牧羊少年咖啡館 (香港文化博物館)

营业中

休息中

日落巴黎 $108ummm…正常發揮囉 唔可以話唔好食 係冇食到嘩一聲個感覺 食又得唔食都冇損失💁🏻‍♀️個窩夫口感比較脆 外脆內軟 朱古力雪糕唔係超級濃 似係手作雪糕嘅質素 中規中矩 最有趣係個朱古力醬 佢係mix左糖漿既朱古力🍫 味道新奇 我覺得幾特別👍🏻（但我朋友係麻麻地） 我諗chocoholic就會鐘意抹茶可可朱古力 $48 呢個真係fuc….. 見到隔離枱叫覺得好靚 就比個賣相吸引左 點知中哂伏 佢個陣抹茶幾大陣草青味 好似飲緊草咁 飲完落口係有陣陣回甘草味 而個朱古力味都還好 唔係好濃但texture好厚好creamy 飲落啖啖罪惡感 口感幾特別唔似市面上其他朱古力奶 Chocoholic都可以一試 但千祈千祈唔好叫草青味抹茶🍵😵‍💫最後總結：間野食價錢中上少少 食物質素正常發揮 但值得一讚係環境真係好舒服 今次去左沙田店 望住出面單車徑坐window seat真係好靜好舒服 食完飽飽又可以行下沙田夜景🌃 餐廳環境非常適合first date👩🏻‍❤️‍💋‍👨🏻

之前去過尖沙咀嘅分店 今次嚟到文化博物館呢間 連住博物館嘅一間餐廳 文清feel up星期六都排咗一陣隊先入到去 不過都唔算太耐 餐廳座位坐得舒服好多 疫情關係有一塊塊膠片格住唔同位 反而感覺仲舒服 👇🏼冬陰功帶子長通粉 冬陰功味唔多重 正常一般👇🏼豬仔骨番薯條 可能唔係成日會有人叫呢個 等咗好耐大概半個鐘先黎 意粉都已經食完一陣 豬仔骨我覺得可以再林啲 👇🏼最後翻兜返之前飲過佢嘅朱古力 抹茶就一般般 都係飲返整朱古力味好啲假日黎呢度都唔錯 又可以睇吓展覽之後食啲嘢 市區一點小寧靜

去左沙田香港文化博物館玩兒童探知館 ，玩到肚餓～出黎就見到文化博物館地下有間牧羊少年咖啡館 旅遊主題 cafe ， 除左有一系列既旅遊書 ，可以現場借閱之外，仲有一個類似百子櫃既大櫃形成一幅特色牆，每個櫃桶都代表一個日期，係用黎放代寄既明信片～仲可以指定年份代寄明信片，代寄服務因應寄出年期會有不同收費。我地order左主食同甜品👇👇👇香草牛油蒜蓉焗春雞配燒汁、蜜桃奶酪 同法式蘋果撻配雲呢拿雪糕呢個燒春雞處理得幾好，大部分既雞骨已經去除，半隻雞我就只見雞翼骨同雞脾骨。方便食之餘，啲雞肉都算滑溜，配埋燒汁，配菜都有幾款菜同薯蓉，薯蓉夠creamy滑身。法式蘋果撻熱食配上冰凍既雲呢拿雪糕，慢慢軟化既雪糕為脆脆既既蘋果撻增添左啲濕潤既感覺，軟軟既蘋果片同脆撻皮一齊食，有雙重口感，果肉味好豐富，酸酸甜甜咁，都幾好食😊。

多年無嚟，裝修後座位更舒適、格局優雅，感覺比之前更好😙😙午餐set揀鮮忌廉黑松露雜菌長通粉$88鮮忌廉黑松露雜菌長通粉，一人份量剛剛好唔會太creamy, 好香濃忌廉配黑松露，配搭得宜😋南瓜🎃湯好好飲👍🏻水果茶好大杯，解渴之選位處沙田文化博物館，如果有博物館卡可以有九折小巧擺設座位闊落，有卡位🥰仲可以訂枱㗎梳化位都好多下次試吓T set，賣相唔錯位置唔近沙田火車站本來以為平日，落住大雨冇乜人😏點知出到門口已經好多人等位😳

屯門線開通以後，多了發掘沿線附近的美食、好玩去處，好似牧羊少年這間餐廳就位於沙田文化博物館地下，看完展覽，隨即可以在這裡搵野食啦。千島香芒牛油果雞肉薄餅，薄餅是即叫即做的，十分新鮮，餅底外脆內軟，薄餅面上是香芒、牛油果、雞肉、小蕃茄和大量芝士，拉出絲絲芝士，香濃幼滑，整體與香芒牛油果雞肉十分夾。香草蒜茸牛油焗春雞配燒汁(半隻)，春雞用了香草蒜茸牛油去焗，味道好香，皮脆肉多汁，淋上燒汁更增添雞肉味。法式蘋果撻配雲厘拿雪糕，將蘋果切片，一層層圍起成玫瑰花，看得出甜品師傅的用心製作，而且不太甜，撻底亦好鬆化，配上冰凍的雲厘拿雪糕，一熱一冷，口感好過癮呀。順帶一提，我這次去食是黃昏時間，剛好附近的夜色也挺美的，值得食完飯去散散步喔。

喺博物館嘅文青cafe都係咗多人等，12點拎飛都等咗半個鐘先入得食物唔錯，有水準*”@.. 大阪燒風味三文魚pizza以為係大阪燒嘅醬同蛋黃醬，點知竟然有芥末，好攻鼻。係好食嘅，餅底好脆，但係唔會expect係辣嘅，建議加番remarks*”@.. 士多啤梨窩夫份量十足，窩夫外面好脆，入面好鬆軟又有兩球雪糕，士多啤梨醬同cream，配料好足，亦都可以根據個人口味有唔同嘅配搭*”@.. 芝麻開門係芝麻latte, 略嫌芝麻味唔夠，飲落冇乜芝麻香味60幾蚊杯唔抵*”@.. 伯爵茶咖啡應該都只係latte,飲唔出咖啡，只有好淡嘅伯爵茶味，都係嗰句唔抵飲服務方面，食到差唔多嘅時候叫咗可以起窩夫，侍應似乎冇叫廚房起菜，最後再催等咗30分鐘先有得食。一直想試牧羊少年好耐，當初絕對係cafe界數一數二嘅，到宜家各種唔同特色嘅cafe林立，牧羊少年似乎冇咗當初做旅遊主題嘅特色，缺乏競爭力。始終要不忘初心，堅持先有希望！

星期五晚市黎食，都吾洗等好耐位，為左窩夫第二次黎食，真係好好食，即整，暖暖地，又夠脆，意粉味道今次咸左小小，不過可以接受，咸蛋雞翼好食，意粉餐牌同兩星期前既吾同，可以試到新既口味。侍應服務態度良好，環境舒適👍🏻👍🏻

天氣真的好熱，真的要去博物館歎下冷氣，涼快涼快一下。見證著樂壇不同時代光輝歲月的同時，肚子也不爭氣，餓了。鄰近沒有很多食肆，只好挑選這個位於文化博物館毗鄰的餐廳，以餵五臟廟。the alchemist 1. 英式早午餐$1182. 法式蘋果撻配雲呢嗱雪糕$783. 冰水果茶$46合共：$266這個曾經以旅行聞名的食肆🍦，近年來修改了營運方針，但食物質素卻仍然保持水準。先來了英式早午餐，食材豐富，有德國腸，煙燻三文魚，黑松露炒蛋，面包，大蕃茄等，材料豐富，不過不失。另外點了法式蘋果撻配雲呢嗱雪糕，這個感覺挺好，賣相精美，吃下去也有蘋果蓉的味道，配合雲呢嗱雪糕，不俗。水果茶，主要是橙汁，也有其他水果，最適合用來打卡。日期：2021.8.8

星期日中午去睇展覽，之前食個lunch，等位等咗足足一個鐘。不過只要有耐性，裏面嘅嘢其實幾好食，啲位都幾好坐。雖然得幾個餐，但個個都唔錯。等到變長頸鹿，肚餓到癲，乜都好味。叫咗白酒蜆肉意粉。算係勁多蜆，煮得很香，又夠新鮮，意粉有al dente，香蒜又入味。勁鐘意呢杯玫瑰熱鮮奶，好欣賞，好似無見過其他餐廳有呢杯野。齋聽個名個感覺已經好養生feel。飲完好舒服暖胃，味道有淡淡玫瑰香。攪拌起仲成杯粉紅色勁靚。埋單一人一百八十幾蚊，唔係平，但偶爾一次都幾回味。

今個星期想食啲好食嘅意粉，所以決定食牧羊。裝修完之後靚左，而且店員仲係好nice，我地就截單個陣衝入去，佢地仲肯招呼我地。個人覺得牧羊少年嘅意粉水準一直都好好，今日叫左 龍蝦汁鳳蝦尾意粉，同以前係度食過嘅蝦意粉一樣係大隻蝦啖啖肉，而且意粉彈牙，醬汁開胃，好好食。張相影得唔好，真實味道其實不錯。另外叫左日式大阪燒煙三文魚pizza，呢個食得出同以前有個差唔多款嘅pizza比，係有改良過。個皮軟身左同埋芥末味出左，夾埋木魚同三文魚非常惹味。小食拼盤好大份，不過少貴，抵唔抵食就見人見智啦。雖則叫小食，但係如果本身已經有叫主食，兩個人都未必食得晒，因為幾大份。個人好欣賞蜜糖芥末醬，基本上點咩都好好食。今日是日蛋糕有藍莓紅絲絨蛋糕，唔係好酸，就算飽飽地都想食。野飲係蘋果蜜桃鮮打紅茶，比較起食物，杯野飲就普通啦，不過如果食太飽唔想飲有奶嘅野，呢個選擇都唔錯。不過整體而言都係有少少貴，但食物味道同員工態度都非常好，而且環境舒服，耐唔耐都可以食吓～

車公廟終於有第二個景點，就係依間“牧羊少年咖啡館”，呢間餐廳七月頭先裝修完，同之前完全係兩個feel。餐廳入面好燈火通明，畀人一種好放鬆嘅感覺。環境好寬敞，唔會太焗促，好有私人空間。價錢都好實惠好平民。如果想食得輕盈啲，可以選擇食佢哋嘅沙律。但食肉獸嘅我就暫時唔選擇住。意粉方面有六種選擇，款式唔需要多，最重要係夠精。“牧羊少年”入面啲甜品都一樣咁出色，所以食完主食我一定會嗌佢哋嘅甜品填滿我第二個胃。冬蔭功海鮮薄餅$138呢個pizza即叫即做，一上枱已經嗅到好香嘅冬陰功味，而且仲有好多芝士，蝦都好大隻，條邊又烤到好脆，我一個人都食咗三塊。鮮忌廉牛油果雞肉長通粉$108估唔到呢個長通粉都俾到驚喜我，因為有時出去食長通粉，唔係太硬就太淋，呢度嘅通粉軟硬度啱曬我，而且條條都掛滿忌廉汁。炙燒荷蘭汁豬肉扒$78荷蘭汁豬扒真係唔係度度都食到，每次嚟到牧羊cafe都必叫，佢哋呢度嘅豬扒真係好出色，而且仲要係厚切。京都春日$108雖然食咗咁多嘢，但點都要叫返呢度嘅甜品做一個完美嘅總結，就係士多啤梨窩夫配雲呢拿雪糕，雲呢拿雪糕就唔多介紹，但佢嘅窩夫超級好食，仲要係厚窩夫，而且係即叫即做，雖然等得耐啲，但

聽朋友講車公廟站附近有間好出色嘅文青cafe☕，仲要係新裝修🏤，所以趁放假就同老婆去行下，地點都好就腳，車公廟站行五分鐘就到，喺文化博物館隔離，我地行完博物館再嚟嘆番個tea或者晚餐🍛。新裝修完全唔同晒。入面嘅裝修同環境都非常舒適，樓底又好高，格調都好舒服。入面仲有個好大嘅書櫃📖又有唔同種類嘅書籍📒📙可以畀你慢慢睇，真係一個好放鬆💆嘅地方。佢哋本menu都精心設計過，好似一本小說咁。意粉雖然得六款，選擇唔算好多，但個個意粉都好特色。鮮忌廉牛油果🥑雞肉🐔長通粉$108意粉係最快上嘅，條條通粉都掛滿忌廉牛油果汁，上面仲佈滿咗一堆厚厚嘅芝士粉。通粉嘅軟硬度適中，唔會太軟亦唔會太硬。小食🍱拼盤$138呢個價錢配埋呢個份量，真係冇得輸。（黑松露豬肉腸，煙辣腸，雞翼，八爪魚丸，春卷，薯條）黑松露腸同煙肉腸，脆卜卜好juicy，雞翼/八爪魚丸/春捲/薯條，都炸得好香口而且一啲都唔油。炙燒荷蘭汁豬肉扒🥩$78塊豬扒好大塊同好厚，上面鋪滿咗炙燒荷蘭汁，配埋啲豬扒食好好食。我哋六點鐘入場嗰時唔駛等位，但一到7點已經爆曬場。門口仲排滿長龍。總結：依間文化博物館隔離既cafe，真係別有一番風味，而且啲嘢食同環

下午茶2:30叫咗個雞扒漢堡加杯咖啡，見到上枱個賣相已涼了半截，個包又扁又乾，最弊一咬落去塊雞扒係凍嘅！！！點可能？就算一早煎好備用，都麻煩你放入微波爐叮一叮吧？杯咖啡都係凍的！88蚊仲要加一，埋單成舊水，質素竟不如茶餐廳！至於點解有咁多白衣人着到侍應咁但又唔係招呼僱客、背景歌曲大過人聲，呢啲都唔去深究了。

幾年前曾經幫襯，七月份剛剛重新裝修後再次惠顧😃與家人一行三人惠顧晚餐，我們叫了兩個主食、兩個小食。✌🏻首先出埸有明太子鳯尾蝦意大利粉（$118），味道不錯。接著，必食推介有拉差醬法國雞翼（$68），質地香脆，醬汁香辣。其中千島香芒牛油果雞肉薄餅（$138）係我哋嘅最愛，大大份之餘材料又豐富😋最後，魚湯輕炒西蘭花（$68）十分翠綠 軟硬適中，口感啱啱好。裝修後嘅場地更加寬敞，坐得更加舒服😌我下次會再次惠顧！

✨小食拼盤💰138有辣豬肉腸 炸蕃薯條 炸章魚丸 春卷等等配埋千島醬同酸忌廉醬賣相不錯😋味道可以滿足左我呢個選擇困難症既人😛✨炙燒荷蘭汁豬肉排💰78豬肉排好Juice鬆化上面鋪滿一層厚厚嘅芝士忌廉醬熱辣辣最好食😜✨千島香芒牛油果雞肉薄餅💰138pizza份量都頗多芒果超甜🥰🥰🥰牛油果都幾大塊✨鮮忌廉黑松露醬雜菌長通粉💰98忌廉汁creamy,醬汁份量恰到好處🤩包裹曬每一條長通粉😚✨京都春日💰108窩夫香脆有蛋香💕配埋 雲呢拿雪糕兩者真係好Match🥰✨蜜桃奶酪💰56✨蘋果蜜桃鮮打紅茶💰54🚴遠離繁囂既好去處☕️🤍放假就係要chill下🤍🔻🔻🔻🔻🔻🔻🔻🔻🔻🔻🔻