瑞士咖啡室 (已結業)

雞扒公仔麵雞扒肉滑 味道剛好不會太鹹菠蘿包必食必叫 冇野取代到火腿奄列蛋香夠滑 配麵配包一流 朝早食返個靚早餐 份量岩岩好 價錢接受合理 快靚正 而且環境夠大乾淨企理 適合嘅早餐舖之選

平時通常都係來食早餐或下午茶，今晚一個人屋企冇飯食落咗去食，魚香茄子煲+凍0T 例湯沒有味道，但係個魚香茄子煲都冇味 祇有劣質油益味 只有杯凍檸茶正常😭 另外想反映一下樓面阿姐 新移民的廣東話 當然沒有問題沒有歧視 對客人招待也尚可 可是聽到她指揮其他同事工作的態度180度反轉 我作為客人聽到都想出口幫其他受害伙記

到咗樂富，唔熟地頭又有啲餓同攰，於是想坐低食少少嘢 。唔知食咩之時經過呢間嘢，比個餐牌張相吸引住。金磚（即係西多士）配瑞士雞髀，見$42都幾抵，於是就試下。食物來到後面，見到賣相都ok嘅。西多士夠厚同香，炸到啱啱好，唔會太燶或者太淡色。厚度夠厚，咬口感覺唔錯，唔會好似有啲茶記太薄，而且中間有花生醬，味道點綴得幾好，又好香口！牛油同糖漿方面要讚一讚。牛油係獨立包裝，唔似有啲茶記幫食客落埋牛油，咁樣食客就唔可以依照自己的喜好調整分量。糖漿個樽好乾净，完全無上一手用完滴落嚟嘅糖漿痕跡。但係隻雞髀就出事喇！肉質居然竟然好“鞋"口！完全失望！杯奶茶都算ok，但若果再幼滑啲就好喇。總體來講，只可以講ok咋!

之前食過一次，味道還算中規中矩⋯今天再去食午飯，而家疫情嚴重但係啲碗碟同餐具勁污糟⋯仲有紙巾水同食物殘渣黐住！叫咗個茶餐，個福字麵湯底同塊豬扒完全冇味，條腸仔仲要苦苦地⋯店員放低奶茶是完全摸着咗個杯口⋯仲要粗暴到錢晒啲奶茶落佢自己隻手同個杯身度⋯一個茶餐$60我都唔係要求d咩⋯但係依度連基本野都做唔到⋯我朋友叫咗個咖喱牛坑腩飯，啲咖喱完全係水咁⋯嗰幾舊所謂牛坑腩完全唔入味冇味都算，仲要韌到咬唔開！整體店員又勁冇禮貌！一定唔會再幫襯！

瑞士咖啡室今日去開樂富，發現原來樂富瑞士咖啡室都有餐牌好厚好多選擇，睇到我眼花繚亂常餐瑞士咖啡室出名瑞士雞翼同瑞士雞髀 ，瑞士汁煮得好入味瑞士汁嘅味道都挺濃，雞髀煮得啱啱好唔會太老同太乾👍🏻👍🏻👍🏻👍🏻火腿奄列👍🏻蛋炒到半熟，仲有啲蛋汁係最好味既！魚香茄子煲上枱熱辣辣分量十足茄子嘅份量超多，整體唔會太油而且煮得非常有鑊氣值得推介整體黎講，裝修幾有懷舊感覺，待應姐姐服務態度都幾親切份量好足， 食物質素同以前一樣好#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig

在疫情下去支持香港食市，因疫情下圍了很多膠版，已舉手叫侍應，等幾分鐘都沒有人過來，所以要企起身叫侍應落單，但他們見到不會理會我們，又一位還要去傾手電，唔怪之得中午無乜人幫襯！

假期走出去探契媽，順便幫佢買啲餸，辦妥所有事情之後就到樓下樂富商場行個圈，見到裝修充滿香港特色的冰室～瑞士咖啡室 ，有我媽咪好鍾意的麻雀 feature wall , 肚子餓一於食飽先再逛街。瑞士雞翼 $20來到瑞士冰室怎可以不吃瑞士雞翼呢？雞翼熱辣辣，肥美多汁，瑞士汁上晒色，賣相柔潤有光澤，十分入味。炸雞髀薯條 $35令一款咖啡室名物，炸雞髀食得出生炸的滋味。大大隻炸雞比分量十足，皮炸得很脆口，肉質入口仍然充滿彈性。薯條沾茄汁更加係美味到極點。金菇肥牛粉絲煲 $73小菜煲仔熱辣辣香噴噴，肥牛相當有肉味，粉絲吸收晒牛肉味的精華，相當好味。套餐價錢已經有齊白飯、湯、凍飲品加$3，凍鴛鴦 味道夠晒正宗，無敵好味。非一般乾炒牛河 $58講到碟乾炒牛河識飛一樣，果然真係好味，味道帶點微辣，椒鹽鮮魷 $82椒鹽分量大碟，惹味十足，鮮魷爽口彈牙，加埋碗白飯一齊食，真心一流，飯都可以食多一碗。紫薯藜麥特飲 加 $5 就可以升級特飲，當然要試一下我最喜愛的紫色，紫薯藜麥入口軟滑，特飲 甜度適中，紫薯味道濃郁，好好飲啊！總括而言，這裏的中式小菜套餐或者是咖啡室西餐，價錢都非常親民，小菜有鑊氣，座位又闊落

今日約了朋友拎野，近近地係樂富開飯。見到這間茶餐廳餐牌有小菜叫，款式又多，二話不說就走了入去。我們點了小菜餐， 金菇肥牛粉絲煲 $73，粉絲入晒牛肉味，相當不俗。 餐會配 餐湯 、白飯及飲品，我點了至愛的凍檸茶，茶味夠👍蝦醬鮮魷炒通菜$78, 份量夠大，蝦醬鮮味十足， 鮮魷爽夠，送飯一流。 跟了杯紫薯藜麥特飲(加$5)， 紫薯味濃，加上 藜麥有咬口，很特別。另外單點了這裏出名的瑞士雞翼(全隻）一份$20，有2隻， 豉油入味，正……食完曬嘢仲有糖水送，是木瓜雪耳糖水 ，唔太甜，正合我口味😍這裏的小菜親民價， 比起去酒樓慳返唔少茶芥錢， 而且坐位闊落 ，下次黎開樂富，一定再來。

今日陪奶奶去樂富探二姑奶，晚飯時候，姑奶帶我們去附近商場的瑞士咖啡室食晚餐，咖啡室裝修擺設以懷舊為主題，尤其係牆上用麻雀砌成的招牌最為吸晴，座位以卡位為主。坐得舒服。鴨腿湯飯：湯底以雞和豬骨熬煮，將炸過的鴨放入湯內吸收湯的精華，鴨肉軟嫩香甜，加上清甜瓜粒，是夏天消暑的滋味湯飯之一。豉椒斑腩炒河：斑腩沾粉漿炸熟，河粉炒得夠鑊氣，並調了一個濃郁的獻汁炒，十分惹味！蒜子枝竹魚腩煲：魚腩沾粉炸過，與枝竹一齊炆煮，並加入蒜子增加香味，魚腩鮮嫩，枝竹有口感，被濃濃的蠔油醬汁包住甚惹味！滑蛋炒蝦仁：蝦仁大隻又爽口，蛋炒得嫩滑，加入韭黃和菇菌增加香味和口感。小菜套餐送白飯、餐湯和飲品，老火湯夠火喉，餐飲轉鹹檸七和紅豆冰只需加5蚊。好抵呀！

瑞士咖啡室向來是品質保證，所以往往都很受遊客歡迎，近期因旅客減少，所以亦不用排隊，很是方便。我先點了XO醬炒肥牛公仔麵，不得不說，炒公仔麵相當有鑊氣，一食落口，麵質條條分明，配上惹味的XO 醬，相當開胃，而肥牛是正常水平，肥瘦均勻，不會因過於多肥肉而令人卻步。另外亦點了黃金磚配瑞士汁雞髀，瑞士汁雞髀相當入味，而且肉質軟熟，一咬落口時，淡淡肉亦隨之鬆開，證明已在瑞士汁中浸泡已久，令其入味，至於黃金磚則炸得相當鬆軟，上菜時亦十分熱，配上牛油，兩者相互交融，味道出色。值得一提的是，這裏有提供原枝鮮奶及原枝巧克力奶，相當吸引。這裏大約$100左右，價格相宜，有吸引力。

去完九龍寨城公園行到樂富商場找地方吃晚飯，見到瑞士咖啡室的價錢比較便宜就進去。裝修亦見心思，有很多字牌，懷舊冰室的感覺。【鐵板蜜椒薯仔牛柳粒】鐵板熱辣辣端出來的時候還滾起，牛柳粒砌得大小一樣，索滿黑椒味，最出色就是薯仔粒，很入味！【瑞士火山蒸水蛋】這道菜等了20分鐘才上菜，側邊水蛋蒸得剛到位，中間的肉餅調味都不錯，鹹鹹味又有鮮肉味，口感亦算鬆軟。【蝦醬鮮魷炒通菜】蝦醬味道不太濃，不過鮮魷就幾新鮮而且彈牙，通菜不太油膩，整體來說不太夠鑊氣。【薑檸樂】比較少茶餐廳喝到，最適合喉嚨不舒服的時候喝。

收工諗住食個快飯，所以去咗呢間喺樂富商場嘅茶餐廳，自從樂富商場裝修之後，食嘢方面都貴咗唔少，瑞士咖啡室算係比較affordable。叫咗個二人套餐，有兩碟餸，每個餐附送一碟蟲草花白菜、一碗湯、兩個白飯同兩杯嘢飲，都算幾抵食。用蟲草花煮白菜係有心嘅，唔似得其他茶餐廳普通白菜，但係唔知點解白菜嘅根部都比較苦，唔太肯定係因為洗得唔乾淨有殘餘農藥定係本身嘅食材問題。主菜方面，栗子滑雞煲同埋個薯仔牛柳都幾好食，尤其係薯仔牛柳，牛柳都幾嫩口，一嚟到個鐵板都仲熱辣辣渣渣聲~嘢飲叫咗一杯草莓檸檬茶同一杯藜麥紫薯，杯草莓紅茶就唔算太特別，其實只係士多啤梨syrup 加檸檬茶，不過朋友話紫薯嗰杯幾好飲~

港式茶餐廳其實對很多港人來説~~都算是心中的童年回憶^^長大個之後，間唔中都會好突然挂住呢種味道。所以今晚收工就決定去附近尋找童年的味道，聼朋友說附近有間裝修很有復古感的茶記~~當然要來朝聖下拉^^今次我地2個人，晚餐時段就order左 西多士+炒公仔麵+小炒~~央加西多士濃香幼滑的咖央醬，鹹蛋同椰 漿融合而成的金黃沙質地，上面放住一大片牛油，料真的很足夠多！再加上糖漿，每一口感都很一流^^美極金菇肥牛炒公仔麵美極獨特的味道很濃烈，可以提升菜餚的自然鮮味，配炒公仔麵一流！知道茶記通常都大大份又抵，已經盡量叫小D野share~但真係估計唔到甘大份，而且D金菇肥牛好多塊呀~~真心好滿足ar！茄子牛仔骨煲出到黎先知道是用鐵板而煮成^^會比平常的小炒更顯香爆味~牛仔骨一D都5硬，都算容易咬開，5洗怕咬到牙痛片片都大道手掌心甘，很足料^^晚餐set，配白飯和餐湯。餐廳有幾款特別飲品：#薏米紫薯#草莓檸檬茶好創新，味道獨特之餘又5錯wo~

咖啡室竟然有好味嘅雞煲食!麻辣雞煲 （包白飯，例湯） $98家姐一向鍾意食雞煲，佢睇到依度有雞煲食，其他餐牌都無睇，就咁點左依個雞煲。果然無令她失望，端上雞煲時，已經聞到濃香而獨有嘅味道，麻煩雞醬汁香濃，唔會太辣有啲麻香， 而且入味，雞肉唔會因為煲得耐而硬身，成個煲一啲都唔肥,配料配菜都不少，而且送左一碟生菜，爽口而又容易吸曬美味嘅辣雞汁。依個餐包嘅 羅宋湯真係不得了， 絕對唔係 只係水汪汪， 啖啖都係湯料， 除咗有蕃茄仲有蘿蔔同埋菜等等，十分香濃足料，再叫埋杯冰凍咸檸七,飲完成個人舒服曬！去冰室當然要食個西多士， 叫咗個脹懷舊西多士做甜品，十分厚身，脹卜卜，而且金黃香口，十分推薦大家點嚟食！

我同屋企人夠唔夠都會去樂富行街食飯,今日行完一城超市見肚餓, 上次食過黃店西餐，蠔店，今次揀咗經典茶記瑞士茶餐廳食。呢度裝修都幾好十足香港舊式茶記咁。 阿基你講依家都叫選擇多除咗咁多唔同新名嘅茶餐同埋港式粉麵飯， 仲有雞煲食添。我哋選擇咗二人套餐 “孖寶小炒王”,呢個餐包括兩碗湯，中湯同埋羅宋湯。 嗰度有12度送畀你揀客人可以揀兩款， 另外有一碟蟲草花上湯浸時蔬同埋兩杯飲品 。中湯係粉葛湯呢個湯而家嚟講好啱飲因為佢又去濕功能， 個湯有豬肉同埋紅蘿蔔。 羅宋湯啲湯渣有好多而湯渣都非常入味 同埋偏傑身。主菜選擇咗鐵板蜜椒薯仔牛肉粒同埋芝士焗西蘭花蝦球。 兩個主菜都色香味俱全， 鐵板上面嘅食物keep住熱同埋延長佢嘅新鮮度， 都有不少牛肉粒食樂肉粒都細嫩，薯仔夠綿， 另外有不少青椒 balance番個邪惡感。芝士焗西蘭花蝦球，每碟都有五隻大蝦， 下面有新鮮西蘭花 都比香爐焗咗嘅芝士鋪滿著。 令每幅西蘭花都很香口， 送飯一流 。 飲品 都係茶記飲品例如杏仁霜， 朱古力咖啡及奶茶等等。 但如果你想飲紅豆冰,凍檸7嗰啲都只係另加五蚊咋， 好抵. 今晚依個餐，十分豐富其實三個人食加少少嘢，都夠飽。