發哥粥底海鮮火鍋 (已結業)

發哥粥底火鍋用新鮮海鮮做招牌，性價比十分高！平民價錢就可以食即叫即撈到時令海鮮 ！餐廳系九龍灣工業中心入面，位置頗隱蔽，但地鐵站行過去都好近。我地就叫左龍蝦餐，七款海鮮，龍蝦，海蝦、蟶子、扇貝、鮑魚、蜆、魚超大一個拼盤。飲料方面有汽水、竹蔗水任飲！每位包一盅燉湯同送蒜蓉青口！套餐仲可以揀八款配料，只系人頭份量。質素還可以。食到最後店員就會加入粥底，芋頭粒南瓜粒同粟米粒，只要幾分鐘就將粥底煮好啦。個湯底係有晒海鮮嘅精華，食落去超鮮甜，就好似食緊海鮮粥一樣！

第一次食粥底火鍋，真係有驚喜，單單食海鮮已經飽到上心口啊，岩晒海鮮怪。每人有個滋補靚湯飲，又有小食食住等。海鮮拼盤上枱一瞬間大家都呆左，樣樣都大隻又新鮮，不過d蜆有少少沙扣左分，但食到後尾個粥結合晒所有精華不得了！

無影相 信就信唔信就當做善事成餐飯只有樓面服務員態度係值得正評。粥底火鍋最重要係點材料,食佢既鮮味但可惜全部欠奉。多寶魚好腥，龍蝦有陣泥味，蜆唔乾淨有沙。八款配料當中其中有款係巨形蟹棒 但來既係大陸垃圾蟹柳，仲要酸臭。再者「花膠」原來都只係豬皮！咁既材料點會有好粥？成個餐我連粥都無食走左！食到我都成肚火！埋單仲要接近$600但係品質係極劣！成餐飯得燉湯同埋鮑魚係正正常常。唔好侮辱點食物同欺騙顧客 兩隻字 垃圾

屋企人過冬嚟咗試一間新嘅蒸氣火鍋，佢係每一個人可以揀唔同嘅，最平嗰個呢就係配蟹嘅，貴啲嘅就係有半隻龍蝦嘅，我哋兩個都嗌咗。佢個餐呢首先係配咗啲前菜，有啲醃咗嘅青瓜同木耳，跟住仲有一個螺頭雞湯，個雞湯都唔錯，都足料~佢default再配咗每人有兩隻青口。另外仲有係鮑魚，整法可以係生嘅鮑魚放落去火鍋度煮，or冰鎮鮑魚，係有得揀嘅。佢本身跟餐仲配咗安格斯肥牛，啲牛肉都係靚靚哋，唔算超級肥同埋都幾有肉味。跟住輪到海鮮啦！睇上去其實幾唔錯嘅，但係食落去呢就麻麻地好多蜆，特別係大蜆，都係死嘅，所以一直開唔到口！然後啲龍蝦雖然睇落好新鮮， 最初上菜隻腳仲有少少郁嘅，但食落去口感就好似係好淋，似係梅左咁！ 全部海鮮呢都只係好一般，係隻蝦同蟹好啲！ 而且仲有一個大問題就係海鮮會有種腥臭味，佢可能係抽風系統唔夠好，一靠近個鍋就聞到好大陣臭味，之前食過好多其他嘅蒸氣海鮮火鍋都冇呢個問題，所以呢點令我覺得好失望嘅

好多時喺九龍灣都唔知食咩好，食嚟食去都係啲大型商場嘅餐廳，又或者連鎖店。今次經過九龍灣附近嘅工廈， 發現一間都幾旺場嘅海鮮粥底火鍋， 於是決定去試下。見有唔少人都叫呢度嘅海鮮粥底火鍋，可以選擇龍蝦餐或者肉蟹餐， 兩個都好似好吸引，不過我都決定係食龍蝦，因為唔使點剝殼吖嘛。先上一盅燉湯，非常足料，入面有雞肉、瘦肉、花膠等等，飲落好清甜。再嚟一個蒜蓉焗青口，每隻都好大隻，加埋蒜蓉好香好惹味，唔錯。 當然最重要嘅都係火鍋啦，呢度嘅海鮮真係好正好新鮮，龍蝦大大隻，加埋其他嘅海鮮，例如蟶子、大蜆、多寶魚、海蝦等等，淨係食海鮮拼盤都夠飽。尤其係龍蝦好鮮甜彈牙，而且仲有膏， 非常好食。至於其他配料都好豐富，我哋就選擇咗墨魚滑、滑牛肉、 韭菜餃、釀冬菇同幾款蔬菜，每樣嘅份量都好足夠。而且睇得出好有心機，尤其是呢個蝦滑，非常特別。最後食飽飽仲可以叫侍應幫手加啲南瓜、粟米、菜脯、芫茜等等嘅配料，加埋粥底一齊去煮，粥底吸收曬海鮮嘅鮮甜味，飲落真係好滿足。每人埋單都係三百蚊唔使，但就食到咁豐富咁高質嘅海鮮粥底火鍋， 值得一試。

最近一次光顧，發現除了原有等粥底海鮮煲之外，還新增了羊腩煲。在開始入冬嘅季節，一煲暖烘烘羶香的羊腩煲適合不過。首先，依舊是任食任飲形式的火鍋放題。套餐包括前菜有雞腳和青瓜味道正常。緊接著的是冰鎮鮑魚超級爽口，加上花膠雞湯一樣足料和美味。不得不說非常足料抵食！煲裡有齊冬菇、枝竹、蘿蔔、薑、娃娃菜、大量主角羊腩。羊腩一早煮熟至軟腍，而且羊羶味不算太濃以致難以入食，淡淡羶味都會停留在口中。配料方面，冬菇好軟身和蘿蔔非常入味較為出色。最後，食完羊腩煲就會轉做粥底食套餐中的8款海鮮。海鮮都好新鮮，但當中蜆類比較失望，吐沙的處理沒有很完善。總括而言，保持到一貫水準。

星期五晚度度都無位，Random揀左呢間粥底火鍋，都算係有驚喜四個人，一大盤海鮮（龍蝦、鮑魚、聖子、帶子、蝦每樣4隻，一條多寶魚同埋極多沙白），仲可以叫8樣配料，飲品任飲。啲海鮮好新鮮！除左啲沙白有啲啲沙之外，都正既。火鍋配料就正正常常，同其他一樣。最後都係 standard 加少少南瓜芋頭粟米粒，然後落個粥落去。價錢來說正常偏貴，一個人$303，之前食開 X 心都係正既，但就抵食好多。如果有得揀，應該會揀其他🙈 因為交通都唔算太方便P.S. 電視播TVB LOL

機緣巧合之下第二次黎到呢間火鍋🍽覺得質素同性價比都唔錯💰今次揀左個龍蝦海鮮粥底火鍋套餐🦞🥒開胃小菜x2🤤果日係泡椒鳳爪🐥、涼拌青瓜🥒泡椒鳳爪既泡椒辣味好入味 愈食愈想食😋涼拌青瓜就比較清新一啲🍃.🥣是令燉湯呢個足料准山燉雞湯飲落非常甘甜 好滋補🥰.🌶蒜蓉泰式辣醬焗青口蒜蓉味好出青口都算厚肉 幾惹味🙃.🍲粥底火鍋龍蝦餐除左半隻有膏龍蝦之外🦞仲有多寶魚、海蝦、貴妃蚌、黃金蜆、聖子皇、時令貝類、新鮮鮑魚/冰鎮鮑魚用粥水焯熟🔥保留到海鮮既鮮味💧小編特別喜歡龍蝦、冰鎮鮑魚同時令貝🌊彈牙既彈牙、滑溜既滑溜、鮮甜既鮮甜👍🏻其他款海鮮就不過不失😗.火鍋鍋料🍲套餐除左安格斯牛肩肉🐮仲可以揀8款火鍋配料蔬菜🥬海鮮🦞肉類🥩樣樣齊🤣最後仲會加上芋頭南瓜🎃粒粒煮成精華粥😝真係非常之飽飲品方面罐裝飲品選擇唔算多但小編最喜既都係任添既竹蔗茅根水 唔多過甜🍬總括黎講全餐都好有煮家既感覺🏠Cp值好高⬆️.

粥底火鍋🍲天下開始凍，朋友提議打個靚邊爐，搵下搵下見到呢間粥底火鍋，又試下先。豪華海鮮套餐-龍蝦餐🔸開胃涼菜前菜幾好食，尖椒雞腳凍同蒜蓉拍青瓜。火椒雞腳好彈牙但又ok淋，越食越辣越滋味；蒜蓉拍青瓜正常貨色。🔸時令燉湯瘦肉燉雞湯，好清，好甜，好好飲。🔸蒜蓉泰醬焗青口即叫即焗，味道ok。🔸龍蝦餐冰鎮鮑魚：好爽口，正。龍蝦：龍蝦超新鮮，鮮甜肉嫩膏又香。多寶魚：魚肉好滑。海蝦：好新鮮彈牙，蝦肉好甜。貴紀蚌：蚌肉好新鮮軟嫩。黃金蜆：蜆肉鮮甜。蟶子皇：超彈牙，粥水令蟶子肉更加彈滑。安格斯牛肩肉：肉味濃，好好食。🔸8款火鍋配料配料好多選擇，而且份量好多，食完海鮮已經飽飽地。😋味道：7/10🙃回頭：7/10💰消費：$278（每位）

發哥粥底海鮮火鍋 (九龍灣).接女朋友收工同時佢話要食雞煲，發哥真係唔錯嘅選擇叫左小辣雞煲，雞件好入味，另外配料可以任食，我倆揀左粟米，韭菜餃🥟，芝心丸，墨魚滑等，全部份量都按人頭上，唔夠先再叫，咁就不怕浪費食物！呢到嘅服務一如既往的好，前菜都都好食，有涼拌青瓜同雞腳，仲要每人一盅燉湯，真係食捧住個肚！———————————————📍發哥粥底海鮮火鍋 (九龍灣)九龍灣宏開道13號景發工業中心地下7-8號舖—————————————————————-

發哥粥底海鮮火鍋 (九龍灣).早幾日已經食完佢嘅海鮮餐，個心早已經想食埋雞煲！依家番工係九龍灣，所以就放工齊齊食個雞煲開心下(˶‾᷄ ⁻̫ ‾᷅˵)我倆每人叫左$248嘅set，係食完雞煲再打邊爐！我哋叫咗小辣，雞件超級之嫩滑入味其他食物可以任食，我倆揀左粟米，韭菜餃🥟，芝心丸，墨魚滑等，全部份量都按人頭上，份量剛剛好啊！呢到嘅服務係超好，會好細心幫你頻繁地收走啲充滿殼嘅碟 幫你加湯等！———————————————環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️———————————————📌 發哥粥底海鮮火鍋 (九龍灣)九龍灣宏開道13號景發工業中心地下7-8號舖—————————————————————

近日開始有秋意，又係找朋友滾滾下既時候，今次黎個粥底邊爐😋試左個龍蝦餐，每人有半隻，未打邊爐前已經開始有前菜同燉湯，好鬼豐富！泡椒雞腳，拍青瓜，非常開胃醒神跟住有燉湯，d湯料滿滿的，好甜好熱，小心熨親條脷😂焗青口，每人有兩隻，配蒜落同泰式辣醬，甜甜的仲有鮑魚一隻，我地揀左冰鎮，一吉就食得，軟熟唔硬，好爽爽食左咁多野，終於到海鮮拼盤出場🤩大大盤，好豐富，最吸精既當然係半隻龍蝦啦，仲要超新鮮，龍蝦觸仲郁郁下👍仲有海蝦，大蟶子，蚌，魚，同埋一大埋沙白蜆仔...所有海鮮都超新鮮，連蝦尾d肉都離晒殻，又鮮又甜👍小店特別窩心，每台都有計時器同埋指示教大家每種海鮮要烹煮既時間，確保大家唔會煮得過烹，食唔到海鮮最嫩滑既肉質！每檯仲有一碟靚靚既牛肩肉，唔肥又有肉味，肉質好嫩火窩配料，每檯可以揀8款，特別喜歡有部份會寫明一人預左幾多件，等大家有個預算。例如芝士腸3每人3條，包心丸每人3粒....我地點左黑豚肉，美國肥牛，蟹柳，包心丸，雲吞，娃娃菜，響鈴同蝦滑邊爐食到七七八八，店員會加米水同埋放定南瓜粒同芋頭粒。到邊爐差唔多完畢，就會將粥，炸菜粒，粟米粒，蔥花，紅蘿蔔粒一併加入，滾起就食得粥底先係精華🤩雖然

🙂蒜蓉泰醬焗青口甜甜泰式醬，打邊爐前食個冷盤先。😍燉湯好濃藥材味，真正燉湯嘅味道。每一盅都好足料。😍冰鎮鮑魚好鮮味，而且已經將唔食嗰部分預先拆開，點少少麻醬仲更加好味。😍龍蝦餐龍蝦半隻、蟶子皇、貴妃蚌、多寶魚、黃金蜆、海蝦、時令貝見到個海鮮拼盤已經覺得好正！龍蝦大大隻，上枱嗰時仲郁㗎，新鮮到呢！啖啖肉，唔使點任何調味料仲好，咁先食到海鮮嘅鮮味呀！好鍾意食貝殼類海鮮，全部都好爽口，好滿意。海蝦都好新鮮，再嚟多寶魚啖啖肉。😊日本黑豚肉好爽口，打邊爐，一流。😊美國肥牛正呀，打邊爐要食肥牛但又怕半塊都係肥肉，呢個啱啱好。😊巨根蟹柳、蟹粉包心丸蟹柳熟咗真係好大條，記得睇實，唔係就散哂。包心丸大大粒，好足料。😊蝦滑熟咗嘅蝦滑，顏色好靚，睇得出係新鮮料。🙂自家製雲吞、娃娃菜、炸響鈴雲吞大大粒，唔會得個皮厚，其他嘅，正常水準㗎😍粥底幾飽都要食！仲要食咗兩細碗！唔使講，粥水就係頭先打邊爐嘅湯底，即係有哂海鮮嘅美味！😄初時友人話去九龍灣工廠區，都怕難搵嘅，但其實好近地鐵站，穿過商場過條馬路仔就到。唔使佢哋帶路自己都易搵到㗎。

去完睇吉卜力，就係附近搵食，見到人人話呢間好，就膽粗粗差少少6點都走入去，見到地方好乾淨企理，店員好殷勤，就坐低點左個龍蝦粥底火鍋。總括黎講：海鮮新鮮、自家制竹蔗水清甜、蝦滑雖份量少但彈牙、肉類平均、盅湯足料、小食惹味、職員友善…… 可以一試。

有朋友喺九龍灣返工， 聽佢講原來九龍灣啲工廈附近都好多隱世嘅小店，有好多好嘢食， 今次一於等埋佢收工，跟佢去食好西。今次嚟到呢一間嘅發哥粥底海鮮火鍋， 雖然格局好似茶餐廳咁， 但喺工廠區，竟然平日嘅夜晚都好多客人，證明有一定嘅捧場客， 質素都唔錯。我哋嗌咗兩個龍蝦套餐，配上多款海鮮，亦都可以揀八款嘅配料。店家好貼心，特登說明每款海鮮同肉類煮嘅時間，方便客人按時間淥嚟食，咁就唔怕熟得滯。首先出場嘅就係蒜拍青瓜同埋雞腳呢兩個前菜， 味道唔錯， 酸酸甜甜咁，作為開胃小食都ok。至於時令嘅燉湯就用上花膠、雞腳， 味道相當滋潤清甜， 對於乾燥嘅秋天，非常啱飲。蒜香青口都好好食，蒜蓉加上少少嘅辣椒，鋪係青口上面去焗，食落好有泰國嘅風味。話就話係二人份嘅拼盤， 但其實都幾大份， 海鮮嘅種類好豐富， 除咗龍蝦之外，亦都有蟶子、海蝦、多寶魚、大蜆等唔同嘅海鮮，分量亦都好足夠。龍蝦夠曬大隻，足足有手掌咁大， 而且入面啲膏多到流曬出嚟，真係好新鮮。蟶子都唔錯，非常嫩滑爽口，而蜆肉都好鮮甜，好有海水味。蟹子蝦滑質素都唔錯， 彈牙得嚟仲好香蝦味， 而且仲有啲蝦肉粒，幾有口感。安格斯牛肩肉， 肥瘦適中，而且好香牛