申一棧京滬料理 (已結業)

上星期日(10月16日)同姊姊去呢間店食下午茶餐,下午茶餐有3種, 1. 小吃+豆漿$16, 2. 麵/飯+豆漿$18, 3. 小吃+麵/飯+豆漿$ 25當時約4點,唔算多人,我地叫左一個$18 餐, 一個$25既餐,最初只黎一杯豆漿我地都巳經覺得奇怪,唔通漏單? 咁之後有人攞住果個未黎個餐張單黎問我係咪加單喎,原來佢地真係漏左,咁我咪話張單我一早落架囉,之後我叫佢地比埋第2個餐杯豆漿我先啦,咁之後就一路係咁等……..我地不斷催,佢地都唔係幫我追既,旁邊另一個人遲過我黎都食完走鬼左喇,另一邊又遲過我黎既都就食完喇,我地又再催,催左4-5次仲有人問我地係咪埋單喎,激氣到丫真係唔發火都唔得喇,明明係佢地自己漏單,同一個麵有乜理由唔係比左我先架,咁係我地嘈完之下,終於有麵食喇,但個小吃都未黎喎,咁我地咪埋單囉我話有一個小吃無黎,我催左好多次,我唔想再等喇,我只會比兩個$18既餐咁個收銀好唔滿意咁去改單,改完返黎態度好差咁話多謝$40,我望下張單,$36+加一$3.6 = $40,咁計數都得??有無搞錯?? 我咪話囉, $36+$3.6=$39.6, 咁我就比左$39.6,一毫子都唔比多佢呀

前晚兩個人食，叫o左3 樣o野。已經好飽好飽咯～沙鍋雲吞雞($38 1/4 隻) 幾個人食都夠咯，有兩舊雞脾同三隻雲吞。雲吞一般，但ｄ雞好滑，湯底唔太油又清甜。同出面ｄ快餐店整o既冇得比～～讚！生煎牛肉包(4隻)　包皮好乾同厚，牛肉餡真係好少。而且唔多新鮮，都唔知點解係「招牌菜色」。不推介！上海粗炒～ｄ麵好似烏冬，不過就稔ｄ。味道都唔錯ｏ既，幾有獲氣。但係好油，減肥ｏ既就唔好食喇。服務麻麻，ｄ　ｗａｉｔｅｒ好後生掛住傾計～同埋覺得店舖間格唔得，ｄ　ｔａｂｌｅ排得好密。雖然分開，但感覺好似搭台咁。你好彩的話坐到卡位會好ｄ～

3個人叫左5個餸~1.無錫脆膳($38):好乾,味道唔好食2.(上左)砂鍋什錦($48):勁大鍋,有時菜,粉絲,金華火腿,雞肉,豬肚,唔知係咪有好多味精呢,食完好口渴~好味3.(上右)醬骨麵($28):2件骨,好似排骨,肉實D,但夠晒味,D湯底夠味4.(下左)干燒蝦球($68):酸酸甜甜,茄汁味,幾好味~^^5.(下右)別不同小籠飽(四件)($20):幾多汁~外面有個露天位,冬天去就好,唔係就大熱啦~

今日放早,同男友入沙田西田睇下有咩平既執,去之前黎呢度食下午茶,2點鐘仍十分多人,得反門口果張吉臺,是但啦!我地叫左招牌擔擔麵$22, 招牌生煎牛肉包$20,蒸素餃$18/4隻,同埋沖左壺龍井.上菜速度異常慢!但呢個不是重點,重點系d食物;擔擔麵---十分差勁!完全吾正宗!用既系上海扁身粗麵,而且麵身過腍,而個湯呢.....從來未食過擔擔麵系酸!真系吾明點解會系招牌菜色!生煎牛肉包(4隻)---包身過乾,牛肉餡得5毫子咁大,而且乾過柴皮!又系"招牌菜色"!哈!蒸素餃---又系一個"差"字!d餃皮好似鍋貼皮咁厚!內裏d菜餡淡而冇味!全餐最好系壺龍井,淡淡清香!所以3樣野到最後都食剩,但食完個肚好似冇食過咁!埋單連加一$79,服務亦吾見得好,真系比$2tips 都嫌多!

一去到拎飛編號199兩位，等了十分鐘左右，二人檯叫到197,198都無人應，心諗係我喇掛，點知佢叫二人檯1號，上前同門口個小姐講，好在佢都比我入先，跟住入去坐，環境頗為擠逼。先講食品，茶有幾款可選，我點了一壺荔枝紅茶，食物叫了生煎包，小籠包，雲泥白肉，嫩雞煨麵。生煎包品質一般。小籠包D皮都算薄，味道算係一般。雲泥白肉就好似平時食腿蛋治o既火腿加上小甜o既豉油同蒜泥辣椒。食晒呢三樣後等了十分鐘左右侍應將一碗類似糊仔o既物體送上，原來係雞蓉麵(爛蓉蓉o既嫩雞煨麵)，食呢碗野係完全唔需要用筷子，麵條好似食碗仔翅d粉絲一樣---爛晒，我真係唔知係要咁食法，定係以前食o既煨麵唔夠正宗喇...到講一講侍應喇，飲完茶想加水就當然會打開壺蓋，侍應收小籠包個籠時竟然當睇唔到就走左去。另外一個類似經理o既人想將張椅由兩張檯中間移過，不過唔夠位頂住過唔到，之後佢就叫左一聲，推開少少其中一張檯再過，而當時張檯係有客人坐係度架。仲有就係見廚房出生煎包，其中一個包彈左出隻碟，之後就見個侍應就咁用手放返上去就送比客人食喇，雖然大家都知呢d事成日都有，不過都唔好做到咁張揚啦。下次唔會再光顧喇.......

我好中意食呢度個迷你東坡肉，$15都ok抵食，食完唔會好"漏"，個汁好好味道，size 好good，邊個想食就叫，唔使怕其他人唔食肥，因為佢根本就得一舊...好好好食呀!!脆膳都好食。仲有蜜汁火方，都做得幾好，麵粉皮做得幾好。個招積鴨就麻麻地，好乾，用黎包o個個皮唔同平時o個d白色麵粉皮，而係黃色有d蛋味o既，咸咸地o既，怪怪的。

11月21日下午同男友到連城廣場食午餐, 有好幾間可以選擇, 不過心血來潮想食片皮鴨, 所以去了這間餐廳, 我們選擇了坐露天既座位, 環境靜D, 而且好通風唔會覺得熱, 好舒服﹗點了三款食物--京烤片皮招積鴨, 香煎鮮肉窩貼皇, 別不同小籠包, 加一壺茶--香六安。京烤片皮招積鴨--好味, 用來夾住鴨食既薄餅如果厚一點會仲好食, 有青瓜及大蔥可以一起夾住食, 幾好呀, 不過剩下既肉味道一般, 沾醬食都可以。香煎鮮肉窩貼皇--有好多肉汁, 味道一般別不同小籠包--D 皮較厚, 味道亦係一般價錢OK, 不過以午餐來講真係好滯

依到既「擔擔麵」個人認為係整個沙田最好食既一間,夠入味,湯底又正另外「小籠包」都好正,皮薄不特止,「小籠包」入面d湯or汁仲正,食落唔會"乾爭爭",但小心熱會"辣"口有個唔知咩桂花丸子,一碗有好多粒,不過d丸子就好"鞋",唔係咁好

再同屋企人去多次食飯. 開業已有一年之多. 表現還可以keep 住真係不俗的. 擔擔面. 生煎包. 小籠飽. 招積鴨. 清炒蝦仁全部都係我的最愛.

$78(沒記錯的話)。一款冷盤+ 一款小菜+ 兩款點心或一款麵食脆膳- 頗大碟，新鮮即炸，所以較遲才端上。熱辣辣，但硬了一點。回窩肉- 味道不錯，有點辣，椰菜、青椒、紅椒並重，豬肉不，有瘦有肥。酸辣麵- 夠辣不夠酸，麵比較稔，口感不太爽。地方是迫了一點，這樣的小店，但服務也算好了。

環境真係幾惡劣下d野食都ok好食......不過冇咩特別唔值咁多$$

其實d野食幾唔錯，小籠包不過不失，炒飯唔錯... 但係真係迫同埋d waiters好似唔係好做得。價錢唔貴!

今日同媽媽去左沙田,睇下有咩好食,就是但去左呢間試下啦!入面裝修麻麻地,兩個人坐既枱太細,但係服務唔錯丫!成餐仕面係咁不斷幫我地加水,服務唔錯!我地兩個人叫左個1/4隻砂鍋雲吞雞,一隻京烤片皮招積鴨,如果要埋肉就加10蚊.先黎左個雲吞雞,D雲吞好好食,個湯底好好味!不過可能佢地用左金華火腿骨黎煮,所以鹹左D.之後黎左個招積鴨,發覺佢地唔係用麵粉蒸既皮食,係用pancake皮!不過咁食,個味道怪怪地....至於個鴨肉呢,就一般啦,不過不失,但係唔知點解一隻鴨會有四隻腳呢?我諗其他人會明點解既.....成餐加一加埋茶芥都唔使150蚊,唔貴丫!

今日晏晝嚟食飯，啲嘢真係好難食，地方又窄又污糟，服務差，掛住喺度傾計同講粗口

有好多人等位..不過流量都幾快...等了約15分鍾就有位....裹面好細..坐得好迫,如諗住傾談就不要到此...食物品質一般啦,叫了小籠包,雞絲麵,春卷,碢貼同沙碢雲吞雞....春卷一食就知係行貨,如果不是,就係一早炸定...完全不可以.小籠包免強啦,因豬肉同肥肉的比例不好,食落有一些肥肉味...鍋貼ok...雞麵就很好..好好味,湯跟麵的比例很好..沙鍋雲吞雞一般啦,因其它鋪較它的突出....但整體都可接受...但就坐得不是太舒服....共吃了$140...not too bad