犢食 (已結業)

觀塘真係好多好嘢食，行多幾步搵吓上搵吓下，可以比起地舖好食又抵食，今次搵到巧明街，好運工業中心三樓犢食，一出升降機就可見光猛嘅門牌，簡潔又帶點日味，入內文字、小册子佈滿全個餐室，港味甚濃；雙層芝士魚餅湯咖喱定食，Cheese Fishcake Soup Curry $66，唔係咖喱汁，係湯咖喱（Soup Curry），所以唔會好濃，淡淡而清香日式甘口咖喱味道，主食配有好多款式及大件嘅蔬菜，有茄子、西蘭花、薯仔、南瓜、香菇，追加蘆筍（$10），柔嫩可口，雙層芝士魚餅有兩塊，咬開見左右兩邊都流出芝士，配白飯，在小食中加上一隻溫泉蛋（$9），放在白飯中，小時最愛食；漬物係牛蒡，味道唔錯；飲品可選熱玄米茶或味噌湯，要咗玄米茶，可惜水唔夠熱，出唔到茶味。小食Side Dishes，免治雞軟骨串（$12），好好食，食到香脆軟骨，值得推介👍🏼

A little Japanese eat-in and take out at an old factory at Kwun Tong.As many of you know, Kwun Tong is one of the places where you can find many hidden gems that you might not know, and Duksik is one of them. Is a little Japanese restaurant located (or should I said “Hidden”) in Good Luck Industrial Building. Is a really small place very quiet, but full of surprise. The food there is amazing. I’ve ordered a Blow Touched pork belly with Udon and Miso Soup set. Japanese fried Chicken, Grill Tomato

喺觀塘食lunch多數要排隊，趕時間之下網上面搵到呢間樓上小店，於是上去食番個lunch。呢間小店門面裝修簡潔，餐廳裡面乾淨企理，冷氣充足！餐牌可以選擇嘅款式唔多，我就要咗個灸燒豚角煮丼($58)，已經包埋漬物同埋玄米茶，另外我都加左啲toppings，自家製芝士漢堡扒(另加$22)，同埋西蘭花🥦、南瓜🎃、茄子🍆(每樣加多$7)。等咗一陣啲嘢食就上枱，原來呢度食物主要用外賣紙盒🥡！想講啲嘢食外表睇落好似冇乜特別，但係入口之後就發覺食物質素唔錯，啲豚肉肥瘦適中，加上半隻温泉蛋同埋切粒秋葵，好味道😋！自家製芝士漢堡扒上面鋪滿晒芝士，漢堡扒熱辣辣煎好出嚟，幾好食！西蘭花🥦、南瓜🎃、茄子🍆另放一個小紙盒，咁樣啲菜嘅汁水唔會影響到豚肉丼本身嘅口感，都幾好嘅安排！

間舖係出𨋢既右手面就係，第一次去既人可能都要望一望先搵到。但係佢既門口好易認，係🎗到核爆既小店。餐廳入面唔算大，全部都係長枱高櫈既設計，所以有少少係預左食快餐既感覺，同埋真係自己一個黎食都唔怕。顧客要自己出去比錢叫野食，跟住會有人送餐比你 (不過可能係因為我下午茶時段去冇乜人，所以先有呢個服務！？因為佢冇比任何牌仔之類既野我，如果lunch hour多人唔知點認人🙈)南蠻炸大雞丼 （$62）：一坐低睇左幾篇食評都係讚呢個飯，我當然要試下。食完之後，佢都係我最推薦既！佢係用大雞扒去炸，炸完之後依然好juicy，而且個炸粉唔厚，好正。個雞扒上面亦都有d類似明太子沙律醬既野，一齊食係唔錯既。另外，佢個飯拌左d酸酸地既汁，好開胃，食完雞扒都唔會膩。雙重芝士魚餅湯咖哩定食($66)：係芝士魚餅呀，入面既芝士唔算少。成碗咖哩入面既料都幾多下，有茄子，菇，薯子，西蘭花。。。不過我就覺得咖哩偏稀，可能我係比較鐘意用日式咖哩，所以相對我冇咁鐘意呢種🤣佢本身每個飯都會包茶/麵豉湯同小食。至於飲品係另叫既，佢基本都係獨立包裝飯品，可以係一雪櫃睇到。富士山頂可樂 ＄24伯爵紅茶豆乳 $12

雞腿湯咖哩定食.雞腿肉好厚肉而且雞皮唔會過厚,食落啖啖肉唔肥膩.肉質夠嫩滑得黎無雪藏味,係雞腿肉之間滲入咖喱湯所以咬落唔會乾充滿湯汁.除左雞腿肉外,底下仲有唔同既蔬菜做伴菜,平衝返太多肉類既膩滯感.蔬菜吸入晒湯咖喱既味道,入口藏點辛口甘甜香味.咖喱湯味道夠濃郁,配飯一流.醬油煮蛋中間呈半流心既蛋黃入口濃厚,蛋黃又夠香.加上用醬油煮,蛋白染上淡醬油色,味道帶幾香甜既醬油香.鰹魚汁炸豆腐.豆腐用玉子豆腐,輕輕炸過入口微脆內嫩滑.係炸豆腐上加上木魚碎片入口帶點鹹香既木魚味.再沾上底下浸住炸豆腐既鰹魚汁清香鮮甜唔會得個鹹味.

疫情關係其實偶爾都想食下外賣，支持下d用心製作既店！呢日就去左觀塘覓食，呢間野叫做犢食。初心之犢不畏虎的意思嗎？還有諧音。。毒？！是外賣自取的dinner, 店員跟我說冇曬飯，煮緊要d時間，可以轉烏冬，不過唔趕時間既我廢是煩，冇轉到，等多陣都ok既。老板(?) 好好人，仲送左盒香蕉豆奶比我，真係好有愛。大家可以去ig支持下佢地呀。我地叫左南蠻炸大雞井，芝士漢堡扒咖喱定食，同埋灸燒豚角煮井。curry: 豚角：炸雞：合照：拎到返去開餐既時候大約9個字到，自己做步兵XD,咁其實佢都仲係暖既。份量都幾大，食曬D飯勁飽。少少可惜你D飯淋左d, 不過都好明白，始終外賣餘温加熱都會影響左d飯既質感。不過d餸都幾好食。豚角佢整得好香，仲有埋温泉蛋，雞都炸得唔錯，唔會話得d粉咁，同埋咖喱都幾香架。同埋佢唔會整得好油，所以咁多飯我都食得曬。希望可以再黎。

經過觀塘區處理完少少事務當然又要醫下肚仔,上網一search見到呢間個名咁特別既日式小店就決定上門支持下.果然小店水準令人驚嘆！正係我獨情於嘗試小店既動力.南蠻炸大雞丼.炸雞厚度夠晒有誠意,超厚身炸雞扒先係炸得尤其香脆,見到炸雞皮上一泡泡氣泡咬入口令口感更鬆化.咬開雞扒中間滲出大量肉汁,juicy得黎味道又夠香,不帶雪藏味.最特別係炸雞中間加上蛋沙律,沾上炸雞一齊食一熱一凍令炸雞油膩感降低.係炸雞同珍珠米之間鋪上椰菜絲,入口爽脆而且充滿水分,清爽解膩.免治雞軟骨串.燒得帶微焦香感,咬落外綿內脆.係軟綿既兔治雞肉中帶點軟骨脆卜卜既口感.雞肉串本身帶少少醬油既香甜味,外灑上少少七味粉做調味,令味道更香亦都無咁單調.

今日去試吓呢間日式小店，全部野嘅賣相都好好味咁😭😭所以都嗌左唔少嘅嘢食我最為推薦嘅就係自家製芝士漢堡扒湯咖喱定食本來我並不喜歡吃漢堡扒，但加上芝士後，整個配搭變得更加美味而漢堡扒嘅口感好厚實，咖喱汁也很香濃溫泉蛋牛肉丼也不相伯仲裏面的秋葵設計用心，特別設計成星星形狀，不得不給予星星⭐️⭐️⭐️⭐️⭐️豚肉嘅肉質好好，飯的份量也足夠配菜我最為推薦的就是帆立貝❤️本來毫無精神的我，吃完一口後立即精神返晒🙈（真佢嘅汁非常濃郁，味道適中，我相信也很適合大家嘅口味免治雞軟骨串烤得適中，鬆軟嘅口感讓人無法形容它的美味鰹魚炸豆腐外脆內軟，很符合大眾嘅口感💖讚～總括而言，今餐係我食過咁多日式餐廳入邊最美味嘅一餐。因為佢睇落比較健康，唔會好熱氣。外觀嘅顏色又靚，甜鹹嘅味道適中，有機會一定再光顧。

朋友同我推薦觀塘工廈既一間黃店，話舖頭細細但好比心機整野食，食物好高質，今日得閒小小就搭車去試下，舖頭應該係90後開，店員好有禮貌，外賣都唔使等太耐就有得拎要左兩個主菜，第一個咖喱芝士漢堡扒-加左$10轉烏冬，個日式咖哩汁好正，濃得黎唔會太鹹，送飯同烏冬都一流，欣賞配料多，有南瓜、西蘭花、薯仔同靈芝菇等，相當豐富；另一個灸燒豚角煮丼同樣出色，秋葵切做細細粒既星星型⭐⭐⭐好得意，咁有心思要讚讚，豚腩都幾大塊下，不過略肥，其他加配小食如帆立貝和茄子等雖然係簡單食物，但調配既汁令食物更惹味，本身跟主食既有兩份漬物都好有水準，另外值得一提係餐廳好多特別口味既野飲可以揀，包括wasabi汽水、綠茶可樂同蜜瓜梳打等

好耐冇出街食飯，又冇得去旅行，見到最近觀塘開咗間新嘅日本餐廳，就打算外賣自取一解思鄉之愁~follow IG仲有優惠價加配小食，小食種類幾特別同較少見，就好似鰹魚炸豆腐等等~外賣自取都唔係等咗好耐，大約5至10分鐘就有得攞，而且包裝都十分整潔，湯汁無漏瀉出來😇犢食牛肉丼~唔好睇佢個盒好似好細，其實入面份量驚人，牛肉份量比普通牛肉飯店多很多，而且吸收晒牛肉汁精華，味道juicy，肥瘦亦適中，有油香但又不至於過膩😋加入洋蔥等等的配料亦增加味道層次，不至於普通牛肉飯般沉悶😋飯粒亦吸收晒牛肉汁精華，粒粒飽滿濕潤😇漬物+味噌湯~套餐包左漬物同麵豉湯，漬物甜甜地幾開胃，麵豉湯加入海帶，調味適中，不至於過鹹👍自家製芝士漢堡扒~作為食肉獸的我見到有得加配芝士漢堡扒，就毫不猶豫叫咗，果然冇令我後悔，大大塊漢堡扒質感十分厚實，不會一啖咬落去就散，而且十分有咬口，同半溶芝士的鹹香味道十分夾😍西蘭花+烤蕃茄~食咗咁多肉類都要加配返少少蔬菜平衡下，西蘭花夠爽脆，蕃茄經過烘烤都帶有甜甜香氣，充滿田園氣息☺️靜岡綠茶可樂~非常欣賞呢支嘢飲，應該係日本直送，第一次飲特別味道嘅可樂，可樂嘅味道加入綠茶嘅清甜，估唔到幾夾，

去完apm附近行街後，我哋想搵下有冇咩工廠大廈特別食店。search 到犢食，有吸引的丼飯我哋叫咗一個牛一個豬，先俾錢點餐，之後坐低一陣大約幾分鐘店員會幫我哋上餐先來豚估唔到好厚肉！好彈牙有咬口，鹹鹹甜甜嘅醬油汁好入味，一口肉一口飯唔錯！配菜亦令味道變化更多，有唔同口感。醬油蛋好入味，蛋黃好香滑超吸引！另外我喜歡佢哋切得細細遍的秋葵，感覺清新健康！再到牛牛肉份量都幾多，味道都好濃，配合埋洋蔥及醬汁連同飯一齊食好好味！另外，兩個丼飯都配有小配菜，加埋入去連同飯一齊吃增加口感湯香濃暖胃玄米茶好香！最後店送咗我哋一份蕃茄小食，好nice充滿柚子嘅香味，甜甜酸酸，好入味清新！雖然這間店細細地，但係感覺都好舒適，我哋大約三點到，食完野坐喺度傾吓計都幾好下次試吓佢哋嘅咖喱先

呢排成日要食外賣，緊係搵d特色野食。呢間舖頭主打丼飯同埋日式咖喱，我哋三個就每人點一個餐再share嚟食。佢個前菜係有d甜甜地既木耳，幾開胃。我叫咗個芝士漢堡扒湯咖喱定食，佢塊漢堡扒好Juicy，扒上面仲鋪咗陣薄薄嘅芝士，佢個日式咖喱汁唔算辣偏甜，啱晒我呢啲唔食得辣嘅人。值得一讚嘅係佢有好多蔬菜，例如西蘭花、茄子、瓜同薯仔，喺抗疫時真係覺得好窩心！朋友叫咗個南蠻炸大雞丼飯，佢個雞炸得幾入味，炸粉唔多反而雞肉幾多，配埋啲酸檸檬汁好醒位，同埋佢仲有塊蛋同啲紫菜，成個飯都幾多野食！另外個朋友叫左炙燒豚角煮丼，佢有秋葵即刻心心眼左，佢d豚肉唔算肥都有肉同埋好香，同d木魚絲好夾。佢個湯幾濃味但唔係味精個種味，都幾好飲。

呢排無辦法啦，儘量都要外賣返屋企食架啦。見呢間未試過又唔貴就試下佢先😋👍💥溫泉蛋牛肉丼 $58 牛肉丼嚟講，佢嘅牛肉質素真係算係咁，而且份量亦唔吝嗇👍唔會話成舊都係肥膏，亦唔係好柴身嘅瘦肉🐂食得出丼飯真係用日本米😋溫泉蛋生熟亦恰當啱哂撈飯👍可能太耐無食過牛肉飯嘅關係，真係好掛住「牛汁」撈飯😭💕鐘意食「牛汁」嘅朋友，見到店家寫住歡迎嗌多汁喔😆評分: 7.3/10 ☺💥南蠻炸大雞丼 $62南蠻炸大雞外皮有少少酸酸地嘅醬醋味😋但因為佢嘅味道係喺炸漿入面，所以炸完仲係保持乾身🐤拎到返屋企食都仲係脆口架👍😋但略嫌咸咗少少，但配飯食就差唔多啦☺每舊炸雞都好大舊，而且份量多，食極都仲有咁超抵食😱🤣好欣賞佢唔係求其落pat沙律醬hea我就算，係真係有整蛋沙律放上面🍳🥚雖然無話特別重蛋味，但feel到哂啲誠意❤評分: 8/10 😍💥免治雞軟骨串 $12我哋明明嗌咗2條都收咗2條錢，但最後淨係俾咗1條咋好sad😭😭不過言歸正傳都係好味嘅😋食到好明顯香烤過嘅焦香味😍配埋甜甜地嘅醬汁係無得輸嘅味道😆好後悔無加蛋黃做沾醬😭雞肉串唔會好乾，每啖都食到粒粒軟骨，口感唔錯😋👍評分: 8.5/10 😍💥漬物、玄米茶、味

一嚟到呢間位於工業區嘅日本餐廳雖然地方唔算大，但坐位絕對唔窄地方算整潔，我一黎叫左溫泉蛋牛肉丼料好足，而且午餐黎講58蚊一餐都幾平，加上有學生優惠，我仲加左番茄仔食，酸酸地都幾開胃支持黃店🍋

想當天是全日禁堂食的前一天，說好了要吃好一點，在Lunch前10分鐘被燒到，即興去嘗嘗這間日式小店～～小店主打丼飯，湯咖哩同小食，仲不定時有唔同既寄賣同光時飲品😚.自家製芝士漢堡扒湯咖喱定食 $72 /轉烏冬$10湯咖喱總共有五款，實在忍唔住引誘嗌佐呢個🤤 本身每個丼都會包漬物，玄米茶/味噌湯(個湯有少少鹹)～重頭戲！芝士漢堡扒一食我驚艷佐😳點解厚肉得黎可以咁juicy，一啲都唔乾，咬落啲肉又唔會散開，仲有佢pat芝士超邪惡，啖啖都充滿肉汁咖哩同芝士三重奏，超爽🤤 而且個湯咖哩超有份量唔係講笑，配料已經勁豐富：西蘭花🥦茄子🍆菇，(大到有人話以為係雞蛋既薯仔🥔(蠢無誤🤭)全部都煮得剛好，個咖哩好香濃，烏冬放埋落去都唔會太辣同太鹹岩岩好，食完啲配料我已經飽佐大半🙈好滿足～～..南蠻炸大雞丼 $62丼總共有四款，雞！成碗都係雞！！聽講外賣完返屋企個皮都keep到唔林，本身好驚食炸雞會好乾，但佢脆得黎之餘仲會有油汁係入面，而且又唔會過油，同埋真係大大件，個丼除佐紫菜碎仲要有碎蛋做醬料～比較特別開胃，配搭起上黎好好食，雖然食完兩大件我同事話好飽，但依然話下次要再食依個，佢話cp值超高！！.總結，