留園雅敘

营业中

休息中

駱克道的博匯大廈，上回試了車氏粵菜軒，今次，去三樓試主打滬菜的「留園雅敘」。地方，著實舒適寬敞，頗為雅致，適合用餐歡敘。 兩位的商務午餐$248，可於餐單上任選兩款冷盤、兩款熱炒，還包白飯、例湯及甜品。 雞絲粉皮，雞絲口感不太嫩滑，粉皮也不夠細滑，花生醬香氣也稍遜。 蔥油海蜇皮，海蜇爽脆富咬口，調味適中，既有蔥油麻香，又不會過鹹，很不錯。 老火例湯，入口夠稠密，真材實料之作。 溏心蛋，雖賣相不佳，流心蛋黃夠溏心。吃一口，蛋白Q爽，蛋黃粘稠，然， 未夠入味也﹗ 小籠包，皮厚肉實汁不多，手工粗糙，敗筆至極﹗ 糖醋魚塊，把魚塊沾上薄漿炸至脆卜卜，再混入酸酸甜甜的糖醋、紅青椒絲和洋蔥同炒，甜酸味平衡，香口又惹味開胃，忍不住白飯就扒了一大碗伴吃。 同事喜歡惹味帶微辣的回鍋肉，誠然，辣味到位，薄切豬肉片又爽口細嫩，不肥不膩，頗適合下飯的一道菜。不過，菜多肉少，只有四五小塊豬肉也。 壓軸中式甜品，以數款雜豆和蓮子熬煮，食味紛陳，好吃就談不上了﹗

一家人到留園雅敍吃團年飯😋熏蛋🥚煙熏味十分濃郁，吃畢後整個口腔也濔漫著煙熏味😆溏心蛋黃做得非常好雞絲粉皮比起坊間的雞絲粉皮，這個比較「重口味」，麻醬味十分重和比較鹹。可能這才是真正的上海味😂熏魚上海菜中我一向最愛的都是熏魚！這個醬汁做得非常好！汁能掛在魚上，也不會過甜。魚也不會太多骨。絕對值得一試！小籠包算是比較舊式小籠包，皮比坊間的厚。肉汁十分豐富，不錯。生煎包我覺得這個比較普通。不過確實皮十分脆和肉十分入味。醉鴿花雕味道十分凸出，同時鴿味仍能保留，不會被花雕完全蓋過。鴿的肉質也十分嫩滑。香蕉高力豆沙必定要試！香蕉與高力豆沙十分配合，蛋白沒有油'益'味，豆沙也不會過甜。大力推介👍🏻👍🏻雖然我們沒有吃主食，但吃畢所有東西後都十分飽了。爸爸比較喜愛吃上海冷盤和小食，所以今次主力冷盤呢！希望下次再來試試其他主食。

留園雅敘，米芝蓮推介上海菜位於灣仔，週末都有八折 promotion。同父母週末午餐試左，結論……非常一般。叫左四樣嘢，家常豆腐，燻魚，煎黄魚，腌篤鲜。燻魚……味道ok 冷菜，甜帶有少少酒味。肉質可以，但我在其他地方食過更加好食嘅。家常豆腐……帶有少少宮保辣味同肉片一齊炒。但豆腐新鮮度唔係最新鮮嗰種滑同甜，加上肉片都係一般。總括唎講賣相同味道都一般。煎黄鱼……四個字，失敗之作。魚有少少腥，加上煎得唔夠火喉，唔好食。腌篤鲜……三個人食大約每人兩到三碗湯。湯味道ok，但唔夠鲜。竹筍無乜味，百頁仲未完全散開。一般。Overall, 有D失望，以佢地米芝蓮推介名氣。水準非常一般，極其量可以一試。比佢好味既上海菜大有人在。

朋友多次介绍這餐廳，但一直未有嘗試的衝動。好友飯局就决定會一會這有名食店😜一行6人，帶住2支红酒，1支香檳，點了以下菜式。**冷盤葱油海哲頭👍👍酒糟蛋👍👍鹽水鴨👍👍燻魚👍👍烤夫🖒蒜泥白肉粉皮燻乳鴿(需預訂)👍👍👍元蹄👍👍煎小黃魚👍👍👍清炒蝦仁👍👍奶油津白生煎包葱油餅👍👍煎八寶飯👍👍👍炸芝麻湯丸招牌海哲頭相當爽口。本來想叫招牌燻蛋，但已沽清，經理介绍酒糟蛋。味道有驚喜，糖心蛋王酒味濃郁，但蛋白卻能保持嫩滑😍。鹽水鴨肉質嫩滑不粗糙，很難得。燻乳鴿超正😋😋😋!!! 吃到不能停手。如茶壼般大小的元蹄，外表邪惡，但不能不吃，好淋滑😋😋。煎小黃魚，外皮脆但內裡魚肉嫩滑，連唔多吃魚的朋友都讚口不絕。其他菜式亦沒有令人失望，非常有水準。😚😚要特別一讚煎八寶飯，在香港不容易吃到。一般都只會蒸，不會煎。但煎的八寶飯真是不同凡響的好味。好有encore的衝動😉。整體食物有水準，已成為我最喜愛的上海菜餐廳。必定再來光顧✌

個晚同兩位朋友一齊去左灣仔駱克道既留園雅敘原來早排攞左粒米芝蓮星但其實無星之前都已經好多人食個晚早左到 但係之前張檯未還檯 所以係咪熟客都要等一陣前菜叫左個燻蛋兩隻 ($48) 同海蜇頭 ($120)當然好食啦 如果上海餐館呢兩樣野都做得唔好食 真係可以走人 另外叫左個小籠包 (4隻 $48)其實個小籠包就不過不失啦係其他餐廳食過更好食的 呢個就正常 包皮我覺得可以做薄少少我知道有些人喜歡厚皮 但個人覺得薄皮仲好食 又無咁飽是晚既主角就係 蟹膏炒粉皮 加 蟹腿扒蘭度 (共$1880)係... 價錢好似有少少貴 但絕對值得叫喜歡蟹膏既話 一定一試難忘大閘蟹既蟹膏撈埋粉皮度一齊食加少少醋又滑又一啖一啖既蟹膏 太開心啦!!!而蟹腿扒蘭度亦解決左好多懶拆蟹既人既問題通常食到第二第三隻 就已經覺得只想食膏唔食蟹肉呢度就唔會浪費蟹腳幫你拆好了 再配上蘭度 既方便又好食!所以話呢度菜一定要叫!而最後亦叫左碟火丁甜豆 ($250)好鮮甜 份量亦幾多 唔錯!雖然食物好好 但係要有心理準備始終呢度係傳統上海人打理熟客既招呼可能好些少 但唔好懷著超好服務既期望而唔係熟客 就預左服務麻麻... 唔好影響心情!

大閘蟹睇好過食，我那隻膏不多，也不算特別美味。跟餐的小籠包並非蟹皇小籠包，皮薄，肉尚算鮮味，可打八十分。小碟的前菜大多都不錯，特別是醉豬肚。鮑魚很一般，食過即忘！由於餐不算很飽肚，後加了生煎包和蔥油拌麵等包點麵食，想不到卻有驚喜！推薦蔥油拌麵，簡樸，味道卻到家。建議打算試留園雅敍的朋友不要選套餐，似乎散叫的都比較有質素！

今次完全冇影相。 根本唔想影。一行人8大人1bb 入坐靠牆的大枱。 由於本人早到關係，便詢問有關大閘蟹價錢，一位中年侍應可能見我食唔起，講了價錢後不斷想行左去，我再問幾重，完全求其答。 觀察後看來應該主要做熟客，隔離枱已有一對巴巴閉閉大大聲夫婦不斷話成日黎。我地叫了12位3680的菜單。 上菜快過快餐，令我地未食完一樣，第二樣已經凍晒，尤其素菜飽，食時係凍既。。。我已經向其中一位中年女侍應反應，當聽唔到。 食物質素普遍不差，但唔係好好，雖然座無虛席，唔憂做。 坐左個幾鐘，我爸爸叫一位中年男侍應加茶葉，佢大聲話佢要做左緊要事先，好難頂。 一餐為左慶祝我媽咪生日開心飯變得好不值。埋單$4300， 同一位中年男人收錢即刻態度變良好。。 放心，應該唔再幫襯。 順屬個人經驗，唔會建議大家唔好再幫襯。

We walked in for lunch, and the Liu Yuan Pavillion didn't like our looks, the way we dressed, or maybe my breath, but with 3/4 of the seats empty, they said "NO TABLE!"My thoughts ventured to being an Anglo American and not wanted.  Thus, be warned by this review.

同家人慶祝中秋節係一定要搵一間好食嘅餐廳啦！呢幾年有都嚟過幾次，食物水準保持。但係樓底有啲矮，裝修有啲舊。我哋食第二輪，全場爆滿，有幾張枱要擺到差唔多出門口。醉鴿肉味鮮甜，今次第一次試，花雕酒味好香醉蝦夠大隻，又彈牙，花雕酒味夠香啲粉皮煮得好淋好滑，鷄絲又多又滑，切得都幾大條，不過啲麻醬太濃郁，又點油。炸蝦伴松露抄河蝦- 未上枱已經聞到松露香味，河蝦細細粒夠爽脆，有鮮味，荷蘭豆一粒一粒喺囗裏面爆出，感覺好滿足。蛋白花雕蒸蟹-其實本身隻蟹已經好新鮮好多肉，啲蛋白索左啲花雕好香濃好滑！生煎飽個底剪得好夠脆，咬開啲肉汁會流出，爭啲俾佢辣到個嘴。㽞園泡飯，啲泡飯放咗入湯之後依然好脆，食嗰陣時大家都喺度諗呢個問題？煎入寶飯-家人好鍾意食糯米，佢哋話第二度食唔到煎寶飯，多數都係蒸嘅。味道良好剪得好香，不過實在太飽啦，雖然仲有紅豆餡喺中間，不過嗰啲車厘子唔係太吸引。總結：下次一定會再嚟！

第一次寫食評，我要先寫比我最愛食的上海菜！自小跟外婆住，每日都食正宗上海菜，長大後係外面食，始終都唔夠正宗。終於係留園雅敘搵到原始的味道。今日一行三人食普通晚飯，清清地，無大魚大肉。頭盤我地叫左葱油海蜇頭同燻蛋海蜇頭比海蜇爽，用葱油拌絕對係最正宗。夏天最好食呢個頭盤，涼浸浸，食起黎有陣陣麻油香。燻蛋應該係每枱都會點嘅菜，煙燻味濃配上溏心蛋黃，無論賣相定味道都無得輸！清炒蝦仁係我每次食上海菜必點菜式。無奈嘅係坊間的清炒蝦仁都好有問題，一係蝦勁大粒，一係就個玻璃獻厚到不得了。留園嘅清炒蝦仁使用河蝦，獻汁通透，一大啖咁食感覺超好。食起黎蝦仁又爽又新鮮。留園泡飯我絕對可以一個人食半窩，濃郁雞湯配上每粒都脆卜卜嘅飯，熱氣都要食。唔知點解d飯浸左湯都可以保持住脆口，有小小菜粒一齊食帶點清新。生煎包底部煎得香口，咬開左好多肉汁，而且包不會太厚，包同肉比例岩岩好。最後甜品香蕉高力豆沙外皮蛋香味重，咬開超多豆沙，䁔䁔的豆沙混合香蕉味，為整個晚飯畫上完美句號。**唔怕肥的我極力建議灑上超多砂糖，好正。食物無論用料，賣相，味道都非常好。環境舒適，座位寬闊，可以慢慢享受食物。服務亦不錯，定時有人加茶。店員都會

等菜一催再催都沒有上，服務態度還非常差，把食客晾著不處理，道歉敷衍無誠意，送果盆都很勉強。菜品沒問題，菜量卻很少。狂風暴雨中樂呵呵和朋友一起去吃的餐廳，服務方面讓我大大的失望

一年一度媽媽的慶生飯，地點選定於已有好久沒有來光顧的這裡....可能是太久沒來了，就連店內有甚麼的招牌菜都已忘記得一乾二淨。在此情況底下，最穩陣最不用費煞思量的做法一定是點套餐好了....這樣的一個陣容，一席連加一索價至接近六千大洋，真的是一點都不便宜....甫一下單，不久後一系列的前吃便陸續登場....蒜茸小青瓜用滾刀切的青瓜夠晒翠綠清爽。蒜茸若能下得更重手一點的話入口就更惹香....鎮江肴肉每片皆切得工整企理，入口並不死鹹這一點著實是要加分的；皮凍部份滿有膠質咬下去亦算爽口不覺膩....燻魚屬典型的濃油赤醬之作。魚肉被醬得異常入味，就連骨頭亦被炸得酥至即化，基本上不用吐出來可以連埋肉吞下....馬蘭頭這是其中一道out of the menu自選的小食。它啄得夠細碎之餘亦滲有一股不輕的麻油香。馬蘭頭的獨有氣味一吃便吃得出來沒被其他調味掩蓋。十分出奇地小友竟不怕它的那咲許多人認為有點怪的味道，一吃便上了癮，接連掏了幾匙入口....花鵰醉雞酒味及香相當濃郁不會太苦且雞肉蠻鮮嫩的。個人貪心一點若然雞皮可帶爽身，而皮與肉之間能有帶像啫喱凍般的凝結脂肪的話，這便是完美了....吃過前菜後，大

中秋過後好快又到大閘蟹季節，四周圍都會聽到「九月圓臍十月尖」，農曆九月家人亦會約埋一群蟹痴買雌蟹返屋企開餐，十月先拆雄蟹食白羔 ，聖誕節前家中總洋溢著花雕酒味同蟹味。XO仔因敏感問題極少食蟹，不過適逢九旬長輩於灣仔「留園雅敘」大宴親朋一嚐全蟹宴，江南特產陽澄湖大閘蟹剛好可橫行無忌地為細佬慶祝寫下第四百編食評 ！「留園雅敘」離灣仔地鐵站不遠，附近亦有多條港九巴士及小巴線會路經，電車站就喺後面街，大廈門外亦設有代客泊車服務，交通方便得很。步出升降機門前一刻已聞到強勁o既蟹味同醋味，似乎店內大部分食客都係黎食大閘蟹，幸好主人家預訂o既私人房間冷氣足且流通，就算全枱十三人面前都有一大碗醋，房內o既蟹醋味一啲都唔過份。除咗頭盤之外，主人家吩咐帶有上海鄉音o既肥嬸嬸將所有大閘蟹菜式平均分成十二份，而薑、糖等醬油就放喺轉盤上等客人自由加添。雖然店內人手不足，故被扣下服務分，但睇得出長駐房內嗰位嬸嬸非常勤奮，獨力支撐就算有啲吃力都保持笑容，一有時間更會自動自覺為各人斟添酒水及更換碗碟，態度極佳 ，衛生意識亦高。當小肥行近分餸小枱位置拍下酒樽及酒瓶o既相片作記錄時，居然見到張「出品單」，發現大閘蟹

這週末去吃了留園雅敘.灣仔顯然是上海菜在香港的兵家必爭之地，蘇浙匯，老上海飯店，上海佬飯店，留園雅敘都在灣仔.我從小便喜歡上海菜，台北永康街的秀蘭是我最喜歡的餐廳之一，當然我發現了他的烹調方式已經遠離了傳統的濃油赤醬，變得可以吃到食物的原味了，而他的食材用的是極好的，獅子頭的豬肉，肥瘦相間如此迷人，也因此所費不貲.後來到上海吃到的是傳統的上海菜，ㄧ上桌就八個小菜，燻魚，烤麩，油爆蝦等一字排開，全部都又鮮又甜，記得10年前去上海玩了幾天，把我吃病了，好吃是好吃，可把我膩住了.我留在旅館裡叫了Room service的漢堡來吃.像個被寵壞的頑劣美國青少年.上個月去上海乾媽安排了據她說要運用惡勢力才定到的老吉士，在ㄧ歪歪斜斜的老樓裡，拌馬蘭頭，炸小黃魚，蟹粉豆腐黃澄澄的在熱沙鍋裡，又鮮又粉的極為美味.鱔糊黏呼呼的，口感卻脆又鮮美.我的上海味蕾又甦醒過來.回到香港是光輝的十月，也是大閘蟹上市的季節，我發現我自己日夜思念蟹粉的美味.終於去了留園雅敘解解饞.顯然是城內的老上海人的吃蟹之地了，我們去的那ㄧ晚皆是大圓桌宴客，上海人呼朋引伴的帶著自家的XO分喝著，大盤的蒸好的蟹上桌，橘紅橘紅的.我們是來

留園是中國著名古典園林，是位於江南古城蘇州。對於名字留園雅敍自然有一番聯想。給人的感覺是吃一些地道的傳統菜式。這裡的裝橫是以白色及淺色木為主，並不帶有古典的味道，從裝修上看來顯然是想走比較新派年輕的格局，店內比較細小，枱與枱之格的距離亦不算多。一行八人，叫了不少冷盤脆膳 8/10 - 炸得爽脆無比，入口香脆, 但口感偏硬，帶有甜甜的蜜糖味，作餐前小食可增加食慾糖醋排骨 7/10 -排骨切得過於細小，一口可以吃數粒，一點像吃肉粒般，火喉控制不夠好，水份流失，肉質過硬，唯獨糖醋汁挽回不少失分，甜酸味拿掐得很好醉雞7/10 -花雕酒香，但不會蓋過雞的味道，但肉質不夠嫩滑燻蛋9/10-口感如絲般幼滑，溏心火喉控制得宜，咬一口，蛋王傾瀉而出，燶燶的燻味齒頰留香油爆蝦7/10 -這道菜通常是選用中小型蝦,油爆後，蝦殼薄亮透明，可以連殼同吃，味帶酸甜，香脆可口，蝦肉入味，但其鮮味不夠，屬佐酒佳品清炒蝦仁 8/10 賣相晶瑩通透，雖然蝦仁細小，但每顆充滿彈性，清淡爽口，配上醋同吃風味更佳蔥油餅 9/10 厚身的蔥油餅煎，外皮香酥脆，內裡鬆軟，不油不膩，內裡充滿香蔥，必食松子魚 9/10 炸得外脆內軟，