玖五牛肉麵 (已結業)

是日天陰無雨……是我頗喜歡的天氣昨天才想起跟蝦子餅到銅鑼灣處理公務，眼珠轉一轉…想起這間早前娛樂版鬧得熱烘烘，由名媛自資開的台灣牛肉麵店怕要排隊、要等又坐得逼，所以提早……11:40到達 ！ 剛開門，頭圍用膳我哋點咗紅燒半筋半肉麵、麻辣半筋半肉麵、 一個小食青瓜及2杯飲品小食麻油青瓜爽脆入味，感覺清新…不錯！冬瓜檸檬茶及菠蘿特飲是以香港人口味調配，在台灣飲過冬瓜茶口味偏甜。2款飲品不太甜，最啱香港女孩子 紅燒半筋半肉麵…先嚐一口湯，雖不及在台濃厚卻也真材實料。也許牛種不同吧！選了軟身麵條，也算Q彈…如麵條再粗些、厚些就更可口了。牛腱肉炆得淋但台灣吃到的還有…滑，牛筋的味道和軟硬度是正常…感覺跟我吃開那家粉麵店沒大分別 麻辣半筋半肉麵…肉、筋和麵跟紅燒差不多只是加了一份麻辣味道，麻、辣味均不重……個人覺得蠻不錯吧！ 麻辣愛好者會失望呢** 值得一提及讚許是…使用環保飲管(不肯定是不銹鋼還是鋁質)總括: 除名氣外……食物質素不算突出，CP值不高。所以我只是慕名而來……一次已足夠！

今日行左成日街，，同友人搵個地方醫肚 誤打誤撞 撞左入泥 我就叫左個三寶 朋友就叫左個台灣牛肉面質素真的不如價錢 香港某間連鎖店同佢比起上來， 真系物超所值。 仲有佢地杯奶茶真系吾得 又吾滑 味道又淡 多謝＄24一杯

最近，得知銅鑼灣駱克道開了一間人氣台灣牛肉麵店 <玖五牛肉麵>，這間牛肉麵店的老闆娘大有來頭，正是何鴻燊的女兒何超蓮開設的！ 加上連影帝秋生哥都有在網上介紹過！有見及此，我約了好姊妹一起去試試！店員絕大部分都是男仔，他們勤快有禮！值得一讚！當日下著雨，我們一起到步抵達餐廳門口，還手忙腳亂的弄好濕透的雨傘，型男店員便衝出來招呼我們入座！這裏地方四四正正，款式不花巧的餐桌椅 、靠牆是舒適的梳化位， 勝在空間充裕！ 播放多位人氣台灣歌手的歌曲，包括周杰倫、曲婉婷、楊宗緯...等等的動聽歌曲，氣氛不錯！幸好當時我的咳差不多好番！不用再戒口，可以大擦一餐嘞！這裏除了主打台灣牛肉麵之外，還有多款湯麵、飯、台式小食及台式飲品...等，美食多元化！ 好讓食客大飽口福！麵條可因應個人喜好，而選擇硬度！上菜很有效率！不用15分鐘便送齊！先送上開胃的酸菜，令人打開味蕾！熱冬瓜檸檬珍珠茶 $31 特別在於店方用的珍珠並非坊間用上珍珠奶茶的黑珍珠，而是特製的白珍珠，入口比黑珍珠更煙韌彈牙！ 至於檸檬用上青檸及兩片檸檬，冬瓜茶是台灣受歡迎的飲品之一，冬瓜茶加檸檬加珍珠是不錯的配搭啊！ 紅燒三合一麵

哩間係台灣有名的牛肉麵專門店近日在銅鑼灣開設分店,店內裝修簡單有型格,大概坐3至40人,都是一般麵檔格局。餐牌選擇眾多不過價錢偏貴(翻查台灣總店的收費差不多是一陪的價錢啊)，店家非常進取。我哋叫咗招牌三合一牛肉麵，番茄牛肉麵和肉燥青菜。紅燒招牌三合一牛肉麵招牌三合一入面紅燒有牛肉，牛肚及牛筋。湯底不算濃但帶有點微辣。牛肚切成長條，煮得軟腍，彈牙又唔會靭；牛肉炆得鬆化，入口有膠質；牛筋就比較軟身，鍾意有咬口嘅朋友就唔太啱啦。麵質可以選硬/軟，我哋揀咗硬，所以都幾有口感，好煙韌！建議大家都應該要選硬。番茄牛肉麵牛肉同麵都是和三合一的一樣，反而湯底帶少少酸但都食到有蕃茄係入面，不過湯底來講都睇唔出番茄同牛肉湯之間有任何火花擦出。整體最欣賞都係紅燒牛肉。肉燥青菜青菜係選用波菜所以特別喜歡，肉燥做得好好亦唔會有好多肥膏，醬汁濃郁拌菜一齊食係一流，呢個反而係我哋最喜歡的菜式。如果撇除價錢的話，這店的牛肉麵還是好味的不過這樣的價錢我們可以有更加更加多的選擇。

落雨天嘅星期六無心機行街就早啲啲1900去咗呢度食嘢試吓唔使等但都ok full吓結果叫咗紅燒牛肉麵、麻辣半筋半肉牛肉麵、珍珠奶茶、滷水拼盤 (甜不辣, 豆干, 百葉)Overall 嚟講質素唔差上菜速度算快 唔洗等太耐啲牛肉麵都唔錯 不過牛肉可以再淋啲滷水夠入味珍珠奶茶唔係死甜 有少少茶香店員友善有禮貌不過「唔係好到價」咁就2個人埋單$223 性價比一般 相比起元朗嗰間士林牛肉麵抵玩好多 (當然係因為地點因素啦)試一次就好 未邊會再試啦

經過見到新開台式牛肉麵，見唔使排隊而且裹面冇咩人吃，而門口有職員派餐單，就入去試下，因為第一次吃，就點左紅燒牛肉麵和一樣店員推薦的小吃，麵未來，職員超快攞了兩碟小吃，職員攞來自然就吃啦，吃吃下，職員一句都唔講就攞走張單，過了一陣就攞返張單放在台面，望一望點解加多一樣錢，問職員，佢竟然話我吃了兩樣要加錢，我話是你們推介和你們攞俾我們，我又唔知加上第一次吃，職員竟然話返我，還話吃了就要計啦。職員自己俾錯食物，一句sorry都冇，偷偷地攞單去改，三個職員圍住我們，還屈是我貪佢野吃，好像一早知道和夾埋，等等我們吃了一半才來攞單加錢，吃錯了俾錢冇問題，但是不能這樣屈客人，一句交待都冇，自己攞張單去加錢。難道每上一道菜都要問職員是否真的是我的？令人覺得無生意啫，唔使這樣屈人吃多樣，離譜，原本開心的一餐飯，就是佢地這種生意手法，令人難受，這樣待客，真是吃到一肚氣😡食物又不是很好吃，職員推薦的更難吃，服務態度極差，真不明點解要俾錢受 氣。

當晚9點，約了4知己到此餐廳用餐，因有1人未到，故在門外等候，後來有店員叫我們先進店內點餐。我們邊討論點用紙筆畫下想吃甚麼，寫到一半之際，便有職員突然搶去我們的點餐紙，好悔氣地講了一句「落住先！」，我們三人即時傻眼（心諗：未點完呀）！！！後來我們再補單，共點了4碗面，2個小食，4杯飲品。食物來說，甜不辣，牛耳牛腸是好食的，但半肋半肉的牛肉面則一般，而另一名朋友的紅燒牛肉面說還好，沒有很大驚喜。進食期間，職員都表現得非常唔耐煩，每當食客一食完，職員便9秒9過來收野，好趕時間？我望一望鐘，當時近10點，再望一望門口，冇人排隊喎，成班職員咁趕時間做咩？總括而言，食物一般，價錢唔一般；環境是一般茶餐廳特色，迫同窄；職員好趕時間，好chur，食得唔安落，大壓力。題外話，在進食期間，格離食客進食完先行離開，有職員前去收拾餐具，在收拾口期間，有疑似他的上司叫佢「快啲！係呀！下次要再快啲！」作為食客，都知道做生意「時間就是金錢」，食客越快食完，下個客就可以更快來，賺多一筆，但員工訓練一環，煩請留待食客離開先教導，好嗎？請各職員留番少少空間讓食客享受及品嚐牛肉面吧。如果再有機會，未必再去，反而更期待蔡瀾

First time tried this restaurant, originally had very high expectation. 不过真的非常失望。 也真的不过如此。 牛肉面和珍珠奶茶還可以。 肉澡饭真的难吃到不行。 非常oily 跟一般的很不一樣，只能說是新版的fusion 肉燥飯啦。 基本上吃了幾啖就再食不下。 環境和裝修都很好， 離地鐵站比較近 附近也方便停車。 小店選擇眾多 小食也不錯。 但飯真的真的真的不行！！！！！！

超蓮開嘅牛肉麵店，可能超蓮人氣旺、開張嗰時都幾多人喺門口排隊，經過幾次想食、但見到條人龍就放棄左。今次同埋幾個同事去食lunch，經過唔使排隊，就入去試吓。除咗各自叫咗碗牛肉麵，都點左啲小食同珍珠奶茶。首先湯底一般，個人覺得呢度個湯底冇台灣的牛肉麵咁好味，牛筋同牛肉都ok, 但同事叫個碗三合一裏面啲牛肚就超硬；另外我已經選擇咗「軟」麵，但啲麵真係比較硬，小吃非常一般，至於珍珠奶茶，坦白講、真係唔識欣賞。自己超鍾意飲珍珠奶茶，但飲完第一啖、完全唔係我心目中想要的珍珠奶茶。飮得出有蜜糖味，似乎係用蜜糖水代替糖水，不過個人覺得蜜糖同奶唔係咁夾，成杯奶茶好似飲緊蜜糖水。

超蓮將台灣老店玖五牛肉麵引入香港，不過風格就不如台灣一樣走平民路線，而價錢當然亦不算相當親民，跳升接近一倍，而且比坊間絕大多數牛肉麵昂貴，開幕初期評價普遍一般。打開餐牌發現除了牛肉麵價格較高外，其他小食的價錢其實相當親民，而且考慮到餐廳座落於銅鑼灣灣仔地段，老實說其實合理不過，並不如他人所謂是天價之高。雖說價位比坊間牛肉麵高昂一點，但店內環境方面的確亦較為潔亮舒適，座位空間並不會過份擁擠。海帶絲 ($22)爽脆而且味道酸甜，適合作開胃前菜。招牌三合一拌麵 ($95) 番茄招牌三合一 ($95)三合一配料集齊牛肉、牛筋和牛肚，而上圖後方的則是朋友點的番茄招牌三合一($95)，用上香港限定的番茄湯底，由超蓮、超蓮媽媽及台灣老闆娘共同研發，可以選擇麻辣與否。牛肉肉質結實近似瘦牛腩肉，不夠軟嫩鬆化；牛肚切成絲狀，鹹度偏高；但牛筋水準不錯，充滿膠質而不黏牙，亦不過份軟爛得如花膠一樣。拌麵底下留有少量湯汁，微暖的麵條煙韌彈牙，即使拍照時間甚長亦沒有黏成一團；而湯麵則能反映出麵條掛湯力不俗，不過番茄味不太突出。滷牛筋 ($48)牛筋與牛肉麵中的配料一樣質感彈牙帶黏不會過份軟爛，不過因沒有麵條作中和之

路過銅鑼灣，潮聖一試 超蓮牛肉麵🍜下午2點左右黎到，吾駛等已經可以入座。🐮#紅燒牛肉麵 | HKD78成碗麵份量都吾少，牛肉都比我想像中多🤣 岩晒食肉獸既我🤤 麵條可以跟個人喜好揀軟硬度，我就中意有d咬口，揀左硬。牛肉煮得入味軟腍，不錯呢👍🏻 湯底吾會太咸，幾香甜，略嫌牛味吾夠濃。🍢滷味 | HKD28可選三款食材，我簡左甜不辣、豆乾同蘿蔔。整得幾入味，個汁甜甜地，濃淡適中。三款食材最中意蘿蔔，好清甜，入晒味😍 甜不辣都好食，煙煙韌韌。🍋蜂蜜檸檬紅茶 | HKD26🍋蜂蜜檸檬珍珠紅茶 | HKD31好fresh 既飲品，蜜糖甜甜的好滋潤🍯☺️白珍珠好有咬口，能夠帶出蜂蜜既甜，吾錯。另外幾欣賞佢地選用不銹鋼飲管，更晒環保♻️總括而言系可以encore既店，下次想試下蕃茄湯底呢🤣🤣

何家小姐對台灣連鎖式食店「玖五牛肉麵」情有獨鍾，不惜引進香港。是日到訪，不見了開張初期輪候的人龍，進內只有兩三枱食客，店內地方不是很大，設計以簡約為主。餐牌內的菜式與台灣主菜大致相同，但番茄湯底卻是香港店獨有！紅燒牛筋麵呷一口湯頭，湯底呈深褐色，味道比較清淡，不算很鹹，牛味不是特別濃郁。牛筋炆得軟腍，膠質沒有想像中的豐富，味道較淡，不太理想！麵條形狀扁而窄，尚算能掛湯，而且口感帶嚼勁，比較偏硬(其實我揀了軟麵)麻辣臭豆腐臭豆腐勝在夠臭，蘸了麻辣醬汁，很是惹味，沒有過份搶喉。冬瓜檸檬茶在炎熱的天氣下，的確很解渴，而且甜度適中，味道中規中矩！而P先生所選擇的蕃茄招牌三合一，湯頭很有住家的蕃茄薯仔湯味道，我也不禁多喝了幾口！整體而言，質素較為一般，未去到非吃不可的地步，而且定位較高，在我而言，試過便算罷了！

知道何家千金喺銅鑼灣開牛肉麵就同老公黎試下星期六兩點幾黎到唔洗等位舖頭裝修簡潔 不過抽風一般 成間餐廳充滿麻辣味 勁過譚仔上菜前有碟酸菜提供 食落係無味嘅我就叫左個紅燒招牌三合一有牛肉牛筋牛肚~賣相都ok... 先試件牛肉一咬落去就灰左 因為好硬就算佢中間帶少少筋位都係硬試埋個湯 完全無紅燒嘅感覺成件事好失望....另外我都叫左個滷水併盤完全唔入味 感覺真係白烚完就咁加d汁上去最後一樣 珍珠奶茶望落完全唔係平時飲開嘅珍奶用左白色嘅珍珠 茶同奶好似混合唔到有一下子懷疑過佢係咪比錯野我但由於越食越失望 我已經唔想再深究可能有錢人食嘅野或者要求唔同d但我都只係簡單想食返d台灣嘅味道...唔會有下次囉

今日過海開完會後約老公呢邊食飯！老公話想食何家千金開的台灣食店, 所以就過黎試下.在門外, 已經有職員好主動咁歡迎, 都幾殷勤!  店內唔算好大, 不過都坐得幾多人! 食物款式都好多 (好似)最後點左冬瓜檸檬珍珠茶 $31 :味道好清甜解渴珍珠奶茶 $29 : 味道偏甜, 可能因為加入蜜糖, 奶味較淡...麻辣三合一麵 $95 : 味道不錯, 但唔算好辣, 都適合一些唔太食得辣既人試, 入面的餸料炆得好腍, 麵質都似在台灣食既口感喎! 半筋半肉拌麵 $ 88 :呢個也不俗, 其實兩碗麵既餸料, 同麵都有點似, 只是辣唔辣之分.筋肉, 同牛肉都好腍, 好好味.

今晚7點半左右去到唔洗排隊，諗住去試下新野～7點32分落左order 叫左4樣野。唔講個價錢，個牛肉麵係唔錯既，但朋友話多左d 味精，有d 口渴。都未坐夠45分鐘，有個哥哥仔就收走兩個麵碗同仲有3片豆干既碟。。。就當你睇唔到。。。但竟然有另一位哥哥仔走黎同我地講，出面有3個客趕飛機，叫我地"幫幫手"。我地食哂吹水既都算啦，但我仲有半杯珍珠紅茶囉，你想我唔好飲，定係9秒9唔咬直接吞呢～～～～～8點18分就"被埋單"。全程都冇一個鐘，仲慘過食茶記。搞到一肚氣🤬