皇室1號東九龍

营业中

休息中

首先，唔知點解呢間宕臨，招牌唔叫富臨，但都似富臨既格局，正式傳統酒樓，早茶啲伙計認得你，見你坐低，好快就會送上你飲開既茶。今次介紹既係午餐，呢間有好多午餐set，我一行4人，叫咗個燒鵝跟籠仔蒸魚飯同灼菜一碟。另加幾碟點心。燒燒好味，皮仲有少少脆，而個底有野暖住。籠仔蒸魚飯就一般，有少少腥味，反而灼菜夠鮮味，唔太淋。點心正正常常。再講環境，傳統酒樓，啲野就少少舊舊地，但呢啲係風味。而服務一樣係傳統，有啲熟既服務好好，唔熟就會差啲。但普遍都正常水平。上菜速度都ok，點心可能即蒸，所以比較耐。價錢都係正常中等。

到皇室1號東九龍飲下午茶，位於九龍灣常悅道9號企業廣場1期1樓。 大約下午兩點半到達， 唔使等位好開心😆。 茶價$9位， 點心都好抵食， 富臨蝦餃皇$22.8、 極品燒鵝瀨粉$19.8、 冰鎮秋葵$28、 原隻鮮蝦腸$23.8、 醒目仔孖寶 (鮮竹牛肉球 、 生煎菜肉包)$27.8、香草綠豆沙$12.8、 養顏紅棗糕$12.8。 📍富臨蝦餃皇 ～ 大大粒皮薄餡靚， 蝦肉🦐好爽口。 📍原隻鮮蝦腸 ～ 蝦肉好大粒， 爽口新鮮。 📍鮮竹牛肉球 ～ 牛肉球口感紮實。 📍極品燒鵝瀨粉 ～ 湯底偏鹹， 燒鵝份量都多。 📍冰鎮秋葵 ～ 冰鎮秋葵口感爽脆， 但我比較喜歡用豉油芥末多過蠔油😉。 📍生煎菜肉包 ～ 椰菜太多，反而肉偏小。 📍養顏紅棗糕 ～ 香濃紅棗味， 記得趁熱食。 📍香草綠豆沙 ～ 沒有香草的綠豆沙， 味道普通。 點心整體味道正常， 可以一試😀。

首先要投訴員工服務態度差，對人客沒有禮貌，今時今日這樣的服務態度是在趕走客人。我跟朋友看見報紙上這間酒樓做推廣，羊腩煲每煲＄28,乳鴿每隻＄10,怎知在下單時職員話衹可2選1。我們選擇了羊腩煲，但裡面衹有3舊羊腩、少許枝竹、幾粒細小的馬蹄、4件切片的冬姑；其餘都是薑，真的有被欺騙的感覺！這樣不是推廣價，是將價就貨！簡直是駶子！當晚我們還點了果皮蒸鮑魚，怎料鮑魚到了放上枱後已即時聞到濃烈的臭味，夾了一隻看看，將鮑魚拆出來後被嚇了一跳，鮑魚下面全是糞便味的泥土，整隻鮑魚完全沒有清洗過，再睇埋其餘的都是一樣，跟員工講後他們完全沒有感到不好意思，衹是說換過一碟紿我們，一句唔好意思都沒說，最後我們取消了。我們以後都不會再來幫襯這家食肆了。

This restaurant is a very budget choice.We go here for lunch quite a lot.Table for 6 in C zone is very comfortable which is inside the room and much more quiet. Stir steam fish rice is very nice and big. Good for share for 4 people.Baked dove is in promotion, buy one get one free. 38 dollars only I can’t believe. Highly recommend rose tea

假期約著家人一起喝茶，第一次來試這家皇室1號。店面比想象中的細，多數是附近街坊出來飲茶的樣子。這裡的茶壺會在底下用小蠟燭一直熱著，頗有心思，可以讓客人一直喝到熱熱的茶，不會涼掉。食物方面，種類選擇不算太多，不過該有的大致上都有，就是味道比較一般，不過還能吸引客人最大的一點應該就是價錢便宜了吧。像我們4個人用餐，點的也不少，照片沒拍全，還包括3隻燒乳鴿（其中2隻打包作晚餐），一共就用了HKD330，算是很划算了。

公司的大地震塵埃落定，我地3個倖存嘅管理層，去打番個邊爐先。呢度係公司附近，我嘅御用team gathering 地方。一路以來都好支持。依家飲食好難做，佢又推出任食邊爐，仲可以任飲，啱晒我地慢慢傾心事。4人有一隻雞、一條魚；2-3 人都只有半隻、半條，有啲可惜。湯底我地選了鴛鴦。其他湯底不能雙拼，另外鴛鴦湯底同廣告不同，其實係沙爹拼清湯。而且無得加湯只能加滾水，呢點有小小失色。沙巴龍躉夠魚味又唔鞋。走地雞多肉，不過無乜味。合格啦。海鮮拼盤份量幾夠。望落幾靚。蟶子、蝦都好新鮮。其他就一般。任點的係普通美國肥牛，好多肥膏。但係對我來講好正，因為肥瘦分明，我好輕易咁煎走肥膏食瘦肉。其他餃、丸、菜都係任點，質素一般但係一定夠飽。無限任飲啤酒汽水，都多選擇（可惜冇無糖飲料），啤酒係生力（唔係藍冰獅威）都ok 啦。最主要係任飲。自帶了「銀河鐵道」清酒。產量非常有限，所以都難得飲到。特色係要-18度冷凍，倒出來有冰花。好正。由於本身係任飲，自帶酒水都免開瓶費啦。3個麻甩佬，飲飽食醉，7點傾到10點幾。全場只有3數檯，真係難做。埋單再送 coupon。打算下星期再來過！

疫情底下既富臨酒家為左令食客食得安心，佢盡量轉做外賣，做外賣仲平呀，真係岩哂我呢啲無時間整野食又想食中菜既人😋😋見佢哋嘅衛生做得好足，真係食得好放心☺️嗌左勁多小炒😘😘😘🎈馬來咖喱雞咖喱勁香，辣度我覺得唔會太辣而令到雞肉無味，調味一流呀😜雞唔會整到好老，仲有嫩滑既感覺好味呀😘配埋咖哩好送飯😋😋🎈蓮藕花生炆豬手既豬手炆到好淋，勁入味，仲有爽口既蓮藕加埋拉絲效果，同惹味花生，真係無得輸呀！重點係份量勁多☺️🎈生炒糯米飯勁香呀，媽咪勁鍾意，糯米飯勁粘口呀，煙煙銀銀，加埋唔同既配料，花生落得好多好正，既飽肚又香口😊🎈瑤柱金菇炆伊面大大碟🥳伊麵唔會好乾身，重點加埋大大粒既瑤柱同金菇，平凡中帶有貴氣，完美呀！☺️☺️🎈北菇海參扣鵝掌煲大推，係屋企係整唔到哩嗰水準😚厚肉又大大粒粒嘅冬菇，同大大條好好口感既海參，yummy，鵝掌好淋身有啲入口即溶既感覺💓💓🎈梅菜扣肉煲😜大大嚿既扣肉好入味，而且食落去肥得黎唔會膩☺️餸飯真係一流呀，啲汁既味道好夠，完全係我食過會返轉頭既小菜之一☺️真係佩服富臨既因時應變，令食客可以食得安心❤️

門口廣告寫位無限添食任飲任食．每鮮火鍋除咗送果盤海鮮拼盤之外，可以叫只得鯇魚，鱔片同青口冇其他，咁就唔好寫到任食海鮮咁啦，當我唔睇中間果點，任飲啤酒常溫，玩咩？？？我叫麻辣雞煲，未見過雞煲係成煲湯浸住牛丸，嚟6粒生山竹牛肉(賣唔晒啲點心俾人打邊爐？)墨魚滑(未見過墨魚滑食落口散晒，成PAT粉咁)最精彩係成晚叫啲嘢都唔知送咗去邊，成個場得3分1人咋，唔係爆場，一入場叫完晒嘢，冇爐，到個爐嚟咗雞煲嚟埋食完啦其他嘢都未嚟，半個幾鐘啦，煲到雞煲啲湯冇晒2次先嚟其他嘢食，食完第一轉再點嘢，啲嘢送咗去第二枱，點解會知？第二枱食緊先聽到果枱人話叫魚皮鮫點解嚟咗水鮫﹐碟水鮫我架，我59號枱隔離39號，仲有枱情侶嚟咗成粒鐘齋煲個煲，冇嘢食到，追咗幾次都冇，聽到有枱話7點鐘點咗啲另外俾錢牛肉，9點都未到，有冇咁離譜呀，仲要成$215一個，駛唔駛差到咁呀，啲嘢已經唔係特別好食，仲要差到咁，想人返轉頭都難呀

被家中老人家點了來飲茶，未夠10:30仍有孖寶點($24.8) ，11:30後下單有另一張孖寶紙($23.8) ，晏了還平宜一大元，是否吊詭❓早茶孖寶： 櫻花蝦煎薄罉 除櫻花蝦與青葱外，其他的食材比較難找到，微微的櫻花蝦味，微脆，味道一般。時菜鯪魚球：沒魚腥味，彈牙。午市孖寶鳳爪排骨飯 : 份量有點少。豉汁蒸鳳爪 : 味道ok.牛肉蒸腸粉：粉皮較黏，牛肉可以。灼生菜： 正常煎釀茄子 : 比富臨細件菜肉包併流沙包：包皮厚，餡少，流沙包是黑芝麻，如包皮薄一點就好呢！

這間皇室一號,是第一次去吃,蝦餃皮和餡都做得很好,鳳爪味道剛好不會太鹹,叉燒包叉燒和汁的比例配得很好,叉燒包的包皮也好吃,炸饅頭有乜特別 ,而他的招牌菜銀蘿脆皮腸,有點像炸兩,蝦腸拉的粉皮很滑蝦肉爽口, 來這店一定要吃的28元的炸乳鴿,味道好吃, 完全不需要加任何醬汁, 可惜顧著吃沒有影相。但點心拼盤,我比較不喜歡,因有些事我不吃的,點了吃才後悔。

一月中星期四晚上，家庭晚餐。本來在家吃，由於一些原因導致要在外面找吃的，找個中間點就選了這酒家。其實之前斷斷續續來過兩三次，經驗不太好所以沒有再去，心想都那麼久可能有所改善，誰不知原來這是錯的。人不多，看到他們在做優惠，好像很多桌也有，於是先點半隻BB豬。BB豬上桌是原隻的半邊，而且有服務生即席剪開，擺放的不錯，有烤香。拍完照大家都逼不及待，夾一塊，乳豬肉少得可憐，全是肥膏再看回盤子，隔油紙上的油可以再炒一碟菜！整隻乳豬只咬了一下已經滿口是油，根本不能吃下去。之後是海参花膠肉掌煲，海參跟花膠有幾塊，鴨掌也有兩隻，菜甚麼的都夠份量，味道正常，不過不失的一道菜。最後有芝士焗龍蝦配伊麵底，列為最難吃芝士焗龍蝦之一。龍蝦炸得乾到不行，幾顆散在碟子不同角落，看著非常有淒涼感；味道是龍蝦伊麵跟芝士完全分開，之前兩道菜沒怎麼吃，不吃就餓著肚子走，不然根本不會吃。如果這家是街坊小店或屋邨酒家，我可能還不至於會寫，但這可是大集團富臨旗下的耶，個人最喜歡炮轟連鎖餐廳：收費不便宜，放些吊燈就在裝豪華，掛羊頭賣狗肉；廚房隨隨便便請些會拿鍋子的人煮菜，衛生隨便甚麼都隨便，好意思拿這些東西出來給客人吃？！想一家人

星期日到了富臨旗下的皇室1號晚飯，全間酒樓只是有一張餐牌，諗住食特價走地雞$38，但我們七點鐘到達已經完全售罄！點了黑椒牛仔粒也都售罄，後來改了半隻BB豬，外皮鬆脆但可惜非常肥膩，廚師做得比較鹹！蒜蓉蒸帶子可能不太新鮮，蒜蓉過多，食不出鮮味。蜜汁叉燒比較瘦，如果半肥瘦會比較理想，味道也偏鹹！豉汁蒸白鱔其中一兩件味道有點古怪，油份過多。最後清蒸石班本人喜歡吃魚的肚子，放入口內有一兩篇魚鱗之餘帶點苦味，可能都是不太新鮮的原因。全晚最好食的可能是上湯雲耳浸菜心吧！全晚服務員全場只得3-4人，入座後沒有人問我們飲什麼茶，難以找服務員幫助，希望未來日子會有改善呢

今晚我約咗親戚嚟九龍灣嘅皇室1號食中秋節飯，入到去都見到好多人食，想必呢一間酒樓嘅水準都唔錯。金銀菜燉白肺湯  $128近排好少飲湯水，所以嚟到就叫咗一個清熱嘅白肺湯。呢一個白肺湯有好多菜乾煮成，仲有原隻雞，所以飲落去除咗好濃菜乾味，亦都好香雞味。豬肺洗得非常乾淨，一啲異味都冇，好好飲。蠔皇八頭鮑魚扣金錢 四位  $107佢嘅鮑魚同埋冬菇都非常大粒， 冬菇超級厚身，食落去啖啖都係肉，而佢嘅鮑魚應該用咗蠔油去煮，食落去好鮮，好香。竹笙羅漢上素  $78呢一碟蔬菜有好多唔同嘅種類，包括有雲耳，竹笙，芽菜，菜心，雜菌等等，非常豐富。個味道同醬汁調得不錯，菜心冇渣，好好食。脆皮豬手  $128呢一隻豬手嘅份量好大，外皮炸到脆卜卜，豬手肉質嫩滑，亦都醃得夠入味，旁邊灑上很多蒜粒，食落去好香蒜味，送酒一流。生煎菜肉包  $38菜肉包個底煎到脆卜卜，菜肉餡亦都夠多汁，好好食。清蒸龍躉斑條龍躉鮑蒸得不錯，先講佢嘅魚肉，肉質非常嫩滑，而且蒸嘅火喉剛剛好，唔會過火。另外佢嘅蒸魚豉油又係一絕，撈咗成碗白飯食。

肥妹仔今晚同屋企人去咗九龍灣嘅企業廣場食晚餐。雖然個位置唔算好開揚，但係入到去都見到好多人食飯，睇嚟呢一間中酒樓都應該有一定嘅水準。蠔皇八頭鮑魚扣金錢四位  $107鮑魚大大隻，冬菇亦都好大粒，鮑魚食落去好香蠔油味，亦都煮得夠淋身，好好食，而佢嘅冬菇用料不錯，咬落去啖啖肉，好厚身。金銀菜燉白肺湯  $128肥家姐好鍾意飲豬肺湯，所以叫咗呢一個白肺湯試一試。個湯好清甜，好濃菜乾嘅味道，而豬肺都洗得好乾淨，一啲異味都冇。竹笙羅漢上素  $78肥妹仔我哋叫咗呢一個羅漢上素食，入面有竹笙，蘿蔔，雲耳，雜菌，菜心，芽菜等等，非常豐富。個醬汁味道夠濃，所以食落去唔會好單調，啲蔬菜都好新鮮，食落去好爽口。脆皮豬手  $128隻脆皮豬手好大份，外皮炸到非常香脆，而且灑上勁多炸蒜粒，食落去好濃蒜味。豬肉嘅肉質亦都好滑嫩，送飯一流。生煎菜肉包六隻  $38呢一個生煎菜肉包就似我哋平時去酒樓食嘅菜肉包一樣，不過個底就會煎到香，脆總括嚟講個菜肉包味道不錯。清蒸龍躉斑另外肥爸仲叫咗一條龍躉斑，呢一個龍躉斑超級好食，先講佢嘅魚肉，肉質非常嫩滑，蒸既火喉啱啱好，而且佢個蒸魚豉油非常鮮味，肥妹仔我真係攞嚟撈咗成碗飯食

每次去開九龍灣，唔知點解隻腳好自然想去皇室1號食飯可能食慣左富臨出品呢!我同哥哥即將幫媽媽11月8號做人生第ㄧ次50歲壽宴希望店長舟哥能夠俾媽咪開心嘅回憶!加油!