珞桐冰室 (已結業)

帶朋友去街市食好西❤️❤️難得係屋企附近，今日就同朋友去試吓食不同的特色小食我們先後叫左碟炸蝦多士 ，好好食朱古力杏仁磚😍😍 仲要只係$28 平過食茶木😝😝雞扒蒜蓉撈公仔麵，好大碟焗黑椒雞扒意粉紅豆冰，奶茶一餐咁平的下午茶而且份量仲要咁多埋單只係$136 ，我們兩個人都覺得真係好抵食成間小店仲要好好人情味，雖然太遲食阻左人地收工佢地不同講唔好意思，但老闆同牙姨不停同我哋講唔緊要，十分難得的人情味，很喜歡在大埔吃東西

星期日懶懶散散，去咗珞桐食下午茶。之前食過早餐覺得普普通通，奶茶味道過得去，今次專程嚟試下午茶。坐底見個小妹妹同爸爸食緊焗雪山，亞姐又 sell, 問吓妹妹好唔好食佢話好 (其實小朋友實鍾意 🤣🤣)，佢爸爸又話呢個唔飽肚，咁我哋就叫一個啦，然後加個一口蜜糖多士，落咗單最少等 15分鐘，先上焗雪山，初初好驚喜，好好味，食食吓有"了"到粒嘢。 。 。 點解焗雪山會生蛋嘅。 。 。又似粒粉粿 。 。。原來係雪米糍，又幾得意喎，但再食就有啲漏囉。 。 。跟住再嚟個一口蜜糖多士，多士好香口，但蜜糖只淋到面上，所以食到中間有啲乾。兩個甜品都有餐茶送，咁嘅價錢算係好抵食，下次再試其他咸點先。

光顧左呢間小店已經好幾年，以前住大埔送左阿女返幼稚園，有時就會約一d家長黎呢度食早餐，而近四年阿女開生日會都係order 呢間既到會，真係又平又好味吖！今日約左d朋友大約3pm係大尾篤BBQ, 早d嚟大埔食個early lunch 再行下。常餐 $30 包熱飲（凍飲加$3）沙嗲牛肉通粉，配火腿絲奄列牛油方包 份量唔算大，但夠我既份量。沙嗲味好濃，牛肉亦好淋。奄列都多火腿絲。方包係柔軟既！我至愛既「一口杏仁朱古力多士」 $28 包熱飲（凍飲加$3）真係一啖食一舊，又唔駛自己切，外面勁脆裡面係軟。$28 一份仲包飲品，我暫時未見過其他地方比呢度平囉！奶茶好飲，夠茶味！

前排上網成日見到呢間嘢，入開大埔就嚟試下。見佢都好多街坊幫襯，坐底之後都見不斷有人，心諗都應該唔錯。一口粒粒花生🥜奶醬多士 $28個樣放到成座山咁，其實都幾吸睛嘅🤩多士切成一粒粒，但焗得太過咬落去似食緊餅乾，咯咯聲😅面頭淋滿花生醬煉奶同砂糖，無乜特別但就肥到賴屎😂滋味蝦多士配薯條 $26蝦多士嘅蝦少到一個點，食唔到咩蝦味唔望清楚以為食緊兩塊包🤣🤣反而薯條🍟好啲唔係出面茶餐廳嗰啲空心薯條條條薯條都結實有薯味👍🏻🤝上面價錢都包埋飲品我地叫咗杯熱咖啡☕️一上枱顏色唔對路勁淺色😨飲落啲奶多得過份間舖價錢都抵，街坊嚟食下都好嘅，但專登嚟食就免了🤣🤣

由於離開左香港兩個星期係外地無啖好食，發覺始終都係香港食物好所以一番到香港就要落樓下食一食茶記-食西餐食左兩星期今日終於可以食牛根腩飯好幸福牛根依然係夠哂腍身牛腩都入味三十幾蚊既價錢黎講係抵呀！包埋熱飲--由於唔太餓 就加多個多士兩個人share等左大約15分鐘，都真係唔怪得知要等因為係即焗既，食落去脆卜卜啖啖花生醬同煉奶兩個人食岩岩好！完美既一個港式下午茶

#LuBie大埔🥯蜜糖芥末豬扒包（🤤：7/10）個包係焗過先既 所以帶微溫而且令個包既外皮變得脆左，豬扒煎過 煎得岩岩好令肉質唔會好鞋 肉質幾嫩幾Juicy,底部有蕃茄同生菜絲 加埋個蜜糖芥末醬 甜甜地，整體感覺幾清新 味道唔錯 份量唔會太過多 做下午茶幾fit。🔽🥤紅豆冰（🤤：5/10）紅豆冰唔夠甜 飲落似係煉奶沖水但就唔夠多奶既味道，紅豆都煮得夠時間 唔會有太多一粒粒未煮夠既情況，冰粒都正常 唔會俾太多影響味道。📍珞桐冰室📍大埔寶湖道3號寶湖道街市p2鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#大埔美食#食好西#珞桐冰室#紅豆冰#蜜糖芥末豬扒包

好耐之前已經bookmark左呢間既粒粒多士，一直都見到唔少blogger推介😍今次終於可以試下佢啦！👌🏽不過位置就真係有啲僻😅👉🏿✨一口粒粒花生奶醬多士 Hkd 28 💸📌28蚊既分量又真係幾足！見到都嚇一嚇😂仲要包埋野飲，又幾抵喎！每一粒多士烘到脆卜卜，點滿住煉奶同花生醬，真係好邪惡架😍而且仲有啲花生粒粒，口感即刻up🤩👉🏿✨滋味蝦多士 Hkd 28 💸📌配薯條，佢啲薯條超重薯味！點茄汁永遠係最夾的😋蝦多士同樣炸到酥脆，入面蝦肉都夠料，有埋野飲，呢個茶餐抵食😏

將冰山劈開，請將冰山劈開~ 焗雪山~😋😋 唔只外表澎湃，蛋白焗到脆卜卜，再淋上杏仁粉同朱古力醬~ 口感已經好多層次。將冰山劈開後，入面有粒雪糕糯米滋同一件蛋卷係到，成件事好寶物尋歸底feel~🤣😂😂 如果帶小朋友黎，佢地實好開心，驚喜連連~ 個價錢仲驚喜，包埋凍飲都係38蚊咋~ 强烈建議必飲凍檸茶! 個茶底香濃醇! 大愛也~雖然間餐廳係寶湖街市角落頭入面，係難搵d ，不過只你搵到寶湖停車場入口，有個暗角位一轉入去就已經係，十米內到達啦～

瑞士汁雞扒撈公仔麵:是日午餐($42)-配半塊厚多士、炒蛋同火腿，個人極力推薦呢一個套餐，雞扒份量都算多，而且公仔麵嘅味道都好濃，呢個價錢食到咁多野真係好抵，仲送埋熱飲，可以加$3轉凍飲，加$7轉特飲！蒜蓉汁雞中翼撈公仔麵($31)-蒜蓉汁同我想像有d唔同，但都幾好食，中意食辣嘅朋友可以試下紅咖哩汁，呢個雞翼仲有4隻，所以真係好抵架！一口粒粒花生奶醬多士($26)-每一粒西多都好脆，花生醬同西多嘅味道都好夾，但個人都比較期待食外脆內軟嘅西多，但認為絕對可以一試。

呢間位於寶湖街巿既隠世茶餐廳，應該幫襯的都係呢區既人。佢做嘅係街坊生意，午膳時間去人流都算多，但班夥計總會安排到位俾你坐。佢每日都會有特餐，而最正當然是牛朳，好大塊，好淋有牛味，包野飲，都只係$47

如果唔係朋友介紹，都唔知這個街市入面有間好受街坊歡迎嘅餐廳。這餐廳好親民，沒有豪華包裝，只有濃濃的人情味。眼見身邊所有食客都與服務員打成一片，大部分似是常客。餐牌好多炸物，無炸不歡的人一定不會失望。上網找到幾款至受街坊歡迎的食物，自己眼闊肚窄，樣樣都想試，掙扎完一輪，最後選擇了「珞桐 Pizza」。「珞桐 Pizza」Pizza 即叫即整，所以要有耐性（我等左20分鐘）。可能太肚餓嘅關係，覺得非常好食！新鮮熱辣，脆卜卜。餡料有菠蘿、吞拿魚、午餐肉粒、茄醬，以及大量芝士。*餐廳沒有提供BB櫈

街市入面有條美食廊，環境衛生OK，地面唔會濕淋淋。叫左一口蜜糖多士配飲品($26)，酥炸魷魚配薯條/沙律配飲品($30)，凍飲加$2。一口多士餐有3款，分別蜜糖，杏仁朱古力，花生奶醬。冇諗過個多士擺位好似甜品店咁，擺得咁靚，灑埋糖份，街市一間做快餐既鋪頭，竟然咁有心思塔靚個多士，加埋分。仲要個麵包皮整成三角形，有唔係四四方方咁普通。落左好多蜜糖，唔驚食完好乾，烤得外脆內軟。個麵包皮原來係精華，焦焦地，咬落chopchop聲，好脆。連餐$26有埋飲品，普普通通食個tea，去甜品店都冇咁抵。酥炸魷魚配薯條既魷魚就一般，因為唔係椒鹽/鹽酥，所以味道淡d，可以自己加留d鹽落去。薯條份量OK，有2款醬，分別茄汁，沙律醬，冇諗過竟然俾埋沙律醬，good。總體，早餐and午餐都好抵，見有好多熟客去食，又有炸脾/少少串燒，午餐好大份。不過咁岩扒爐師傅放假，冇扒食，但d客仔轉食腩飯，d牛腩超級多。

這裏最出名的是一口多士，把面包片烤得焦脆，然後加上可可醬和杏仁碎，一口一個很滿足，唯獨就是醬太膩了；而另一招牌就是生炸雞腿套餐，這裏的炸雞腿必須是新鮮生肉現炸的，不是那種做熟了以後再翻炸，吃得出所在雞肉內濃濃的肉汁但又不失嫩滑

因為見到網上唔少報導講，剛好順路就去食個下午茶，4點幾去到，阿姐已經不停催要快啲快啲嗌，唔好阻收工，但原來佢地仲有個幾鐘先收工，不過既然黎到就照食啦，最後叫咗兩樣野：蝦多士，炸蜜糖多士。蝦多士好薄基本上係無蝦可言，薄到呢😅同埋好油益味，好在有醬可以點，咁就無咁油，同一碟野有埋薯條，薯條好食唔會炸到乾曬。炸蜜糖多士非常普通仲有啲燶咗，並非傳媒所講咁特別。行過唔介意阿姐啲態度可以一試，不過一次就夠喇真心唔明點解咁多人幫佢寫野。

話說我食開好多次，呢類食肆都深知唔係食個服務，食個環境，最緊要低食甲大件，快靚正上星期又去食，問老細有無得牛腩撈公，拼多個豬軟骨老細:我:老細:我心諗咁底？梗係食啦，餓到死咁牛腩撈公加凍飲，拼多個豬軟骨，應該係:31+2+4=37比張單我唔知點解41，我心諗是旦啦差幾蚊姐，拿拿淋比我食完開工，好肚餓點知落左枱，得一舊細細舊豬軟骨，我問老細，乜加錢要豬軟骨，係得一舊？老細問完廚房了解完:同我講:喂，老細，加十幾蚊咪十幾蚊，一係你同我講無得加，唔好自己話有得加，開個價比我，又嫌話加咁少錢，咪得一舊。不過我接受佢建議，勞氣就唔好食反正佢好生意，唔志在Btw, 佢d 呀姐經常落錯野飲，你同佢講唔係飲呢樣，呀姐會問:咁你飲唔飲呀﹏都差唔多，飲啦，飲左佢啦....呀姐，如果我飲，我話唔會叫你返來同我換左佢啦