皇庭匯 (已結業)

今晚我們一家四口突然興致勃勃咁決定去「皇庭匯」旺角店食晚飯！所以無一早預定我們幾乎每次都必點嘅頂角大糕蟹！所以我們今晚叫咗沙蔘玉竹翅裙燉乳鴿湯、金勾魚肚魚湯浸勝瓜、孖寶A餐：紅燒乳鴿配清蒸沙巴龍躉仔、北京片皮鴨「一食」同清蒸大肉蟹！沙蔘玉竹翅裙燉乳鴿湯嘅湯料非常豐富，味道極之芳香濃郁！金勾魚肚魚湯浸勝瓜嘅魚湯味道好鮮甜，魚肚好爽口彈牙，勝瓜嘅味道好清甜！孖寶A餐：紅燒乳鴿嘅外皮好香脆，肉質非常嫩滑，而且肉汁相當多！清蒸沙巴龍躉仔係新鮮即叫即劏，所以味道超鮮甜，肉質非常肥美嫩滑！北京片皮鴨「一食」燒得相當皮脆肉嫩多汁，包住嚟食嘅薄餅，唔會好厚同好薄，而且好煙韌軟滑！因為無頂角大糕蟹，所以我們隨便叫咗一隻清蒸大肉蟹，肉質非常彈牙，味道超級鮮甜！估唔到喺突然興致勃勃完全無預訂之下嘅一餐，竟然都係咁有水準！

今日下午我們去咗「皇庭匯」旺角店飲下午茶！我們已有一段時間無嚟飲茶，見到他們推出咗一啲新款點心，所以我們叫咗香茜魚片腸、秘製紙包鷄、黃金流沙包、金粟煎魚餅同椰絲甜薄罉！香茜魚片腸嘅魚片味道好鮮甜，夾埋嫩滑嘅腸粉一齊食，真係好好味！秘製紙包鷄嘅賣相好似一份包裝好嘅小禮物咁，非常精緻，一拆開之後有一股香噴噴嘅鷄肉香氣撲鼻，鷄肉嘅肉質相當嫩滑！黃金流沙包，撕開一半之後啲流沙效果做得非常好，包質相當香滑鬆軟，流沙蓉嘅味道充滿咸蛋同奶嘅香味，真係超好味呀！係本人嘅必食推介！金粟煎魚餅煎得好金黃香脆，香甜嘅粟米加埋彈牙嘅鯪魚肉一齊食，令到口感相當豐富！椰絲甜薄罉嘅薄罉皮煙韌彈牙，椰絲同花生碎嘅份量比例啱啱好，唔會過多而令到味道過甜！

今晚我們一家四口去咗「皇庭匯」旺角店食飯慶祝老豆生日！為咗畀個驚喜老豆，所以本人提早預訂咗老豆一直都最鍾意食嘅紅燒頂湯大鮑翅「足五両」、蠔皇扣一頭網鮑、籠仔蒸糕蟹炒飯、清蒸頂角大糕蟹同薑汁生炒粗芥蘭！甜品：萬壽蟠桃包、紅棗茶芝麻湯圓同合時鮮果大拼盤！紅燒頂湯大鮑翅「足五両」嘅翅非常粗身，差唔多去到銀針粉咁，仲要係一梳梳㗎，翅嘅份量仲多過湯，真係超真材實料，湯底嘅味道有好香濃鷄味！蠔皇扣一頭網鮑嘅鮑魚扣得肉質相當腍身同嫩滑彈牙，炆得非常入味，鮑汁嘅味道調教得恰到好處，唔會過鹹，真係超好味！籠仔蒸糕蟹炒飯同清蒸頂角大糕蟹仍舊都係超級多糕同爆晒糕，蟹糕非常甘香軟滑，蟹肉嘅肉質極之鮮甜彈牙！薑汁生炒粗芥蘭嘅芥蘭好爽脆幼嫩同無根！甜品：萬壽蟠桃包嘅包質相香滑鬆軟，蓮蓉好香甜軟滑！紅棗茶芝麻湯圓嘅芝麻湯圓好煙韌彈牙，紅棗茶嘅味道非常香甜濃郁！合時鮮果大拼盤嘅賣相擺設得相當精緻吸引！

見網友的 吊爐鹽焗雞 好吸引就去試下結果中伏吊爐鹽焗雞,睇網友的圖就係燒雞咁,皮應該是脆結果完全唔脆,味道是咸味皮的顏色偏淡黃色,唔算太咸皮唔脆,我不如去食一般鹽焗雞好過味道上並沒有比一般鹽焗雞好食更重要一點係,網友寫88,結果我去到佢收我100佢話唔同時段唔同價錢......老實講這價錢完全唔值皮唔脆係第一重點第二重點係,味道一般無下次

今晚我們一家四口去咗「皇庭匯」旺角店食晚飯！我們叫咗海底椰燉竹絲鷄湯、蒜蓉粉絲蒸蟶子皇、清蒸沙巴龍躉、籠仔頂角大糕蟹蒸飯、清蒸頂角大糕蟹、薑汁生炒粗芥蘭、花膠筒鵝掌煲、香煎南非鮑魚同紅豆沙芝麻湯丸！海底椰燉竹絲鷄湯嘅湯料極之足料，湯底煲到奶白色咁，味道超級香甜濃郁！真係超好味呀！蒜蓉粉絲蒸蟶子皇真係好大隻，肉質相當爽甜彈牙！清蒸沙巴龍躉係今期嘅超級優惠，都只係賣$28條，而且非常新鮮，肉質好鮮甜嫩滑，真係超抵食呀！我們每次都必點嘅籠仔頂角大糕蟹蒸飯同清蒸頂角大糕蟹每次都係爆晒糕，蟹糕相當芳香軟滑，肉質非常鮮甜彈牙！薑汁生炒粗芥蘭好幼嫩爽脆同無根！花膠筒鵝掌煲炆得好諗好入味，花膠相當厚身！香煎南非鮑魚煎相當金黃香脆，肉質非常香脆同軟滑彈牙！紅豆沙芝麻湯丸嘅紅豆沙煲到起晒沙，味道相當香甜，芝麻湯丸好香甜同煙煙韌韌，而且份量超級多！

今日係農曆大年初四我們喺「皇庭匯」旺角店預訂咗一個鮑魚大盆菜外賣自取返屋企食！今次係我們第一次訂他們出品嘅盆菜！個鮑魚大盆菜嘅材料超級豐富，份量極之十足，賣相亦非常精緻吸引！鮑魚相當大隻，而且炆得好腍，口感好爽滑彈牙！大蝦好新鮮大隻，肉質好鮮甜彈牙！花膠炆得好腍好入味，而且非常厚身軟滑同份量好多！鷄肉嘅肉質相當嫩滑！煎釀鯪魚嘅表面煎得非常金黃香脆，釀鯪魚肉嘅餡料相當豐富，味道非常惹味，肉質超爽甜彈牙！豬肉嘅肉質相當鬆軟，唔會好「嚡」！豬皮炆得好爽口彈牙，而且吸收晒醬汁嘅味道，真係超正超惹味！醬汁嘅味道調教得恰到好處，唔會太鹹！呢個大盆菜真係超級足料同款式種類超多，因為我們十幾人食都食唔晒，真係超抵食呀！溫馨提示：鮑魚嘅數量可以喺預訂嗰陣同店員提出要求因應人數增加！

皇庭匯 Imperial Restaurant大角咀海富苑海富商場1樓106號舖今年我地團年飯就早少少食，早一個星期六搞費事要下星期年廿九先同人迫及鬥貴嘛，每年選地方都要就兩三家人，今次就book這皇廷匯一來近旺角嘛，二來佢新裝修試試先！星期六已好旺場，佢地分六點及八點兩場，我地就揀八點啦，唔想食食下比人八點就趕走無引嘛。這晚我地7點9左右就到，但要等六點頭圍走都等好耐，你地睇下門口等八點既客越來越多，我估連埋轉彎位有成70人在等入去，我都要成8點9先入到場，門口及離場管理都好差勁，門口得一個知客完全同客無溝通，好多人都好鼓噪！入到去個景象完全嚇死人，賓墟既場面，大堂左邊間了三間VIP房，應該是訂了兩三圍的，但外邊全部大檯都放得好迫，連主要行人幹道都只有一人闊度，我都咁多次酒樓晚飯都係第一次見咁迫咋！我見到所有樓面做完個頭圍都已經好攰咁，仲要在咁賓墟既場面服務埋尾圍…我地落柯打都要就住，驚會有人爆呀…哈！(其實我覺得大時大節酒樓應該學放題，5:30pm頭圍8點尾圍，那才不致令尾圍的食客鼓噪嘛)Anyway, 呢到既節日菜式其實唔貴，你睇好多菜式都好易叫得上手，我地11人就叫了兩客龍蝦加

今晚我們一家四口提早食團年飯，所以我們選擇咗已有一個多月無嚟嘅「皇庭匯」旺角店食晚飯！一入到去全店嘅員工非常熱情同親切咁同我們打招呼，令我們有種好似回家食飯嘅感覺非常窩心！我們叫咗黑蒜淮山燉竹絲鷄湯、鴻運乳豬全體、蒜容粉絲蒸大元貝、籠仔頂角大糕蟹蒸飯同清蒸頂角大糕蟹！黑蒜淮山燉竹絲鷄湯嘅湯料仍然都係超級足料同豐富，湯底非常香甜濃郁！由於之前食過他們出品嘅乳豬相當好食，所以今次叫咗一隻鴻運乳豬全體，乳豬嘅肉質極之皮脆肉嫩，而且好瘦無多餘嘅脂肪，唔會有好油膩嘅感覺，就算放凍咗都仍然咁香脆，真係超好味呀！係本人嘅至愛必食推介！蒜容粉絲蒸大元貝嘅元貝真係超大隻，肉質非常鮮甜彈牙！籠仔頂角大糕蟹蒸飯同清蒸頂角大糕蟹幾乎係我們每次嚟食飯都必點嘅！頂角大糕蟹依舊都係超級多糕，蟹糕非常甘香軟滑，肉質相當鮮味彈牙，味道極之鮮甜！今晚呢餐我們一家四口都超級滿意，因隔咗一個多月無嚟食飯，但他們仍然可以保持到一貫水準，真係超開心！

今日中午我們去咗「皇庭匯」旺角店飲中午茶！我們叫咗皇庭匯蝦餃皇、 蜜椒鷄中翼、翠瓜帶子腸粉、燒汁魚肉釀茄子、 脆皮叉燒包、干炒美極牛河、 軟滑薑汁糕同椰絲甜薄罉！皇庭匯蝦餃皇嘅大蝦好爽口彈牙， 餃皮相當煙韌，一直都可以保持水準！     蜜椒鷄中翼嘅鷄中翼炸得非常香脆， 肉質相當嫩滑，蜜汁亦好香甜！ 燒汁魚肉釀茄子嘅魚肉肉質好鮮味彈牙，茄子亦好軟滑同入味！ 干炒美極牛河炒得鑊氣十足， 牛肉亦好嫩滑，美極醬汁令到河粉更加惹味！ 軟滑薑汁糕嘅糕質好煙煙韌韌，薑汁嘅味道好清甜， 唔會太濃！椰絲甜薄罉嘅薄罉皮非常煙韌彈牙， 椰絲同花生碎相當足料， 但絕對唔會有過甜同過膩嘅感覺！係甜點心之中，本人嘅至愛！

今晚我們一家四口提早去咗「皇庭匯」旺角店食冬至飯！我們叫咗鮮人參燉竹絲鷄湯、鴻運乳豬「例牌」、籠仔頂角大糕蟹蒸飯同清蒸頂角大糕蟹！鮮人參燉竹絲鷄湯十分足料，味道非常甘香濃郁！鴻運乳豬「例牌」相當皮脆肉嫩，無乜多餘嘅脂肪，唔會太油膩！籠仔頂角大糕蟹蒸飯同清蒸頂角大糕蟹，每次嚟食都係超新鮮同超級多糕，今次啲蟹糕多到爆出嚟，係最多糕嘅一次！蟹糕極之甘香軟滑，蟹肉嘅肉質相當鮮味彈牙！

今晚我們一家四口再去咗「皇庭匯」旺角店食晚飯！我們叫咗黑蒜淮山燉竹絲鷄湯、黑椒豬手石鍋、薑汁生炒粗芥蘭、芝士焗波士頓龍蝦「伊麵底」、籠仔頂角大糕蟹蒸飯、清蒸頂角大糕蟹！黑蒜淮山燉竹絲鷄湯依舊都係相當足料同火候十足，味道亦好清甜濃郁！黑椒豬手石鍋嘅豬手炆得好腍好入味，豬手嘅皮同肉質非常嫩滑，黑椒汁嘅味道亦相當惹味！薑汁生炒粗芥蘭嘅芥蘭極之爽甜同無根，薑汁亦可撇除咗草青味！芝士焗波士頓龍蝦「伊麵底」嘅肉質非常鮮味彈牙，伊麵佈滿晒芝士，真係相當滋味！籠仔頂角大糕蟹蒸飯同清蒸頂角大糕蟹都係超多糕，肉質非常新鮮彈牙，味道相當鮮甜，蟹糕極之軟滑同甘香！

今晚我們又再選擇去「皇庭匯」旺角店食晚飯！我們叫咗沙參玉竹燉龍骨湯、 花膠鵝掌煲、籠仔蒸臘味糯米飯， 除此之外，當然唔少得叫他們今期嘅超級優惠， 北京片皮鴨「一食」同豉汁粉絲蒸大元貝啦！ 花膠鵝掌煲炆得好腍好入味， 舖底嘅芥菜嘅味道好清甜同無根！ 籠仔蒸臘味糯米飯嘅賣相真係超級吸引，因臘味嘅份量比糯米飯仲要多， 糯米飯好煙韌彈牙，色澤亦相當均勻！ 咁足料嘅糯米飯都只係賣$88蚊咋， 真係極之抵食呀！  北京片皮鴨「一食」依舊都係燒得皮脆肉嫩同多汁！ 豉汁粉絲蒸大元貝嘅肉質相當嫩滑彈牙， 蒸嘅火候控制得恰到好處，唔會過火同唔會韌！ 真係超正呀！

今日我們去完迪士尼樂園之後，夜晚我們一家四口去咗「皇庭匯」旺角店食晚飯！點菜嗰陣店員推介他們另外嘅超級優惠！有新鮮游水大花竹蝦每隻都只係$28咋，真係超級抵食呀！之前試過$38嘅京式片皮鴨「一食」，原來加埋「二食」嘅生菜鴨鬆包都只係加$28咋！另有最新推出嘅黑蒜淮山燉竹絲鷄湯！所以我們今晚叫咗黑蒜淮山燉竹絲鷄湯、京式片皮鴨「一食」、「二食」生菜鴨鬆包、豉油王香煎大花竹蝦同蒜子炒豆苗！黑蒜淮山燉竹絲鷄湯嘅色澤非常濃郁，湯材十足，估唔到用黑蒜嚟燉湯味道會係如此清甜同香濃！京式片皮鴨「二食」生菜鴨鬆包嘅鴨鬆粒切得好幼細，唔會太大粒，容易入口，而且味道相當入味，夾埋生菜包住一齊食，唔會有油膩嘅感覺！豉油王香煎大花竹蝦嘅肉質非常爽口彈牙，鮮味十足，醬汁嘅味道啱啱好，唔會過鹹！蒜子炒豆苗嘅豆苗相當幼嫩！

今日係一個好重要嘅人生日！所以我們一家就選擇咗每次有重要日子我們都會去嘅「皇庭匯」旺角店食晚飯慶祝！由於要提早預訂，所以本人提早兩日預訂咗紅燒頂湯大鮑翅「足五両」、蠔皇扣一頭網鮑、清蒸原隻長腳蟹、清蒸頂角大糕蟹、籠仔蒸頂角大糕蟹飯、椒鹽瀨尿蝦皇、明爐一哥燒鵝皇、凍鎮南非鮑魚同薑汁生炒粗芥蘭「大」！紅燒頂湯大鮑翅「足五両」嘅翅一梳一梳咁，翅嘅份量比湯仲要多，食極都仲有，真係非常真材實料同份量十足！蠔皇扣一頭網鮑嘅鮑魚真係扣得好腍好入味，肉質相當嫩滑彈牙，鮑汁嘅味道調教得恰到好處，非常滋味！清蒸原隻長腳蟹嘅清蒸頂角大糕蟹同籠仔蒸頂角大糕蟹飯嘅依舊都係超級多糕，蟹糕極之軟滑甘香！椒鹽瀨尿蝦皇真係超新鮮，肉質相當鮮味彈牙，椒鹽嘅味道十分惹味！明爐一哥燒鵝皇嘅燒鵝仍然都係咁皮脆肉嫩多汁！

今晚我們又再去咗「皇庭匯」旺角店食晚飯！喺點菜嘅時候店員向我們推介他們最新推出嘅超級抵食優惠！有豆豉粉絲蒸大元貝每隻都只係$8蚊咋，真係極之抵食呀！北京片皮鴨「一食」都只係$38蚊咋，真係超級抵食呀！另有其他多款超優惠選擇！而我們今晚就叫咗沙參肉竹燉龍骨湯、豆豉粉絲蒸大元貝、北京片皮鴨「一食」、香煎南非鮑魚同石鍋膶腸炒芥蘭！沙參肉竹燉龍骨湯仍然係咁足料同火候十足，絕無偷工減料！豆豉粉絲蒸大元貝係即叫即劏，所以相當新鮮，味道超鮮甜！北京片皮鴨「一食」嘅皮燒得非常皮脆肉嫩多汁！香煎南非鮑魚煎得相當金黃香脆，煎嘅火候同時間控制得恰到好處，肉質香脆嫩滑彈牙，賣相非常吸引！石鍋膶腸炒芥蘭嘅膶腸嘅味道非常甘香，散發出嚟油香溶入晒芥蘭入面，芥蘭亦相當幼嫩爽脆同無根！真係超好味！