琥酌 (已搬遷) 新店位置

令肚子感到非常滿足的吉列牛晚餐～～～餐廳名稱：琥酌 (尖沙咀)餐廳地址：尖沙咀海防道38-40號中達大廈11樓～～～大舊下班之後陪我到尖沙咀逛街 由於逛得太興奮 我完全忘記了我們還沒有吃晚餐 在我買了一袋二袋之後 突然聽到大舊的肚子打鼓打得很大聲 才想起原來我們還沒有吃晚餐呢 為了補償他可憐的肚子和感謝他陪我逛街 我就帶了她來這間非常近尖沙咀地鐵站的餐廳吃飯這間餐廳我們之前沒有吃過 但朋友說很好吃 所以一直位於我們想試的餐廳名單裡面 這間餐廳最出名的就是吉列牛 所以我們亦順理成章叫了吉列牛～～～他們有幾種不同的吉列牛 而我們則叫了安格斯牛吉列 吉列牛一送上 看樣子就感覺非常好吃 肉質透亮 表面有一層薄薄的吉列 把它放在熱石上面燒過之後 外脆內嫩 好吃得不得了 朋友果然沒有推介錯 這款吉列牛🐮還配有3款醬汁 分別為岩鹽 蛋黃醬和鹽燒汁 在醬汁的配搭下 吉列牛的味道顯得更加多樣化～～～除了吉列牛之外我們亦叫了魚生丼 這是一個套餐 裡面包括有角切魚生飯 沙律和高麗菜西冷豚肉 全部味道都不錯 最後還有甜品送 挺划算的～～～本來兩個晚餐份量也已經不少 但肚子餓的大舊肚子還沒有滿足 所以我們又叫了

一直都好相試下吉刺燒牛肉，今日試下呢間。.(推薦指數：😋😋😋😋😋)其實見到個牛果陣都好驚喜😱😱要上粉漿，再用滾油快炸，只係個表面脆，入面要生，真係幾難，起碼火候同時間控制要掌握得好好。呢度要比讚！👍🏼放上火爐燒每面20秒左右就食得，其實都易，最後係七成熟左右，牛好有牛味，同埋好juicy，唔會好乾好老咁。.清甜和風料理(推薦指數：😋😋😋😋)蕃茄西冷豚肉烏冬(推薦指數：😋😋😋😋)呢個湯係一個好濃好濃的蕃茄湯，如果鍾意蕃茄的朋友就一定要試下，佢真係落左好多好多的蕃茄同茄膏。個豬都幾好食。最緊要係個烏冬應該係用左稻庭烏冬，所以好滑又好彈牙，係好食的！.燒芝士翠肉瓜串(推薦指數：😋😋😋😋)佢用左好多的芝士粉係個翠肉瓜表面上，同埋個翠肉瓜熟左之後係幾甜，同芝士粉都幾配合，唔錯。.日式煎餃子🥟(推薦指數：😋😋😋😋).火龍卷(推薦指數：😋😋😋😋😋)賣相好okay啦。份量多，都係好新鮮同好食的，中間個炸蝦好脆，係正的！

今天同朋友約尖沙咀食Dinner，找了一家OpenRice好評超過300個的吉列牛扒日式食堂來試試餐廳位子大約有30個位置左右，有一種在日本私家小店吃居酒屋的感覺安格斯吉列牛吉列牛扒登場，外表金黃內裡鮮紅，拿去火烤一下，侍應話每面各烤20秒鐘，肉吃起來還滿嫩的，味道很香，肉帶有筋但不算多，肉的品質還算不錯番茄西冷豚肉烏冬超大一碗份量十足的番茄烏冬，裡面豚肉片很多很嫩，湯頭鮮甜日式煎餃子餃子煎的金黃，裡頭內餡飽滿，皮很Q彈整體而言食物口味還算不錯，當天似乎人手不足，吉列牛等了超過40分鐘才送上，如果等太久建議大家提早請侍應跟跟單

某天跟男友說很想試試石板吉列牛，他今天就突然說帶我食一間我會喜歡的餐廳。到步後，見到餐廳名叫琥酌，很有氣派。餐廳裝潢走日本風，放置了很多日本酒瓶做裝飾，很有日本燒肉店的感覺，舒服寧靜。為了鐵板吉列牛而來，當然要試試餐廳鎮店之寶【頂級安格斯牛吉列】。安格斯牛肉色澤新鮮，油脂分布平均，只看都已唾延三尺。牛肉本身經炸過，是半生熟狀態，每面煎15-20秒便可；完全把肉汁鎖緊，口感嫩滑多肉汁，入口即溶的感覺。牛肉會附上三款醬汁，分別是蜜糖芥末、海鹽和柚子醋，但個人喜歡原汁原味的味道。魚生丼飯，魚生種類豐富，有三文魚、舌拿魚、油甘魚和日本蛋，魚生新鮮鮮甜。壽司飯的調味恰到好處，酸甜度適中。三文魚吞拿魚燒餅，普通煎香的大阪燒吃得多，這款是經油炸過的餅底還是第一次別。餅底炸得香脆，加上魚生的鮮味中和了其油膩感，反而會不自覺地愈吃愈多。吉列炸薯餅及一口炸芝士，即叫即炸，非常香口。特別愛吃一口芝士，芝士味道濃郁惹味。

繼吉列豬扒係我至愛食物後，早期都開始興起吉列牛，回想起我係大阪著名既吉列牛餐廳食過一次，整個定食套餐除左有主角吉列牛，都會跟埋湯同沙律前菜，味道唔錯又大份，上星期同男友去左依間專食吉列牛既餐廳食晚飯，可能因為閒日既關係，所以一到步就可入座點左野食後，店員送上前菜中華沙律，沙律拌左個柚子醋味道好醒胃食完沙律，隨即就黎左安格斯牛吉列將半生熟既吉列牛放到小鐵板上煎香兩面大約十幾秒就食得食落牛味好出，咀嚼個陣夾雜油香，吉列外皮帶微脆，雖然未到話好軟熟口感，食落質感較厚實，但不粘牙，點埋醬汁食更滋味另外叫左個琥酌吉列盛合，盛合中有吉列廣島蠔、吉列大蝦同吉列和牛薯餅，全部都炸得好酥脆，不得不讚廣島蠔，咬一半後蠔汁湧出黎，大隻之餘，蠔味好濃，非常鮮甜，勁好食。薯餅亦好足料，薯蓉軟滑帶和牛既香，唔錯最後上埋個和牛涮涮鍋，和牛每塊都算係厚切，大塊得黎食落啖啖肉，牛味非常濃郁，估唔到灼左咁食都幾好味，仲有大量蔬菜，湯汁清中帶濃，食完覺得味道舒服唔油膩

香港好似越黎越多餐廳係專做吉列牛，但我一次都未食過...今次特登帶屋企人去尖沙嘴嘅琥酌試下。原來佢除咗吉列牛都有其他好高質嘅嘢食！見到佢有咁多好吸引嘅嘢食...最後食咗鰻魚定食同火龍卷(個名好有趣😂),當然仲有吉列牛啦，安格斯吉列牛。講咗鰻魚定食先！原來份量超大，有一整條鰻魚！個飯底都好多，一個人食會好飽好飽。沙律出乎意料地好食，個汁好開胃。湯都好飲，有d菇，清清地唔會好味精。重點黎喇！吉列牛！餐廳教我地每邊燒15-20秒就夠㗎喇！果然好淋好好食。仲有調味盤俾我地，入面有蒜又，芥末同海鹽。吉列牛嘅外圍（姐係d脆脆）都好好食！香口得黎但又唔會過分油膩。驚喜黎喇！原來火龍卷係正野黎...炸蝦十分之脆，入面仲有青瓜同cream cheese。青瓜中和返炸蝦同cheese嘅膩。上面塊三文魚係厚切㗎！唔係薄薄地一片，係勁厚一片！碟上仲畫咗HK加油❤️😭感動啊...

呢間專門食吉列牛的店，已經第三次嚟，除咗係因為我本身好鍾意食吉列牛嘅原因之外，係因為呢一間算係質素唔錯，所以今日行下尖沙咀唔知食乜嘅情況下，就再黎食。《吉列牛盛合》$368牛肉每面燒25秒就啱啱好，外脆內軟，口感好好，安格斯牛肉牛味好濃，而且都夠軟嫩juicy，配埋佢比既三種醬汁:燒肉汁、芥茉醬、海鹽，整體好唔錯👍🏻👍🏻。《魚生丼》$138呢個係晚市定食，份量好多！魚生種類多，而且都好新鮮，仲有沙津同埋湯，好抵食，跟餐仲有飯同甜品。《三文魚吞拿魚燒餅》$78呢個好正，成個感覺就好似日式大版燒咁，三文魚同吞拿魚鋪滿成個餅，底層係菜，外層好脆，又有焦香，配埋三文魚同呑拿魚，層次十分豐富，好滿足！ 整體來說，質素都keep到，今次黎Menu又多左好多新野，下次黎又可以試其他野😄

我同朋友都想食吉列牛，於是黎到非常有名既琥酌聚舊。餐廳裝潢貼近居酒屋，周圍擺放左唔同品牌既酒，令人賞心悅目。叫左安格斯牛吉列($368)，魚生丼($168)，火龍卷($98)。黎尼到一定要食安格斯牛吉列，廚師將外層炸到金黃色，而內層仍然係未熟透既，旁邊既小爐就係俾客人自行將牛肉煮熟，餐廳建議每邊煎20-30秒，視乎客人既喜好。尼個吉列牛口感一流，外面脆脆既，而肉質非常嫩滑，肉味鮮甜，仲有3款調味料，分別係芥末，海鹽同埋蒜蓉，令肉味更為濃郁。魚生丼有角切魚生飯、沙律、高麗菜豚肉湯、甜品。魚生基本上想食既魚生都有，新鮮得黎每片都非常厚，撈埋軟糯既飯食真係無得輸。而沙律既材料都非常豐富，除左生菜，仲有三文魚、蟹柳絲、蟹子，十分開胃。豚肉湯味道意想唔到咁清甜。仲有甜品士多啤梨慕絲，甜面不膩。火龍卷外層係三文魚，入面卷住炸蝦、青瓜、芝士，搭配得非常合適，食得出每種材料既味道，雖然又有炸物又有芝士，但係一d都唔膩。整體，環境舒服，食物大份，食物味道烹調唔錯，魚生新鮮清甜。

最近數月，無論是我們的社會亦或自己既人生，都有好大挑戰。勞勞碌碌，老婆和我特意在平日晚上外出支持一下努力經營的餐廳。 這間餐廳就在尖沙嘴清真寺後面，相較餐廳的冷清，店員殷勤服務形成強烈對比，想必在如今香港，大家在不同崗位默默努力，獅子山精神也不過如此吧。 我們點了店員推介的幾道日式料理。值得一讚的是安格斯牛吉列，酥脆外皮的牛肉放在陶燒板上加熱，不消30秒油香肉嫩的吉列牛就大功告成，回味無窮。鰻魚飯更係份量十足，配上沙律同日本蘿蔔，廚師誠意💯 我們亦點了這個創意三文魚吞拿魚大阪燒，魚香四溢，賣相俱佳。炒野菜配上有氣清酒，此時小嚼兩杯，談天說地，讓我倆可以擁有久違的二人時光。

頂級安格斯牛吉列御饍 ($368)平時燒牛燒得多 但都未試過燒吉列牛 決定試試佢 估唔到又幾好食!每邊燒2-30秒就食得! 唔太食牛既我都覺得佢幾好味 又唔會難咬😋-魚生丼($138)角切魚生飯 仲有沙律 高麗菜豚肉湯 同甜品架! 好抵呀一個SET咁多野食！每款魚生都有兩塊 最岩同朋友share 😋始終都係拖羅最得我心 🤤 而個湯有sukiyaki 湯底既感覺 好好飲!!-火龍卷 ($98)火龍卷入有有忌廉芝士 三文魚 炸蝦! 忌廉芝士同三文魚真係好夾!! 炸蝦好脆 好好味🥰 同埋份量好大 每個人都食到5-6舊 出面D餐廳應該無😳

同朋友去開尖沙咀行街，晚餐想食吉列牛，就找了一間係海防道附近，行幾步就見到的中達大厦樓上鋪到食，環境有些似日式居酒屋，但燈光就唔係橙黃色，光線比較暗，感覺有些浪漫，窗台仲會放左唔同種類的日本酒去到當然點了個頂級安格斯牛吉列御膳$368，聽講是使用美國肩胛肉整的，食落有層次感，炸到好香的吉列加上，滿是肉汁多的香濃牛肉，而且油脂分佈平均，其實可以燒到8成熟，味道會更佳另外叫左個魚生丼$138食有角切魚生飯，沙律，豚肉湯，好便宜，出面尖沙咀食都未必食到以個價錢，有三文魚，吞拿魚，八爪魚等，沒有給好少，而且大大塊，如果唔想食生的魚生，我提議可以用爐燒熟食最後叫左個三文魚吞拿魚燒餅$78同出面食大板燒味道差不多，但特別在是用魚生配搭燒餅

好耐之前食過一次呢間 今次就帶埋朋友再黎食吉列牛😆 味道果然沒有令我失望將吉列安格斯牛肉放上鐵板燒❤️生熟度可以自己控制😉牛排有肉味又JUICY!!見到基本上台台都有叫呢個吉列牛😍_魚生丼🍣前菜既沙律已經令人好驚喜，有D似蟹籽沙律同中華沙律嘅結合🥗魚生丼有好多種魚生，包括有三文魚、吞拿魚、玉子等等。食落去好滿足，配埋碗高麗菜豚肉湯清清地幾正❤️_三文魚吞拿魚燒餅🥞食日本既自己都幾鐘意食燒餅，面頭既三文魚碎粒配上足料既燒餅，飽肚之餘又五會太膩，同朋友一齊分享食好正🥨

想試吉列牛好耐啦， 今日終於試到了。吉列牛外面薄薄的麵包糠，上枱時就是外面脆皮，但中間保持生的狀態😗😗提供咗一個日式細燒爐，可根據個人喜好決定烤多久，決定生熟程度。如果份量可以多啲，性價比會較高🤣。 最開心就係啱啱撞到好耐無見的朋友， 佢叫咗個魚生丼套餐，有三文魚、油甘魚、吞拿魚、 甜蛋。 仲有琥酌沙律， 同埋 蔬菜湯。 佢話啲食物幾好食😊😊另外我就再叫咗啲套餐， 清甜風味料理。番茄🍅西冷豚肉烏冬🍜， 超濃郁嘅蕃茄湯底， 薄切豚肉肥瘦均勻， 仲有我最鍾意嘅粟米粒粒。燒芝士脆肉瓜🥒 ， 呢個真係超好食， 燒完嘅翠玉瓜仍然保持濕潤， 加埋芝士粉非常惹味🧀🧀日式餃子，呢個都ok啦 ，不過唔夠香脆。三文魚吞拿魚燒餅🐟🐟🐟🔥有啲似大阪燒， 味道都ok。順帶一提，侍應要多加努力啊， 優質的服務才可以留住客人。

今晚又是行街夜，在尖沙咀週圍行行逛逛後，在海防道行緊正在揾食之際，見到佢地既宣傳廣告，好似係專食和牛既專門店，尖沙咀係總店，太子係䑴艦店，記得上一次食和牛已經係去年在日本東京和牛燒肉餐廳啦！見到佢地擺放既和牛廣告，二話不說即時搭lift上十一樓. 餐廳內環境好有日本風，當晚6:30pm已入餐廳，時間尚早，人客並不算多，所以趁此機會影左好多餐廳內裝潢既相頂級安格斯牛吉列御膳，整塊牛已經切開，外面配上吉列，在熱爐上把一片片牛每邊燒上25秒（侍應生教既），配上三種醬料可即食，肉味好鮮甜，肉質嫰滑好淋，好juice三文魚吞拿魚燒餅，好多三文魚吞拿魚係燒餅，即叫即做，熱辣辣上枱魚生丼，刺身好新鮮，份量都頗大，有沙津，高麗菜湯及甜品跟埋以下是部份餐牌

第一次接觸吉列牛已經愛上，決定要多試幾間餐廳作比例，找出自己所愛的吉列牛，今次來到了尖沙咀一間樓上餐廳餐廳以深木色為主，每個座位均簡單地放有碟筷及紙巾，雖然鋪面較細小，但枱與枱之間寬敞不擠迫，少有地日式餐廳燈光昏暗，幸好每枱均有射燈照射著，未至於摸黑用餐～必點的吉列牛一共有6片，長度有如無名指，色澤鮮艷，脂肪比例少，只需煎15-20秒便可達到外熟內粉嫩的效果，肉質嫩腍，有嚼勁之餘亦容易咬開，更有肉汁流出，一點也不乾身，牛味尚算香濃，加上脆脆薄皮包裹著為牛排增添了不少口感，附上沙津醬、鹽巴及我稱之為味精的鹹醬，個人覺得適量鹽巴已經足夠帶出而不會蓋過牛鮮味料理內所包含之食物頗豐富亦十分齊全，有小食煎餃子、串燒燒芝士翠玉瓜、主食番茄烏冬及甜品芒果布甸，可說是一個完整的晚飯套餐烏冬原來配以番茄濃湯呈上，濃稠的番茄湯底掛麵度高，有如品嚐蕃茄撈烏冬般，味道帶有茄膏酸甜，那味道充滿pizza的影子，湯內還附有明顯的番茄肉與皮，為湯底帶來少許我咩感與層次，而豚肉大小如手掌，脂肪不多肉質尚算腍身，略嫌豬肉味不足或未能突出到其鮮味煎餃子一共四隻，附上餃子汁在旁，餃子皮薄餡料味道清新，沒有突出任個一種配料或