狂野麻神麻辣火鍋 (已結業)

加冇辦法夜晚出嚟食飯唯有晏晝食晒想食嘅嘢今次嚟到對於尖沙咀商業大廈嘅台式打邊爐餐廳原本係做晚市但由於疫症關係而家推出一人打邊爐套餐一坐到埋去基本上就已經set up好晒Menu設計得簡單易明主要分返開三類可以係酸菜魚，藥膳醉雞鍋同埋自選3款配料揀其中一個頭兩個就可以再揀過麵底加飲品如果係自選三款配料就可以揀多個湯底然後再揀麵底同飲品湯底嘅選擇都有成五個舖頭亦都採用QR code嚟落單相對比較環保我就叫咗個酸菜魚鍋配薯粉酸菜嘅個分量勁多加埋啲紅椒做點綴成個鍋望落去幾靚魚有around六舊度而佢哋嘅魚相對會比較厚同平時食開好薄嗰種又係另一種口感不過都係唔錯嘅個湯相對重口味Keep住慢火煲薯粉同酸菜吸收晒啲湯嘅味食入口喺口腔入邊充滿湯汁嘅味度食完之後真係勁飽不過就叫咗藥膳醉雞鍋配拉麵呢個湯底配拉麵相當之出色勁掛湯吸收晒湯嘅味道另外雞件亦都相當之嫩滑淮山係煮到最後亦都非常入味套餐仲包埋兩杯飲品我地分別叫咗水果蜜桃茶同埋青檸梳打飲品飲落味道都唔錯都係非常之解渴嘅飲品仲要咁多咁大杯非常抵飲總括來說，以一個$66再加一嘅套餐已經有咁多嘢食所以來講係非常之平Cp值都幾高

呢排天氣好凍，邊爐癮又發作，知道尖沙咀開左間台灣過江龍，麻神麻辣火鍋，仲有午市一人套餐。由於新開，基本上唔洗等位就坐得，地方都好闊落，唔會焗到成身味。佢個午市套餐好抵，$68有三個配菜，一個麵，任選湯底送飲品。原來個鍋仲會跟配菜，有粟米、娃娃菜等，我要左麻辣湯底配薯粉，肥牛、山葵芝士丸同蔬菜餃，飲品要薏米水。個湯底有好香花椒味，嗜辣人士可試下，不過我食得辣會更想再辣啲。啲薯粉真係超級正，煙煙un un仲要索哂啲湯，好入味！另一鍋要左蕃茄湯底配韓國辛辣面，要左蠔，竹苼同墨丸，推薦大家要試蠔，加錢有兩隻，隻蠔都算大隻。個湯底好香蕃茄味，食得岀係有用真蕃茄煮成蓉咁。再試左個鴨血果凍，好彈！依家like 社交平台 會有小食送，所以整體性價比好高，又食到好飽，會再食！

食評中的相片吸引了我的肚皮，今日特來一試。點幾鐘到唔多人。侍應送上bar code點菜紙，點了蕃茄湯底配豬片，牛肉，青口及薯粉。另外一碗藥膳雞米缐。一陣子就送上兩大鍋，藥膳鍋味香濃，雞件亦多，山藥面淋內桑。蕃茄湯鍋內已有芽菜，南瓜一片，生菜等,所以如叫三餸鍋可以不用叫菜。蕃茄湯未如心目中的勁蕃茄，可以話係偏淡，鍋內的牛肉及豬肉都黏在一起，應該未完全溶解關係，兩鍋比較，藥膳味道較好。唯一問題係上菜時已將麵底一同放入鍋內，所以如果唔把握時間，麵底會過淋，影響口感。是次試食體驗一般。

同朋友去開尖沙咀，喺街度吹到成個人凍冰冰見到有麻辣火鍋就去食下暖暖身。餐廳位於誠信大廈2樓都算容易搵，成個裝修好有格調，位置好大坐得舒服。一人一鍋 自選午餐 $76一人一鍋感覺衛生湯底我揀咗沙嗲湯底配烏冬，沙嗲湯底十分濃郁勁香花生味，香味同辣味平衡得好好係重口味之人嘅最愛。配菜方面好驚喜，分量好大。我揀咗安格斯肥牛, 青口同葱爆三星貢丸。安格斯肥牛都幾厚切入口好彈牙，肉香味十足。青口有2隻，都有一隻手指甘長同厚肉，食唔到有雪味。最推薦係蔥爆三星貢丸，一咬入去爆汁仲要好香蔥味。酸菜魚 $66酸菜魚食落就係爽，啲魚好新鮮，食落又嫩又滑。而且湯底嘅麻辣味好香，再加上酸菜嘅酸味微微調味，把成個魚鮮味都吊上黎，配埋QQ嘅薯粉掛住濃香嘅湯汁，一吸就滑左入口，真係好滿足。凍水果蜜桃茶&凍青檸梳打 食完熱辣辣嘅邊爐最啱就飲番杯凍冰冰嘅飲品降溫。青檸梳打酸酸美美，好岩開胃。佢個蜜桃茶真係好足料，紅茶入邊充滿住蜜桃香味，水果亦都落得好足料可以當甜品一邊食一邊飲好滿足！

麻神酸菜魚而家唔北上但又想食下酸菜魚，凍冰冰又想打邊爐飲下熱辣辣嘅湯但又冇時間？依間完全滿足哂我兩個願望。😇😇依間我第一次食既，lunchtime去都幾多人下，好彩唔洗等位，叫左一個酸菜魚午餐同藥膳醉雞鍋午餐，配了薯粉。😋😋😋酸菜魚煮得好有家的感覺，除左魚份量好多之外，佢既湯唔覺有味精，就算有應該得好少，所以比我感覺係好似呀媽煮飯既味道！🥳🥳🥳藥膳醉雞鍋依個鍋我呀媽就一定煮唔到啦！佢好有藥材味，愈煲愈濃，愈濃愈正，仲好養生呀。至於個雞又幾好味，入哂湯既味！仲有配料例如雲耳咁，真係好正！😚😚之後每人叫左杯野飲，一個係薏米水，一個係熱玫瑰花茶，好滿足了。薏米水唔會好甜啦，可以中和返岩岩酸菜魚既濃味！

因應住疫情，而家最好梗係要減低交叉感染嘅機會🤦🏻‍♀️🤦🏻‍♂️呢間位於尖沙咀旺區嘅新火鍋店環境舒服又乾淨，可以lunch嚟食個快邊爐🫕 呢度可以叫個一人獨享鍋，自己食都可以好滋味！😋😋一人一鍋都有好多選擇，一律$66無加一👍🏻 有一種係可以叫三款配菜+一款湯+一款面+一款飲品🍲另一種就係酸菜魚或藥膳醉雞鍋午餐😚我同朋友就一人叫一鍋，可以試吓唔同味道😋 (當然有用公筷👻)酸菜魚米線 入面有無骨嘅魚塊、酸菜同埋各種香料，食落唔辣，酸味亦啱啱好👍🏻藥膳雞湯米線入面超足料，除咗主角 - 雞之外，仲有松茸、木耳同埋山藥(?)添！雞好滑，味道健康再配埋米線，有啲似食緊好飲嘅中藥湯粉👻薏米水幾啱我個人口味，暖暖地味道淡淡的，又暖胃又健康😚紅棗桂圓茶大大壺仲熱辣辣，飲落唔算好甜🍵整體而言味道唔錯，亦好足料。由於我哋叫嘅係特別啲嘅火鍋午餐，感覺就係將湯粉變做火鍋😂而家天氣凍keep住溫度就啱晒☃️

呢幾日天氣勁凍，連Lunch Time 都吾想放過打邊爐嘅機會，今次比我發現一間價錢平，lunch set 時段，$66 就可以食到一人一鍋嘅暖笠笠打邊爐。雖然係人頭鍋，但係可以選擇嘅款式都吾少，仲非常吸引。有藥膳醉雞鍋，酸菜魚，或者自選三種款式的打邊爐材料，仲包飲品一杯，勁抵食吖！！～<藥膳醉雞鍋>藥材味道非常濃郁，湯底材料有杞子、新鮮淮山、雲耳、黨參、蟲草花等等。雞肉都好多，配埋薯粉，非常滋補暖胃。自選三種材料鍋，就選擇左安格斯肥牛肉片，新鮮滑牛肉片，翡翠鮮蔬水餃及番茄湯底。蕃茄湯底非常濃郁惹味，本身湯底已經有些配菜，吸收蕃茄湯嘅精華，夠曬入味。牛肉入口夠新鮮嫩滑，翡翠餃餡料夠棉滑，同樣美味，而且拉麵的份量都不少，一定夠飽，整鍋吃完真係又暖胃又滿足。飲品選擇左紅棗桂圓茶，整壺甘上，味道清而帶微香桂圓紅棗味，感覺非常養生。另外叫了青檸梳打，夠曬冰涼解渴。餐廳座位夠曬寬敞舒適，一人一鍋打邊爐，亦夠乾淨企理又衛生，lunch time時段都係$66位，真心抵食又好食。值得一讚嘅係，佢哋嘅上菜速度快，一小時內完成呢個一人邊爐鍋都冇問題，啱曬番工又想lunch 時打個邊爐嘅上

天氣超凍之下每一餐都渴望食火鍋暖下身呢一日搵火鍋食搵到黎尖沙咀!望一望餐牌，估唔到一人一鍋 只係66蚊！Crazy!兩個人即刻嗌番兩個鍋淥下淥下!我就叫左藥膳醉雞鍋!份量十分不錯看似都幾足料!一鍋都有幾多件雞，雞件幾新鮮，口感亦不錯。金針雲耳少不了，藥膳香味撲鼻!配番一杯金桔水，清爽解膩。而另外嗌左一人一鍋午餐，份量十足加配左鴨血。廣島蠔好大隻，亦超新鮮，一咬爆汁。除此之外香芋丸都喜出望外，超爽彈。而最想encore既係鴨血，微辣麻香~兩個人食到飽飽 最後埋單不用200蚊!正

其實疫情期間我最掛住就係係餐廳打邊爐，尤其呢排凍到咩咁，決定lunch搵間一人一鍋食返夠本！！呢間係尖沙咀北京道GE樓上舖，環境都幾企理，仲有卡位坐～～安全又舒服！：）呢度係用app落單GE，十分方便，重點係只要66蚊就有一鍋～～實惠到爆藥膳醉雞鍋午餐 - 比我想像中仲要大鍋，個麵要左紅薯粉，吸哂D湯汁好夾，湯底酒味不太重，岩我～飲完個人暖笠笠，而且都好足料下，木耳同雞鋪滿個面～～養生之選另外個frd要左自選鍋，可以揀3款配料，要左安格斯肥牛、廣島蠔同流心香芋丸～～個蕃茄湯超濃味，同肥牛最夾，香芋丸質地似蒟蒻～都幾彈牙，同埋個鍋本身仲有好多配料，有芽菜、南瓜、A菜、娃娃菜同蕃茄，真係好抵食同埋受不住鴨血GE誘惑加18蚊要左，雖然份量唔多，但非常入味～～而且質地唔鬆散好QQ個餐仲要免費配野飲，大大杯青檸梳打～～真係去邊到搵呀～～！

一人一鍋，好方便♥️♥️♥️♥️😘😘😘😘😘我哋叫咗酸菜魚，有得揀唔同嘅麵食，我就揀咗薯粉😉😉😉😉有好多嘢飲，我就叫咗自家製薏米水😉😉😉😉仲有一日一鍋午餐，有三款配菜，跟住揀一款湯底一款麵食😉😉😉😉仲有嘢飲😀😀😀😀我哋叫咗安格斯肥牛，不過就要加$10！另外叫埋美國豬肩胛☺️☺️☺️☺️☺️再叫埋蔥爆三星貢丸😍😍😍😍湯底就叫咗個沙嗲湯底😀😀😀😀

先前係銅鑼灣返工一路都想去麻神到食今次係尖沙嘴行完街 天氣又好鬼凍最岩就係去打邊爐 平時打邊爐就夜晚既疫情下晚市無 lunch都照殺😍終於都去左食 好滿足 一人一鍋好符合疫情既條件🤣仲要係66蚊好抵食 性價比高同朋友叫左2鍋 -酸菜魚午餐 配 烏冬平時食開酸菜魚普遍都比較油膩哩到用湯底加酸菜更符合我口味酸菜既酸落左係湯底到 所以就咁食酸菜都唔會過酸😎魚數量合理 無骨 都算滑既 -自選午餐 揀左(嫩滑鮮牛肉, 豬肉片 & 水魷)配 薯粉湯底揀左沙嗲 打邊爐湯底真係好重要沙嗲好濃郁 超濃既花生味 會想不停飲落去一路食一路話哩個湯底真係好好味呀❤️沙嗲配牛肉絕配啦 豬肉片爽口 水魷本身無咩味 但遇上哩個湯底就變得好有味 正🤭一個餐再配一杯飲品 真係好滿足 ❤️❤️❤️❤️❤️

一人一鍋 吉野家價錢 尖沙嘴享受!🤩🤩凍冷冷 連lunch都想打邊爐 但係我超中意食辣野 朋友又唔食得辣 唯有一人一鍋🤭一入門口就覺得空間感好大 重有房！ 又好衛生 門口就一部消毒機 同量體溫機 呢間一人一鍋超多選擇! 淨係湯底都5個選擇! $66 已經包左3個配菜 1個主食(面/飯) 同一杯野飲! 咁我就緊係會要港式麻辣湯底 配菜我就選左 嫩滑鮮牛肉, 豬肉片 同埋醬爆山葵芝士丸 重加左個皇帝菜!!!麻辣湯底就緊係要配薯粉咖啦!!! 野飲方面 我地2個養生既小朋友就緊係會飲熱野 熱既洛神花茶勁大鍋！ 好足料！ 湯底好正！ 薯炒有勁多！🤤豬肉比想像中嫩！ 超正！ 牛肉都正🤤個山葵就一般般 不過都幾辣下咁我朋友又就選擇左 藥膳醉雞鍋 主菜都係選擇左薯粉！ 好重藥味🥰 好暖身 唔重酒味😍入面有淮山 木耳薯粉同好多雞😍 第一啖一定係飲湯先 個身即刻暖哂！ 洛神花茶成壼上！ 酸酸地好開胃! 聽講重有助降血脂、減少發炎🤫🤫

作為一個麻辣鍋控,我真係好鍾意食辣今次來到麻神麻辣火鍋店還是先要叫他們的麻辣湯底試試其他湯底等下次有機會再食在午餐時段他們的一人一鍋只需$66就可以有三款配菜+一款湯+一款麵+一杯飲品算是相當超值的了我點了安格斯肥牛,滑雞片及果涷鴨血港式麻辣湯底+烏冬+青檸梳打甫上桌,鍋上已是滿滿的白菜名及芽菜所以大家點選配菜時其實可以不用再點菜類麻辣湯底雖然唔夠辣但好味道可能我個人比較食得辣如果可以叫店家加辣就好了反而值得一提的是果涷鴨血的麻辣汁更夠味鴨血口感是果凍質地,滑嫩有彈性可惜只有一塊,實在不夠喉,好想多吃幾塊啊至於安格斯肥牛的肉味幾濃肉質軟腍肥瘦適中由於店家上桌前已把配料放入鍋內所以一定要先夾起牛肉不要浸太耐以免錯詔過了入口嫩滑的最佳熟食時機而滑雞片亦不鞋口,肉質算滑身食飽以後再慢慢嘆杯青檸梳打好滿足的一頓午餐

近期甘凍緊係打邊爐啦朋友介紹話尖沙咀新開張有間台式邊爐好正於是我地又去試下我地揀左個二人海鮮餐首先黎到係個湯底已經聞到個浸勁香既麻辣味朋友話有定要試下個湯頭不得了個雞湯好濃郁仲要有花膠麻辣個邊就好香濃既麻香辣度適中好耐無食過甘新鮮既海鮮鮑魚爽口彈牙其他青口聖子大蜆都好新鮮另外呢碟有靚牛同松板豬牛味濃郁而牛粒腍身松板豬好香好好味菜籃有粟米南瓜等等最正係有冰菜呀打邊爐最岩食架啦最後想講呢杯水果茶好好飲又多生果打完邊爐可以食埋的水果

天氣凍冰冰🥶最啱就係拾下拾下！同fd喺尖沙咀行完街俾呢間台灣過江龍麻辣火鍋吸引到不得了🔥🔥🔥🍲主打係可以當湯飲嘅湯底👅分別叫左🔥麻辣湯底 & 🐣花膠雞湯底，兩款都可以直接飲！麻辣入面仲有台灣直送嘅果凍鴨血，而且唔會「確」喉！花膠雞湯超足料😍大大塊花膠絕不手軟！湯頭清甜，仲有滿滿骨膠原☺️女士一定會愛啊❤️🦪海鮮拼盤有南非孔雀八頭鮮鮑魚、紐西蘭蟶子皇、澳洲鮮青口同紐西蘭刀背，產地品質靚而且好新鮮👍🏻食落好鮮甜多汁海鮮迷一定滿足🥰🥩牛肉盛有牛頸脊、牛小排、牛肉粒等等😍一上碟已經心心眼 因為啲雪花勁靚 未食已經流晒口水🤤果然不出所料！！！淥完仲係好嫩滑💦而且整個口腔充滿牛肉同油脂香氣👅超好吃的啦～～～～～～🍹麻神特飲水果茶大大杯一定夠飲而且係清甜非死甜，十分解渴💦入面仲有大量新鮮水果，飲完食埋當飯後果就啱哂啦❤️最後經理仲超級好人😍開左支酒請我地飲仲同我地cheers 服務態度好好 好親切真係有台灣滿滿人情味嘅感覺呢💕