甘棠燒鵝

营业中

休息中

「甘棠燒鵝」喜歡燒味既一定要去試試😍滷水鵝肝 鵝肝入口即溶，配上滷汁，好惹味😋燒鵝啲皮好香好脆，肉質嫩滑，醃料唔會蓋過肉味，大推✨金錢雞食落爽口，配搭蜜汁，好滋味滷水墨魚滷汁岩岩好，唔會過鹹，食得好滋味☺️

燒鵝：呢度啲燒鵝脂肪含量真係有啲高，高到我們只點了下莊，感覺冇食到幾多肉落肚，非常油膩。叉燒：雖然大家褒貶不一，但想我覺得體驗幾好，雖然都係偏肥膩金錢雞：口感幾豐富，店員極力推薦墨魚：醬汁完全處理咗腥味，但係食落同街邊果啲冇乜區別。價錢：3個人求其咁幾個餸就已經1200幾，真心唔平，但係都可以接受

難得BOSS話請客食飯，我呢啲咁為食嘅食客點會錯過呢一次機會。今餐係嚟到大家口中嘅燒鵝聖地--甘棠燒鵝，之前聽就聽得多，都未有機會一睹風範。燒鵝賣相冇乜特別修飾，都係斬好直接擺碟上菜，口感我認為就偏肥膩，對比返另外一間同姓都係賣燒鵝果間就爭咁少少。其他炒菜都係一樣，唔知係咪啲油落得多，成餐飯落嚟食完就係覺得好滯

雖然門口寫住唔係member唔入得，但係其實係隨意進入，大家唔需要擔心。松花皮蛋配酸姜，皮蛋就係同我平時食皮蛋瘦肉粥果啲皮蛋差唔多，酸姜味道濃郁，不過切得唔夠薄琵琶燒鵝，啲夥計會提前問你對花生會唔會過敏先淋啲花生汁上去，但係其實燒鵝本來已經好漏，再加埋啲汁水會更加油膩上火，味道一般般叉燒，出名果種肥叉沽清，剩低瘦叉燒，味道都可以

咁啱約咗F嚟銅鑼灣呢頭，諗住試下好出名嘅甘棠燒鵝。叉燒佢哋話係一定要試，佢口感同傳統果啲叉燒唔同，比較軟糯，有啲類似東坡肉果種口感，無奈我唔多鐘意食肥叉，我覺得叉燒肉質都係要硬少少先好食。燒鵝都係招牌，下邊有啲唔知係乜豆墊住。有碗綠色嘅菜湯，味道怪怪哋飲唔慣。皮蛋，價錢有啲貴，冇乜特別。另外呢度可以一邊食嘢一邊睇人地打保齡，都幾過癮，大部分選手都幾pro，應該有唔少高手

天時暑熱，唔知去哪裡消遣玩樂，有時連食慾、胃口亦都麻麻地。晚飯時段，真係想法不多，但T先生諗到南華會內既<甘棠燒鵝>，飯後亦可以打場保齡球，咁就過來啦。來到南華會時大概晚上7:30多啲，2人座得返一張corner枱，否則要等⋯我和T先生覺得可以就入座了。餐牌主打都以燒味為主，由其係燒鵝，一場黎到，點都要試吓燒鵝質素係點嘛。📍燒鵝下庄 $220燒鵝下庄，堆成一個小山丘咁，賣相不俗。而味道，皮唔太夠脆，似放耐左；由於是下庄，即係髀既位置，會有些嫩肉，但我地食唔到最嫩最滑部份。成個庄感覺唔完整，似砌出來😢 好在唔太咸，味道合格only，但賣呢個價錢，都幾搵笨，唔太推薦。📍南乳炆粗齋 $168比想像中大碟！味道上亦很有驚喜！食材上有白菜，粉絲，幾款菇類，枝竹⋯好多時南乳會偏咸，但這裡調味適中剛剛好，而菇類亦煮得腍身和入味，將咁多款食材一齊煮時好夾，一定配白飯食，令你扒多幾口😋📍鹵水鵝紅 $38細細碗而份量較少。而味道上，對T先生來說，非常有驚喜😆 好滑口感似豆腐花，好入味，但價錢稍貴。📍豉椒粉鵝腸 $180呢款我係嘩一聲，好大碟而且會smell 到豉椒味。食材有鵝腸和其他配料，

叉燒味道可以，不過太肥膩，同埋分量唔多，基本一人夾一舊就冇；酸姜皮蛋作為招牌前菜一定要試，唔錯。鵝掌扎因為太遲先到，一早就賣晒，可惜。琵琶燒鵝，因為我哋人唔多，所以先點咗半只，同叉燒一樣偏肥膩，食唔出有乜特別

去開南華會既波友話唔定都試過呢間餐廳，小弟去玩桌球間唔中都會和朋友一齊食下。✨燒鵝半隻（$320）燒鵝肉質好飽滿，鵝肉味好重，燒鵝調味夠入味而且不鹹，份量比足。✨燒鵝叉燒飯（$75）燒味雙拼飯價錢可能算中上，叉燒半肥瘦幾好，燒鵝有水準味道好食，飯量食得飽。✨西班牙豚肉叉燒（$150）因為好奇菜式名而點咗呢道菜，賣相比較特別，口感及味道食落似臘肉，但又不是完全乾身不會很硬。上菜速度都頗快，如果去打波諗唔到食咩，可以一試。

環境：位置有限，基本每圍都係搭台，好逼夾，點多幾味餸真係張台擺唔落服務：中規中矩，有部分夥計反應有啲鈍，一啲都唔醒目，不過收銀果位姐姐人就幾nice琵琶燒鵝：賣相OK，不過呢隻鵝就開頭果幾啖食得落，到後邊完全食唔落，太滯了薑汁炒芥蘭：薑汁味太重啦，芥藍冇乜味

個個都話嚟到甘棠就必點燒鵝瀨，食好嘢當然係要跟大隊試下呢度嘅燒鵝瀨燒鵝汁唔知係咪落得太多，感覺成碗湯溝埋啲燒鵝汁有啲鹹，唔知佢湯底係乜嘢成分，完全已經鹹到飲唔出湯底本身嘅味道燒鵝皮幾脆，睇得出基本功夠扎實，但係唔知係咪火候過咗，肉質有少少鞋，好韌

座位唔算好多，不過整體感覺都幾乾淨，坐落去又唔會覺得逼夾，啱啱好上菜速度都OK，不過服務態度感覺參差不齊囖，有部分店員態度唔錯，有幾個就好懶散，唔知係咪新嚟嘅菜式主要都係燒味為主，燒鵝賣相可以，味道就比較普通冇乜特色，叉燒肥瘦啱啱好，送飯一流

甘一刀叉燒，呢個係朋友同啲KOL都極力推薦嘅一味菜，調味唔錯，可惜太肥膩，同埋分量有啲少，其實唔需要斬太大舊，細舊啲可能仲啱我燒鵝，冇乜話特別好食，就好普通嘅一味燒鵝金錢雞，口感唔錯，偏鹹咗少少蜜汁燒雞潤，比較驚喜，值得一試

同朋友去打保齡球，第一次幫襯呢間餐廳，平時都係落返銅鑼灣食。同朋友叫咗兩碗燒鵝瀨，食咗半個鐘左右，就走嚟至少三次問食完未幫我哋收咗啲碗。而當時我哋碗入邊仲有差唔多半碗未食完。眼見舖頭入面都有空枱又冇人等緊位，使唔使咁急收我哋啲碗？過咗嚟收幾次碗，已經覺得有啲煩，幾乎係滋擾嘅程度。食個飯傾吓計，你走來係咁收人啲碗，仲要我隻手仲攞住對筷子，真係好冇禮貌。講返食物質素，燒鵝係比出邊一般嘅燒味店好食少少，價錢貴過出邊都算合理，但未去到會專登去幫襯嘅水平。位置來講，對鍾意打保齡球嘅人嚟講係幾好，可以一路食一路睇人打保齡球，玩完即刻有得食叫做就腳。不過希望啲服務員能夠做到對所有客人都一視同仁。

金錢雞、燒鵝、甘一刀肥差燒、大班差燒、涼瓜炒苦瓜、西洋菜煲生魚、湯瀨一碗，這個菜單，真正我的口胃。是的，是膩了一點，但襯健康還可以，多點運動懺悔便是。甘棠燒鵝開在南華會，據聞「甘」是中環鏞記家族的其中一位，「棠」是曾經主理鏞記的「棠哥」。一般我對故事背景興趣不大，好吃的誰煮誰理根本不重要。以前去鏞記，甚麼都好吃，除了燒鵝。想當年我經常不明白，馳名燒鵝的鏞記燒鵝最不好食，這是甚麼道理？還是因為我不是富豪大款所以好吃的我沒份？知道甘棠是鏞記的人出來開的，起初其實有點卻步，但朋友說不去便走寶，所以就去試一試。嘩！上面寫的幾味，每一樣都頂級好味，如果與鏞記是同出一脈，絕對可以替鏞記「洗底」！燒鵝好食，不用形容。差燒呢，「大班差」是正常做法的那種，好味，但不是未吃過的味道。「甘一刀」較肥，我就非常喜歡。夠肥美，差燒頂層刻意燒燶，肉味香味滿瀉，極品！涼瓜炒苦瓜原來是生炒熟炒兩種炒法放在一碟，喜歡吃苦瓜的朋友一定要試。這餐廳枱不多，晚上walk-in應該不用試，有心便預早訂座。反而中午比較疏落，午餐來一碗燒鵝瀨粉加兩件差燒一碗靚湯，一生何求！強烈推薦。

資深同事突然間想食叉燒，佢本身都係一個叉燒控，食過好多唔同餐廳既叉燒，佢最推介呢一間，要訂先有既”甘一刀”，仲要吩咐我一定要訂兩一碟。我地一行4人去食過富貴lunch ! 前菜店經理推介左皮旦同蛋卷。皮蛋一般般，無雪花同流心效果。腐皮蛋卷係凍食，有紫菜，食到有蝦籽，都幾特別。燒鵝一上碟就好香，個皮好脆，肉嫩，現場食好正，我覺得好好食😋同事話一樂定甘牌好食啲。我覺得都幾撞手神，要睇天時地理人和，隻鵝靚唔靚，同師傅手勢😏上次我食甘牌同鏞記就一般般，可能外賣返屋企有關。甘一刀隆重登場，資深同事話一定要食！係梅頭肉，好食，彈牙，入味，雖然係因為有舊肥肓先好食，食左先再算！但食幾舊就會漏，都好厚切下！一隻手指甘厚！西洋菜湯另一招牌菜，佢唔似吖媽煲個種，係有少少西式湯甘打碎矖啲兩洋菜去處理，先有甘綠既湯，再加上店經理話係五十年以上既陳皮煲既，所以有甘既價錢。可以一試。湯渣另上，係好大條骨去淆有肉梗要食啲菜，炒咗個蒜蓉豆苗。ok覺得燒鵝一定要配瀨粉所以叫左一碗。ok呢餐食得好飽，多謝同事請食飯。下次同屋企人黎先