生記飯店 (已搬遷) 新店位置

上一次幫襯「生記」最少是十年前，有一段時間曾經是家庭聚餐的飯堂之一，最記得馳名的古法鹽焗雞及枸杞浸豬膶。之後愈多愈多優質餐廳開業，試完一間又一間，漸漸忘記了「生記」。闊別多年，到底質素是否能夠維持？今天興之所至，特地訂枱重臨。位置依舊，仍然是灣仔某幢舊式商住兩用大廈樓上，大廈地下門口就只有一個小小的座地燈箱指引。電梯門打開，眼前大堂的簡陋裝修似乎一點也沒有改變；但肯定多了一大張《米芝蓮指南推介餐廳》海報（注：「推介」只是指南內有介紹，並非星星或車胎人餐廳），皆因有宣傳價值。雖然印象模糊，但眼見老土的室內裝修風格，相當肯定維持舊貎，沒有翻新。來到「生記」，沒有可能唔叫一隻賴以成名的招牌菜招牌古法鹽焗雞（一隻）($330)。碟上並沒有附上雞潤、雞腎等雞什，估計並非本地生劏新鮮雞，如果係的話，一定連同雞雜一齊上碟，作為佐證。其實以今時今日的新鮮雞價錢，去街市買也要差不多 $200 一隻，$330 不可能在餐廳食到一隻新鮮雞，所以這一隻應該是冰鮮雞。番隻古法鹽焗雞，雞皮呈淡金黃色、甚至有一點焦燶的深度金黃，看起來有點似焗爐出品，這就是所謂古法炮制，與客家菜白雪雪的鹽水蒸焗浸煮鹽焗雞並不相同。古

放假前夕,約左幾個朋友食餐飽傾餐飽...朋友想食中菜之前聽同事話呢間幾好味,就一於同朋友去試下啦我哋叫左六個餸,仲有例湯送椒鹽鮮魷炸得好好味,啲粉脆而且夠薄,鮮魷又鮮味...但份量就少咗啲菠蘿生炒骨- 甜酸汁嘅稀稠度煮得恰到好處,肉質外脆內軟,配料菠蘿,青椒再多少少就好啦朋友話太耐無食梅菜扣肉啦,今晚好想食扣肉入口即融,肥而不膩,梅菜吸咗啲肉汁,甜甜地好好食,兩個加埋真係絕配下面仲放左一層菜芯..送飯真係一流.鹹蛋蒸肉餅 -肉地嫩滑,肉汁鮮甜,又夠彈牙.魚湯竹笙浸豆苗-豆苗好嫩,竹笙吸咗魚湯,好鮮甜我哋叫左半隻鹽焗雞,雞幾滑,皮又幾脆,但我覺得味道淡咗少少......

遲來的團拜 - 今晚揀左去灣仔生記食小菜，嗰度最出名魚腸焗蛋， 盬焗雞，為免去到無哂，所以訂位已留定。最終一行九人叫左十餸一湯， 總括d食物同招呼都好好，吾怪之得咁多人幫襯。

This is a well established local Cantonese restaurant, not fine dining but comfortable seating, service was good and many dishes I never eaten before such as braised pomelo skin which takes 16 hrs to make! Come with a big group so you could order more! Roast salted chicken is the best!

現在流行團拜，我就老友記先開年，選擇了灣仔生記，今日選了他們家今年有的風生水起齊撈起做前菜，希望大家今年都升職加薪，荷包滿滿，再來一個蒜香黃金條，其實是脆茄子，朋友是吃草動物，點了一個漁湯竹笙豆苗，好味，還有伙計們推介的青豆角煎鮮蝦餅，聽說平日很難吃到，一斤鮮蝦才做出一份蝦餅，需然價格有點貴，二百多元，但入口非常彈牙和鮮味，也在別家吃不到，最後外帶一份蓮藕炆豬手給老媽，這個也是季節菜，完美收肚是他們自家製甜品柚子桂花糕，入口清香，為我們這餐開年飯劃上完美句號，希望我們三人行今年事事如意！減肥成功！🤪看這吃法，看來很難.....吧

今天一行10個同事到生記食團年飯！其實平時間中都會來這裡吃午飯，因為水準不錯，平日午市價錢很實惠！今天轉了menu ！枸杞上湯浸黃沙豬膶: 豬膶很軟棉棉，有點像吃西式新鮮鵝肝！菠蘿生炒骨是招牌餸，點可以走寶？椒鹽鮮魷: 不夠酥脆，可惜！柱候蘿蔔牛腩: 牛腩很硬，因為肥的部分太少了。梅菜扣肉: 扣肉扣得夠火候，所以很入味。梅菜亦很香甜。鮮魚湯竹笙浸豆苗: 竹笙吸收了魚湯，很鮮甜！百花蒸釀豆腐: 豆腐不是盒裝豆腐，比較有質感。家鄉手磨蓮藕餅: 有豬肉，蓮藕，馬蹄及芫茜，煎得很香口！招牌鹽焗雞: 雞肉的肉質不錯，不過鹽味太重。曾試過它的白糖糕，原來是自家製的！今天侍應說糕點司傅已收爐，所以沒法子！還點了豉油王炒麵，不過忘了拍照。味道不錯。

新的一年~ 又有新同事加入~ 緊係要食返餐迎新飯喇~ 有人提議去生記~ 未詆過既我當然係唔會反對~😂😂打電話訂位果陣已經留左泥猛粥, 煎藕餅, 豉油皇炒面~ 去到再叫左梅菜蒸菜心，鹽焗雞，生炒骨，白糖糕，蒸魚，枸杞豬潤~ 基本上出名的~ 我地都叫哂😂😂枸杞豬潤~ 真係無得輸~ 豬潤好嫩~ 咬落去仲有少少彈同爽~煎藕餅~ 岩岩上檯即刻食~ 個邢煎到有少少脆口~好好食~ 但係凍左之後，個面就唔脆了~略略覺得入而的蓮藕唔係好夠~ 蓮藕質地唔夠爽口~生炒骨~甜酸味道岩岩好~ 每一塊生炒骨都係有肉有骨~ 脆卜卜得黎仲好開胃呢~ 泥猛粥~ 個粥火侯剛剛好~好棉，味道唔會好淡~ 魚肉已經拆散哂~ 混左係粥既入面~ 但魚肉份量唔算好多~ 肉丸是其中一個重點~ 雖然肉味唔算好重，但勝在肉質軟軟的~ 好食~ 我地一行7人~ 剛剛好一人碗~ 咁凍的天氣食完即刻暖哂呀~梅菜蒸菜心~ 一見到菜心咁大條，諗住會好老好多"渣" 喇~ 點知又唔係喎~ 好嫩~ 梅菜係用左甜梅菜，同埋個菜一齊食，唔會太淡~ 如果如果呢個時間有一個白飯就不得了喇~蒸盧魚~ 個魚就普普通通喇~ 有少少overcooked ~ 老左少少~鹽焗

屋企人生日就帶佢哋嚟生記慶祝，食返餐好嘛。我哋仲帶咗支酒，餐廳收 $50 做開瓶費，收費合理。生炒骨炸到鬆脆，粉漿又無過厚嘅感覺，酸酸甜甜非常開胃，個汁撈飯食都好走添。當有我鍾竟食嘅鹽焗雞，雞皮燒得勁香脆。雞肉嫩滑多汁，仲好入味添。有老爸最愛食嘅焗魚腸，我就麻麻地魚腸嘅。但見到個焗魚腸啱啱新鮮焗起，熱辣辣咁。而蛋裡面啲材料都好豐富，條魚腸又長又粗。佢就不停大讚好好食喇。枸杞豬潤好肥美又厚身，可惜菜嘅份量太少。我哋三人食，每人食幾啖就無晒lu。最後仲送白糖糕，非常好食。好彈牙，食落親鮮，味道一啲都唔酸。

今年聖誕節最好的禮物， 就是收到Openrice 的通知， 說我打進 50強， 進駐第41位。原來從開始寫第一篇食評到現在 ，才是兩個多月的事， 感覺已經像寫了很久。今天選了這家我一直都很喜歡的菜館來招呼。。。 有朋自澳門來。 選這家店的原因 ，就是因為朋友工作非常繁忙 。他常常說， 他吃飯的時間跟quota有限 ，所以只想吃最好的， 免得浪費了美好的時光。廢話少說 。今天為我們晚餐打頭陣的， 就是店家生記的老火湯 : 節瓜眉豆淡菜煲豬骨湯。。。 這是一個媽媽常在家弄的湯， 她常說 : 眉豆 的功用很多， 包括健脾、去濕 、消水腫，另外它含豐富的蛋白質， 容易被人體吸收 。配合味溫、性平的節瓜一起餚湯， 老幼咸宜，是一年四季都適宜喝的湯水。 今晚的這煲湯， 跟平常 在家弄的還多了淡菜 ，喝下去味道很鮮甜， 完全是有水準之作 ，喝得我的澳門朋友還讓著要多添一碗。湯渣點了店家特製的辣椒豉油 ，也瞬間被我們一掃而空。今晚點的經典小菜包括:招牌鹽焗雞。。。 好大隻雞喎! 果真童叟無欺 。。。 至於味道方面， 也蠻不錯， 沒有一般坊間鹽焗雞的死鹹。 雞皮焗得非常脆口 ，帶有一層雞油的香味 ，但

米芝蓮對我黎講一向都係一上榜就避免去嘅餐廳，一來無論遊客定香港人會一窩蜂去食。不過我相信一樣嘢，未上榜前應該品質係唔錯，服務態度至少會正常。呢晚同事大圍慶功同提早做節，搵咗呢間生記食。由於做節關係，餐牌都調整咗。舊式餐廳，價錢嚟講唔平，可能做節關係。係等齊人嘅空檔期，職員送上熱熱嘅例湯，夠入味，湯渣另上。（我都飲咗兩大碗）睇嚟湯都未夠，再嚟碗泥孟丸粥，暖胃必選，粥底夠味。多餸到我都唔記得有幾咩，睇圖啦都係。有鹽焗雞（味道剛好），生炒骨（夠入味，咸咗小小，菠蘿嘅甜未入到），蝦子柚皮（夠「瀉」，煮得好），竹笙豆苗（夠淋），椒鹽魷（個個有讚無彈），蓮藕餅（不錯），焗魚腸（腥咗小小，尚可接受），梅菜扣肉（煮得夠淋，好肥味，好邪惡）甜品「留」咗白糖糕，有啲誤會，anyway，好味嘅！（希望嗰位職員態度可以好啲）整體大家都覺得ok，除左每人大概250元，可以接受，不過純粹對我嚟講味味都咸左啲，我就一般，我諗避開做節應該好啲，無論價錢定食物。

訂位7點，打電話黎訂位，冇問我訂唔訂菜。叫咗8樣菜，其中一樣焗魚腸。其他菜上晒，侍應先話“可能冇魚腸”，算，再點錦鹵雲吞……冇……再叫胡椒浸蜆……冇蜆……星期六晚，6點開門，未夠8點，乜都話冇。真係唔知可以叫乜。話說回頭，啲野食真係好食既。鹽焗雞真係一流, 有雞味, 唔似一般雪雞。梅菜蒸菜心, 菜心有梅菜味, 食出唔同既層次。薑葱桶蠔,本人怕腥,一向唔食蠔, 但呢個一啲腥味都冇, 薑葱勁香, 再加應該係燒肉,味道層次即時唔同。椒鹽鮮魷夠鬆化，炸漿唔會死實實咁。

今晚同2位弟兄慶祝生日，訂了這間餐廳，我們5個人食。星期五這裡好多客人，差不多每張枱都好客人，好彩我們一早訂位了。8點前就比我們入坐。我們坐一樓，這裡都好多選擇，也有好多推介食物。我們叫了好多菜，有：例湯： 冬瓜黃豆豬骨湯 唔會太咸 好清甜 幾好飲 有住家感覺的湯水 菠蘿生炒骨好脆好夠味好開胃 配飯一流 不過就細碟咗少少鹽焗魷魚好香口 有魚露汁（少辣）好彈牙 細碟鹽焗雞 半隻好滑好夠味 都唔錯鯪魚餅好脆好薄 但又不會乾豬潤九杞好大塊豬潤 好爽好好味 菜都好好 又有湯飲粥好滑 好鮮甜 配牛脷酥 好開心呀！送了甜品：白糖糕我覺得普通 但彈牙不太糖

Sang Kee has been recommended by the Michelin guide for years, standing for over 40 years. I recommend this place is only for tourists. Some local places are better without the high cost. The service is very good. -Sweet Sour Pork The sweet and sour pork was delicious and I would recommend this dish.-The signature dish salt roasted chicken.The dish was good but not amazing. You get the salt flavours on the skin.-Wok Fried Noodle Can't go wrong with a noodle dish.

又係我透茂坪拖地神仙b ⋯⋯我都有一段時間冇出城。成日就屈係自已屋村。咁今日巴閉啦。我踩入灣仔。諗戀住搵下有咩食咁。竟然比我係條街見到灣仔個朵好响既生記！我就二話不說直接上去踩場。入到去。哇頂你個！已經人山人海咁比人踩緊。我頂呀。等左陣有位比我神仙b！餐牌睇下！哇 家常便飯喎大佬。咁點呀。叫囉。咁我就叫個小二埋黎。有咩最串既同我上晒黎.....我張枱四四六六拆掂佢。個小二就火速咁叫左幾味上黎。再黎半打啤酒。啤下佢。哇。個生炒吉。好砌到....要再砌！個鹽焗機。嗚。一定要翻啅！上湯白菜仔普通啦⋯⋯個小炒王我頂。好戀咸。但幾香枸杞葉上湯豬潤。幾好幾好。好滑椒鹽鮮魷魚不錯！夠乾身8寶炒面個面餅炸得唔油唔油膩！香口五條友食埋都係位位210$ 唔太貴。今晚講到呢度。下次我應該會踩椰戀雞煲

生記的裝修及氣氛令我感覺像童年時跟家人去酒樓食飯一樣，所以都會諗食不奢華的家常小菜。今晚叫的家常餸有生炒骨、蜆芥薑葱牛肉煲、鹽焗雞、温公齋煲同清炒白菜仔。每次食生炒骨都最開心，外脆加肉有彈性，咕嚕汁酸甜度適中，一啖肉一啖白飯，絕配！牛肉煲亦好香口，薑葱爆得很香，大家都搶住食葱多過牛肉，只是蜆芥真是太少，食不出蜆芥味，唯有當薑葱牛肉煲食。生記的温公齋煲材料跟鼎爺教的有很大分別，我喜愛的甜腐竹同荷蘭豆都沒有，有點失望。食飽飽後，最後來一碟送的白糖糕作飯後甜品，白糖糕鬆軟而沒有帶酸味，大家都想食多件，今晚的家常便飯完滿。