皇庭匯 (已結業)

撞啱新年流流加上屋企人生日就去皇庭匯食左餐飯仔，當初聽到佢九千幾蚊一圍心諗，新年流流唔好迫我爆粗啊!一坐低開飯，先黎乳豬全體，心諗咪又係果D，點知一夾落去，真係同平時一樣。之後上龍蝦配兩面黃，兩面黃吸曬龍蝦既鮮味之餘，個汁啱啱掛上麵身….正，反觀龍蝦夠彈牙不過唔夠脆口，成味餸就…80分啦。再黎既都無乜特別，係咁依講下個生菜鵝掌扣吉品鮑，個人認為扣吉品鮑最緊要係個汁同火喉，唔夠火隻鮑魚唔夠軟身太耐會失去吉品鮑既味道，而個汁太鹹太淡好影響鮑魚味道，而食呢度菜想試到個廚師功力既話，食條生菜先啦，個汁偏淡味，食到生菜既甜，證明個汁無搶到食物既味道，之後到隻鮑魚，支差插得入而有彈性，火喉啱啱好我個人鍾意切粒粒，應該唔會太濃味，可惜…隻吉品本身太鹹，個廚已經算係咁，買手問題。全晚最精彩係條魚，屋企成班死懶鬼食魚永遠只食一邊，加上有家人行船，我地永遠唔會返轉條魚(俗稱反艇)，我地只會開左條魚黎食(起魚骨)，所以我屋企都開得一手好魚。條魚一上枱，碟上有魚油，相信係原碟蒸，侍仔唔想開魚咁呢個動作就等我黎啦，我一'涉'隻匙羹落魚尾，感覺到好滑啊，之後由魚尾順著條龍骨向上推，久違了既感覺出現啦，好多年未試過