百份百餐廳 (啟朗苑)

营业中

休息中

兩個人食，叫兩個餐，職員落錯單，變左黎左三個餐，叫個焗豬扒飯，堂食，一放入口，成塊豬扒剩係血，生嘅，高手，叫職員過黎，職員好似無事發生咁，話收返再焗，道歉都無。疫情都做到咁，職員吹水多過做，唔會再幫襯。

因為屯馬線一期出閘平啲，所以今日就去咗啟德站，順便喺附近搵食，今次就去咗呢間連鎖餐廳百分百。裝修有點像茶餐廳，亦都有啲舊式西餐廳feel。茶餐都有好多選擇，淨係餐牌都有四頁，炒粉麵又有，港式麵食又有，一般茶餐亦都有。我就揀咗個炸雞髀拼薯條，呢個炸雞髀係即叫即炸，製作需時，大概都等咗15分鐘，不過食嗰陣就覺得係值得等待嘅。雞髀唔算好大隻，但炸嘅時間同火喉控制得啱啱好，完全係做到外脆內軟，保留到雞肉嘅肉汁。炸薯條都係新鮮炸起，上面仲灑上調味，所以唔需要點茄汁都已經覺得好好味！因為知道炸雞髀製作需時，所以我加咗$6要咗一碗迷你雪菜肉絲米線，佢嘅肉絲應該係用類似豬頸肉嘅部位，食落爽口，雪菜份量亦多，湯底惹味，米線煮得彈牙，$6超抵食！原本想轉芒果特飲，可惜店員話啱啱賣晒，唯有叫番杯凍奶茶算數，呢度嘅凍奶茶少甜就真係比平常嘅甜度明顯減咗，完全係我心目中少甜嘅效果，所以我都好滿意！

今日有朋友介紹食呢間做晚餐，我點了穀飼牛肉炒讚岐手打烏冬，烏冬炒得夠彈牙，但牛肉超鹹，感覺味精很重。朋友點了蠔仔肉碎泡飯，他說有很多蠔仔，亦感覺蠔仔中沒有太多沙，惟成個蠔仔泡飯胡椒味勁重，食到朋友仔一路食一路咳，明白胡椒粉可以遮蓋蠔仔嘅腥味，但建議可控制落胡椒粉的份量，令泡飯嘅味道較平衡。第三位朋友點了海南雞飯，他說雞不夠滑，好似吃香口膠一樣，希望可以稍作改善。價錢方面亦不算便宜，飲品需要以半價去買，飲品嘅質素一般。

明天朋友約我在他家附近吃晚餐，隨便吃就找到這家店，這家店是一般連鎖快餐茶餐廳，價錢大眾化，最啱想快快搞掂一餐嘅我。朋友點了招牌海南雞飯，我則點了蠔仔肉碎泡飯。朋友說他的海南雞飯多個雞，雞肉亦不太滑。而我的蠔仔肉碎泡飯，黑椒味太重，使我一路食一路咳，我明白食店想以黑椒掩蓋蠔仔的腥味，但太多黑色反而弄巧反絕，我建議餐廳可以放多啲芫荽去劈咗蠔仔嘅腥味。價錢方面，以做街坊生意的茶餐廳來說，不算特別平，希望質素提高多一點就好了。

由於呢間餐廳 隔離就係地盤 食飯非常就腳 但係晏晝時分超級多人 由於仲係疫情期間 唔想喺咁多人嘅地方食嘢 只係想買個外賣快快手走人 於是揀咗佢貼喺門口宣傳話 午市快餐嘅其中一款 落完柯打 睇返張單嘅時間係11點40分 當時嘅人流尚算唔係好多 坐咗喺門口出面等 但係越等於唔對路 等入去糖食嘅人越嚟越多 而且旁邊 畀我遲嚟嗌外賣嘅人都已經走咗 我追問落order嘅夥記我個外賣係咪漏咗單 佢望一望我行開咗去 我以為佢入廚房追單 之後3個字時間過去咗 我就再搵另一個夥記 幫我追柯打 結果我喺度買外賣 總共用咗半個鐘頭有多 若果我當時選擇堂食 已經食飽了埋單走咗 結果係令人非常之無奈 餐飯咩味道我唔記得咗 因為已經火滾到咩味覺都冇 求其食飽就算 我估我下次 或者幫親隔離 或者行過啟晴邨都好 都唔會再幫襯呢間

呢間其實都嚟過好幾次，奈何一直寫唔出食評。今次就一次給佢一個總結啦。作為香港嘅茶餐廳，奶茶絕對係香港嘅signature。。。而佢嘅咖啡、奶茶、鴛鴦，我覺得都絕對合格有餘，水準之上。至於食物質素，曾經食過:#豬扒炒公仔麵: d豬扒乾到紙皮一樣😭#炒貴刁/河粉之類: d油多到嚇死我，食完成個碟底都係油。。。重點係。。。碟野油到我食唔落。。。。😭😭蒸肉餅: 用嘅豬肉太肥，成碟肉餅好鬆散，冇咬口。。。😔今日我決定挑戰嘅係~~~魚香茄子飯:魚香汁夠濃味，夠鹹👌茄子吸夠油，唔會有好硬，太乾身既情況👌飯是藜麥飯，正常飯一碟，不甚特別👌總括來說，此碟魚香茄子飯，我覺得是合格水平(夠高糖、油、鹽份。。。食魚香茄子飯，從來就是需要高油鹽糖，味道夠濃，勉強希望健康之選，根本不應該食此類飯。。。😒)。有時一間店，未必樣樣好食。嘗試從中選擇適合自己的，便已足夠。😌最後，點解我成日幫襯呢? 位於啟德地鐵站出口，一出便會看得見他，亦只得他，這個位置實在太優越la。。。😂😂ps. 其實佢嘅海南雞是好食的😍

毒毒宅在家中多日，已經去到唔想再叫外賣，唯有出街睇下有咩食去到啟德附近見到百份百，裝高級的茶記，見都多人排隊，咁就試試佢二人行：1. 葱花蝦仁炒蛋飯2. 星洲炒米1. 有圖都未必有真相，以為滑蛋，點知。。。。熟到一餅野咁，以為收貴啲唔係茶記？諗多左2. 有啲太油同埋炒得唔太均

不嬲都係呢度食早餐，有時都會食吓下午茶❤️今日就想試吓晩餐🤤🤤🤤其實打開餐牌，就唔同出邊啲茶餐廳咁多款式，但起碼有我最常食嗰啲😬😬見佢有個晚餐set$158幾抵，可以揀魚或者雞，再加一個小菜（當然佢有幾款俾你揀)，兩碗飯，兩盅燉湯❤️❤️我揀咗雞🥳🥳🥳幾滑❤️再揀咗咕嚕肉😋😋😋甜酸度啱啱好，都吾係好細碟，吾錯，配菜都多🤪🤪因為我好鍾意食😂😂飯就夠晒大碗，仲有藜麥添🥰潡湯我唔記得影🤭🤭🤭不過幾足料架！👍🏻👍🏻👍🏻大家有機會搭開地鐵過嚟啟德站就去試試啦😄

幾個月前響屋苑下面新開咗呢間連鎖餐廳，食過幾次啲晚餐都不過不失，正常茶餐廳質素，想嚟試吓佢個平價一人一火鍋好耐，每次夜晚8點嚟到都會賣曬，今次早咗少少，7點鐘嚟到終於有得試下。湯底可以一讚，好香松茸味，幾好飲～ 但係啲肥牛太好咬口🤨😵😵 好韌好難咬，真係麻麻地配料都ok多，質素全部都只屬一般，菜類唔太新鮮，而且無麵/烏冬/米線跟餐，食曬全部嘢都唔飽😂 如果真係要飽肚就要加配嘢食喇～！同埋有少少甩漏，其實我地叫兩個湯底唔同。一個麻辣湯底一個松茸湯底，不過店員落咗兩個湯底一樣。 另外就係執漏嘢，有一碟無貢丸，不過同店員講佢好快就攞返比我地。呢杯紅豆涼粉冰好好飲。總括而言，要食一人一鍋嘅平價火鍋，附近其實仲有兩三間，我唔會再揀呢度食😂 如果再來都只會食其他晚餐類。

食物整體乾淨、份量也好足。味道也不錯。需要改善的是餐具🍴放咗喺臺下面。我認為消毒一下比較好。兩人早餐大約80蚊，1⃣️個香煎魚柳套餐配熱奶茶。一個公仔麵🍜加配餐包。

新開之後個個禮拜都嚟幾次 早午晚都食過 服務幾好 食物質素大部分都算唔錯。下午茶餐嗰個火腿炒蛋菠蘿包暫時係最正話攞獎個咖哩牛腩 除咗鹹咗啲 都好好味不過有幾樣食物就有啲怪:下午茶餐海南雞飯 雞同飯嘅味道雖然ok 雞肉好靭 但好乾硬點解蕃茄湯嘅粉麵係辣嘅 即時同個侍應講 淨係話畀我聽蕃茄湯唔會辣 我而家咪話畀你知辣囉 重複幾次先聽得明 我話可能係啲肉醬 佢話同廚房講 不過睇到佢行去抹下手 就走返返嚟 敷衍我囉 真係有問題的話 唔同廚房講都同經理講聲啦蕃茄湯底食物系辣已經夠怪 重要有冇註明 真係唔食辣嘅 盞要換過畀人西多士唔知點解有陣魚腥味 又係勁奇怪同埋啲冷氣使唔使咁凍!好似環保紙巾都唔畀張 (佢哋係有準備的)， 但每杯奶茶都擠支膠羹喺度做乜，畀隻細更唔得咩，即係唔畀自己其實係孤寒想慳錢做街坊生意 希望真係可以做好啲 否則就苦了班街坊 。

這食評是追溯29-9-2019，當時還未建立這餐廳資料因而直至現在才能上載。話說與鄰舖意樂同是某某飲食集團旗下，終於在啟德發展區插旗，並已新開張數天，於是趁著假期捉家人去踩踩場。去到啟朗苑已感到人頭湧湧，好像住啟德餓了食肆很久那樣，都一窩蜂的衝向百份百（當時意樂還未開張）。11:30左右，自取座位票大概等了15分鐘就入座，餐廳呈長形，座位不多很易飽和，點了個 魚片湯米線、咖哩牛坑腩飯加杯熱朱古力，上菜需時約15分鐘。魚片湯米線就普通粉麵一碗，家人不舒服清清地食一餐是可以；至於咖哩坑腩飯就正好相反，第一，辣到跳舞，我估計有中辣，因我邊吃邊抹汗；第二，感覺不到腩有坑的感覺，咬起來和普通牛腩沒分別，和某些專做崩沙腩、坑腩的粉麵舖沒法比。就是地方始終簇新，加上4人卡座靠邊是落地玻璃有啲view，稱得上坐得舒適那樣罷，加上住啟朗苑附近又不想行太遠去晴朗商場搵食叫做踢對拖鞋落街方便啲。