珠江酒家

营业中

休息中

有位移居係新加坡嘅食友返嚟香港時有朋友帶佢去呢間小店食飯. 食完之後佢急不及待係臉書post相推介. 睇到我地個個立即要去試. 果然真係碟碟有驚喜!! 當晚離開時剛剛大廚出嚟休息,同我地閒談幾句,原來都係佢自己一個煮哂,真係好勁呀!!! 但好不幸我地去完之後第二日飲食男女已經有推介. 其他食友再去時水準已有輕微下降. 希望唔好降得太厲害啦,因為我都仲想去多次試吓其他小菜.牆壁貼滿手寫菜式. 款款都幾有特式! 而且價錢都唔貴.涼伴花甲 - 每粒肉都仲黐住個殼,即係唔會過熟. 而且粒粒飽滿. 最緊要就係個醬汁,夠哂香辣,辣度係我都覺得唔錯. 唔食辣嘅就可能覺得佢太辣,不過我鍾意呀!!家鄉酒蒸雞 - 酒香未算濃,不過雞味唔錯,又幾滑,食得過. 金沙黃金鮮魷 - 其中最驚喜一味. 金沙上得均勻,炸得香脆. 而且魷魚厚身可以切成粒狀令各人都唔信佢係魷魚,直至食落口先信! 魷魚軟熟有鮮味,超讚!!! 豉油皇鵝腸 - 鵝腸最緊要係新鮮同夠多肥膏. 呢度完全做到,又係要讚嘅一味. 椒鹽三文魚腩 - 呢間小店做椒鹽十分出色. 因為夠乾身,辣椒味夠辣,唔似一般椒鹽都冇辣味. 雖然只係三文魚腩,不過都做得唔

一定要訂位的一家老飯店, 實在令人難以置信, 吃過才知為何! 原來老字號是全靠難以形容的美味餸菜!!!!湯很重胡椒味, 但絕不搶喉, 豬肚軟而爽口, 美味!想不到豬腸是能這麼好吃的, 亦是軟而爽口, 在底下的芽菜很香口入味, 絕配呢!花枝原來是魷魚, 但形狀竟是四方的, 咬下發覺原來是很多汁很軟身而彈牙的, 必點!結果好吃得再來一碟, 鬆脆的咕嚕肉真是稀有, 必試!蒸得很滑的蛋, 內裡的豬肉及粉絲份量十足, 美味得很不錯的味道, 但雞肉略不夠滑..已去縠的聖子炒得不錯, 不消五分鍾便消失於眼前!!真不可想像牛腩可如此美味, 雖然沒有特別醃製, 但經這煲胡椒香蔥湯煲滾後, 效果非常好, 美味得很!

早前居住外地的友人D及S回港數天,自己遺憾地在他們離港前也多次未能出席飯聚.在這數天行程中愛嚐新的他們特別推介了這裡!如不是友人推介的話,相信在這門外走過上千遍也未必會推門內進!外觀亳不起眼內裡分上下兩層但裝修簡陋,菜式全部手寫貼在牆上唯一慶幸是空調運作正常.涼拌花蛤----每隻也肥大飽滿吃起來乾淨無沙,不會殼還殼肉還肉!少辣級數的麻辣汁調味平衡得非常好,能帶出鮮味而不死辣,墊底的爽脆青瓜也絕不容錯過!潮式炒蠔爽---碟頭的份量也真是非常豪爽!蠔仔上了一層薄薄的乾粉來炸,外層微脆內裡鮮嫩!真是肥美飽滿粒粒鮮甜.更多文字分享http://pandamenhk.blogspot.com

本人第一次去呢間野食講真...., 如果大家係著重睇外表, 講舒適, 呢間野就唔建議大家去喇不過講到菜式特別, 呢間野絕對OK( 當然味道都OK啦)我地一行十人叫左九個餸, 當中有D特別野想推介下1)涼伴花甲小弟比較少見凍食的貝殼野而仲要係有D麻辣感覺的就更加未試過呢味菜可以試下囉真係2)避風塘豬腳仔蝦, 蟹....我都食過, 但豬腳仔係用避風塘方式整就第一次食OK喎(不過充咸左DD)3)椒盬豬粉腸同樣幾過癮, 而且味道冇咁咸.......大人飲啤酒, 細路飲汽水食呢味野絕對唔錯埋單每人平均舊零水, 我覺得絕對接受到

一行8人, 叫左好多菜, 因為知道 珠江 d 潮州翅正, 所以預先預訂一大窩翅 $600, 每人兩大碗, 出品夠熱, 正發現有一d 特別嘅菜, 如涼伴花甲, 白灼豬肺, 啤酒鴨, 最正係涼伴花甲, 一碟唔夠, 再番叫一碟, 各人非常滿意由於啤酒都飲左廿枝, 加埋窩翅, 所以會比一般晚餐多d 支出

先報告價錢：二十蚊兩餸，二十三蚊三餸，之後唔記得左(笑)。無論如何都有湯送，茶任飲。可以揀o既餸唔多，而且賣相唔吸引，睇落好似潮州菜(?)，不過食落又比想像中好味，除左個飯有陣"行"味之外都OKAY o既，個湯幾足料，餸同飯o既份量都非常夠，有唔少男人黎食架。要求唔高可以黎試下，我一個女人仔就認為好夠飽喇。

夜晚一行十幾人去食一張枱坐得晒..又小菜, 又啤酒..埋單攬住個肚竟然40蚊一個d野仲要好有水準...當然衛生唔及酒樓, 但係味道一d都唔俾酒樓差....某d仲好有風味tim..

這一間在太子雷生春對面的餐廳, 三十年前去過, 不過老闆大概已經換了幾十手, 現在變成平價中餐.賣的是"夾食送飯", 也有小菜與火鍋. 特色是"抵食夾大件", 小菜只廿三十幾元, 但分量絕不小, 一人叫一個菜已經差不多. 老闆很賣力, 質量有一定保證. 也常常推出新菜式, 不會像茶餐廳般千篇一律.小炒皇: 夠味好嚼口, 送酒一流京都骨: 味濃肉厚, 不輸大酒樓生魚兩吃: 頭尾煮湯, 中間炒片, 份量足, 適合三人或以上火鍋: 約六七十元, 順德啜魚鍋較有特色不是精品, 可是質量-價錢比不會令人失望.最重要是可以慢慢聊天慢慢吃, 坐位不擠, 更沒有潮州打冷坐無背椅的辛酸. 而且啤酒超抵, 尤其適合粗豪男士大杯酒大塊肉.