋

📍牡丹軒中菜廳愉景灣愉景灣愉景廣場1樓153A號舖第一次來到這間中菜廳，一踏進門口已比人感覺好開揚，好舒服。特別欣賞中菜廳嘅天花，個天花好靚呀，採光一流，成個廳感覺好寬敞。絕對值得去品嚐一下。枱同枱有距離，好有足夠空間感，坐椅坐得舒服。由於坐得實在太舒服，叫咗多個點心慢慢嘆包括蝦餃，燒賣，鮑汁雞腳，排骨，叉燒餐包，燒腩仔。當然啦，有咁嘅環境，點心嘅價錢都有返咁上下啦，不過又不是經常去，絕對值得一試嘅😍。

嚟到愉景灣，路過愉景廣場，見到開咗無耐嘅高級中餐廳牡丹軒👀原來主打粵菜同點心，就入嚟飲個靚茶先😚 一入餐廳見到環境相當闊落，落地玻璃更可飽覽大嶼山嘅靚景，邊飲茶邊嘆靚景係幾少有嘅❤️💡芹香百花紅米脆腸紅色嘅腸粉真係第一次見‼️原來係由紅米粉漿整成🙇🏻腸粉包住芹菜同埋蝦膠，配上甜豉油麻醬及甜醬食，口感非常豐富👏💡手袋千絲酥迷你手袋外形嘅千絲酥內餡外皮乾身酥脆，一啲都唔油膩，入面包住香濃牛肉餡，一啖一個好滋味嘅呢✨💡蒜香蝦春捲雖然係炸物但係一啲都唔油膩， 春捲炸至金黃色熱辣辣上檯，一咬入口個皮脆卜卜，淡淡哋嘅蒜味為蝦肉帶來畫龍點晴嘅效果😆💡松茸綿花雞面頭真係有松茸🙋 底層嘅魚肚蒸出棉花糖般鬆軟嘅口感真係唔簡單，魚肚吸滿吸水及食材嘅精華，加上滑溜嘅雞肉，份外滿足～💡蹄香鮮蝦餃蝦餃水晶皮晶瑩剔透，皮薄得嚟唔易爛，好有韌性🤭餡料混合咗蝦肉同爽脆馬蹄，帶來豐富味覺體驗，成粒蝦餃放入口大大大滿足🤪

朋友们来愉景湾作客，我们家便在牡丹轩安排了午宴。点了一些点心和热菜，相对随意。硬件和软件都不错，味道也很赞，整体性价比Ok。🪷环境：环境非常的棒‼️特别是大堂的莲花🪷顶，相当的漂亮，满满的设计感。座位也相当的充裕且宽松，一点儿也不拥挤，这点在香港相对难得。👌服务：总体不错，及时的更换骨碟，添茶倒水。看我带着宝宝，也会及时拿宝宝椅。🍱出品：点了热菜和一些点心，总体都不错。本来点了 片皮鸭 ，结果被告知沽清了，看来下次要提前预定。♥️ 豉油鸡 要的半只，分量还是很大的。肉质鲜嫩，鸡有鸡味，相当入味。♥️ 老虎虾 🦐虾的个头相当的大，做法也很特别外面裹着厚厚的金沙，相当的香，孩子们都很喜欢。♥️ 菠萝咕噜肉 酸甜美味，菠萝🍍的份量也很大肉质酥脆，不会过于油腻.大大小小，一行十六人，分了两桌坐买单💰四千多，很多没吃完，总体性价比还是很高的🙈

今日入愉景灣郊遊， 唔知去邊度搵食，👀 住喺度嘅朋友仔介紹， 牡丹軒都幾好食，👍 於是就決定一試。🙃 原來地點好方便， 就喺碼頭旁邊嘅愉景灣廣場， 環境非常之好 ，兩層高嘅樓底， 寬闊嘅座位， 枱與枱之間亦都隔得好梭， 人客全部都係好斯文， 冇人大聲講嘢。 服務更加係一流 ，一出門搵洗手間，即刻有人話畀你聽喺邊。 我哋入嚟玩唔知頭唔知路 ，酒樓職員耐心講解， 點樣搭巴士周圍去 ，服務周到細心❤。 我哋今晚點咗幾樣嘢， 紅燒花膠雞煲，金勾魚湯菜苗， 一個老火湯，一個靚仔，埋單五百蚊，性價比高，係非常值得推介嘅酒家。💥💥 紅燒花膠滑雞煲🐔＄208幾舊厚厚嘅花膠，燜得好淋，加埋好香好有雞🐔味嘅滑雞，用乾蔥薑片同埋香菇一齊燜，相當有水準嘅小菜。 👍💥💥金勾🦐魚湯🐟菜苗🥬＄138估唔到一碟菜有咁多材料，首先有好多好靚嘅大蝦乾，煮得又香又鮮又軟淋， 跟住仲有瑤柱冬菇薑絲杞子，真係好講究， 白菜仔清甜，索曬啲魚湯 ，超正嘅一個菜。💥💥 廚師豐料老火湯一位＄58今日嘅老火湯係章魚節瓜煲豬肉， 煲得好夠火喉 ，湯入面仲有啲節瓜瘦肉同埋章魚， 啲湯送上嚟嗰陣時仲係好熱， 好香 ，呢啲先至係好酒家應有嘅水準

今日入咗愉景灣玩，六點幾開始搵嘢食。喺DB plaza 樓下望上去見到好似有間幾靚嘅餐廳，就走上2樓睇吓，原來喺間酒樓，格局都幾高級，一入門口係個lounge。座位之間嘅距離都幾闊，仲有超高嘅樓底，3邊圍邊係落地大玻璃，setting有酒店中菜廳嘅feel。叫咗砂鍋雲吞雞、蒜片安格斯牛柳粒、蒸龍躉腩同埋炒芥蘭。砂鍋雲吞雞同埋牛柳粒最好味！龍躉腩就普通。侍應生服務態度好好👍🏻有禮貌最後叫多個糖不甩。兩個大人兩個細路，埋單$ 837，價錢中上合理好想下次再嚟飲茶，因為環境真係好舒服！

去完愉景灣酒店staycation搭船前去試吓,  環境都幾靚, 枱與枱之間都好闊落幾舒服。蒜香蝦春卷, 入面蝦肉都幾多, 皮好脆應該係即叫即炸, 好味。松茸棉花雞 - 棉花有三大舊, 足料唔錯竹笙龍蝦湯餃- 龍蝦湯底少少偏咸, 竹笙唔算粗大, 普普通通LA 蜂蜜蛋散好鬆脆, 一D 都唔硬, 但如果比碟蜂蜜自己淋就仲好 XD蜜汁黑豚肉叉燒 - 豬味濃係好食, 但真係有D 貴香芒雙皮奶凍 - 正正常常都唔錯, 算平添。平日星期二黎, 但都幾多人 , 建議都係BOOK 枱好D ,  呢到仲有片皮鴨食, 仲係拎出黎片比你睇, 全程見到3-4次出黎片鴨, 應該都幾出名, 下次有機會再黎食既話試吓先 

無入愉景灣一排原來碼頭隔離開咗個新商場裏面仲有間新開嘅中菜廳🥢餐廳樓底高充滿空間感270度落地玻璃包圍採光度足 環境優美邊個話入親愉景灣都一定係食西餐？而家入去可以好貴氣地飲個茶啦☕️🫖除咗環境取勝點心整體味道OK賣相同味道較突出嘅有：「手袋千絲酥($45)」小手袋造型👜精緻外層酥脆內裡肉碎餡料入味「水晶肴肉($48)」灑滿金箔粉好搶fo 每粒都附有黑醋汁味道唔錯「龍皇金脆泡香苗($178)」湯底海鮮味香濃混有唔少帶子、蝦仁、魚肉好足料灑入脆米令口感提升其他點心就味道正常😊適逢商場做緊優惠平日夜晚或星期六日於指定餐廳堂食滿$120仲可以有交通優惠4人10款點心泡飯埋單共$700幾就換到4張免費船飛回程🛳每張船飛出中環價值$46㗎😍👍🏻👍🏻

今日入左愉景灣玩 行到咁上下就搵下附近有咩好野食好耐無食中菜喇>< 見到呢間牡丹軒中菜廳幾特別 一於試下啦餐廳環境寬倘 坐得也舒服😍除有美味的佳餚🥢還有到位的服務呢隨著店員上菜 馬上就傳來陣陣酒香🍸清酒煮鮑魚$138 師傳好貼心地切開了一片片香甜之餘透出淡淡清酒味 又食到鮑魚本身嘅鮮甜😍酒味又唔會太濃 鮑魚肉煙韌爽口 邊吃邊讚!平時麻麻燒腩仔嘅我 見咁多人推介牡丹軒的燒腩仔 點都要試下脆皮燒腩仔$138 擺盤十足十飲宴菜式🤗皮鬆脆咬落咯咯聲 好似食緊薯片咁下層肉質及脂肪均勻 食落啖啖肉 味道唔會太鹹襯上黃芥末醬能去除肥膩感💁🏻‍♂️黑蒜螺頭燉花膠湯$128例黑蒜具強抗氧化功效 黑蒜令湯汁呈黑色湯料有螺頭、元貝、瘦肉 非常足料👍🏻花膠係美顏食物 人人都愛 ~ 滋潤養顏🌟 仲好大塊添😍個湯真係清甜滋潤 飲落去好滋潤好舒服鮮鳳梨咕嚕黑豚肉$158有大排檔嗰種有鑊氣 份量適中 不過就細粒左D~咕嚕黑豚肉肉味香濃 外層口感仲脆脆地 😎波蘿肉好新鮮 配埋三色椒🫑 酸酸甜甜 甜味適中👍🏻薑蔥爆本地乳龍蝦伴脆麵$188細細隻乳龍蝦仔 龍蝦肉鮮爽 食落清甜 !!鮮味都非常突出 可以食得出龍

去愉景灣玩，當然要試佢嘅《牡丹軒》嘅精緻中菜啦！ 呢間係上年年尾先開業，餐廳裝潢優雅時尚，仲係曾任米芝蓮星級食府的主廚主理。今次我地午餐去點幾款小菜同點心，簡單嘅菜式更加試得出佢嘅功架！ 特別係果個 《手袋千絲酥》 絕對係鬆、酥、脆，但一點都不油膩！ 食過返尋味😋😋😋😋而樣貌似普通家常菜嘅 《瑤柱蝦乾浸勝瓜》 睇個樣似好清淡， 但食落勝瓜非常清甜！ 而配合瑤柱同埋蝦乾嘅鹹香， 實在非常鮮甜入味，平時唔多食勝瓜嘅我都一口接一口。 就連母親大人都大讚好味😋

放假悠悠閒，坐渡船過愉景灣試下間中茶先，之前在樓下及對面餐廳看到，好似環境唔錯。嚟呢到飲茶，唔知點解一定要事先訂位，walkin就答你冇位訂了1000，但船未到岸，約1020職員打電話嚟查問是否會到(朋友接電話，佢話個職員問得好溫柔 )，最後1030左右到達。其中一位朋友約1100到，在門外聽到有人想入，但職員答冇位。不過由1030到我走時，約1145，都有起碼10張8張枱是冇人的。可能因為疫情，唔招呼咁多枱吧！不過我就覺得人少少好舒服，枱與枱有足夠間隔，地方闊落，加上三邊大大的落地玻璃，令到觀感更加空曠，環境我俾滿分的蒸排骨：味道冇咩特別，不過就冇骨落地，有的都只是軟骨。雞扎：入面有雞肉、魚肚、鮮冬菇，平時一般會有的芋頭則改為义燒。啲料都好好味，但個面的腐皮就差了點，是過了火，老了的腐皮。安格斯牛腸：腸粉做得好好，但牛肉味不足。义燒腸：反而义燒腸內的义燒味道十足，呢到的义燒做得好。菠蘿义燒包：水準之作，內裡的义燒是舊式做法，不會像現在的橙色。百花釀彩椒：蝦肉彈牙，醬汁好味，但煎得唔夠。個汁我個人覺得太多了。燒賣皇：彈牙好味山竹牛肉：都係敗在塊腐皮牡丹粿：頂級的賣相，入面有隻鮑魚仔，有

愉景灣唯一提供精緻粵菜高級中菜廳！由曾任米芝蓮星級食府嘅主廚主理👨🏻‍🍳可以品嚐創新中菜體驗，推介新鮮鳳梨咕嚕黑豚肉、手袋千絲酥、牡丹粿（內含鮑魚）、十勝紅豆糕😋份量好多味道高質素，非常好有BB椅、餐具提供！超級推介呀！新鮮鳳梨咕嚕黑豚肉，燒過嘅菠蘿好甜！咕嚕肉酸酸甜甜非常好食！炸魚柳好新鮮！蟹肉炒飯！分量非常多，四五人份量！牡丹粿，入邊有成粒鮑魚㗎！好食外脆內軟！手袋千層酥！整得勁靚！甜品紅豆糕同埋酥皮蛋撻非常出色！非常豐富！仲非常好食添！一家人食得好開心非常滿足～

📍放假有咩做!? 難得好天氣⛱️ 決定去郊區行下輕鬆下愉景灣好多西餐Pizza 酒吧 唯一既中菜廳反而好顯眼🙈 而且見環境唔錯就試下啦中菜廳走中高價路線 環境相當開揚 樓底夠高 空間感十足每枱之間間距好闊 坐得好舒服🙋🏻‍♀️🙋🏻‍♀️食物方面 點心選擇唔算多 走精緻路線 🌀 蹄香鮮蝦餃- 蝦餃皮唔夠薄 但內餡蝦肉及豬肉比例相當好 加入少許馬蹄粒 增加口感🤗🌀 芝士蝦春捲- 菜式好簡單 但大推! 春捲炸得超香脆 完全冇加其他配料 都好惹味🌀 香煎蘿蔔糕- 正常質素 相對較濃味🌀翡翠雞絲燴稻庭麵- 稻庭烏冬就聽得多🙊 稻庭面其實係扁麵帶米香 滿滿嘅配料 有唔少有大量雞絲雜菇 配上西芹調味 見餐廳仲有台式食物 如芋圓豆花 香炸鹽酥雞 似係會定期推出不同限定菜式～

Peony Chinese Restaurant牡丹軒中菜廳💵 Hkd 100-300 一位晚飯推介指數 🥃🥃🥃🥃今日入左愉景灣過日神，揀左間中菜試試，又出奇地吾錯，仲幾抵食添，間餐廳裝修得吾錯，擺設精緻，服務好好⚓️鴿崧生菜包旁邊有隻鴿髀，話俾你聽真係鴿黎嫁，生菜新鮮，大大塊，吾係出面啲菜頭菜尾⚓️甘粟海苔墨魚餅賣相好吸引，同平時食開吾一樣，真心幾好食⚓️遠年新會陳皮醬油雞（半隻）醬油雞加左陳皮都幾夾，啲雞超級滑，好好味⚓️椒鹽海鮮盆海鮮盆好大盆，炸得好脆同少油⚓️鮮鳳梨咕嚕黑豚肉同平時食到既差吾多，不過細細粒，冇乜口感⚓️鮑魚粒帶子蛋白炒香苗個炒飯都冇乜特別，中規中矩