皇庭匯 (已結業)

依個集團 我覺得以後米去 我係食圍菜即12圍 果D 黎唔齊人 湯下照人頭比數我 我地問下冇啦佢話係呀冇啦 比滿左你地😡菜起到亂晒 條魚未黎甜品先到,仲要好大條道理哦佢地叫我出架,掉低就走,一係唔起一起4個菜一齊到,我起第二度菜果陣叫個飯 到就黎食完都未到 個經理仲同我講廚房煲唔切！蝦餃哎~! 唔講由自可一講即著!!!話完佢兩分鐘都冇就有飯?!甘打意?依間甘野 西蘭花係苦嘅個蝦球腥嘅!!有D就咸到苦有D就冇味!!!如你地仲有興趣就去啦 ～

今日收工同幾個同事開餐, 搵個坐得舒服, 可以坐得耐吹得水既地方。之前黎過飲茶, D點心做得唔錯的。今晚4個人, 叫幾個餸, 有個套餐蒸鮑魚加半隻鹽焗雞 , 百幾蚊都幾抵食!鮑魚唔算大隻, 但夠彈牙, 蒸既時間好好, 唔韌, 配上淡淡豉油, 清清地幾好味。半隻鹽焗雞都幾多, 個味道幾好, 雞肉嫩滑入味, 備有薑蓉, 餸飯好正!滑蛋蝦仁, D蝦好大隻, 肉質彈牙, 個蛋加葱抄得幾好, 唔會炒得太老。臘味燴菠菜, 切碎左既臘味, 加上秘製醬汁, 撈埋菠菜食, 同係第一次食, 咁既配搭又出奇地好甲, 好適合餸飯。

跟家中長輩去飲茶，皇庭匯這名字很霸氣，像是皇帝御用的酒家，老人家應該會喜歡。裝修不錯，以白色為主調。不用等太久就有位，原來食客也不是想像中多，有不少大陸人是座上客，但這附近不是陸客熱門會去的地方，完全想不到為何會有這麼多大陸人。食物就是一般酒樓都有的，沒有特色美食是這店獨有的，微微有點失望，只怪自己期望太高。上菜了，點蝦餃燒賣、粉果、鳳爪排骨、牛肉球是常識吧！味道有點怪，像是翻煮的味道，不太像新鮮的，除此之外也沒有什麼大問題。家中老人吃得很滋味，他們像是甚麼問題也察覺不到，或者這是因為老年人跟年輕人的味覺不同。回家上網看關於這店的食評，發現有一位食客很喜歡這店，經常光顧，還要每次光顧後都讚不絕口，看來是自己太敏感吧！

由於今晚約咗人客喺海富商場見面，所以之後我們去咗「皇庭匯」旺角店食晚飯！我們叫咗雪梨雪耳燉豬𦟌嘅味道極之清甜滋潤，雪耳非常軟滑，豬𦟌嘅肉質相當軟腍，唔會好「嚡」同好實，而且吸收晒雪梨嘅香甜味，非常適合喺而家乾燥嘅天氣嚟飲！香茅脆燒BB鴿係每位惠顧晚飯嘅人客都會有得送半隻，外皮燒得好香口脆身，肉質非常嫩滑，肉汁相當多，食落有淡淡嘅香茅味滲透出嚟，真係超惹味呀！薑粒芥蘭炒臘味嘅芥蘭無草青味同青嫩無根，而且吸收鴛鴦腸嘅油香味！他們新推出嘅原條酸菜烤魚，烤魚係一條斤両十足，有2斤重嘅原條沙巴大龍躉，相當肥美肉厚，肉質極之鮮甜嫩滑，湯底嘅味道超鮮甜，加上酸菜嘅酸甜味，真係好醒胃呀！

聽說這酒樓在中環有分店，但我們不想走去中環，於是便在九龍這邊吃午餐。中環有分店的酒樓，應該很與別不同吧。皇庭匯這名字很霸氣，原以為食物會比上手花園酒家好，於是便點菜。點了鳳爪排骨、蝦餃燒賣等一般茶樓會有的食物。上菜後開始吃，真是太吃一驚，味道比想像中差很多。憤怒了，出街付錢吃飯，這種味道，完全不能接受！雖然店員態度不錯，環境也很清靜（因為沒客人來？），但我決定將此店列入黑名單，永不再吃！

由於今日係本人哥哥嘅農曆生日，所以我們一家四口今日嘅慶祝活動第一站係去「皇庭匯」旺角店飲下午茶！喺點心紙度見到有新款點心推出咗，所以我們叫咗皇庭匯蝦餃皇，今次嘅蝦餃非常飽滿，比以前嘅大粒咗好多，起碼3-4粒嘅蝦肉，肉質超爽甜彈牙！原隻鮑魚燒賣皇嘅嘅燒賣超大粒，爽滑彈牙，肉汁相當多，鮑魚好鮮味爽滑！黑松露帶子餃嘅餃皮好煙煙韌韌，帶子嘅肉質好鮮味嫩滑！脆皮叉燒包頂層脆皮好香甜酥脆，包質相當軟熟，叉燒嘅蜜汁味好香甜！川芎白芷燉魚雲係新鮮即叫即燉，湯底超鮮味濃郁，魚雲極之鮮甜嫩滑，而且份量相當多，都祇係賣$24.8，真係非常抵食！杏片炸鮮奶係用香脆薄身嘅杏片，包著香甜軟滑嘅鮮奶，真係好好味，而且味道唔會過甜，最適合我們呢啲鍾意食甜點，但又怕肥嘅女士們！

由於最近睇到有其他食評畀負評話食物出品同服務態度差劣，同埋我們最近都無去過食飯，所以我們一家四口今晚再去「皇庭匯」旺角店食晚飯！由於係即興嘅關係，所以我們無訂位同預訂食物！一去到門口就已經見到有超多人排隊等位，我們起碼等咗半個鐘或以上先有位，入到店內見到全場爆滿，所有店員都好落力去招呼每檯客人，但好明顯睇得出員工嘅人手唔夠，所以希望「皇庭匯」嘅老闆可以盡快請多啲人手，以免招呼不周！香茅脆燒BB鴿係每位嚟食飯嘅人客都可以免費贈送半隻，鴿皮燒得好香脆，肉質亦好鬆軟！京式片皮鴨「一食」嘅薄餅皮好煙煙韌韌，包著鬆脆多汁嘅鴨肉一齊食，真係好滋味！醬汁三杯骨平日食開都係三杯鷄，第一次食用排骨嚟做嘅三杯骨，感覺都幾有創意，排骨吸收晒秘製醬汁嘅味道，味道好惹味同唔會好油膩！馬拉盞芥蘭煲嘅芥蘭好青嫩無根，馬拉盞嘅鹹香味，令到味道更加惹味！濃湯豬骨鷄煲翅嘅湯底非常鮮味濃郁，翅同湯料嘅份量都相當足料！

黎飲過2次茶，1次晚飯，次次都係D呀姐態度極差，有次朋友叫唔該幫我攞張BB櫈，D呀姐竟然話，自己搵，搵到自己攞，我地唔得閒架！咁我朋友就問第二個呀姐攞，哩個呀姐就好爽快咁答：好，但就等左15分鐘冇晒消息囉，最慘係當時都唔多人，唔係爆場！！可能我黑仔啦，朝早同家人飲早茶，叫排骨就未熟嘅，叫金錢肚就（叔）嘅，咁好啦，我又搵d呀姐講取消啦，D呀姐馬上黑口黑面，仲要（吱）我，乜野服務態度黎嫁，真係好操！如果唔係家父87歲行動不便，我一定唔會黎飲茶，真係好受氣！就連佢地自己d人都可以大庭廣眾下鬧交！真係好有問題！

員工服務態度極差，極差，極差。貼錢買氣收。門口想攞位飲茶，無職員理會。搵到經理查詢，佢叫我自己撘枱，我見酒樓内大部分是附近的居民，老人家告訴職員有點心未黎，職員居然答，點心係咁耐架啦？等下啦 。老人家上酒樓還要被酒樓職員呼呼喝喝，真可憐。食物一般，出面任何一間酒樓都做到既水準，我永遠不會再光顧。

今日係媽咪嘅農曆生日，我們一家四口夜晚去咗「皇庭匯」旺角店食晚飯慶祝！我們叫咗海底椰燉鷄湯嘅湯底味道好清甜香濃，湯料非常足料，湯料吸收晒海底椰嘅芳香味，食落會有陣陣嘅椰香味慢慢滲透出嚟，真係好好味呀！芒果大蝦沙律嘅大蝦擺設非常整齊，賣相超級色彩繽紛吸引，一睇到就會令人食慾大增，大蝦真係極之新鮮大隻，肉質超爽甜彈牙，舖底嘅生果相當新鮮清甜，沙律醬嘅份量啱啱好，唔會過多，真係超正呀！清蒸原隻頂角大糕蟹嘅蟹糕極之多，味道相當軟滑甘香，肉質非常鮮甜嫩滑！清蒸四頭大元貝嘅肉質好鮮嫩彈牙，由於今次我們選擇咗清蒸，唔加其他調味料豆豉或蒜蓉粉絲蒸而掩蓋咗大元貝原本嘅鮮甜味！今日嘅生日慶祝晚餐媽咪都超級滿意，令到我們覺得非常開心！

由於今日係我們新屋入伙嘅大日子！所以我們一早喺「皇庭匯」旺角店預訂咗一隻鴻運乳豬全體外賣自取返屋企拜神！乳豬嘅外皮燒得超香脆鬆化，肉質相當鬆軟嫩滑，脂肪非常少，就算食多幾件都唔會有好膩同好滯嘅感覺！今次外賣自取食同之前喺店內堂食都依舊保持一貫水準，一樣咁好味，值得一讚！

今日下午我們一家四口去咗「皇庭匯」旺角店飲下午茶！我們叫咗娥姐靚粉果、鮮蝦菜苗餃、蜜汁叉燒腸粉、脆皮叉燒包、北菇棉花鷄、乾炒牛河、瑤柱珍珠鷄、流沙煎堆仔同椰絲甜薄𦉘！娥姐靚粉果嘅餃皮相當晶瑩薄身，打開嚟睇可以好清楚睇到蝦肉嘅份量好多，口感好鮮甜彈牙！鮮蝦菜苗餃嘅餃皮好煙煙韌韌，菜苗亦好清嫩！蜜汁叉燒腸粉嘅腸粉相當軟滑，包著香甜鬆軟嘅半肥瘦叉燒同埋香茜一齊食，味道好惹味芳香！脆皮叉燒包嘅包質非常香滑鬆軟，頂層嘅脆皮好酥脆，入面嘅叉燒蜜汁相當香甜！北菇棉花鷄嘅魚肚燜得相當入味，而且份量都幾多，鷄肉嘅肉質好嫩滑！乾炒牛河炒得非常乾身，而且鑊氣十足，牛肉嘅肉質好爽滑，肉味好香濃！瑤柱珍珠鷄嘅糯米好煙韌彈牙，入面餡料好豐富，味道唔會過鹹！流沙煎堆仔炸得好金黃香脆，咬開一半先知入面嘅流沙餡係芋蓉，味道好芳香濃郁！椰絲甜薄𦉘嘅薄𦉘皮相當煙煙韌韌，包著香甜嘅椰絲同花生碎，令到口感好豐富，味道唔會過甜！

今晚我們一家四口今晚去咗「皇庭匯」旺角店食晚飯！由於又係突然興起決定去食，無一早預訂，所以我們一向訂開四隻嘅頂角大糕蟹，都只得兩隻！所以我們叫咗爐吊鹽焗鷄、香煎南非鮑魚、濃湯豬骨鷄煲大排翅、清蒸頂角大糕蟹、蒜蓉粉絲蒸大元貝同豆豉鯪魚炒油麥菜！甜品：芒果糯米糍同楊枝甘露！爐吊鹽焗鷄嘅外皮燒得好香脆，肉質相當嫩滑，唔會有「嚡」嘅感覺！香煎南非鮑魚嘅表面煎得非常金黃香脆，入面嘅肉質極之嫩滑彈牙，完全無韌嘅感覺！濃湯豬骨鷄煲大排翅嘅湯底超級濃郁，味道好鮮甜，大排翅嘅份量非常多，口感相當爽口彈牙！清蒸頂角大糕蟹嘅蟹糕超多，質感非常甘香軟滑，肉質相當鮮甜彈牙！蒜蓉粉絲蒸大元貝嘅肉質超鮮嫩彈牙！豆豉鯪魚炒油麥菜炒得好爽甜入味，豆豉鯪魚嘅油香掩蓋咗油麥菜嘅草青味，味道相當惹味！甜品：芒果糯米糍嘅糯米皮極之軟熟彈牙，入面包住嘅芒果肉好大件，味道超香甜！楊枝甘露嘅材料相當豐富，味道酸酸甜甜，非常醒胃！

今晚我們一家四口去咗「皇庭匯」旺角店食晚飯！魚翅海皇冬瓜盅、海龍𧄌兩味、貴妃鷄、金銀蛋浸莧菜、清蒸頂角大糕蟹同籠仔頂角大糕蟹蒸飯！甜品：椰皇燉燕窩！喺點菜嗰陣店員同我們講話他們今期推出嘅最新優惠，就係惠顧晚飯嘅每位人客都會贈送半隻紅燒BB鴿！紅燒BB鴿嘅外皮燒得相當香脆，肉質非常嫩滑，食落啖啖肉汁，肉味好濃郁，食得出係新鮮嘅，絕對唔係雪藏嘅！雖然係贈送，但出品絕不馬虎！值得一讚！魚翅海皇冬瓜盅嘅材料非常豐富，湯底嘅味道相當清甜，最啱而家炎熱嘅天氣食！海龍𧄌兩味「清蒸」嘅肉質極之鮮甜嫩滑，「炒球」嘅肉質超爽甜彈牙！貴妃鷄嘅肉質非常肥美嫩滑，鷄味相當香濃！金銀蛋浸莧菜嘅份量十足，皮蛋嘅味道相當甘香，豬肉粒亦好彈牙！椰皇燉燕窩嘅燕窩份量好足料，味道非常香甜，燉嘅時間火候控制得啱啱好，所以質感相當滑溜！

今晚我們一家四口提早同我們最愛錫嘅媽咪去「皇庭匯」旺角店食晚飯慶祝母親節！所以本人一早預訂咗開邊清蒸波士頓龍蝦、豬骨鷄煲大排翅、果皮蒸五頭南非鮑、豉汁粉絲蒸蟶子、粉絲清蒸大元貝、上湯蒜子浸菜心、萬壽慶桃包同杏仁露芝麻湯圓！開邊清蒸波士頓龍蝦，平日食龍蝦通常都係上湯、芝士焗或蒜蓉粉絲蒸，但今次本人想畀啲驚喜媽咪，所以選擇咗清蒸，味道出其地好，龍蝦嘅味道極之鮮甜，肉質非常爽甜彈牙！豬骨鷄煲大排翅嘅湯底超級濃郁，翅嘅份量相當足料，單叫煲翅就賣$288，不過因為媽咪鍾意食花膠，所以本人另加$400花膠，花膠極之大件厚身，差唔多有一對筷子咁長，口感非常軟滑彈牙！粉絲清蒸大元貝嘅肉質相當嫩滑彈牙，清蒸令到大元貝本身嘅鮮味更加突出！杏仁露芝麻湯圓嘅杏仁露煲得非常香滑濃郁，味道超香甜，芝麻湯圓相當煙韌彈牙！