甘棠燒鵝

营业中

休息中

環境：去到果陣人唔多，肉眼可見起碼有兩三張空台，因為佢隔離就係保齡球館，所以感覺比較嘈，有啲影響進餐體驗服務：不過不失，態度還算OK食物：叉燒甜度剛剛好，燒腩仔層皮有啲硬唔夠脆口，肉類基本都偏油膩，好容易滯總體嚟講唔算係踩雷嘅，不過性價比唔係好高

今日早上同家人有活動要去銅鑼灣南華會，活動後發現，南華會保齡球場原來有間燒味餐廳，咁就一齊入去試試佢入到去發覺位置係寬敞的，坐得幾舒服, 顧客唔算多，可能因為位置比較偏遠的關係我地總共6個大人，兩個小朋友，所以都叫左唔小野1. 半隻燒鵝燒鵝表皮燒得香脆，鵝肉唔會話太肥，味道不過不失2. 西班牙豚肉叉燒叉燒醃得入味，點埋碟中的蜜糖，味道配合得恰到好處，但略嫌叉燒太瘦，唔夠肥3. 香妃雞依個係咁多碟最好味的，隻雞整得幾香，咬落去隻雞好滑，擺盤亦都好有心機，推薦！4. 燒腩仔表皮燒得香脆，味道不錯5. 蝦子紮蹄依個係比較特別的菜式，其他地方比較小見原來係腐皮中間夾雜著蝦子，腐皮係煮的途中索左蝦子的鮮味，味道鮮甜總括而言，燒味味道尚算不錯，香妃雞最好味，味道香而雞身保持滑溜，推薦！叉燒味道也不錯，推薦而燒鵝反而相對失色，只叫不過不失

難得嚟到唔洗等位，諗都唔諗就坐返低，馬上點個燒鵝加瀨粉做下午茶。燒鵝略微乾咗啲，湯又偏鹹，瀨粉就係普通瀨粉，整體嚟講冇預期咁好味，想試埋傳說中嘅甘一刀叉燒，點知話一早已經賣晒，下次請早，失望加失望

作為燒鵝狂熱愛好者嘅我，今日再次嚟到甘棠燒鵝探店。可能係我太貪心了，諗住一次過可以試多幾味菜，所以點多咗搞到食唔晒，本來人均200左右直接去到700。廢話少講，嚟到呢度必點嘅首選燒鵝，食燒鵝必點下莊，呢間嘅燒鵝出品都唔錯，外皮焦脆，肉都幾香，但係可惜成隻鵝偏瘦，影響口感，綜合水平嚟講稍微差咗啲

一行七人到這裡食晚飯，若然不熟路，真係想像吾到保齢球場入面有間食肆。琵琶鵝$980，首先完隻上枱打咭一流，之後再斬件，初初食微暖皮好脆，凍左真系好肥膩。甘一刀肥叉燒$280，大大件，肥瘦均勻，加上大量麥芽糖，幾好。亞姐推介左個小食，豬心蒂$200，幾爽口，但略貴。一品鵝雜煲$700，鵝腸、鵝掌翼、鵝肝/腎、豆付，雖然份量不少，但價錢又系偏貴。薑汁芥蘭，只可以話系薑粒完全冇薑汁味。上湯豆苗，清清地，吾錯。皮旦酸薑，冇試。旦白杏仁茶，旦白好多，杏仁茶就比較浠。埋單 $2906，試過便算，應該冇下次。

一間隱藏係保齡球館嘅燒鵝店，環境都算乾淨，不過隔離係球館，有時會好嘈，不過呢啲都係無傷大雅。雖然賣點係燒鵝，不過呢度嘅叉燒真係幾唔錯，唔會好肥膩，綜合嚟講係幾好食，不過一人一舊夠晒。燒鵝我哋點嘅係下莊，冇叉燒咁驚艷law，如果係路過求其食就冇所謂，但係專程過去食就冇乜必要

之前係網上睇咗幾個美食KOL嘅推薦，基本個個都話呢度嘅燒鵝好好食，今日專程嚟南華會試下係咪真係咁把炮。可能係預期有些少過高，味道唔會話好差，幾好食但係就絕對就唔係話十分驚艷果種，叉燒都好食過佢燒鵝。好在今日人唔多唔洗點排隊，不過埋單就有啲貴

大部分菜式都唔錯，但係燒鵝就真係麻麻，食落去嗰種乾嘅程度，有啲似鴨唔多似鵝，鵝應該係偏肥美，味道得返一個評價：太平凡！作為以為燒鵝做招牌菜嘅粵菜餐廳，咁嘅出品有啲接受唔到，服務同埋環境整體都係OK嘅

店鋪位置真係好特別，就係南華保齡球館裡面，第一次差啲以為自己行錯路，好彩問咗人指路先知冇行錯地方！問路人話呢度燒鵝好食不過價錢就偏貴。肥叉第一啖入口唔錯，不過食多兩啖就好滯，燒鵝就同其他燒臘店差唔多，皮蛋就麻麻哋

其實都算OK，不過啲燒鵝其實就冇想象中咁好味，一般般，其他菜式粥粉面飯就係正常水準。店鋪裝修雖然唔算太豪華，但係位置都夠，唔會覺得逼夾！不過食物整體就冇乜意外驚喜，試下都係冇壞嘅，但係燒鵝個價錢有啲貴，值唔值咁就見仁見智啦

難得放假有朋友約我打保齡，僥倖贏咗餐晚飯，所以就近選擇嚟甘棠食返餐燒鵝。上樓悶熱潮濕，餐廳位置唔算話太難搵，不過感覺一邊食燒臘一百年聽住打保齡啲聲好似有啲違和。肥叉好甜好漏，脂肪同肉分隔得比較明顯，燒鵝嘅話就顯得稍微平庸，冇乜出彩

網上睇到關於甘棠燒鵝嘅KOL介紹，抱住好奇心特登嚟試下一探究竟！！餐廳就保齡球館果一層，搵咗都唔算好耐就搵到。店員嘅態度都OK，都算話頭醒尾，不過前台就cool咗啲，唔知以為好多人爭佢錢。叉燒係絕對滿意，雖然膩滯但係口感非常特別，燒鵝就麻麻，冇講得咁神，如果話特登嚟食嘅話就冇乜必要。總體嚟講今次用餐體驗應該就有7分左右！

甘一刀叉燒，外層口感好脆，唔知到係用邊一個部位嘅肉，肥而不膩，唔錯西班牙叉燒，味道好似甜得滯，因為食完第一款再食呢款叉燒一對比就唔覺得咁OK琵琶燒鵝，完全唔掂檔，啲皮一啲唔脆，好肥膩油雞比，冇乜雞味，豉油都麻麻，反而啲蜜豆幾好食

打完保齡唔想周圍去，就近揀咗呢間琵琶燒鵝：因為我哋人唔多，所以先叫咗份例牌下裝，皮夠脆，不過皮下低就基本都係肥油，冇乜肉西洋菜湯：料係好足，不過唔知加乜魚落去，飲落有少少腥味金錢雞：味道唔錯，不過食唔出係乜材料皮蛋：食唔出有乜特別

打電話去訂燒鵝，去到坐低話冇，問佢點解留咗都冇，佢話冇就冇只係剩返下裝，仲要夾我快啲落單，如果唔係冇埋啦！山長水又遠諗住去試吓，點知焗住一肚氣。之後問佢仲有咩介紹？小炒王 (埋單時超貴)，最慘唔好食，連普通舖頭都不如。滷水拼盤得鵝腸，鵝翼，鴨腎&鴨肝，擺到亂七八糟好似垃圾一樣。沒有服務態度超差，食物質素也差到一個點。最後埋單$17xx 依間舖頭，食物質素沒有，服務質素沒有？佢哋嘅服務態度連大排檔都不如，