生記茶餐廳 (已結業)

天氣開始涼涼地，有時太陽落左山之後寒寒地都想食啲熱野個個都話食蟹粥要去澳門一轉，食返官也街個間，但我食過幾次，食完之後口乾到不得了，應該係大量味精，貨色普通又貴又唔抵食。結果幾年都冇再出街食蟹粥，都係自己買蟹返屋企整過一次。前幾日男友講起想去澳門食蟹粥，心血來潮我就上網搵下香港有冇，結果.......比我搵到生記茶餐廳！！！然後我地就去試下。間野好有細個老豆帶我去茶檔食野嘅風格，舊舊地但都乾淨企理。可能個晚早去到，未有好多人，靚姐都比兩個人坐大檯舒服啲。我地叫左個細嘅蟹粥，上檯個陣用砂煲上，滾騰騰，有一隻蟹係入面。食個粥底好綿滑，好好食。攪勻埋啲蟹，都算幾清甜，性價比都唔錯。我地仲叫左一份炸墨魚咀同白飯魚，都算不過不失。因為個晚早食又未係好肚餓，其他佢推介嘅野就冇特別試。整體黎講，食完無乜口乾，價錢Okay，又唔洗去澳門同人迫都抵返到！

這間店雖然叫生記茶餐廳，但來這裡的人都是希望晚上去吃蟹粥。第一次去，同行人誤以為晚上八時要吃蛋治奶茶。吃過這裡的蟹粥($128/2人)，不需要再過澳門氹仔。每滴粥，都是蟹羔，非常鮮甜。食到最後，也不要放過粥焦，是米香的精華所在。唯一是在街上吃蟹，不能盡興。兩個小食點了蠔仔春卷($58)及蒸粉卷($58)。炸的春卷非常香口，蠔仔相對較小，一脆一軟，配合一流。蒸粉卷的蠔較重海水味，蒸香配上豉油，鹹香味濃。再來個蒸茄子，來點菜，補點纖維。雖然紅磡不算方便，但為了此鮮蟹粥，來這裡也真不錯。

未寫先興奮，坦白講勞蘇食未係生記茶餐廳食過唔好食既野係生記呀，話就話係茶餐廳，其實樣樣都海鮮平日夜晚8點黎唔使等，不過其實8點黎好可能唔少野都賣晒，入坐基本就係普通舊式茶餐廳，但服務都好好既餐牌絶對唔係誇，95%海鮮，亂叫都唔會伏今次決定試返晒招牌菜先，黎個膏蟹粥、椒鹽白飯魚、冬蔭公湯浸蜆、水蒸蠔仔腸粉我自己個胃唔夠大，下次先食返都好正既自選海鮮麵、墨魚咀個啲先黎細蟹粥，見住佢仲滾就知即叫即生滾，入口甜到，膏味慢慢出佢唔係走綿既路線，但蟹味濃，甜味夠食蟹，蟹件上都有膏，拎啲送粥簡直極品蟹蓋既膏多到超重蟹味，蟹件亦有肉，千其要食蚶，又濃又香又甜細煲共六蟹件加蟹蓋，五碗滿粥名不虛傳食到中途上個椒鹽白飯魚，唔好以為小野，隔離枱即問咩黎然後追加口感好正既白飯魚，味道正而好薄粉，仲好食到白飯魚既質感另一亮點就係水蒸蠔仔腸粉，一上枱已好香，皮薄蠔仔鮮而足料，必須講葱同茜，加埋一齊，又香又有風味必食之選，別處難尋最後就係冬蔭公湯浸蜆，放係最後食亦啱，因為比較辣同濃味，食完可能影響享受蟹既香甜食一隻蜆，不得了，肥美到，以為自己食埋鮮車厘蜆(坦白講原來只係第一粒係咁，但之前個啲都好鮮好味啦) 蜆味極濃，

新記嘅蟹粥真係由綿又鮮甜。 用砂煲嚟煲粥嘅我想相信應該香港絕無僅有，沙煲嘅好處就係佢可以受熱比較平均。 用嚟煲粥的話 ，受熱比較平均，粥會比較綿。粥入面有一隻蟹，蟹肉食咁多次都係絕頂新鮮，最值得一讚就係佢哋嘅價錢不貴。另外推介他們的生蠔春捲，更加值得一讚的就是可以兩條起。就算少人也可以吃到。炒麵亦都是一個不錯的選擇，他們沒有很鹹，而且面上色平均，乾身。坐位方面比較地道，意思就是他們沒有好的座位。落單方面最好一次過，如果唔係他們可能出菜需要比較長的時間。

好耐冇嚟生記茶餐廳食蟹粥，黎衣到食當然 要叫招牌蟹粥 和 豉油王炒麵， 另外仲叫咗 自家製 蝦膠響鈴卷。 蟹粥 粥底有啲 橙黃色 蟹膏味 濃， 炒麵炒得夠乾身 又有鑊氣， 響鈴炸到勁趣 整體水準保持

朋友都知我鍾意食海鮮，成日都會介紹d食到正海鮮嘅餐廳俾我去試。前排住紅磡嘅好友話紅磡有間食海鮮嘅茶餐廳好正，一於去試下。朋友話唔洗去澳門都食到靚蟹粥，粥好綿，蟹都幾好肉，成煲粥都幾鮮甜，不過我都係覺得澳門蟹粥好食d😜籠仔蒸蜆飯，幾出色，蜆又多，d飯吸引左蜆汁同蒜香味，熱辣辣，冬天食真係正！仲試左樣特別野，蠔仔水晶粉卷。水晶粉滑溜，蠔仔鮮甜，有驚喜。炸八爪魚丸都好彈牙，仲有一粒粒八爪魚肉，感覺都幾足料。

天氣凍，就想起食沙煲蟹粥，想下都暖入心。其實都有段時間冇食，水準一樣咁好，但份量好似細左，唔知係咪我記錯呢？必食當然係蟹粥，一樣咁好味，鮮甜。跟住我最愛炒麵。炸春卷，都係咁脆。今次試新野，冬陰功蜆，炸丸，又幾好。

每年嘅冬天，我都一定會去拜訪下生記茶餐廳食返個熱辣辣沙鍋蟹粥的。呢幾年亦介紹過好多朋友去，雖然比較地踎，但只要有好野食我都唔會介意的。今日去睇演唱會兼倒數前近近地即刻又諗起呢度喇。每次都必點嘅招牌菜: 冬陰公浸蜆、蜆肉春卷、沙鍋蟹粥同冬陰公蟹烏冬可望今年嘅蟹粥水準明顯下降。。。以前嘅都係見到蟹膏嘅淡黃色粥底，今次嘅完全無而且好稀身。。。蟹比以前更細隻無膏兼無肉失望！冬陰公蟹烏冬嘅蟹都係一樣啦蟹係呢間小店嘅主打，連招牌菜嘅質素都保持唔到，難怪唔見左昔日嘅人龍啦！以前全盛時期排成個鐘至有位，今日係除夕夜唔訂枱都有位。真心希望下次再訪能夠食得返從前嘅水準同味道啦！

好朋友話天氣咁凍，令佢回想起五六年前係呢度食過一個既蟹飯，回味到今時今日。見佢講到咁誇張，無唔試既理由，所以就決定係個偏涼既星期五晚上去試好彩行得快，黎到果陣岩岩好7點，唔駛等位就可以入座MENU其實有好多版，但黎之前已經諗好左要食乜，所以好快就可以落柯打呢度其實蟹粥比蟹飯出名，但兩款都試過既朋友話覺得飯好食過粥，加上我同佢口味相似，所以就揀蒸飯，再加兩個炸物“特”籠仔蜆蟹蒸飯 ($218) “特”同”例”既分別就係”特”多D飯。我估”特”既飯量應該可以裝到三碗滿飯送上枱果陣，無乜海鮮香味，反而薑味比較重一開頭見到個蒸飯舖滿蜆仔，不知幾開心!! 但原來呢個係惡夢既開始….我同朋友同時夾左一隻蜆入口，兩個都聽到”卡~卡~”聲….D蜆多沙到令我差D以為自己食梗炸蜆；基本上有8成蜆係有沙，有D仲係大粒沙…呢度D蜆完全唔掂，除左有沙之外，仲要蒸到好乾，無味…伏已中本身都唔預呢度D蟹會好食架啦，重點係蒸佢D精華落飯度既姐所以蟹細肉少就梗架啦，不吃也罷，反正無鮮味成個蒸飯比較好既就係個飯(注意只係比較好，唔係好食!!)，有汁既地方就好食D，無汁既地方咪就係飯味囉D飯蒸得太淋，可能呢度係先煲熟D飯，

This restaurant is very small. And it’s very simple and old, so don’t expect too much for the atmosphere.Crab congee: nice and fresh crab (1 whole crab per congee), congee is delicious and every mouthful is taste with congee cover with crab. Served with ginger and green onions as well. Oysters spring roll: never thought of spring roll with oysters but it’s so delicious the spring roll was fried perfectly! Fried Squid Balls: nice and crispy, can taste the squid in the balls, must try!!

成日經過間依間舖頭座地招牌寫著生滾蟹粥,今晚落著雨唔想去咁遠,突然就諗起依間舖頭喇.或者因為落雨,客人唔算多,即刻就入得去.平時成日見到有人等,所以抱持十足既期待叫咗鍋生滾蟹粥同埋炸尤魚.炸尤魚先到,真係細碟得幾誇張.但係係好味既,夠咸夠脆之餘,唔會因為係炸物就用唔新鮮既尤魚.不過因為太細碟而食得好唔滿足.蟹粥好快就跟著到,即刻撈起隻蟹睇下大唔大隻,完全同預期一樣,偏細,蟹肉唔多,但係夠新鮮,而且蟹膏甘香.粥聞落幾香,睇嚟煲得出蟹味喎.不顧滾熱辣咁呷一啖,係好味既,但唔係蟹粥味囉.粥底好綿,係我最中意既質感,味道都鮮,但真係唔係蟹味囉.無話係味精,或者真係用咗好多材料整粥底,但蟹既味道都出唔到嚟.或者蟹既問題,或者因為生滾粥好難咁短時間好難出味,但未聽過老火蟹粥喎.

今早一覺醒來,竟然八號風球,心下一沉,買了女排飛有機會閉門作賽,心想今天的計劃要打亂了,幸好風球的威力較弱,下午已經取消了,但沒有看女排,早前在電視飲食節目得知生記蟹粥出名,所以生日飯都來試試, 直接七點來到紅磡,由於很大雨,這裏又不太好找, 入面不算大,但已經坐滿人,如果不是一早訂位看來沒得吃,四人點了$28炸八爪魚丸   相當彈牙,墨魚味夠,炸漿夠薄,28元有六粒超值,強烈推介$58自家制蠔肉炸春卷  平時蝦肉炸春卷食得多,蠔肉就第一次食,味道有點似蠔餅,味道不錯,$128冬陰公蜆肉煲  味道不太辣,都有幾多蜆,如果喜歡冬陰公的朋友可以一試$58蒜茸蒸茄子 蒜茸味重,我好喜歡蒜茸加豉油蒸茄子,難道不高但好味,茄子都成碟算抵食$114蒜茸蒸蟶子 38蚊一隻,三送一, 我們四個剛剛好,選了蒜茸蒸,相當清甜又沒有沙,夠大隻.粉絲吸了鮮味更是好味 每枱必食之選$248生滾膏蟹粥 等了整晚就是為這個,四人選了大煲,鮮味十足,蟹膏也不少,蟹味亦濃,怪不得生記那麼出名,每人平均也分了三四碗,必食之選味道是中上,小店在香港幾時也應支持,有機會一定會再來,四人吃了667元

看完Openrice West 口west臉哥的推介，覺得生記的食物好有特色，有大量海鮮美食，有別於一般茶餐廳。生記位於小巷中，門面簡陋，極不吸引，又怎會料到這裡有許多跟海鮮有關的好西可以吃！生滾蟹粥（$128/例 窩）一窩蟹粥足足有一大隻羔蟹，上桌時極有睇頭。羔蟹本身很新鮮，蟹膏豐腴柔滑，蟹肉清甜爽口。蟹蓋佈滿蟹膏，把蟹膏挑出來放落粥內捧勻同吃，一級棒！廚師特別將蟹些微的敲碎，蟹的精華完全落到粥裡去，味道怎會不甜？不過吃的時候要注意有碎骨。粥底相當綿，米都煲得化開，更加了腐竹一齊煲，味道和口感亦好。蠔仔水晶粉卷 ($58)跟了West 口west臉哥介紹去點的。同意他所講，粉卷包得不夠好，一夾即散，蠔仔淒慘地散落在碗中。但論粉卷的味道是好吃的，粉卷做得薄，口感爽彈，加上芫茜，豉油，蔥的加持，真的比很多越南菜館的越式蒸粉包好吃。一件粉卷有三粒蠔仔，蠔仔肥嘟嘟，粒粒飽滿，惜味道帶點腥。生炸海螺串 ($33)海螺好爽脆，我好喜歡咀嚼它的感覺呢！雖為生炸，但沒有油膩感，面頭加了少少椒鹽及海鮮醬，更惹味！二人吃了這樣一頓的海鮮餐，才二百多元，正所謂行到身水身汗去找店子都抵呢！

地點都幾唔就腳，係特登搵佢去食，但都值得。《炸軟殻蟹》炸得酥酥香脆，啖啖肉有咬口，唔會得層殻，不過有點偏咸。《蠔仔春卷》超好味，春卷皮又薄又脆，雖然裡面只是蠔仔，但已非常足夠，好濃蠔味，唔腥冇沙！《蟹粥》不知是否季節問題，蟹沒有膏，但蟹肉鮮甜，粥底亦不錯，稀杰程度剛剛好，落左大量薑絲和蔥絲，好岩我口味，最重要就係食完唔口乾，證明冇咩味精。另外仲有點串燒，但相對較普通。兩個人食唔得多，見隔離枱點啲餸都好吸引！下次多啲人再去食可以試多啲野！

紅磡有蟹粥食，唔洗去澳門啦！有人帶路痴去搵食的確唔同，捐窿捐啦都唔洗怕盪失路，有人話呢間蟹粥好味喎，我又上網睇下食評啦，大致都係話好食嘅，去到見到店仔細細，極有懷舊大排檔格局，圓檯、膠櫈，冇咩裝修，老店一間。二人前食唔到大鍋，叫個細嘅夠哂兩人食啦，煲仔滾住上，熱辣辣，天氣凍走黎食暖下身都幾好，夏天就可以有點熱，因為冇咩冷氣㗎咋。地踎食蟹粥，2人份量隻蟹偏細，尚算多膏 & 新鮮呀！個粥底都煲好棉，輕輕食到有少少腐竹味，但我唔肯定有冇，係有味精嘅，食完會口喝嘅（笑）另外叫左蒜蓉蒸蜆，細細隻ok鮮的，因為係蒸嘅關係，每隻蜆粒肉都仲健在，唔會被炒到飛甩哂，咸咸的鹽水味，加上蒸蓉，係口臭之極品，不過幾隻有沙，呢個都幾難避免（笑）一不做，二不休，橫掂口臭就叫多個蒜蓉蒸蟶子，買5送1啊，umm...我又唔覺佢係好新鮮喎，亦唔係厚肉果種，不過價錢唔係貴就不得要求咁多啦！整體係ok嘅，又未去到神級咁好味，以咁嘅價錢算係唔錯啦！大家可以去試下啊！