申一棧京滬料理 (已結業)

上周六同屋企人共六位, 去左申一棧, 事前都無上openrice睇, 只係盲中中咁入左去。心中預左呢d所謂上海野都係掛羊頭, 梗係碟大餸少, 收費貴貴咁啦。不過同埋老人家, 廢事週圍行啦!點知又有d驚喜喎! 碟頭size 都唔算細。點左:油炆小竹筍: 有筍味, 不過麻油味都幾重小籠包: 包內有汁, juicy, 肉味都唔錯窩貼: 我無食, 不過幾飽滿粗炒: 乾身唔油, 味道偏淡(反而o岩我地胃口), 不過麵質好"淋"炸醬伴麵: 呢個好油, 不過d炸醬配料真係幾好味松鼠桂魚: 酸汁唔錯, 不過條魚炸得過火京烤片皮招積鴨($78.-): 呢個幾好, 人少少食都夠, 一人都可以有兩塊。強烈建議加十蚊要埋個鴨殼, 真係成隻鴨俾番你喎! 等於88.- 一隻燒鴨, 同你片皮加配菜。幾抵。仲有津白同什菌煮大白菜: 兩款都算唔錯甜品: 高力豆沙(一般,豆沙少), 豆沙窩餅(幾香, 不過豆沙又唔夠), 酒釀丸子(成晚最差, 丸子浸得太耐淋晒! 一pat pat咁, 但甜湯味道好好), 桂花糕(無味道)埋單600.- 唔算平, 但都算滿意招呼都ok, 無樓下朋友所遇到o既情況。

三月十五日(星期六)同老公仔去完Physical做gym之後,肚仔有d餓,又未到dinna時候,咁就周圍搵下tea食啦!本身我地兩公婆都有好多idea,不過都係食少d會d,遲d又出trip!見到呢度有饅頭,老公好耐冇食過饅頭喇!而且其他都有好多野食担担麵呀,抄手呀...仲有豆漿飲都係15蚊!同埋17蚊!好抵都值得一試既!!我地叫左:1)蒸饅頭(4個),唔錯呀!好新鮮,即叫即蒸!加埋煉奶好食!2)紅油抄手(6隻)都好食,而且辣辣地加埋蒜容,好香口!而且個料都幾足,好味道仲有...個豆漿好攪笑,西餐既杯,得意老公仲同我cheers...tim^^以呢個價錢,真係抵食!我諗好快就可以試哂連城既tea架喇!!好野,可以同老公做gym喇!!!!一星期可以日日見面面!

3個人食,見佢片皮鴨做特價$78/隻就入去試o下片皮鴨(另外$10要埋鴨肉)滇江餚肉清炒時菜酸辣湯煎鍋貼片皮鴨比想像中細碟好多,食落去冇少少脂肪油o既口感,有d失望,下次都唔會試!個皮就好快上,個肉等o左15分鐘都唔上,原來師父唔記得斬-.-"不過其他食物都好快上菜o既酸辣湯唔錯,可以試下滇江餚肉,清炒時菜,煎鍋貼都係好一般總括: OK我地坐露台位,有d假植物襯托下,環境唔錯!而家呢個天氣唔太凍太熱最o岩坐^^

昨天lunch同男朋友去左申一棧，叫左雞絲粉皮、沙鍋雲吞雞（1/4隻）、鍋貼，雞絲粉皮都ｏｋ啦；沙鍋雲吞雞都幾大煲，ｄ湯好有雞味，隻雞都煲得幾靚，不過ｄ雲吞就差ｄ啦，唔知點形容，總之唔好食；至於鍋貼，奉勸大家真係唔好叫，好難食，雖然好大隻，但係ｄ餡好乾，冇咩肉汁。至於服務，我覺得都ｏｋ啦，可能因為lunch time冇咩人，ｄ侍應幾得閒，所以都幾好服務。總體黎講，不過不失啦！

今天跟友人食晚飯。由於其它地方比較多人，因此進入了這間鋪。一心見到那麼多上海小吃，必定會心滿意足的回去..但..失望...我們一到，就叫了數樣食品，有雞絲粉皮，蟹粉小籠包半打...(超後悔)，頂呱呱擔擔面，蔥爆羊肉等雞絲粉皮不過不失啦...但係個擔擔面到...真係心情跌落谷底...我食過咁多間擔擔面...就係未食過好似呢度咁...煮擔擔面好似煮公仔面咁...個湯係用滾水溝稀個湯...而個湯一點兒也沒有醬味...只有數點辣椒油...失望....接著...羊肉也來了...我本身非常愛吃羊肉，小肥羊的常客...但...這兒的羊肉..一點羊味也沒有，有點兒像駝鳥肉溝牛肉的感覺..又無乜野爆的感覺...唉...又無左四十八元...到小籠包!!!!! 我強烈建議大家千萬不要試...我試過不少蟹粉小籠包...全部因為足料，一定食完後有少少像感動的感覺...但係呢間...唉...佢個蟹粉小籠包內的汁...又係用水溝稀!!!!!!!搞到無晒味....埋單時二百幾...我火都黎埋...唉...不過食左..唔通唔比錢咩...只不過決定以後...我就一定不會去，而且也會呼籲對食有要求的各位不要去試...

於沙田新城市附近價錢較便宜的食肆,當然味道也不能有太大要求,但為何炒飯會用西餐廳什菜粒來炒,百思不得其解?味道可想而知!員工只掛住吹水,環境衛生也不可強求,從價錢考慮或可

首先，我要聲明此食評是在３星期後寫的，我去的時侯沒有如下面朋友所說態度的差，其實我去了唔只１次，都無咁樣問題，食物水準以每人HK$80-100價錢的確不錯了。近日職員態度差了不知是否受一些發展影響，因為沙田火車站及新城巿一帶都加租及大執位．．．點了酸辣湯，牛肉飽，雲吞雞，特價片皮鴨等等

今日攜著女友到沙田行街，走走下去到連城廣場，見到有個美食廣場，整條走廊人也不算很多，見到盡頭有一間餐廳是食上海菜的，平時也是吃西餐的我，今天便轉轉新口味~大廳上也不是坐滿了人，但最不滿的就是桌子上一望已知道放不下很多食物，隔壁又要有人，感覺好像茶樓同人搭台一樣...叫了幾個小菜，還有片皮鴨，味道是可以，不過叫了的點心，甜品也是皮薄餡少，好像有少少騙人似的，小菜中肉真的很少，食每一件也要非常珍惜...服務都算幾好，正如之前有人讚過一位四眼哥哥，笑容真係幾好，態度也不差，不過不知道是否同一位，但留意到侍應的數量真的頗少，很想知道星期六日的時候他們的忙碌程度，可能假期也像閒日般吧~總體來說，算可以吧！

今晚同女友去食,我見佢$98有排骨,又有擔擔麵,起初入去前,仲以為一人一個麵,因為佢係二人餐.點知入到去,又要加茶錢,坐位又細,食物份量又不足夠.食得非常不舒適.最後只逗留十五分鐘就走.講真食物水準一般.不是十分好食.以後不會再幫襯.

呢間野...食ge野唔太好...漏晒單...催左兩次要等成20分鐘先有都算...waiters都唔知係唔係散工冇train過...4月13日同班同事去食下午茶餐...4個同事都order左一個$25的餐...埋單時連加一...每人要俾$27.5....合共$110...有個侍應收錢果時見到有4個5毫子就好冇禮貌好大聲同我地講: "我地唔收毫子"....完全唔知呢班人點做野...又冇貼張紙寫明俾客知拒收毫子...但係又同時要set到一個要我地俾毫子ge價...5毫子都係法定貨幣...張單$110只係有4個5毫子而冇其他毫子...但係佢地竟然可以對客講呢一番說話...試問如果我俾$30蚊佢...佢都係會俾返$2.5我啦...點解一間餐廳可以找5毫子俾客而拒收呢??難度而家香港有5毫子偽鈔?? 當然唔會好似佢地一般見識同佢地理論講d唔太體說話...但就打左去消費者委員會問過清楚...絕對係一間趕客ge餐廳...更平更好食更好服務沙田真係大把...呢間野唔洗去

前晚和愛人去，叫了特價片皮鴨，味道可以，鴨一定細，$68仲想點，奇怪的是，隻鴨唔知點解，有四隻腳，雪菜蝦仁炒飯，非法美味;小籠包，皮應要薄點!至於服務，有個四眼哥哥，絕對值得一讚:笑容可鞠，誠懇有禮，其他侍應亦OK，兩位女經理(雖然男性化)服務態度亦佳，此店我們去過兩次，真的不差個喎!

這間食店, 其實本人已光顧過幾次, 但不論食物的味道和伙記d態度真係越來越差,特別係伙記d態度間直不知所謂, 完全唔掂囉．．．我已在12月31日晚上訂了1月1日晚上7:00, 4位為男友的爸爸做生日, 在1月1日晚上,我們遲了5分鍾到達, 我上前拿位, 那個企門口的女伙記用極度既態度同我講”你唔要你張台啦嗎, 所以無架啦, 我回應佢”我幾時話要cancel booking 啊”, 佢話“你遲到就無架啦, 遲到一分鐘都無, 你估我地好得閒啊”, 我話”我有留電話, 你唔係應該打給我re-confirm 我係咪唔來架咩, 如果唔係你要我留電話做乜”, 那時候很氣憤, 已經唔想係度食, 之後我們去了同一層的滇家菜, 那裡的態度完全不同, 服務很好…經過今次要我再去申一棧食都幾難, 不是佢有沒有留台給我的問題, 而是服務態度的問題.

其實依間ｄ師傅幾好架，好多小菜味道都好好！但ｄ伙記真係完全唔得囉．．．你叫佢佢當你冇到，你叫佢跟下佢睇完唔會覆你．．．雖然ｄ野幾好食，但有咩理由要等成個鐘先有得食呀！砂鍋雲吞雞個湯底好甜，ｄ雞冇咩肥肉大大舊，雲吞皮薄餡靚。排骨湯麵ｄ麵好彈牙，似係薄身的烏冬，ｄ排骨係即炸既，好好味但係好多油。豆沙鍋餅個皮有蛋味，但豆沙蓉太少喇。高力豆沙就唔得喇，ｄ餡少到離哂譜，砂糖太多太甜。總體黎講味道係ｏｋ架，但服務就零分囉！

我和老公於平安夜行完街, 大約10:00pm到連城, 點知間間都好多人, 見呢間有位, 咪入去. 唔知係咪佢地平安夜都要番工好唔happy, 個個伙記口黑面黑. 我地坐係離門口大約十呎八呎既卡位, 食食下唔知係咪佢地趕住收工, 有個女職員竟然拿起門口塊"歡迎光臨"地毯起勢度拍塵...大佬, 人地仲係度食緊野架, 想趕客都唔係咁離譜掛. 另外有個唔駛著制服的類似經理既男人, 以為佢好d, 點知都係咁, 埋單時老公簽卡, 佢多謝都無句, 仲將張卡"pat"係檯面. 呢間野, 我以後都唔會再去!

在連城廣場, 想吃個平平地的下午茶, 連城廣場一眾食肆(除了元綠)下午茶都係咁上下價錢, 會揀選此店係因為食肆間間都無乜特色。28元下午茶餐, 有一杯豆漿, 一款點心及一款粉麵, 我選了鍋貼及雪菜肉絲麵, 男伴選了小籠包兩隻及酸辣麵上菜次序很搞笑的, 係整好邊樣上邊樣, 雜亂無章地, 可能是即叫即整的原故。先來酸辣麵, 不好此道的我覺得十分難食, 男伴覺得ok喎。鍋貼脆脆的, 餡料也不死實, 我覺得幾好食。雪菜肉絲麵的雪菜肉絲孤寒得要死, 感覺係要"慳住食"至食得完碗麵的, 湯也油油的, 男伴也說太鹹, 不過總比酸辣麵好。食完曬才來的兩隻小籠包味道中規中矩, 係要等果下唔好。最深印象的是男侍應黑黑的手指甲。