皇室冰廳

营业中

休息中

長沙灣好食餐廳- 皇室冰廳岩岩接完女朋友放工，我同佢都幾肚餓，見到一間細細地但幾骨子既茶餐廳，所以就入去試試。餐廳坐位唔算多，但都算坐得幾舒服。另外佢地仲好貼心咁提供左專for抹餐具既濕紙巾。我地最後叫一個蕃茄烏冬另外一個牛肉咖哩焗飯。🔻真蕃茄烏冬+吉列豬扒+炒蛋味道：8.5/10價錢：$56呢個湯底真係好好食，勁有蕃茄既鮮味，同一般餐廳蕃茄湯底完全唔同level。佢塊吉列豬扒都炸得唔錯，肉質唔會太過銀口。而個炒蛋都炒得好滑～🔻焗咖哩牛肋 牛肉焗飯味道：8/10價錢：$59咖哩非常之香，焗飯底係有蛋，而且焗到有啲飯焦，正～佢有兩隻牛肉，一隻係普通既牛肉片，而另一隻係牛肋肉。另外我地仲叫左兩杯特飲，oreo阿華田同雪山朱古力。兩杯都好特別，雪山朱古力好濃朱古力，推介大家點呢杯！地址：皇室冰廳 (長沙灣)長沙灣元州街482-492號金碧閣地下14號舖

之前已經黎食過一次，今日約朋友係長沙灣食飯就即刻諗起呢間冰廳。第一道嗌左朋友最鐘意食既晚飯小菜 招牌椒鹽蒜香豬扒，無食咁耐依然好夠椒鹽既鹹香味，仲有陣陣蒜香味，豬扒肥瘦適中、肉質鬆軟。另外嗌左個晚餐E XO醬茄子牛肉煲，一上枱熱辣辣，茄子煮到糜爛咬落去好有茄香味，仲吸哂醬汁既味道，加埋醬汁撈白飯，真係好滋味，如果牛肉可以再生d更完美，可能本身鐘意食生d，應該會再嫩滑d。每個套餐都有包例湯同白飯。而飲品就加左$8嗌特飲，有OREO特濃阿華田，阿華田味夠重，唔會淡茂茂。另一杯就叫左什果賓治，甜甜地、有氣泡、加埋水果增添口感。

皇室冰廳長沙灣街坊茶餐廳！朋友住附近拎d 野比佢交收佢話帶我食佢樓下飯堂🤣推介我食小菜🧐佢介紹我lee 間係小菜份量同飯量都好足料！再加上比佢地常餐吸引左黎個開心share 🥳🥳🥳魚香茄子煲（$62)熱辣辣上台重出煙！之之聲😍好好送飯呀！！！茄子夠軟林林🤤！！又辣又夠味！蒜味夠份量大真-蕃茄濃湯~特餐（$56)蕃茄濃湯烏冬配厚切吉列炸豬扒+牛奶炒滑蛋蕃茄湯酸酸地好開胃！烏冬本身唔會酸👏🏻牛奶炒滑蛋🥚🍳！流汁蛋🥳！重點係豬扒真係大大塊！炸醬都唔會話好厚！一杯特飲一杯oreo 華田 😍！oreo餅有咬口✌🏻加可以叫華田少甜唔會驚太甜🤤 小店的味道😽店員好細心介紹佢地有消毒紙巾for 餐具！重有口罩套🥳防疫感好足

今晚去開長沙灣附近，見到呢間皇室冰廳就入去試下，本身諗住應該係一般茶餐廳嘅質素，點知食落發現有驚喜真。番茄濃湯特餐，餐牌寫住鎮店特餐咁厲害，所以一定要試一試佢，跟餐嘅無味精老火例湯，好足料：有椰子、紅蘿蔔、瘦肉，飲落有好濃郁嘅鮮味，應該煲咗好耐，正！個番茄濃湯烏冬因為係用新鮮蕃茄每日新鮮製造，味道果然好濃郁，烏冬亦都彈牙牛乳炒滑蛋亦都好香蛋味，而最值得介紹嘅絕對係佢嗰塊即叫即炸嘅吉列豬扒。外皮薄薄嘅一層粉漿香脆鬆化，包裹住入面非常鬆化嘅厚切豬扒，我仲食得出豬扒好似有好香嘅豉油味，真係會食上癮！醬爆茄子脆魚柳煲，非常夠鑊氣，一拎上檯已經聞到香味。整個煲味道濃郁，茄子腍滑，魚柳亦十分鮮嫩入味，同埋魚柳分量好多，配埋白飯一齊食簡直一絕！椰汁涼粉冰，淡淡嘅椰香加上涼粉，解渴得嚟又好味估唔到咁平民化嘅價錢都可以食到咁好味嘅食物，絕對物超所值，一定會返嚟試埋其他餐！

不經不覺 長沙灣成為我嘅晚飯熱點 嗰度茶記多 餐牌選擇豐富 中西合璧 東南亞又得 老少咸宜嘅開餐聚腳地  -🥣是日老火例湯 每日轉換 隨餐附送 如果自己唔想煲湯咁麻煩 最好嚟食嘢兼飲湯 慳返唔少功夫-🍧椰汁涼粉冰 ($22)大熱天時 飲杯涼浸浸凍飲 特別心曠神怡 椰汁淸甜 涼粉爽滑順喉 -🥘涼瓜火腩煲 ($62）小菜即叫即做 新鮮熱辣 充滿鑊氣 涼瓜放喺熱騰騰小鍋中 慢慢食都唔怕放涼 呢度每晚精選五款晚餐小菜 有蒸魚有小炒 抵食又好味 如果你唔鍾意坐喺度同人迫 大可以買返屋企 佢哋外賣有九折-🍍🍅🐔菠蘿蕃茄焗雞扒飯 ($58）粒粒菠蘿加番茄 酸酸地 好開胃 原件雞扒切件上 件件一小塊 一啖放入口 唔使慢慢用刀切開 食得方便 炒飯分量多 食完已經飽晒-📍長沙灣元州街482-492號金碧閣地下 皇室冰廳 Royal Cafe

唔知大家鍾唔鍾意玩board game呢？我哋間唔時都會去K生K太長沙灣屋企gathering，再玩吓遊戲，但呢個K太係無飯主婦，除此之外，佢所有家務都唔識做，呢幾年嘅每一日都好似過住養胎嘅生活。所以玩之前，我哋就去咗佢介紹嘅皇室冰廳食晚飯。豆腐火腩煲每星期嘅menu都會更新，而晚餐每日有5個選擇，包齊例湯、飯同熱飲。今晚就揀咗男人的浪漫：豆腐火腩煲。呢個煲夠晒鑊氣，雖然煲仔細細，但份量都唔少。不過，A姐就話啲火腩太肥喇。所以呢個煲就係叫男人的浪漫囉。魚香茄子煲除咗每日5個新款，亦有唔少菜式係恆常供應，其中一個就係我哋最愛嘅魚香茄子煲，呢個同樣包齊例湯、飯同熱飲。魚香茄子煲鹹香十足，而且茄子煮得好入味，真係添飯之選。（記住Like同Share畀朋友）By A姐M佬 玩樂日記 www.aandmdiary.com

干炒牛河,去冰室當然要試下炒河先試到廚房既功架,炒河粉質感彈牙多實在唔會一夾就散,炒牛河夠獲氣食落夠晒惹味.中間帶點洋蔥絲增添左份甜味同爽脆感.招牌生炸雞脾配薯角,因為雞脾係新鮮即叫即炸所以店員都好細心溫馨提示要等少少時間.果然等既時間係無白廢既,一上枱熱辣辣既炸雞脾超巨大,大過我個拳頭,而且炸雞脾外皮呈金黃色見到已經流晒口水.雞脾外皮超脆口咬落咔嚓咔嚓又唔會油膩炸得通透.內裏雞肉炸得嫩滑多汁,醃得好好所以唔會有雪味,鹹鹹香香.旁邊既薯角都唔可以睇少！炸得好脆食晒份雞脾再食返d薯角仲係好脆！Oreo特濃阿華田加左oreo碎飲落多左份曲奇咬口同曲奇香,就算係特濃都唔會只係加甜,飲落真係好香華田味得黎唔會甜到渴口抵讚.焦糖忌廉朱古力加左忌廉既朱古力更香滑而且焦糖味令朱古力更有風味吱唔單調.

近期見客多咗去荔枝角長沙灣，發現都唔少性價比高、價錢平份量足嘅抵食午餐，啱哂一眾想開源節流慳多個錢嘅打工仔元州街呢條大直路上都有堆茶記，其中就數呢間皇室冰廳門面較為光鮮起眼，離遠一望就望到。價錢以同區而言屬中等，午餐包愛心湯水，就算外食嘅日子都可以滋補吓養吓生🥳為配合疫情，餐廳除咗搓手液外，仲提供埋消毒紙巾，食都食得放心啲～好耐無食焗飯，呢度有得選擇豬扒/魚柳/雞扒，醬汁亦可菠蘿蕃茄/咖喱二擇其一，夠哂人性化✨我揀咗菠蘿鮮茄芝士焗雞扒意粉，上枱果然無失望，茄醬酸甜適中，仲有件件鮮茄，有口感得嚟茄味濃郁。雞扒大大件，厚身嫩滑，預先切件再焗，方便食用，唔洗客人自己切，避免切碎哂啲意粉嘅情況🤣如果再多啲芝士會更香口～朋友點嘅咖喱魚柳意粉，咖喱椰香味突出，口感帶薯仔嘅顆粒感，夏天食完出身汗尤其消暑。魚柳大小適中，都算幾厚肉，脆身又唔會炸得太油，同咖喱好夾👍🏻👍🏻上菜速度快，即使即製焗飯落單後10分鐘內已經上枱，唔怕lunch hour一個鐘食唔切。

經過長沙灣見到門面裝修唔錯嘅冰室，睇睇門口餐牌都有幾多選擇，所以入去試試。未叫餐店員已經攞咗2碗例湯比我地，雖然係例湯，但都勁足料，飲落好好味，應該係老火湯，似媽媽煲果d湯，正。睇餐牌我已經比呢個真番茄濃湯特餐吸引，店員介紹係用新鮮番茄煲嘅湯底，所以叫黎試吓，呢個餐都幾豐富，有大大塊嘅吉烈豬排，炸得非常香脆，不過肉質仲好juice,而個牛乳炒滑蛋就炒得好滑，牛奶味好濃，仲有大大碗烏東，非常抵食，個烏東湯底真係好正，勁濃番茄味。招牌椒鹽蒜香豬排，叫小菜有白飯送，上枱已經勁香蒜蓉香味，豬排份量都唔少，上面鋪滿炸蒜，非常惹味，豬排質地都好鬆軟，完全唔鞋唔韌，都幾好食。餐飲叫咗特飲，Oreo 特濃阿華田，阿華田上面鋪滿晒oreo脆脆，阿華田真係勁濃，呢餐真係非常滿足。

之前在這邊吃過晚餐，蒸魚、肉餅等家常便菜；又有湯水喝，一小碗也有滿滿的湯料，質素不錯，價錢划算。聽到大廚烹煮時開大火候的聲音，很有鑊氣。馬來炒貴刁即時炒起，還在冒煙，很惹味。 味道跟星洲炒米差不多，港式的炒貴刁版，不過以河粉代替米粉，麵條更有口感、堅韌。材料有蝦仁、雞蛋、叉燒絲、火腿絲、洋蔥絲及芽菜，加入黃咖哩粉，微辣。飲品餐牌上的飲料也很吸引，雖然很邪惡，但還是忍不住點杯特飲。雪山特濃朱古力：雪山就是忌廉，再加些朱古力醬，底下的朱古力特飲，味道的確特濃，甜甜的。

餐牌選擇超多，價格合理，在說什麼？在說這家茶餐廳，位處偏僻卻駱驛不絕，不停有人點外賣/叫速遞，很受歡迎的樣子餐廳座位不多，餐牌選擇卻很多，我們選了個當日的晚餐跟一個店家招牌：焗飯食物：是日晚餐E四川惹味麻辣雞煲$68絲毫不輸外間的雞煲，辣中有麻，花椒的份量恰當，辣味停留不舌頭會一迅即逝，雞件僅熟夠滑，雞塊少說也有10塊左右，非常充足凍檸茶+$3不俗的水準焗豬扒飯$58（轉椰汁咖哩好吃！豬扒夠鬆軟，咖哩汁椰香重而不辣，上面帶有拉絲芝士。意粉幼身頗彈，不是一般茶記水準意粉，著實不錯！Oreo 特濃阿華田$12餅碎很多，阿華田味也濃，不過冰塊也有點多，由頂到底都是...服務還不錯，阿姐都殷勤招待！

早兩日去長沙灣睇完戲，想搵間冰室食下咿茶餐廳嘅食物，我哋搵到間呢間皇室冰廳去試下。去到見到間餐廳都有好多人叫外賣，因為佢外賣做緊九折，同埋都有同外賣平台合作。咁好快嗰度嘅侍應就招呼我哋坐低，亦都有量體溫，仲有兩個口罩袋俾我哋裝住個口罩。睇左餐牌之後，發覺佢都有個番茄湯嘅烏冬好出名，咁我哋一個就叫一個茄子魚柳煲配白飯，另外叫左佢好出名嘅皇室冰廳特餐，有蕃茄湯烏冬同炒蛋跟吉列豬扒。叫左之後，侍應就拎咗兩碗老火湯上嚟，飲得出個湯係好真材實料，唔係味精湯。另外佢仲有提供餐具清潔紙，等我哋喺呢個時候去清潔餐具，呢一樣野值得一讚！另外，我地加左小小錢轉左特飲，一個係特濃Oreo朱古力，一個凍椰汁紅豆冰。咁好快兩個餐嘅嘢食都上枱啦，呢兩份嗰個份量都好大。個常餐個豬扒好香好脆好大塊，而蕃茄湯亦都好濃味。而個煲上台嗰陣時仲好熱辣辣，個飯亦都好大碗，啲茄子同魚食落好香口，好好食。最後嗰兩杯嘢飲都大杯，而且好啱我哋口味，最重要就唔會太甜，飲住野坐下就最舒服，而埋單都係百二三蚊倒，咁樣食落去都覺得好抵食，同埋啲侍應都好有禮貌，好快手。如果大家嚟開呢頭又想食茶餐廳嘅，可以試吓呢間架！

天氣酷熱，胃口一般，不太想吃碟頭飯或是小炒類，還是想吃點酸酸又較濕潤的。這個全日供應的套餐，最適合不過。這個全日供應的套餐，最適合不過。招牌番茄濃湯午餐肉粒粒通粉沒想到湯底比我想像中香濃，鮮味的番茄湯，配搭通粉，份量挺大碗。配料有很多切粒番茄及午餐肉。套餐還有松露嫩滑炒蛋及半塊牛油厚多士。蛋半熟狀態，滑滑水潤。不過蛋的份量不多，而且松露味很突出、搶味，蓋過了蛋香。飲品加錢轉了滋補養生的特飲，桂圓紅棗水，加入紅棗、桂圓及紅糖，有點甜。

#皇室冰廳 (長沙灣)成日都會有好多人係門口等外賣，無意中聽見人地閒談間話焗豬飯好好食。#鮮茄焗豬扒飯 $58 +特飲Oreo阿華田 $8即叫即焗，等候嘅時間唔長。面上豐富嘅番茄🍅醬汁、焗溶咗嘅芝士、菠蘿🍍同鮮茄。大塊豬扒覆蓋左成個飯面，🤭做到由頭食到尾都會食到豬扒嘅效果，預先幫你切好一塊塊，好貼心，🥳唔使自己落手落腳。豬扒鬆軟厚度適中，微微煎過既關係更加香口。除咗大塊豬扒之外，🤩大量芝士都係一個賣點，亦都可以由第一啖到最後嗰啖都食到拉絲芝士。成個飯配搭埋蕃茄醬汁，😋甜甜酸酸好開胃。飯係蛋炒底，一粒粒分明又鬆軟。總結嚟講我覺得好食過連鎖快餐店嘅一哥焗豬扒飯。#Oreo華田大大杯，😚面上加左Oreo餅碎，華田唔太甜，都唔錯。#醬爆茄子🍆脆魚柳煲 $62份量有好多，魚柳好大塊。茄子腍身又有穫氣。😎茶餐廳可以整到大排檔嘅水準。整得好惹味，配白飯好夾。如果係女仔嘅話兩個人食一個都夠飽。🙃唯一嘅缺點就係比較油膩。仲有湯送

朋友住喺長沙灣，咁岩喺荔枝角整完指甲就去行過去長沙灣搵去食飯，當然唔會煮飯啊，就簡單搵咗一間餐廳食個飯。見到夜晚都有好多小菜可以選擇，仲有啲係是日晚餐，日日都唔同，兩條友叫兩個餐都夠晒食餐湯有蘿蔔豬骨湯，唔會太鹹，口味啱啱好，都幾香！椒絲腐乳炒通菜$62炒通菜分量十足，而且好爽口，腐乳份量亦都足夠，所以每一口都有充足嘅腐乳香味，要來送飯一流。招牌密椒薯仔炒牛肉$68呢個食物牛肉味道就鹹香少少，反而想讚一讚佢嘅洋蔥好爽口又甜，而且佢個薯仔嘅質感好香又有D脆身，好特別地好食，所以食到停唔到口。飯大大碗，如果女仔分分鐘食唔晒，所以我都俾咗啲我個friend幫手食。升級特飲加$8，又真係幾抵喎！Oreo特濃阿華田雪山特濃朱古力兩杯都真係好大杯， Oreo嗰個佢表面有好多Oracle，飲飲下佢會有啲沉咗落個底，所以食到Oreo嘅香味，阿華田味道亦都好濃郁，另外一杯朱古力上面有啲Cream，真係好豐富。價錢來講雖然唔算話真係好平，但係無論份量，味道都絕對值回票價。