百樂潮州酒家

营业中

休息中

鹵水雜錦拼盤$138 有鵝片,鹵肉,豬腸,鵝肝,豆腐等，味道不錯，鵝片嫩滑，只是鵝肝比較硬，口感麻麻 潮州香煎蠔烙$58這個我是介紹大家試的，煎得夠香，夠蛋味。又因為一般做蠔餅、蠔烙都較多油，但這個似是半煎做成，所以入口不會油膩。雖味道略微淡，但配上魚露吃就剛好，而且又能帶出蠔仔的鮮味來韓江四寶蔬$78包含合掌瓜、紹菜、小棠菜、冬菇等材料做成，味道清甜胡椒咸菜豬肚湯$48/位有香濃胡椒味，飲完又不會口渴

新居搜購大致完成，兩口子終於可以抽空去看《Avator》；i-square爆場情況極誇張，幸而老公有辦法買到Grand Cinema的VIP場，就趁元旦假期最後一天去欣賞。　 幸得西鐵接駁，由元朗可以快捷舒適地抵達圓方，離開場尚有差不得一小時，就預先致電來留了檯；也是幸有此著，因雖收費較高且不分早午茶時段，地方不大的百樂卻是旺場非常，2點多仍要等位排起飛仔。　被安排領舒適清雅的半沙發位，急急剔起點心紙後，再開始細細品嚐所點的香片茶。高級茶樓的茶確是與眾不同，清香芳醇，值得$12位的收費；值$12的前菜也份外爽甜美味，是個不錯的開始。不過其後的四款點心，卻是催了又催，差不多半小時才上場：　西菜牛肉球-牛肉球極鮮又滑，不喜此味的我也不禁讚好；另墊底的腐皮以西洋菜取代，感覺較為健康。要挑剔的話，是香茜味較濃重，我食了半件已吃不消，其餘只得交老公清碟，美味下也是無難度的。　潮式糯米卷-在金網糯米飯與潮式糯米卷有過猶豫過一刻，慶幸最終選擇是它，除了因軟滑包皮緊扣香綿富口感的糯米飯，成品精緻好吃，也是因後來要趕睇戲打包，糯米卷也是方便之選!　古法千層糕-層次豐富質感實在，蛋香濃郁亦有怡人奶香，這甜

百樂老字號,不用多介紹了吧.這家百樂比老店乾淨舒適,不過幾次光顧,潮州粥都不及老店,沒有那股濃濃的米氣.今次點餐再加些點心,有保持水準的朝州翅,好吃的朝州粥,鮮味有口感的蟹棗,還有好吃的南非鮑....招呼不錯,吃得很滿意.

是次4 人食椒yim白反魚 - 一般豬肚湯 - 幾好，豬肚味和胡椒和鹹菜味balanced鵝片拼大腸 - 鵝片肥Ｄ濃Ｄ仲好，大腸肥美其實這裡老水野最好食是掌翼，但成日賣哂芋頭煲仔飯 - 算合乎情理，這裡其他炒反面都唔錯的羅白lok - 唔得，早知白反魚炒蛋好得多反沙芋 - 得wor整體算中上啦

We have been to this restaurant a couple of times before. (mainly due to the lack of choices in elements) Had bad experience a few months ago so we stopped going, and last night we decided to give it another shot. Food quality has improved, though service is worse than before. Hope it can the food quality up!

今晚同幾個姊妹食飯,就住小魔怪同小俊仔,所以決定留響Elements食.又唸住食清清地,所以去百樂潮州. 地方幾大體舒服.平曰都幾多人. 小魔怪鐘意佢有細份order,所以試多兩款.先叫左個滷水拼盤.有滷水鵝片,滷水鵝,大腸,豆腐.... 滷水鵝冇肉淨骨同肥. 鵝片,大腸,豆腐okay.只係佢地既滷水唔多夠味. 蠔仔煎賣相同味道還可以.算好多蠔仔.不過係d蛋油左d同有幾粒蠔仔好腥 (x_x) '楠'角四季豆 - 叫左細份.又真係超細囉!!不過味道唔錯.四季豆唔會太淋或太硬.'楠'角肉碎都幾多.送飯或淨食都幾好. 本來唸住叫乳香脆鱔但係成$40一件!!!都係唔好博.先.試下佢個甚麼蒸鱔.份量幾大.豉汁鱔好肥美.冇乜d頭同尾.所以係肉多.用汁送飯最o岩!! 叫左個潮州蠔仔粥.蠔仔好肥美.份量足夠我地五大一細每人一碗!! 仲叫左個潮州煎麵.個樣好靚仔,煎得o岩o岩好.一d都唔焦.但係裡面d麵就太太太淋~~ 又碎.都真係唔係好掂. overall食物味道係okay既. Service幾好.部長落菜幾老實中肯.唔會hardsell d貴野.差唔多夠食,就話夠,唔好叫太多食唔曬. 值得一讚!

其實今日係我第二次o黎, 今次同屋企人o黎, 叫o左多o的野(飽到痺)。本來想叫鹹檸檬鴨湯, 不過經理都係話無供應, 有o的失望, 雖知道此湯乃潮菜o既特色喔。以下係今次所點o既餸:杏汁白肺湯 - 湯呈漂亮o既奶白色, 杏汁味道香濃, 豬肺同埋豬肚等都落足料, 因為第一輪未能全部喝完, 侍應細心地以小爐熱住, 唔錯o既印象; 我覺得此湯乃係食潮菜時胡椒豬肚湯及鹹檸檬鴨湯以外o既另一佳選。滷水鵝片, 鵝掌亦 - 食潮菜通常都會點滷水食物, 百樂o既滷水做得唔錯, 有香濃o既花椒八角等香料o既香味, 吃罷亦不覺口渴。蠔仔粥 - 一碗都裝到3至4碗, 蠔仔算係足料, 湯底味道亦唔錯。鹽水脆炸豆腐 - 本人極力推介, 外皮脆而鬆化, 內裏柔軟; 不過今日似乎有o的失準, 同上次食明顯豆腐較為傑身, 欠o左上次清爽o既感覺, o係品質控制上要加倍努力啊。香酥鴨片 - 有o的似食炸豬手, 唔係太特別, 可以唔叫。其實此店比起好多其他潮州菜館o既另一特色係可以叫小碟o既份量(比例牌還要細), 咁少人或者想試多幾款就方便得多。順帶一提, 上次點o左蠔烙, 不過個人覺得沒有好o既蠔烙脆中煙韌o既質感,

雖然出發前已在OPEN RICE睇到不好的食評，但個FRIEND堅持話要去，無計啦，就將自己的期望降至最低，可惜仍然是失望而回，仲要唔平!蠔仔洛-勁差!川椒雞 - 食到雪雞味!頭抽煎魚倉魚 - 鹹到震!潮州粥 - 都係鹹!唯一只有服務係非常好，不過唔會介紹俾其他人囉。

第一次和家人來圓方的酒樓吃飯,結果失望而回!點了6個菜:魚翅:完全吃不到魚翅,倒是像魚肚羹多一點!潮州凍蟹:好小的一隻,職員話有16兩,個人覺得只有10兩,而且一點都不新鮮,發出怪味!!還要563元,貴貴貴!!!!!!潮州脆鴨:一個星期都賣不出的皺皮"肥老鴨",吃下去滿口都是油,早知道在外面吃個燒鵝飯!北菇扒鵝掌:味道一般,份量少蒸魚:不知名的河魚,貪平一試(215元)結果.....................蒜蓉炒菜心:菜心的色澤發黑,好明顯不新鮮!買單盛惠1900元,無生果,無甜品送!!!一定不會再來,有被人明搶的感覺!!!!這樣的價錢........還有這裡恃應可能以為自己是在圓方工作很高尚,態度好差,有看不起人的感覺!在這裡吃飯有貼錢買難受的感覺!!!!來圓方還是購物比較合適!

我上次星期曰去飲荼, 同個門口小姐登記時已話你知要等很長時間，但我們仍堅持登記, 留了姓名及手机，等了一個鐘, 返去門口看看登記纸, 竟仍十幾個登記都無晝去, 想來想去無理由無人入去, 在門口覲察一下，原來全部熟人一到就帶入去，我們同門口個位登記小姐講, 佢就話全部是訂位, 你登記個時已經話你知好奈啦! 是妳要登記之嘛！服務態度差差差！

一眾人等看赤壁前先醫醫肚，利苑未開未改道到此。點心紙選擇不多，大家各樣略選一個都把點心紙剔個半滿。環境自是美的，因為這裡是圓方嘛，不過冷氣之強非常人能受。食物也不錯，馬拉糕雖不是傳統巨型一大件那款，那熱騰騰軟熟也不錯了。最有趣是蝦餃中間如鳳眼餃的東西，當大家還在研究要不要吃時給侍應一手拿走，問其實那是什麼竟被告知是裝飾品！還有不到半年就搬到此處上班，覓食艱難矣！

我同我老婆大人去過3次. 總括來說不錯.我地有食個套餐, 有散叫. 我覺得佢地個潮州翅好正,好足料. D翅大大條. 另外海參都做得好好! 可以加埋柚皮, 好入味! 正仲有個炒蟹都好好味. 不過價錢就都幾貴下. 兩個人都要成$1000.

餸細碟不在話下，頭盤三拼，個葉型碟得18cm x 8cm, 三拼嘅食物要三重叠起！接待員一夜之間連翻例瀉茶幾回。9個人，叫9个餸要叫第2個round!因為個個都唔飽！下次咪搞！