王子冰室 (已結業)

一日之計在於晨，所以一個有力量嘅早餐對於我黎講好好好緊要，今日試咗呢間都係一次貨仔，no next time，首先環境十分擠迫，加上d員工好似食咗豬油膏甘，慢廿幾拍，又無記性，如果趕時間，奉勸一句“勿去“，以為慢工出細貨，點知普通過唔普通，放得入口個種囉，唔好太高要求囉，重味精，至於個價錢都係市價囉，不過最值得一贊嘅係佢杯茶有茶味，不過小冰都可以有3/4，甘唔小冰係點？？同埋小甜都好鬼甜，師傅你想點啊？？總括：價錢ok，環境❌❌，食物好好好好普通

新蒲崗工廠大廈不嬲都多嘢食，好多冰室以懷舊為主題，咁啱俾我搵到呢間戲院為主題嘅冰室，餐廳裝飾設計充滿著懷舊味道，今朝就一於嚟過Good morning啦♥️♥️餐牌組合好多元化💋💋💋乜都有得食😋😋好快揀好😝😝❤️精選早餐♥️豬扒拼太陽蛋😝😝豬肉腸及牛油多士😍☕️煎得金黃外酥內嫩的豬扒，丈大塊，口感軟嫩，不會乾柴，不會鞋口🤪🤪搭配牛油烤過既多士😊😊仲有好多嘅茄汁豆🤩🤩好好嘅配搭👍懷舊冰室點可以唔飲番杯咖啡呢，呢杯咖啡底好濃既啡味，夠晒我今日叉電👍不過呢度嘅服務態度就好嫲嫲，可能樓面得兩個員工，一腳踢😅😅😅

我同個 friend又黎呢度lunch, d食物熱辣辣，份量夠，最緊要好味。我地叫左豬扒通粉同牛扒飯，食吾晒。個豬扒整得好入味，下次其實叫清湯就可以，因為單猪扒巳好好味。另friend 話塊牛扒都妙ok! 總括而言，水準一流，已成為我嘅首選。 同區都無茶記比佢做得好。地方也清潔！唯一洗手間在商場，較不方便。另，上次食波蘿包油，也非常出色！d牛油分量好夠，好大方！襯埋熱奶茶，無得頂！(不過上次因同老闆一齊，吾方便影相)d 阿姐好禮貌，我分别要左2次义同紙巾，佢都笑口盈盈，無黑面！讚！

今日lunch time嚟食，唔算多人，叫咗午餐A意粉($52)，望落好大份，配菜亦好多，但肉眼豬扒薄得濟，有兩大塊但醃到偏鹹，連埋個香濃蒜蓉汁，雖然是撈意粉吃，但仍偏鹹，就是比較失望了。。。而奶茶就茶味比較澀，但還ok。整體就是餐廳格局比較吸晴(懷舊戲院feel)，份量大，但味道一般，走懷舊冰室的茶餐廳喔～

搭車經過，見到有冰室，入試吓。叫咗豬扒通，蕃茄湯底，北海道3.6牛奶炒滑蛋，再加一蚊烘底牛油方包。番茄湯底好濃好好味，但係塊豬扒非常乾硬。之前喺其他正常茶餐廳食過3.6牛奶炒蛋，呢個差好多。我覺得個蛋無咩味，同其他人比，其他人比我個細，應該係會時大時細。個烘底多士都差，牛油唔溶，咁有無烘到架？凍奶茶一般。如果呢個價錢，我覺得唔算合格。

走進店裡，充滿香港昔日的懷舊擺設、裝潢，讓人置身於「當年 · 今日」。從店內設計能看出心思，希望讓客人回到過去的心意。香草忌廉汁煙肉雞柳燴天使麵 - 賣相很好，又青又紅的青紅二椒，加上粉嫩的火腿，奶白的忌廉，看起來感覺不錯。忌廉汁很多，味道不會太濃，適中。些許香草帶出清新的口味，紓減忌廉膩膩的感覺。加上洋蔥，味道層次更上一層。唯一美中不足的是，雞柳比較韌，可能烹調的時間過長。可能是午餐時間，客人較多，一人行便需要搭檯，空間感較低。懷舊的冰室也能吃到好食的。

食物品質同價錢都相當合理。環境都乾淨企理。每星期午/晚餐本來經常光顧。但態度惡劣問題日趨嚴重，值得檢討。問題如下：- 帶位如帶犯- 落單如落薄- 未夠鐘趕收舖黑面趕客新蒲崗之友應該見慣，但近期真心頂唔順。

雖然食個茶餐廳都唔會要求有咩服務，客人自己醒醒目目都唔會同啲侍應交火，但眼見搭枱個呀姐比個侍應當傻瓜咁點，真係食得唔安落，人地上左年紀，睇野慢叫野慢，個侍應好不耐煩，講野既態度係完全忘記了自己係一個應侍，巴不得想將個客趕走咁，態度惡劣到極點。呢度啲野食唔係難食，但侍人處事太差了，又唔係平，除左裝飾靚啲，咪又係茶餐廳一間，要受氣食茶餐廳，你估你澳洲牛奶公司咩，又唔夠人地出名，又冇話咩特別好食，應先好好檢討下員工既服務態度。

去一間餐廳食嘢一係就係味道，一係就係情懷。王子冰室係一間食物質素同埋服務都相當唔錯嘅冰室，入面啲夥記態度良好招呼熱情，食物種類算較多選擇。不過本人認為茶餐廳的餐牌比午餐的更為吸引👍😊如果下午茶時間想簡簡單單食個下午茶餐，嘆返下，建議可去食件西多士😊入面環境乾淨企理又坐得舒服，你慢慢坐慢慢食夥記又唔會趕住係催你走👍除咗下午茶餐的西多士，佢嘅焗豬扒飯都相當唔錯👍仲有咖哩牛腩飯亦值得一試。整體嚟講值得返churk😍

今天下午看考試前最後一場體育比賽，賽前先吃一頓下午茶投入心情作戰。這間餐廳的名字響噹噹-王子餐廳，聽完以為內部的擺設跟一座宮殿傳統的建築。其實仔細點向內望，原來它是一間以本港70-80年代的戲院。正中位置的水吧懸空展示部份香港老字號的食物品牌，如立頓紅茶、沖奶茶用的花奶、地門茄汁等擺設。雖然面積並不算大，只是約100個座位但樓底較高。牆壁上則展示戲院門口的金漆招牌，下面張貼了幾位著名電影的劇照，恍如親切地接待客人進來的感覺。另一邊擬為內部座位的佈景板別具特色，加上中間的電視機更能令食客置身於戲院一邊看電影一邊大快朵頤盡情享受美食。侍應接待周到，下午茶食品即叫即做。10分鐘內必能送到客人手中。確保能品嚐最優質的食材，盡情消磨時間，享受快樂時光返回半世紀前的懷舊香港地。本人誠意推介「冰火菠蘿油」，它是由一個新鮮出爐的菠蘿包及冷凍的雜果沙拉為主要食材，兩者冷熱混合味道果然是絕配，值得一試。

呢間茶餐廳叫做有裝修，舊式戲院設計，都幾特別！但價錢其實都偏貴。下午茶都抵食嘅，一般茶餐廳30至40嘅價錢啦！抵唔抵就見仁見智啦！我經常都會嚟食嘅，今次叫咗個下午茶，雞扒公仔麵配一杯飲品。都OK啦！不過雞扒同上次一樣，煎得比較乾，邊位好多都咬唔到。但味道都算OK嘅！但係杯咖啡就真係影真媽媽，但係無奈地，我條咖啡人，真係改唔得！明知難飲，但係次次都見。好似不斷期待佢有所改善嘅一日....希望有啦，除非冇啫！

唔好再用香港本土特色做招牌，我地唔係食呢d化學野長大，番茄湯係水，得紅色，完全無味，勁難食，100%係番茄膏整，仲要慳皮慳到水狀咁，咖哩味意粉又係咖哩水，全香港冰室最難食係呢間！都唔知好評點來，隔離大陸客食左兩啖已經講 「嘩 好難吃，香港人都吃這些，還好我們不是香港人」

之前我在新蒲崗「五芳街」與「大有街」交界的商場大廈「萬迪廣場」樓下，先顧麵包店「享X烘焙」的同時，還發現「享X烘焙」旁邊還有一間新開張的港式茶餐廳，茶餐廳的名稱叫做「王子冰室」。不過，我最初對是否光顧「王子冰室」，仍然抱有保留的態度，因為我發現「王子冰室」裡面有電視正在播放，我個人最不喜歡的「83」新聞臺以及新聞報道，所以我當時未有上門幫襯。直至後來我再次來到「萬迪廣場」和「王子冰室」，發現到原來「王子冰室」樓面內，其實同時有兩部電視機，同時播映兩個不同的頻道，除了有新聞臺「83」之外，還有播映「81」頻道。由於「王子冰室」當時還有不在播放新聞報道的「81」頻道，令到我最後還有機會進入「王子冰室」，幫襯享用「王子冰室」的下午茶套餐，然後才回到「釆頤花園」，還有小巴可以慢慢返回西貢。進入「王子冰室」之後，慶幸「王子冰室」裡面的電視機，原來選擇了近乎「靜音」的低聲量，令我背向播放「83」頻道的電視機，可以靜心享用「王子冰室」下午茶時段製作的食品飲品。「王子冰室」內部的樓面，除了有兩部播映不同頻道的電視機之外，樓面另一個值得一提的地方，就是「王子冰室」模擬了舊式電影院的景觀，作為「王子冰室」

因為未夠鐘上堂，個囡又瞓咗，所以求其搵間茶餐廳有位錯就入去叫過下午茶餐坐下，好彩有卡位又可以俾佢瞓吓....食咗個下午茶，炸雞髀配薯條。再要多杯熱咖啡。炸雞髀同薯條都炸得好乾身好脆！薯條條條炸都到脆卜卜...小朋友當然鍾意啦！不過我自己就嫌太硬太乾喇。不過不失啦！炸雞髀個雞皮炸得好脆好香口，但雞脾略嫌炸得太乾，邊位大部份都炸到好乾好硬。味道算唔差嘅。但就冇乜肉食囉！杯咖啡就真係麻麻啦，如果有即磨咖啡就更好。

今日去咗新蒲崗王子冰室度 high tea，呢間冰室嘅裝修模仿電影院，玩味十足，卡位充裕，座位闊落，令食客坐得舒適及有私人空間。從芸芸嘅美食中，我揀咗王子推介--菠蘿油王子，即菠蘿包夾住鮮牛油、蕃茄及碎蛋。估唔到食味夾到不得了，鲜油嘅油膩被蕃茄中和。而碎蛋卻提升了整個包嘅味道，令人有咸與微甜的味覺感受，我個人認為十分值得推介给親朋好友。呢款咖喱煎雞扒飯，睇得出係心機之作，雞扒煎得夠火喉，外脆肉軟。咖喱汁夠香，伴碟嘅蔬菜有炒過，可見普通嘅快餐，都看出厨子的细心。值得一讚！仲有任何套餐都唔洗加錢可以揀细樽可樂，非常窩心，完全將整個套餐達到極至！講咗咁耐，食物嘅價錢一D都唔貴，物超所值！唔怪得經常座無虛席。顧客的眼睛永遠係雪亮嘅，值得一試！