狂野麻神麻辣火鍋 (已結業)

上網睇到有好多人都話麻神嘅午餐好抵食，今日終於的起心肝約埋朋友一齊去試吓，但係可能接收得太多好評，所以令自己都好期待，而希望太高就會變成失望越大！我哋今日一行三人分別叫咗酸菜魚，藥膳醉雞鍋，港式麻辣鍋。酸菜魚：老實講酸菜魚的味道不過不失，魚塊也算大塊，這個酸菜魚都總算沒有叫錯藥膳醉雞鍋：這個鍋唯一值得讚揚就係雞肉唔梅，但係湯底就完全唔合格，因為完全食唔到藥膳嘅味道港式麻辣鍋：相比別的麻辣火鍋店嘅味道有少少唔同，湯底有轉微帶酸，唔會令我想再去食我最後加左一份果凍鴨血，呢個鴨血係好食另外還加左一份安格斯肥牛，雖然只有六塊，但牛肉味都唔錯至於凍水果茶及凍青檸梳打就麻麻，唔夠冰變成不冷不熱，我要服務員再加冰先可以飲得落肚

尖沙咀抵食一人鍋午市套餐 超值之選▫️呢間係位於尖沙咀北京道嘅麻神麻辣火鍋推出左酸菜魚/藥膳醉雞鍋午市套餐，價錢勁吸引，$66就可以食到😍！火鍋底可以簡酸菜魚/藥膳醉雞鍋，配米線/薯粉/烏冬/拉麵/韓式公仔麵/白飯，再配埋飲品！真係相當超值！▫️估唔到佢咁佢哋嘅一人一鍋都會咁大份！我同朋友都個話唔到個份量會係咁多嘅！個湯底嘅酸菜味係食落會越來越濃味，都好足料！見到落左超多酸菜、芽菜！煲得耐之後會再濃味好多！而為食兔係簡左寬粉，份量亦都好多，啲粉索曬啲湯真係好正💕😋另外再叫左果凍鴨血($18)，食落好索汁入味😋而主角嘅魚塊都好厚肉、成塊都冇無骨又唔鞋，又冇鹼水味，重要係好大件！另外飲品叫左薏米水，飲落唔甜，健康之選👍🏻▫️地址：麻神麻辣火鍋 (尖沙咀)尖沙咀北京道71-77號誠信大廈2樓▫️為食指數:7.5（10分為最多)抵食指數: 9

去到尖沙咀行街搵個地方食晏行到見到麻神嘅招牌即刻打邊爐癮起原來午市有一人一鍋 既衛生又性價比高上到餐廳都兩點下午茶時間不過如果你想坐窗邊卡位 都要早啲去先有位呢度仲有獨立房 如果晚市想一大班朋友嚟食都有靚房靚景講返午市嘅一人一鍋主要有三個選擇有自選鍋底有酸菜魚有醉雞鍋而我今次就選擇左自選鍋底嘅麻辣湯底而朋友就選擇左沙嗲湯底而家仲做緊宣傳食客如果like 社交平台就會送清酒或者小食我選擇咗小食嘅小食有脆芋片 麻辣大豆芽作為餐前小食幾開胃 先來嘅係我揀嘅港式麻辣湯配鮮嫩滑牛肉粟米餃牛柏葉 薯粉 水果蜜桃茶而每個鍋本身都會啲芽菜韭菜南瓜同菜麻辣湯麻而不燥 飲落都唔會啃喉辣度屬於小辣相信大部份人都食到牛柏葉亦都彈牙爽口牛肉大大片 有肉味 唔鞋口唔韌薯粉好索湯 朔晒湯嘅精華 入口彈牙已朋友叫咗沙嗲湯鍋配鮮嫩滑牛肉水魷雞肉片沙嗲味好濃郁 恍似食緊一個好好味嘅沙嗲牛肉麵水魷有𠝹花比牛柏葉更彈牙更爽最驚喜係水果茶 一上枱超多水果有菠蘿火龍果同西瓜可以當水果拼盤咁飯後食蜜桃茶蜜桃味超濃建議可以揀正常冰就係咁食咗一個好高質嘅午餐加下午茶超飽嘅一餐

雖然一大班一同一個煱烚下烚下係最開心，但基於疫情既影響唯有自私食先。今次又有人帶我食好西，朋友帶左我黎呢間新既麻辣火鍋店食lunch，雖然我唔太食得辣但好彩佢地既lunch set有好多款選擇同時迎合到食辣同唔食辣既人。藥膳醉雞湯雞肉份量好慷慨，全部都係以雞翼同雞槌為主就食到啖啖嫩滑既雞肉。雞翼同雞槌都吸盡藥膳湯底既精華就內外雞肉同樣入味。藥膳湯底濃郁，藥膳味唔會過濃令湯底變得苦澀。帶藥材香既同時亦帶一陣酒香，飲完一啖湯後令到成個人都暖晒。藥膳湯底越滾越濃但又唔會過鹹,值得一讚。選擇左以拉麵作為主食，拉麵煙煙韌韌，唔會好易變糊。配料同樣豐富，木耳爽脆健康又掛上雞湯既精華。白筍夠脆身同樣充滿水份夠晒清新.青檸梳打食熱辣辣既一人鍋當然要配返清爽冰凍既飲品降一降溫，酸酸甜甜又帶氣既青檸梳打最適合不過。

經過北京道見到一間新開既樓上火鍋店lunch set一人鍋幾吸引就趁住lunch time仲未有好多人既時候就去試下.一人一鍋包含選擇鍋湯底,主食有各款麵類或白飯及一款飲品.酸菜魚一人鍋以gas爐加熱可以keep住鍋內温度.酸菜魚鋪係鍋面上,魚片新鮮入口唔會過薄身,魚肉肉質彈牙不帶腥味.鍋內充滿大量酸菜,酸菜味香而且淡淡酸香又唔會過嗆,酸菜入口爽脆.除左酸菜外亦有香脆充滿水份既荳芽.鍋面上既菜甫令鍋底更香.薯粉入口Q彈又夠滑,薯粉掛上酸菜湯既酸及辣既精華入口味道豐富.紅棗桂圓茶以泡浸既形式用茶壺盛上,入口清香帶淡淡紅棗棗香,化解辣味及膩感.

今天工作來到尖沙咀，工作完畢，和同事來到北京道誠信大厦2樓的「麻神麻辣火鍋」午餐，一人一鍋，乾淨衛生，必定是火鍋控的至愛。「麻神」地方寛闊，近窗邊位置光猛，又望到街景，感覺寫意優閒。Order 食物需要用手機掃QR code 落單，又方便，又環保，又衛生。《藥膳醉雞鍋》配薯粉雞肉斬到細細舊，很入味軟腍，湯內有木耳、淮山、蟲草花、人參……非常滋補，濃濃的雞湯把薯粉煮腍後，非常好吃。《自選火鍋：藩茄湯底、滑雞片、翡翠鮮蔬水餃、包心白菜》配薯粉滿滿的一大鍋，首先是餵飽了眼睛，再餵飽肚腹， 令人垂涎欲滴， 除了自選的餸外，還有很多芽菜、韮菜、栗米粒等等……非常健康有益，滑雞片和水餃都很新鮮美味。《洛神花茶》淡紅的洛神花茶，見到都非常治癒，不單補血、養顏，還有降血壓功用。《凍水果蜜桃茶》水果茶內有很多西瓜粒和火龍果粒，非常健康。

今日去開尖沙咀iSquare附近，搵去邊度食午餐嘅時候上網見到呢度嘅一人火鍋午餐都幾抵食，仲好似好多嘢可以揀，所以今日嚟試吓先😊舖頭面積都好大，好闊落，好好彩我哋嚟到嘅時候有個靠窗嘅卡位，坐得好舒服。顧客可以手機點餐。主要先選擇酸菜魚鍋，醉雞鍋，或自選鍋。前者兩個嘅湯底同埋餸菜已定，自選鍋就可以自選三個餸菜。我哋兩個今次都嗌左自選鍋：一個沙嗲湯底，一個蕃茄湯底沙嗲湯底有啲辣，味道濃郁，我配左烏冬，同湯底都非常之配合。另外，仲有滑雞片，滑雞同埋沙嗲都係好夾，雞肉好滑，份量好多，啖啖肉非常之正。竹笙亦好入味，充滿沙嗲汁除咗自己揀嘅餸菜之外，佢本身個鍋底有好多唔同嘅蔬菜，包括大量芽菜、生菜、南瓜等等。蕃茄湯底亦係味道濃郁，仲有蕃茄肉粒。配料安格斯肥牛都好好味，牛味重。流心香芋丸都好特別，裏面紫色嘅芋頭蓉鹹鹹地好香口。翡翠鮮蔬水餃感覺好健康，裏面仲有一啲菇類。另外我哋仲點左一杯青檸梳打、一杯水果茶。青檸梳打味道好清新，特別喜愛！水果蜜桃茶有新鮮嘅水果粒粒（西瓜粒、火龍果粒），感覺香甜食飽飽嘅一餐！

雖然依家已經係春天 但係都無阻我打邊爐嘅心情😛呢日我同朋友就係尖沙咀搵到超抵食嘅台式一人一鍋有多種選擇 都只係每個餐$66!🤩.入座之後 店員會俾個qr code你自助落單夠晒方便衛生 價錢同點單狀況都一目了然.睇返個餐牌 主要有3個鍋可以選擇 分別係- 酸菜魚🐟- 藥饍醉雞鍋🐔- 自選火鍋而我地今次就食左酸菜魚同自選火鍋.🌟一人一鍋　酸菜魚午餐 ($66)酸菜魚酸辣適中 大部份人都會接受到而且仲有好多魚 件件都好大舊 仲係冇骨啖啖肉配埋薯粉真係絕配 完全吸晒湯底嘅精華 份量亦都好多 真係好抵食👍🏻.🌟一人一鍋　自選午餐 ($66)至於自選火鍋就可以係39個餸入面揀3個🍲總有野啱食 連食素嘅朋友都有得選擇而今次我地就揀左嫩滑鮮牛肉、煙腩片、午餐肉配沙嗲湯底公仔麵沙嗲湯底同韓國公仔麵非常夾風味媲美茶餐廳嘅沙嗲牛肉麵🤣而且牛肉好嫩滑 煙腩片肥瘦適中 我地都食得好滿意.🌟熱紅棗桂圓每個鍋都會附送一杯凍/熱飲呢個紅棗桂圓成個茶壺上🫖客人可以按自己嘅步伐添茶 真係好細心而且呢個飲品夠晒滋潤 好啱女士.🌟凍水果蜜桃茶另一杯我地就點左凍飲味道清甜 而且有好多西瓜同火龍果打邊爐嘅時候為你帶來清新嘅感

呢日放假突然想食個快嘅火鍋，經過見到麻神未食過就同朋友決定一試。上到去見到個裝修好靚，行型格風好彩我11點幾就上到去，唔洗排隊就入得，仲有得坐窗口位佢地嘅午市套餐好吸引，一黎到，店員就即刻行過黎為我們點餐，服務態度非常好。以下就係ordered food:跟餐的飲品: 熱紅棗桂圓味道不甜，淡淡的，適合養生的人飲跟餐的飲品: 凍青檸梳打味道不錯，不會太甜，凍冰冰配打邊爐一流！酸菜魚烏冬火鍋 $66非常足料，勁多魚塊，仲要大大舊，同埋有勁多酸菜，鍾意食酸菜嘅朋友一定要試！辣度唔會太辣，食唔到辣嘅朋友都食到，湯底都唔錯。港式麻辣湯底烏冬 $66 配安格斯肥牛 +$10美國豬肩胛 +$8廣島蠔 +$8呢個湯底真係一流，辣辣地非常開胃，仲有勁多料喺入面，包括生菜、娃娃菜、粟米粒、韭菜同芽菜。我最欣賞就係佢呢個廣島蠔，超級大粒，又新鮮，仲要有2粒添！好正！鍾意食芽菜同韭菜嘅朋友會好開心，因為份量多到我要夾起先，如果唔係個煲要滿瀉另外仲見到如果like咗佢個page，有得送日本清酒或者小食拼盤一客，只可惜我同朋友都食得太飽，同埋驚食唔晒，所以冇like到，大食嘅朋友記得掃枱邊嘅QP code 啦

呢日同朋友去尖沙咀，天氣涼涼地lunch 就去食個一人邊爐。佢都幾方便，就係i square 對面。餐廳裝修得幾好，基本上都係卡位坐得舒服。佢既66蚊一人邊爐餐有三款可以簡，有酸菜魚，藥膳雞鍋同埋自選。我地今次就要咗藥膳雞鍋同自選。藥膳雞鍋雞鍋入面有山藥，木耳同埋雞件，雞件既份量都唔少呢。我地就要咗薯粉，呢個個既湯底比較濃郁，加上薯粉口感好好，又唔容易寫得太淋，個人推介佩薯粉。自選就要咗皮蛋芫茜湯底，鮮牛肉同埋豬肉片。呢個湯底比藥膳雞鍋清啲，但入面都有好多芫茜膳皮蛋，而肉片都幾大塊同幾多，值得一讚。飲品仲有得簡水果茶，入面有好多水果呢。熱飲既都有，今次就要咗紅棗桂圓茶。

以前幫襯過銅鑼灣既麻神，原來尖沙咀也有分店，地點還在I-square對面，非常近地鐵站，方便又易揾。此店也是樓上鋪，走進大廈內坐lift上去便可以。今天幫襯既時間係星期日既下午兩點，有數枱客人，疫情下我就是喜歡避開用餐高峰時段。店內枱與枱之間闊落，我與友人被安排坐上卡枱，座位舒適。這裏是自助點餐，只需用QR code點餐便可，自己可以慢慢揀選自己喜歡的湯底及配料。我地order左自選午餐，價錢便宜。每人先上一個爐頭及飲品一杯火龍果什果蜜桃汁（大大杯）青檸梳打水（大大杯）自選蕃茄湯底，選了牛丸，雞肉，魚角（三餸），加上其實其他配菜，烏冬，大大鍋！酸菜魚鍋米線，魚肉好滑，湯底湯郁醉雞鍋配拉麵，好多配料，有雞肉，雲耳，雜菇, 滑牛等

疫情的關係，相信打邊爐的確最大受影響之一。如何在疫情底下生存的時候，餐廳開始以一人一鍋午市作招徠，「麻神」一直以麻辣見稱。現在以$66 破底價，包飲品的確極具吸引力，並且以尖沙咀地段，值得一試。一人一鍋除了自選三款食物及麵類外，更有藥膳醉雞鍋或醉菜魚鍋。飲品亦有多款選擇：青檸梳打、水果蜜桃茶、紅棗桂圓茶、洛神花、玫瑰花、自家製薏米水等。麵類有韓式公仔麵、米缐、白飯、薯粉、拉麵。一人一鍋午餐 $66五款湯底選擇，又點少🉐️麻辣湯底🌶，超過39 款的食物選擇，可以選3款。若然想追加1款則補多$10。其中安格斯肥牛🐮需要加$10，廣島蠔🦪加$8 、牛柏葉及韓式公仔麵。一上桌相當吸晴，麻辣味可再濃味會更好，安格斯肥牛份量十足，配上爽口的牛柏葉。飲品水果茶超多水果🍉🍇🍓又大杯🍹👍🏻一人一鍋午餐 $66另一個鍋選擇沙嗲湯底🍲3款選擇包括：嫩滑鮮牛肉、滑雞及韭菜豬肉餃配上韓式公仔麵🥘兩款肉類其多，而且嫩滑👍🏻 韓式公仔麵吸收沙嗲湯底的精華，相當入味。紅棗桂圓茶🫖香甜又滋潤，女性恩物又補血💯

假日下午在尖沙咀打邊爐，中午時間用餐環境比較寧靜。餐廳面積頗大，有卡座和雙人座位，我坐在靠窗的位置。自己掃QR code下單自已經是新趨勢，電子化，節省人力物力。⭐️一人一鍋 酸菜魚午餐$66麵底的選擇很多，可以選擇米線、薯粉、烏冬、拉麵、韓式公仔麵、白飯。套餐還包括三款配料，送飲品。我選擇了安格斯肥牛、葱爆三星貢丸和果凍鴨血。安格斯肥牛有一定厚度，入口肥瘦均勻，牛味濃郁。葱爆三星貢丸裡面有三星蔥，果凍鴨血很好吃，QQ彈彈。另外我還加了爆漿山葵芝士丸、皇帝菜和金針菇。⭐️一人一鍋 自選午餐$66港式麻辣湯底配烏冬，配料有嫩滑鮮牛肉、午餐肉和流心香芋丸。湯底頗香辣，很濃郁，配上配料吃很過癮。⭐️熱紅棗桂圓茶包茶，沒什麼甜味，很天然。

今日突然之間中午好想打邊爐，但係又覺得好Heavy，上網搜尋一番後，見到呢間「麻神」可以一人一鍋，好似幾抵食咁👍🏻👍🏻😋😋餐廳環境乾淨，設有卡座，坐得舒服👍🏻👍🏻一人一鍋有酸菜魚、藥膳醉雞鍋亦可自選配菜，全部都$66，相當抵食叫左一個自選3款配菜，要左麻辣湯底，湯底香濃，唔算太辣，送黎時已聞到陣陣香味，而配菜分別有鮮牛肉，貢丸，皇帝菜，牛肉好嫩滑，夠juicy, 貢丸夠晒彈牙，份量好多，有好多芽菜，香蔥，正！麵底叫咗薯粉，薯粉質地煙韌，口感QQ的，好食！酸菜魚鍋，湯底酸酸辣辣好開胃！有多件魚片，質地滑嘟嘟，食得出好新鮮！套餐仲包左一杯飲品，紅棗桂圓茶，食完麻辣火鍋，嘆番杯茶，簡直圓滿！另一杯水果蜜桃茶，清清涼涼, 好Fresh !總括來講，兩個人食咗$150都唔使，環境又好，食物又唔錯，抵讚👏🏻👏🏻👏🏻

星期六我們在尖沙咀附近行街，在isquare 附近有一幢大廈，當中有唔同嘅餐廳，我哋去咗一間火鍋店食午餐。火鍋店晚市主打台式火鍋，但下午時段會有啲唔同，有一人一鍋嘅午餐set上網見到比較多人食嘅有酸菜魚火鍋以及藥膳醉雞湯, 所以我哋兩個人就點左呢兩款嚟到嘅時候全部材料都放咗入鍋內，再開火加熱酸菜魚份量都幾多，魚片已經去咗骨，可以啖啖肉咁樣食。另外，呢個湯底我配咗薯粉，薯粉可以吸收晒湯底嘅味道，好入味藥膳醉雞嘅湯底好有藥材味，雞嘅份量都幾多，仲有好多新鮮淮山。呢個湯底我哋揀咗配米線，味道都幾飲品有蜜桃水果茶，當中有新鮮嘅菠蘿粒，西瓜粒及火龍果粒，這個配搭都比較特別，感覺唔錯，清甜。另外仲有一壺紅棗桂圓茶，飲落去都幾舒服滋潤餐廳嘅座位都幾舒服，下午嘅套餐都非常之抵食，係呢個地段算係唔錯嘅選擇。