生活知味

营业中

休息中

都有一段時間沒有去生活知味食下午茶了! 今日day off瞓到很晏，起身又突然很想飲杯台式熱奶茶，所以就去了生活知味食佢地的兩點三下午茶餐!這裡的下午茶餐牌咁多年都沒有變， 好在種類選擇依然很多! 今次我就揀左我至愛的台式牛肉拉麵，椰香多士，和熱嘅台式奶茶! 首先，我很喜歡這裡的台式牛肉麵湯底，很有牛味和花椒八角味! 而且牛肉又炆得很燜! 個拉麵幼身爽口，又有口感，咁多年都能夠保持此水準，實在難得嘅! 至於件椰香多士就略為薄身啦，而且椰香醬不夠，似乎慳左啲囉! 最後，當然係杯台式奶茶啦，溫度、奶味跟茶味恰到好處，味道依舊很有家的風味!這間小店在青衣碼頭開業了十幾年，每次去到總是有種「家」的味道感；雖然佢地嘅夥記態度就出左名好一般，但食物質素勝在保持到，而且性價比高，小妹都希望這間小店可以繼續承傳下去啦!

樓面態度極差，冇招呼，同事只係互相傾偈。十幾年都只係收現金，條數點報都可以，沙嗲牛肉麵，變咗鋼牙無沙嗲汁牛肉麵，牛肉無食水，鞋過隻鞋！晚市小菜同酒樓差唔多價錢，差在冇比兜花生你，雞扒一開二出，每塊起雙飛，唔知真係以為兩塊雞扒。

糖醋排骨骨米線，好耐之前食過，覺得好好食，但係而家越嚟越差！點解可以咁樣上枱俾人食？以前係分碟上，都仲有糖醋汁，而家如圖片，將啲肉同埋米線放咗一起，啲味道冇晒；我問返佢點解會擺埋一碟，佢話：「你冇講就會擺埋一齊」咁大家諗吓，點解鹽酥雞扒直接分碟上？食落去啲肉好嚡，仲嚡過煲湯湯渣！糖醋排骨冇排骨，糖醋排骨冇糖醋味，剩係得酸味！質素咁差，冇下次！！D肉我都唔好意思比隻狗食啦！

落雨忽然走到青衣，見到有間小店唔似茶餐廳似小店。懷住好奇心的我，梗係要決定要一試種類選擇都比較多，有幾樣嘢都好想食黃色圈就係oder 既食物🥘佢哋都好nice好有耐性，而食物都好快送到。雖然我好肚餓，叫嘅米粉都食唔晒🥲🥲所以奉勸正常食量嘅女士最好叫小米，咁就唔使浪費食物☺️另外職員知道我想食少少少少辣，所以佢哋好細心將辣另上～肉燥飯白飯上嚟嘅時候熱辣辣~我相信假設冬天食嘅時候一定會好暖胃❤️不論味道及份量都係👍👍

晚上叫外賣，遲過我到店堂食都差不多食完，兩盒飯等咗差不多30分鐘，問有得取未，又話差煎蛋，見佢冲好杯凍檸茶擺度冰都融晒，只顧住招呼熟客，毫不著緊其他生客。美極煎豬扒乾憎憎，豬手皮烟韧,炒反底都可以，買外賣就係想快，再者兩款飯於餐厅來講其实無難度，都要等咁耐，無下次

入到去，叫兩位。成個唔優做嘅態度同我哋講叫我哋出返去等，喺佢面前佢執唔到枱。真係好想試吓企去面試佢執唔到枱，佢成日做唔到生意零收入係點😀如果你係賤骨頭想受氣嘅話，就入去食啦。😊

位於青衣碼頭翠怡商場不可多得的非連鎖式餐廳。交通方便、商場有泊車位。常常幫陳早餐下午茶，午餐晚餐也有很多選擇。素食者也有不錯選擇。如果你不想只吃雪菜肉絲米、火腿炒蛋通粉、沙嗲牛肉麵做早餐，誠意推介這間餐廳。喜歡食物：（早餐）雞絲/雞中冀/糖醋排骨/豆腐加酸菜/知味豬排米粉/拉麵，湯底清香、各款多士、凍飲不用加錢，至愛凍齋啡走甜小冰、（午餐）蘿蔔牛肉拉麵、冬菇肉燥飯、米缐、香蔥撈麵套餐；（下午茶）台式香腸沙律…各人口味不同，自己發掘吧

Intro: 青衣翠怡花園樓下商場有幾間小餐廳，而今次幫襯嘅呢一間已經開左好多年，記得十幾年前嘅質素唔錯，野飲野食偏近台式，價錢麵好合理；但近年嘅質素下降左，可能係太多廚師變動，而價錢都唔算加多好多，但野食變番港式嘅味道，餐牌都算仲有幾個餐可以叫～___________________ 🍽 茄子豆腐肉燥飯💰 45 （套餐價包凍飲）⭐️ 7/10✍🏻 茄子有三條，炸得唔錯，咬落去茄子汁爆左出黎；✍🏻 豆腐同出面坊間唔同，個人更愛呢到嘅豆腐，外皮鞋鞋地、內裡嘅豆腐就好厚肉；✍🏻 最緊要係個特別蠔油汁，好夾茄子豆腐✍🏻 肉燥就好普通，有濕嘅肉碎同埋少細粒嘅冬菇，比較肥膩，飯就偏硬，肉燥飯扣哂分。🍽 香煎雞扒肉燥飯💰 48 （套餐價包凍飲）⭐️ 6.5/10✍🏻 雞扒相對豬扒大塊好多，煎得香脆，肉質唔會乾，比以前進步左；✍🏻 但雞扒嘅油分多左少少，好在下面嘅生菜吸左層油；✍🏻 賣相就係肉燥飯就加雞扒另上，如果切開一塊塊雞扒放上去肉燥飯到嘅賣相更吸引；🍽 手撕雞香蔥撈麵💰 45（套餐價包凍飲）⭐️ 7.5/10✍🏻 呢樣算係咁多個menu揀得落手，份量多味道唔錯而價錢平；✍🏻 建議餐廳用個大啲嘅碟裝住

價錢已經係唔算平，味道愈做愈差，請埋啲人更加係不知所謂，已經唔該前唔該後，啲態度仲要好似你欠咗佢咁。自從太子女接咗手之後，簡直係一落千丈。直接改名做不知所謂算啦，呢間嘢冇得救，行遠少少去食阿里山好過。

今日係翠兒無咩好食，試下呢間野外賣，點知中晒蕉😡🤬叫左個吉利魚柳+火腿米+花生醬多士，又無華田，得咖啡奶茶，檸茶檸水。個魚柳勁咸完全冇魚味，個火腿米湯底好似清湯加鹽咁，又冇分湯上。個多士超奇怪。蒜蓉多士上加上花生醬再焗一焗，又咸又甜不知所謂，佢一係全部都係蒜蓉多士，個客要咩就加咩醬，一係就清楚有多士，加上花生醬照比個客😑😑店員態度又差，成個餐要$4x，難食到死，唔明點生存咁耐。之後先知大快活有差不多早餐，下次唔會再食呢度。

我本身係住喺呢間餐廳附近嘅居民, 所以好多時間都會喺度食.以食物種類, 喺呢一區黎計冇乜類似餐廳選擇. 而且食物不過不失, 但我太太好鍾意食佢嘅茄子豆腐, 同埋佢嘅肉燥飯都唔錯.我就喜歡飲佢嘅台式奶茶, 台式奶茶飲落比較清, 沒有港式奶茶那樣濃厚.另外他的晚餐也可多選擇, 有港式和台式,特別是他的豬手套餐好抵食

餐廳位於翠怡商場，小店形式經營，商場內外都有入口💛星期五中午時間趁未有太多人，想先極速落單，不過餐牌內有太多選擇，選擇困難症的我想了好一陣子可以單點又可以跟餐，有米線、湯麵、滷肉飯等等。點了一個酸辣肥牛米線外賣，大約等候了5分鐘。.酸辣肥牛米線 | $38酸辣湯辣油味很重米線熱加重了辣味，反而酸味比較淡，只有酸菜的酸味，與我幻想中的酸辣味有點距離。肥牛都有好幾塊，但浸得耐比較韌，有一塊牛肉的顏色怪怪的變黑了。

翠怡良心之選翠怡我經常吃的大件夾抵食之選。而家裝修後仲有＄40特價小菜，＋＄10有飯有飲品。今日特價小菜係金菇肥牛煲，有新鮮菠蘿。柱候牛腩煲亦係水準之選，牛筋牛腩永遠都係咁冧，用筷子都夾斷牛筋，又大煲，上次食剩打包回家仲煮到一餐牛腩麵疫情緩和了，這店仍保持1.5m枱距離，真擔心他的經營。這裡的台式飲品也很出色，我每次都點朱古力＋＄4珍珠，無試過淡味不穩定。店就家庭式經營，茶餐廳一間，食物台式，店員港式，是香港人的味道。

去了青衣，看見招牌寫住台式餐廳，入到去原來是最普通的快餐，點了鴛鴦扒飯，非常難吃。豬扒及雞扒均是加入太多調味，肉質欠佳，似乎放了頗長時間。蒜蓉汁太多，一口氣鋪在上面，配合白飯，剎那變成漿糊。服務態度奇差，只有三十幾個座位，有四位阿姐，但全部站在一旁玩手機，黑口黑面，有時係度講是非。收銀也是不入流，量體溫沒有任何提示，忽然從側面伸出體溫器，甚不禮貌。54元，大體是熟客慣了口味，才會幫襯，我只後悔沒有先看看這裡的食評，OMG。

好難食，雞硬，菜凍，對上一次豆腐味有粟，雖然給予换另一碟，但感覺也不佳，最後放棄。d奶茶的珍珠d味又怪怪地……，衛生認真麻麻，千年抹㭘布用來抹枱後飄遊陣陣不悦味道一陣才散，食緊野仲拖地，食客仲食緊野未完d垃圾一路從㕑房推出，增添進食時濃烈味道(因地方窄小垃圾桶推出舆食客距離拆肩而過)，天花冷氣又有水滴枱，但不嚴重。最重要的主菜係仲見到今時今日d職員的極差及不合理服務態度。不用多講，原來睇之前食客評論d劣評比例已證明事實及大家心中有數。簡單: 不會再去吃。