珍煮丹 (已結業)

和朋友吃完午餐，到葵涌廣場行街，行完好想再吃點甚麼，於是到了三樓，經過珍煮丹，突然想買杯十份芋芋鮮奶，超喜歡它口感十足的芋圓和鮮芋粒，朋友說也想試試它的黑糖伯爵紅茶。朋友給我試了一口黑糖伯爵紅茶，我們一致認為好像在喝...夏枯草！！看來黑糖跟伯爵茶不能成為好朋友，哈哈..不過十份芋芋鮮奶依然是那麼好味, 我們都超like

台灣大有人氣的珍煮丹黑糖珍珠鮮奶超喜歡珍煮丹的珍珠煙韌又有咬口黑糖味道很濃甜度也剛剛好，走甜的話也可因為微暖黑糖溶化入牛奶會變微甜外賣回家冰也融化了但完全沒變淡，推薦！

奧利珍完全係溶咗版嘅麥旋風，上面有奶蓋🥰，杯底好多oreo同珍珠，成杯野甜度同冰度係固定的，成杯野感覺比較膩😳，只能說吾岩我口味，都係飲返佢嘅黑糖珍珠鮮奶好，佢地d珍珠好有咬口吾錯的！

我自己住葵涌，去葵涌廣場都好近，所以周不時都去食下野，但係講真嗰句，葵廣啲野飲我無一間係會主動去買嚟飲，因為真係無遇到一間係出色嘅，見到珍煮丹新開，就諗住去試下佢，睇吓有冇得打破常規😂而飲過一次之後，葵廣終於有一間我滿意嘅手調飲品🥰新開嘅鋪頭裝修都好光亮，好吸睛，係葵廣3樓，而周圍都有其他手調飲品好大競爭。身為奶蓋控嘅我我睇完個menu之後揀咗蓋世不知春，而朋友就揀咗新出嘅莓莓沙冰。沙冰係即叫即打，所以要等10分鐘左右。蓋世不知春出場！！！勁多奶蓋😂唔怪得個店員叫我開始飲一啖奶蓋先，我飲第一啖已經覺得好夾，奶蓋好滑，茶味又好清，加埋一齊都真係好正🤩最重要係唔會太heavy呀！沙冰就入邊有好多果肉，夏天飲絕對係一流，不過記得要即刻飲，如果唔係啲冰融晒🥺同埋上面仲有層奶蓋，成杯野又甜又有少少鹹，即刻中和返🤩

來親葵廣都會掃街，呢排都開咗好多手搖飲品嘅舖頭，連之前好多人排隊嘅珍煮丹都喺度開咗分店，襯而家人流唔算多就即刻買咗杯嚟試吓。記得以前佢主打嘅係黑糖珍珠奶茶，之前已經飲過，啲珍珠好有咬口，好好味。今次就想試啲特別啲嘅，見到佢塊板有寫推介，就一於試吓。我就叫咗十份芋芋鮮奶，飲親芋頭鮮奶都好怕會冇咗一粒粒嘅芋頭，好在呢度嘅芋頭鮮奶會食到一粒粒嘅芋頭，有得食下又飲下。而且芋頭味好濃郁。原來呢杯嘢飲入邊仲有芋圓，比較細粒而且好煙韌，飲完呢杯嘢飲都幾飽㗎。朋友就叫咗珍珠伯爵鮮奶茶，茶味幾濃，就算啲冰融左都仲有飲到茶味。而且珍珠好煙韌，唔會粉粉地，值得加分！建議大家除咗試佢嘅黑糖飲品，都可以試吓推介入邊嘅飲品！

葵廣出名多嘢食，開心掃完街有D渴，呢D時間梗係買台式嘢飲。見呢間有人買，又乾淨企理就幫襯下。睇Menu都好多款式揀，學生仲有折扣（雖然我已經係社畜）唔自私，買埋比屋企人，揀左宇治抹茶紅豆同黑糖鮮奶紅豆，一黎對珍珠冇乜特別愛好，二黎紅豆真是很有益的。返到屋企沉澱左，睇得出好多紅豆。阿媽唔識飲仲以為係要搣開倒出黎。飲落口好香抹茶味，一D都唔澀，甜度係正常，配埋紅豆嘅甜味啱啱好。紅豆同抹茶呢個配搭真係太出色。飲筒可以吸到適當的紅豆上黎，但飲完都仲有好多。我自己就直接篤入去飲，唔洗搣開個蓋。其實有辦法可以食埋D紅豆，吸左飲品嘅味道嘅紅豆都係好好味。個方法係一路攪一路吸，就可以好自然咁吸曬D紅豆上黎。就係咁就可以清乾淨。黑糖鮮奶嘅奶味都好濃郁，凍飲嘅話推薦小甜或者半甜，既好味又解渴。睇返紅豆嘅份量，連埋一齊飲落去嘅，足足有成碗紅豆沙咁多。既天然又有益，鍾意紅豆飲品嘅真心推薦。

很少和父母一齊出去食甜品，亦很少會和父母一齊嚟葵涌廣場，因為這些都是年青人的廣場。 放工行逛葵涌廣場3樓，見到有一間新開台式飲品店，對於我們來說珍珠奶茶是日常隨手可得的零食？ 但對於父母來說， 這就是新穎食物， 很少會品嚐的， 因為他們每日都會為我們三餐費煞思量，不會去買一杯來試試。面對多款新奇有趣的名字，我站在鋪頭前想了很久，因為是晚上，所以我揀了兩杯可以熱飲，十分芋芋鮮奶36蚊和黑糖冬瓜仙草27蚊。同時剛有人購減時有節扣，原來學生優惠可以減三蚊。這優惠真不錯，葵涌廣場學生哥真的滿多。食完飯，把兩杯倒出來當飯後湯水。十分芋芋鮮奶有兩款bb芋圓, 我還是第一次食這麼細粒的芋圓，亦有鮮芋粒，口感十足。真的是十分芋芋鮮奶，好香芋頭味的牛奶。黑糖冬瓜仙草，老豆還以為是涼粉呢。仙草本身有甜味， 飲完黑糖好似食完爆谷一樣甜。夏天天氣炎熱，喝這個非常適合。有好東西不是獨自享受就開心，能跟至愛的親人分享，看到他們的笑容，真是心都甜了。少少的台式飲品為我們加添了話題，不錯呀！滿分為10分(1分最低，10分最高)食物：8.5環境：8.5衛生：8.5服務：8.5價錢: 8.5舒適度：na總分：8.5

忙左成個上午, 終於到lunch-hour, 食完lunch見仲有時間, 同同事行下葵廣, 咁岩見到間台式飲品店, 就買返杯返公司嘆。飲品款式都幾多, 多到我地有選擇困難症, 大部份飲品都可自選甜度同冰量, 滿足到不同人口味。我揀左杯奧利珍, 明治特濃鮮奶面層有Oreo碎+一塊完整Oreo餅, 飲之前拌勻, 飲落好順滑, 同時啜到oreo碎, 有如"oreo浸牛奶”咁perfect match! 而且有唔少珍珠, 煙煙韌韌, 味道同口感一流!!同事就揀左芋芋鮮奶, 再加左$4加配珍珠芋蓉好滑, 甜甜地有芋香, 口感跟幼滑鮮奶很match, 配上珍珠, 更可增加口感。

珍煮丹是台式過江龍，可以試一下他們的招牌手搖杯。我叫左十大飲品第二名ge「奧利珍」加蓋世抹茶，5分鐘就到喇！我好非常鍾意加左oreo既野食，奧利珍有我鍾意的OREO。飲用步驟：插入吸管攪一攪，餅乾下沉時用力吸一口，蹦出新滋味。我打開蓋，吸一口奶蓋，再攪勻黎飲。奶蓋好綿好厚，鮮奶好滑，黑糖珍珠好好咬，唔會太甜，OREO碎好多，口感好豐富。蓋世抹茶是蓋世英雄系列，就是奶蓋加各種茶，有紅、綠、春、抹茶、烏龍、咖啡、巧克力、咖啡。呢一杯蓋世抹茶好高質，飲落好香抹茶味，入口啱啱好，啱晒抹茶控，奶蓋的口感好，又唔甜，絕配絕配！

早排疫情開始好返少少，多咗行街好耐冇去葵芳廣場掃街啦！原來平日夜晚一樣都好多人嚟到食返晒以前每次必食嘅小食😋雖然好唔健康，但係真係好開心🤩🤩🤩食好多辣野梗係要買番杯嘢飲見到新開左一間珍珠奶茶都幾多人排隊一於試吓一係唔飲一係就飲杯最肥最勁嘅😂😂😂Top 2既奧利珍🥤呢杯真係不得了平時鍾意食Oreo嘅人必定要試一試奶味唔算好濃好Heavy，鹹鹹地幾好飲，但真係太肥啦久唔久一次就得👍🏻希望一切快啲回復正常多啲嚟葵芳廣場食嘢啦😌

平時放假都會嚟葵涌廣場度掃街，今日竟然比我見到原來開咗珍煮丹！已經想試左好耐啦，但每次都夾唔啱時間，今日終於可以飲，真係好開心😍Menu上面嘅選擇唔算好多，但全部都十分吸引，花多眼亂嘅情況底下，我同男朋友就決定嗌店舖嘅推薦飲品算喇😂-黑糖珍珠厚鮮奶其他店嘅黑糖飲品通常係固定甜度，但珍煮丹嘅黑糖飲品原來係可以自選甜度架！男朋友嗌左少甜、少冰，加埋黑糖飲落唔會過甜，再加埋厚鮮奶，口感香滑又有質感，好creamy! 珍珠細細粒、軟硬度適中、咬落煙韌，配搭好好！-奧利珍頭先講到黑糖飲品可以自選甜度，反而呢杯奧利珍就係固定甜度嘅。賣相同menu唔同，不過唔緊要啦，最緊要味道好姐😂入面有Oreo碎粒、黑糖奶蓋同埋黑糖珍珠，最特別係有成塊Oreo，店員提醒我哋要先攪勻曲奇碎再一次過飲，口感豐富，好好飲！好似飲緊一杯cookies and cream落肚咁！

呢幾個月好多鋪頭都頂唔住執左。葵廣都吉左好多鋪頭，但比我發現頂層有間台灣茶飲店逆市開鋪，就係呢間叫珍煮丹嘅鋪頭，睇來應該有d把炮咁岩呢排係葵芳呢頭返工，lunch time 就約左同事去制葵芳順便買返杯野飲試下佢嘅質素。鋪頭好貼心咁list 左top10最受歡迎嘅飲品，等我呢d有選擇困難症嘅人可以容易d揀到鐘意飲嘅野。我最愛揀左臭利珍，而我同事就揀左泰泰奶茶加仙草。店員仲好熱心咁比左好多意見，話比我地知咩野topping 會同泰泰奶茶夾d。奧利珍奶味好濃，加埋oreo 嘅味同口感，好特別。泰泰奶茶都好飲，好多茶味。下次去葵芳，又多一個買茶飲嘅選擇啦

隔咗一排冇嚟葵廣威啫，突然間變得咁多人嘅，people mountain people sea，喺咁逼嘅環境下游走，真係要好大運動量，頂唔順之下，零舍搵到一間新開嘅珍煮丹，就埋岸補補水見呢間未出現人龍，快啲走埋去幫襯先唔使等好耐時間，就已經沖好咗兩杯，大胃同胃弟一人一杯由於佢個名好有型好有詩意，大胃買嚟試吓，其實佢係奶蓋綠茶，但冇一般綠茶咁濃，感覺好清新，同奶蓋渾然一體冬瓜茶嚟講，佢唔算太甜，剛剛好，黑糖同檸檬都好夾如果唔知點揀，可以參考排行榜

嚟到葵芳梗係要去葵廣啦 葵廣三樓出名係小食街 掃街聖地👅 因為疫情嘅關係 已經好耐冇嚟掃街😿 今次嚟到見到佢開咗珍煮丹😮 之前係另一間飲過黑糖珍珠厚鮮奶 覺得幾好飲 飲品種類都好多 花多眼亂好難揀 好彩有個飲品推介 同埋螢幕上面有介紹唔同嘅飲品🙊 最後我地嗌咗奧利珍 同十份芋芋鮮奶🥤奧利珍 聽個名都知有oreo🐷 店員話呢杯嘅冰同甜度都係固定嘅 飲品面頭有好厚嘅oreo碎 又有一層cream 同埋牛奶🥛 最重要係有珍珠🤤 珍珠好煙韌 又唔會太硬 飲品嘅側邊有個簡單嘅說明 同埋店員都有講解要將啲oreo碎撈落去啲cream同牛奶度 撈完杯野飲嘅口感好rich😚 真係好好飲 如果大杯啲就好喇😬十份芋芋鮮奶 都好特別 有一層厚厚嘅芋頭蓉 同埋入面有好多地瓜圓👍🏻 我地嗌咗少冰 地瓜圓比珍珠林咗少少 但個口感都唔錯嘅 成杯野飲唔太甜 店員有提我地要攪勻晒先飲 撈埋咗每啖都飲到芋頭蓉😺好開心係葵廣有珍煮丹呀 下次掃街都要嚟幫襯

今日去行葵涌廣場諗住買兩件衫 點知經過3樓見到竟然開咗珍煮丹 冇理由唔買番杯嘆吓㗎😘雖然已經飲過好多次 😍但係每次都會選擇困難咁揀好耐先決定到飲咩朋友叫咗黑糖珍珠仙草鮮奶 👍叫咗少冰微糖 佢嘅黑糖真係好香 掛杯掛得好靚 珍珠口感煙韌 但又唔會係好難咬 軟硬適中 仙草唔係普通涼粉 仙草回甘味好香 如果可以多啲仙草就好啦我自己就叫咗黑糖芋芋豆漿 🤡少冰微糖 次次都係飲鮮奶 貪新鮮叫豆漿 都覺得豆漿會健康啲 估唔到芋泥同豆漿係咁夾 店員好俾心機將芋泥掛杯 所以賣相好靚 微糖真係啱啱好 因為本身芋泥都已經有少少甜味😈要讚一讚成間鋪嘅衛生都好好 枱面乾淨地下都好乾淨 呢段時間出街食嘢飲嘢對衛生都要有一定要求喔！店員仲好細心咁同我講咗句 記住要左右搖先好插飲管去飲呀💋