牧羊少年咖啡館 (香港文化博物館)

营业中

休息中

今日又尋找到慢調的文青主題餐廳，都市人工作壓力大，的確需要這種文化餐廳中和下，插下電，距提供手機插電，文化上插電，為食插電呢個意大利牛肉雲吞，雲吞皮不算好厚，牛肉不太濃，好有嚼頭，濃濃的黑松露系會上癮的，加埋菇的配搭，我連汁都撈埋呢個又系必點之一，好大份，4人份量，薯條好脆，2隻芝士味俾妳選擇，牛肉燥配到薯條又好夾八爪魚牛油果沙律，呢個超級無敵正，沙律醋系埋賣點，好開胃，沙律菜新鮮不再話下，而且牛油果又⑤會好溜，好健康拿破崙煙豬肉意粉，呢個意粉都ok，鮮茄味加溫泉蛋，好特別，意粉好爽口彈牙！

29/4很喜歡這裡的環境! 有我喜歡的博物館在旁邊, 有我最喜歡的寫信及寄信玩意 (雖然是有點貴, 但gimmic很好, 可以在指定的日子寄信給幾年後的人/自己)推廣慢遞, 也慢活. 是的, 城市人真的要放慢腳步, 欣賞身邊的事.是晚共3位美女進晚餐, 叫了3個main dishes 及一個小食. 最討人喜歡的竟然是小食 "mini漢堡三重口味". 有三文魚, 火腿, 炸蝦. 剛好我們三個人, 一人一款. 我吃的是三文魚, 配合醬, 菜, 包, 味道很夾. 加上小吃多滋味.Main dish 1, all day breakfast. 各項都不錯. 牛角包比較喜出望外. Main dish 2, 火腿意粉. 我們以為是風乾火腿, 夾蜜瓜吃那種. 怎料是早餐吃的那種. Anyway~ 上面的軟芝士, 是朋友們喜愛的. 混合在蓄茄汁更好.Main dish 3, 意式雲吞. (當然不是中式的錦鹵雲吞. ) 朋友的意見是比較鹹, 所以請我清埋佢. 其實我又覺得無野, 個白汁淡淡地有松露醬味, 都OK. 是次每人$100. Girls' talk. We enjoyed the good ch

一路都好鐘意牧羊少年以旅遊做主題同定位，知道呢間分店有慢遞服務，就同男朋友一齊黎寫信俾一年後既對方，順便談談情，歎個tea！係車公廟落車，呢到本身都比較靜，令人有遠離煩囂既悠閒感，出左站，經過條河，就搵到佢係文化xxx 到喇！入到去樓底高，地方寬敞，仲有大大塊落地玻璃窗，採光非常好。因為假期黎，都好full 下，仲有好多爸爸媽媽帶埋d 小朋友黎，d 職員好helpful, 即刻就拎d bb 櫈出黎！💕💕坐低就叫野食喇！！平時都好少食waffle , 覺得佢係甜品界最唔似甜品，又飽，又冇咩味，又多面粉，但今日好肚餓，又想食甜品，又見佢d .名好吸引，就叫左個all day breakfast 加paris sunset (原味waffle配香蕉同朱古力雪糕 !!all day breakfast ,算係水平之作正常水平，但waffle 就改變我對waffle 都係面粉既印象！佢外脆內軟而且好香蛋味，佢個雪糕亦係超好食，放上去waffle 再點佢勁濃滑既朱古力醬！我同男友仔都話超級好食呀！！野飲方面叫左個茶同vienna coffee,都唔錯，但waffle 真係令我好想再返黎食順帶一提，

今日約左朋友見面，沙田區無意中發現原來有牧羊少年。好鍾意依間貫徹與眾不同有自己空間既感覺。葵芳分店去得多，但原來沙田無下午茶餐，而且價錢貴d，小食唔包飲品都六十蚊上落，早餐或意粉都七十八十蚊包野飲，咪就係迫你嗌早餐或意粉啫。最後揀左個煙肉早餐。配既野飲係蜜桃蘋果鮮打綠茶，佢d果茶都基本上唔差，未試過中伏，因為生果加茶都好難好差，依杯ok嫁，中上嫁。早餐唔好以為少少兩三件都飽飽嫁，朋友都食唔晒，薯餅新鮮脆嫁，條腸幾得，最鍾意佢配牛角包牛角包唔係間間好食嫁，但d磨菇又好失食，完全無特別。牧羊唔係主sales野食，但品質唔差，又食得又坐得又hea得又可以俾你寄明信片，雖然我冇研究點買，但我睇過d明信片幾hk地道又有得意嫁，好多款揀。

第二次到這間位於文化博物館旁的牧羊少年，今次主要是和好友TEA一TEA，所以沒有點ALL DAY BREAKFAST，只是叫了小食和飲品。士多啤梨朱古力：朱古力味非常濃郁，濃度完全沒有被冰粒稀釋；雖然如此，但士多啤梨的味道仍然未被搶走，調校比例很好呢，一定要一試！鮮奶咖啡：與士多啤梨朱古力相比下就較少驚喜，不過都很有質素。咖啡味即使不加糖水都不會太酸太澀，屬於容易入口的一種，而且很滑不嚡口，不過不失。芝士肉醬薯條：芝士很快就已經硬身了，所以分佈不平均，只有頂上的部分有一大塊芝士，其餘的與普通薯條無異；薯味普通，不特別；而肉醬份量亦很少。我們另外還點了心太軟作甜品，不過心是硬的，只是呈微微的液體狀。整體來說，這裡坐得舒服和飲品比較突出外，其他的食物質素都只是合格呢！

是日同事們放左工就去hea下，咁岩見到呢間牧羊人新開，所以入黎試下其實一直都好鐘意cafe & 文青風格，雖然我唔係文青，不過間唔中慢落黎都好舒服架所以台灣都係我最愛嘅地方!講返呢度先 heeee 我地嗌左一人一杯coffee，好香，好重咖啡味，好怕只得奶味，但呢杯岩岩好，正，仲有拉花都好正嗌左一個all day breakfast set B，有煙三文魚，豬肉腸，漢堡扒少少，炒蛋，幾粒蘑菇，仲有牛角包，茄汁豆，同蕃茄，講句公道說話，環境黎睇係十分ok, 不過講到食物呢，就認真麻麻地。普普通通囉，但唔值咁嘅價格，而且作為all day breakfast，一啲都唔醒神haha 女仔大部分都鐘意食甜品，呢個叫"京都春日" 其實係綠茶窩夫配士多啤梨，不過個名好正 haha 鐘意個窩夫夠鬆化，不過綠茶雪糕唔太夠味，可以再綠茶啲，而士多啤梨都係麻麻地，好酸但賣相好得小提示 下午茶做到6pm 送$40杯野飲🌹仲有呀6點過後會熄燈，然後點蠟燭，好浪漫

曾去過牧羊少年咖啡食晚飯，環境同食物都覺得幾好，有次經過文化博物館見到開左間慢遞館，一直想試吓，呢晚我地係７點半來到，客人半滿，呢到係自助形式，自己搵位後再去點餐，食物由侍應送上。這間以旅遊為主題的《牧羊少年咖啡．慢遞館》，可以一邊嘆咖啡一邊看Café提供嘅旅遊書，書下面還增設左明信片郵寄服務，係呢到買張Postcard就寄得。慢遞館食物選擇唔多，小食甜品主食各幾款，飲品質較多選擇，的確係慢活。我地呢晚揀左以下食物：① 康寶蘭咖啡 Comparra Coffee ($28)② 維也納咖啡 Vienna Coffee ($33)③ 八爪魚黎麥牛油果沙律 Octopus, Avocado & Weed Plant Salad ($74)④ 全日早餐Ｂ All Day Breakfast Set B ($85)Total = $220環境雖好，不過食物質素同價錢未必成正比，如果價錢可以調低Ｄ，或食物提高素質就更好。康寶蘭咖啡：是比較復古的一款功夫咖啡，Solo Espresso加厚厚的Cream即成，喝的時候最好不要攪拌奶油由佢自己溶下，份量雖少，不過味道苦中帶微甜，唔錯。維也納咖啡：主要材

今日見無咩野做, 於是即興約朋友去沙田食晚飯吹水, 但沙田度度都多人, 最後去左個要走一小段路但不逺既CAFE, 我還是比較喜歡少人的餐廳, 不用排隊^^呢度環境好寜靜, 而且每張台上面都有玫瑰香味的蠟燭,好合適情侶或二三知己食飯傾心事牛油果黑醋藜麥沙律 黑醋調得不錯,少少酸咪咪,好開胃,有埋杏仁片更加香食物方面, 點了香草醬忌簾汁雞肉意粉,整碟綠色的意粉,賣相有點伏但出奇的好食,每一條意粉都沾到惹味香草醬,必試之選。呢個掛住食忘記影相,哈哈另外點了香濃的士多啤梨熱朱古力,上面滿滿的一層CREAM, 很滑,甜甜地再配上濃郁的熱朱古力,而且CREAM慢慢溶化到朱古力裡,愈飲愈好味^^甜品則是CHEESE CAKE, 份量比較細,淡淡的芒果味,整體味道比較淡,可以一試, 但相信其他甜品比較吸引...... 

今日見無咩野做, 於是即興約朋友去沙田食晚飯吹水, 但沙田度度都多人, 最後去左個要走一小段路但不逺既CAFE, 我還是比較喜歡少人的餐廳, 不用排隊^^呢度環境好寜靜, 而且每張台上面都有玫瑰香味的蠟燭,好合適情侶或二三知己食飯傾心事牛油果黑醋藜麥沙律 黑醋調得不錯,少少酸咪咪,好開胃,有埋杏仁片更加香食物方面, 點了香草醬忌簾汁雞肉意粉,整碟綠色的意粉,賣相有點伏但出奇的好食,每一條意粉都沾到惹味香草醬,必試之選。呢個掛住食忘記影相,哈哈另外點了香濃的士多啤梨熱朱古力,上面滿滿的一層CREAM, 很滑,甜甜地再配上濃郁的熱朱古力,而且CREAM慢慢溶化到朱古力裡,愈飲愈好味^^甜品則是CHEESE CAKE, 份量比較細,淡淡的芒果味,整體味道比較淡,可以一試, 但相信其他甜品比較吸引...... 

牧羊少年向來主張慢活，主張分享，是愛生活愛旅遊的年青人近來新興蒲點。得知在文化博物館內開了分店時，是非常驚喜，因為除了店位置非常近自己工作地點外，更開心是香港的博物館不再被連鎖咖啡店壟斷經營，實在是食客之福。 位處博物館一角，店內裝修簡潔明亮，坐位種類配搭多元化，無論一家大細，三五好友，情侶拍拖也非常舒服。 巨大的石牆上掛滿可愛的畫作，猶如一個迷你小畫展。據店員說這都是本地兒童的作品，還會不定期更新。 跟其他牧羊少年一樣，店內都放滿可供閱覽的各地旅遊相關書本和雜誌，從亞洲到歐洲，非洲到美洲都齊備。這家應是牧羊少年第一間的慢遞館，提供未來郵遞服務，客人可按需要購買名信片，之後到收銀台計算「郵資」，再放到相應要寄出的未來日期的櫃內。尤記得多年前到蘇杭/西藏等地方旅遊時，內地早已盛行類似的文青咖啡店，想不到現在終於有一間相當規模的在香港。店裡收銀台旁還放置工具箱，寫卡有各樣手作小幫手必定可以更用心思。 餐牌比太子分店有不一樣，這兒有即叫即製的薄餅，可以一試。新鮮製的pizza香氣四溢，鋪滿大量的木魚片，已經絕對符合「和風」的名字，賣相一流。鰻魚片雖然比較細小，但焗得沒有過份

難得平日放假可以行下文化博物館，原來牧羊少年開設分店。以唔需要排除同人流較少既情況下，馬上嘆返個brunch. 落地玻璃浸入點點日光，加上樓底高，座落係文化博物館，入口收銀櫃台旁有一列書架，又有好多名信片，環境好舒適! 點餐係自助形式，有all day breakfast, mini burger, 意粉，當然唔少得係有好多咖啡選擇。不過今次order係凍蘋果蜜桃鮮打配上什菌忌廉汁意粉，因為唔想飲咖啡太飽。由於係平日，買部份食品附送一柸$40飲品。買完餐會俾個號碼牌放台面，服務員會負責送餐。蘋果蜜桃鮮打，有幾片薄薄蘋果一片香桃，雖然係罐頭蜜桃，但配合埋果茶一齊飲落都幾香甜，鮮打有啖啖果肉碎，飲落幾清新; 茶底亦唔會有茶澀味，味道唔錯。什菌忌廉意粉，好香既忌廉味道，忌廉汁亦唔吝惜，每條意粉都會掛上忌廉汁。意粉煙韌不過忌廉汁略甜左少少，菇菌份量都算多亦有菇菌香味，意粉份量亦適中，整體味道都ok, 香濃不錯!

呢日，母親大人突然好在雅興，話要去逛博物館，小人遵命，即刻二話不說陪佢去。唔講唔知，原來1月沙田文化博物館可以免費入館。行完，有d餓，見到博身館入面呢家餐廳，梗係同母親大人食個tea補一補腳骨力。餐廳樓底相當高，窗明几淨，幾雅緻。牆壁掛上富有個性畫作，當眼處擺放書架陳列各式書刊，盡顯文青氣息。是日餐廳雖滿座，但亦未有喧鬧之感，而且感覺悠閒，唔趕客。印度拉茶：杯、壺連木質托盤上，幾骨緻。(估計係)印度香料Masala香味撲鼻，呻一口，入口甘醇，少許回甘，齒頰留香。可怕茶壺設計唔okay，一倒水，d水係甘流到成個托盤都係。檸檬生薑茶：清新怡人檸檬味，加入生薑，微辣，飲一啖，醒神。All day breakfast: 有3個選擇，叫左最經濟$78果個。炒蛋熟左，唔夠滑，口感較「實」；香腸咬落腸衣「卜」一聲，帶甜似蜜糖腸；薯餅些微燶左，踵脆亦略硬，大人話M記薯餅好食d，小人都同意；亮點係牛角飽，飽身仲暖暖地，充滿新鮮牛油香，咬落微脆內軟，無油膩感，值得一讚。份量係多，不過吸引唔到我返啅。坐到6點零天黑，餐廳將吊燈調暗，非常有情調，不過呢度因為要遷就博物館關門時間，係無dinner架。同新城市d

開响香港文化博物館裡面，呢間牧羊少年多左份文化氣息..其實午餐食得好飽，不過老公心血來潮想黎個休閒半小時，所以減緊肥嘅我唯有犧牲少少啦...我叫左杯士多啤梨朱古力，士多啤梨只係講緊插响杯邊嘅一粒士多啤梨，哈哈！好彩價錢並冇貴過正常朱古力，所以唔覺得蝕左... 杯朱古力好濃好好飲，可惜有咖啡因敏感嘅我就飲到頭暈暈，証明好足料，哈哈！老公叫嘅CARAMEL LATTE, $35一杯，我冇試，但老公話好飲，呢個價錢抵飲呀…見到隔離枱呢碟超級邪惡芝士薯條，我地又叫埋一份，太過份了，太好味了，薯條熱辣辣，再加埋啲肉醬，芝士醬(如果改為酸忌廉更加好)，我地成碟食哂呀！記住出示博物館通行証會有9折!

去開太子間牧羊少年，今次特登過來沙田試呢間。餐牌選擇相對少但環境光亮適合與朋友傾計hea一個下午;係文化博物館內,直入就見到寫着"慢遞"。迷你漢堡飽有煙三文魚，吉列蝦，巴馬煙腿片，飽表皮香脆，襯熱食最好，飽入面的黃色醬令飽整個層次豐富，多了甜味;水牛雞翼够熱香脆,不會厚生粉包住,令雞的肉味出返來,但配上疑似藍芝士醬就好怪，跟他們要了個似ranch sauce的沙律醬，即刻加分😋😋😋Full Breakfast 味道就正常，沒有驚喜。飲焦糖拿鐵一般。

沙田［文化博物館］★牧羊少年咖啡．慢遞館又到左最期待既weekday off，前一晚做足功課搵番個好地方做下野之餘悠悠閒閒休息下搭到車公廟站向文化博物館進發，平日中午2點幾依個時間附近人流比較少，今日天氣又涼爽，係河邊行下已經覺得心情好暢快一到達文化博物館就會望到慢遞館既蹤影喇～嘩。。入到去見到咁高既樓底已經內心暗爽，零壓逼感入面既環境裝修得好靚，木地板木枱木櫈加上抬頭一盞盞昏黃既吊燈，成個感覺好warm～淨係個環境已經鎖住左我個心！其中一邊牆有好大個甲子櫃，上面放左各式各樣既post card比人即時買即場寄，果然好切合慢＇遞＇館既主題～最正仲要有遊記旅遊書比隨便大家拎黎睇另外，係唔同既牆上面都有ｄ特色既裝飾。下面張相果十幾幅畫好似好隨心，但擺埋一齊組合成既colourful畫面好吸晴搵食時間食完飯先黎所以今次都係品嚐住佢既咖啡先啦～係cashier買完野拎住個牌仔就可以搵個靚位，坐住等人送野黎喇- Cafe Latte（Hot $33）：細細杯既Latte上面既拉花無期待中咁靚。影完相即刻試番啖...咦？好似好稀咁既！！再慢慢嗒下就驚覺咖啡香濃美味，唔會酸亦唔會太苦，質感比出面飲開