皇庭匯 (已結業)

睇到openrice食評幾抵食咁，係呢頭放工就揀呢間啦。有時食飯都係想食得快，又要抵。好耐無食中菜啦，呢度都ok。淨係一至五先有，呢個「求其一餐」真係好正，一款燒味，再有5碟小菜，唔包飯，298元都抵哂啦（見我寫咗咁多次「抵」係真係抵）(￣▽￣)葱油雞唔錯，唔係雞頭雞尾o(^▽^)o呢個係紅燒素豆腐，我最愛豆腐，唔錯喎，煮得幾入味。菜甫肉崧煎蛋角，都幾香口，份量唔算多。脆瓜爆爽肉，中規中矩啦。滑蛋炒牛肉，口痕想食呢味，味道可以，牛肉硬左小小。呢個就麻麻，汁還好，但皮太厚，無乜雞肉。整體都還好，近350元有6道餸，我地幾個人都抵啦

家人搵到呢間抵食嘅酒樓，我地食個晚係星期六，如果係平日，仲有一個抵食套餐，希望有機會去食然後介紹番。7點幾到未算多人，環境寬敞，近8點開始人流多。好多選擇，我地人唔多，叫四個餸都好夠飽。先係手快有手慢無嘅冬瓜盅，88元好大個，啱哂夏天叫黎食，清甜解渴，有啖湯水飲下，幾好，味道偏濃，但可以接受。小炒皇，韮菜蝦米蝦仁腰果魷魚炒成，幾夠鑊氣，配飯係一流。廣島蠔，家人喜歡食，正常味道，98元還不錯。突然好想食伊麵，好大碟，我地4個有突，可以有10碗，呢碟要108元。呢條清蒸海班都係28元！超值，肉算嫩，4個人每人都食到好多。我地仲叫左甜品布甸同香芋，只係口痕，普通啲，可以唔叫。每人大概百三元，算係咁。

4 分鐘前點了燒腩跟魚的組合（菜單上說魚重1.5磅） 上菜的時候只有1磅，一下說是點單點key錯，一下說魚跟人一樣有高矮胖瘦，一直說只差一點點。我們拒絕接受，因為半磅是一個很大的差異。擺明的偷斤減兩還要我們接受。經理經過說我們可以退魚and燒腩會給我們折扣價。當我們付款覺得燒腩被收原價很不合理時，本來說要給我們折扣的經理並不承認還說我們不付錢的話要叫警察來並對我們說fxxk you

今晚媽媽有節目無煮飯，所以便和家人去了皇庭吃晚飯。皇庭的特價小菜都很抵食，吸引很多街坊放假不煮飯時來用餐。我們叫了一隻燒鵝，一客上湯焗龍蝦加伊面府 和一碟清炒時蔬 : 燒鵝很大隻，多肉，但始終皮下肥膏也比較多，吃的時候要咬走先。酒樓很窩心的用火爐熱著，讓燒鵝的汁不會凝固。上湯焗龍蝦伊面底味道不是很突出，但龍蝦肉還好, 厚厚的。份量也是足夠的，不會將價就價。清炒時蔬我們選了芥蘭，芥蘭不會大硬，不過不失。

今日兩點半去咗飲下飲茶，點心紙圈咗8個點心，食咗5個點心，等咗半個鐘都仲未有其他嘢食，追單時先知原來足足有3個點心冇入機，但又入多咗我冇圈既點心。。。然後阿姐話唔好意思，而家冇得叫點心，得炒粉麵，3點半就冇得叫點心，咁不如唔好做下午茶時段啦！

今晚約極都無人得閒食飯，結果去咗奧運站街坊酒樓一人前。在海富商場的皇庭匯一向抵食，而且菜色質素都Okay ，可能風水問題唔係好熱鬧。今晚點了乳豬件例牌、果皮蒸南非4頭鮑魚、鮑汁魚肚扣鵝掌，另外每位送BB鴿半隻。乳豬件講明要瘦啲，不過始終都係月巴，好在碟頭算唔錯，還有少少骨食下。4頭南非鮑魚只售$45，真係街市都買唔到，仲可以揀果皮蒸、凍食同香煎。南非鮮鮑味濃甜厚，識食當然係蠔皇扣不過要事先搞幾個鐘，街坊酒樓當然唔會有，但果皮蒸配蠔油，都值得用刀叉去品嚐。鮑汁魚肚扣鵝掌，大大煲都係百鬆啲蚊，仲係用魚肚而唔係用豬皮充，鵝掌亦夠大隻只係今晚炆得唔太腍，不過呢個價錢又真係no complaint了。雖然燒BB鴿係免費睇人頭送，不過骨香味美皮脆，而且唔需要兩位起先送，絕對係一個Bonus。呢間飲啤酒最有趣，一枝大SKOL要$20個大洋，但罐裝就$28四罐，以兩罐約合一枝計算，即係變相賣$14一枝。橫豎兩枝唔會飲唔哂，咁，當然要Order四罐啦～下次同你去試下?

今日下午我們喺大角咀附近做完嘢之後去咗已經有一段時間無嚟嘅「皇庭匯」旺角店飲下午茶！可能我們真係好耐無嚟，所以喺點心紙度睇到有多款新推出嘅點心！我們叫咗日式櫻花蝦煎薄罉同平日食開嘅唔同，因材料通常祇會有香蔥，但呢度就加咗櫻花蝦，令到味道多咗一番鮮味，而且煎得外脆內軟，質感相當煙韌彈牙，諗唔到中式嘅煎薄罉加埋日式嘅櫻花蝦，出嚟嘅效果會係咁好，真係創意十足！燒汁魚肉釀茄子算係我們每次嚟都會叫嘅，因魚肉好厚身同鮮味彈牙，夾埋軟滑嘅茄子，再淋上惹味嘅燒汁一齊食，真係超正呀！羅漢齋粉包一送到嚟嗰陣見到兩個超級加大碼嘅粉包，開頭以為祇有厚厚嘅粉包，點知一拆開嚟睇就見到有相當足料嘅餡料，真係好抵食呀！海螺片棉花鷄嘅份量多到滿瀉晒出嚟，頂層係兩片爽滑嘅螺片同蟹柳，中間係燜得好腍好入味嘅魚肚，而底層就舖滿晒嫩滑嘅鷄肉，真係好好味！百花玉子蒸豆腐嘅頂層係爽甜彈牙嘅蝦肉同豬肉，而底層就係滑溜嘅玉子，夾埋一齊食，層次感好特別！茶壺奶皇流沙包係眾多點心之中我們最期待㗎，因造型賣相係一個相當趣緻可愛迷你小茶壺，撕開一半見到入面有滿滿香甜濃郁而且非常軟滑嘅奶黃餡，係本人嘅必點推介！

行開澳海城,本來想係裡面食埋晚飯,但揀來揀都唔啱,就行多幾條街去另一個商場搵食.因為貪佢有我中意食既片皮鴨同生菜包.入到去,客人非常少,成日好好奇其實依種酒樓點圍皮.點菜阿姐非常賣力,不停推銷餸菜,但咁啱都唔係我喜好既食物.最後叫左片皮鴨,生菜包同埋面包蟹.好快就來左個饅頭...但係無叫過喎.呢度既餐前小食有魚皮花生同埋蠶豆,開正我果飯.幾分鐘後片皮鴨出來喇.淨係講速度既話,阿姐刀功如神.不停切不停切,沒有一絲猶豫,但求最快時間切完一隻鴨,所以片出來既皮大細/厚薄不一.反正片皮鴨我中意連肉食,無所謂.切果陣每刀都有脆皮切開既聲,聽落就知皮仲好脆,而且仲會見到有油滲出.用來包鴨既薄餅邊位都有卷起,可以輕易同下面果塊分開.點解咁簡單既事好多其他酒樓都做唔到...包起食落,真係甘香架!皮脆,油脂足但係唔油膩,好味.隻鴨一推返入廚房,生菜鴨鬆包2分鐘就出到來,估計唔係用同一隻鴨.更加令我確信係因為鴨肉都幾嚡而且無乜油份,都唔似係枱上既片皮鴨.而且生菜實在太細塊,雖然一開始都唔係預人完全包起鴨肉,而係當一隻碗仔咁食,但就算放一小羹鴨肉上去都好困難喎.鴨肉既份量好多,而生菜細塊,食晒生菜後都仲淨返

近來常去奧海城，既近深水埔，亦喜歡這個似太古城格局的中產社區。已食遍城內食店，便去外圍試試。此店似不屬於皇廷酒家集團，但格局近似，有豪華氣派，點心食物亦相近，都是偏向差水平。我們點了排骨飯，花枝餅和蝦餃併燒賣。食物之中，只有蝦餃較好。其他的都沒有映相。十分鐘後，短髮穿黑衫的女侍應走過來說沒有排骨飯。我們加點了麻蓉包和蒸魚肚。但十分鐘後，排骨飯上檯。那侍應冷冷地說不可以，面目可憎。不再光顧此店了。服務差劣，不值得再給機會。

一坐低，啲位已經擺好晒，個男部長話要換張台布，跟住成堆快子掉落台到，黎個排骨鳳爪飯。吾熟既，生既，叫佢地啲人幫我換，飯就收走左，無人幫我跟，收走飯戈條友就去食埋野，搵阿部長了解下，啲態度就好吾耐煩，我黎消費仲要我受你氣？？以後都吾會幫襯

因住附近及食品都ok所以都經常到這飲茶，自問對服務沒太大要求，但今次實在太過份，令我忍不住第一次在openrice留差評！ 是源26/6/2017我與媽咪大約早上10點去飲早茶，去到時全場滿座搵左一陣先搵到位，在場侍應唔夠人，個個都好忙，我地坐低左約10分鐘先叫到人執台開位，執執下突然有個侍應走黎同幫我地執緊台既姐姐講佢地要食飯要趕我地去第2張台🙄但全場根本冇空台，搭台位都冇～我地同姐姐講你搵過張台比我地就得啦，點知佢老點我地去左張人地唔比搭台既台，當我地想行返去原本張台時，佢地已經將d飯菜放晒上去～個姐姐亦都唔理我地，嬲到我地唯有去第2間飲

今日我們喺奧海城做完嘢之後去咗「皇庭匯」旺角店飲下午茶！我們叫咗皇庭點心大拼盤真係好大個，差唔多每款點心都有兩件都祇係賣$68，真係好抵食，而且每件點心都係份量十足，當中嘅黑松露帶子餃真係好大隻飽滿，而且帶子嘅味道好鮮味，而蝦餃就係我們每次嚟「皇庭匯」都必定會點嚟食嘅，因餃皮真係好煙韌彈牙，蝦肉嘅肉質超爽甜彈牙，蜜汁叉燒包嘅包質非常香滑軟熟，蜜汁嘅味道相當香甜濃郁，奶皇馬拉糕相當鬆軟，中間夾著兩層香甜嘅奶皇一齊食，真係好好味，但食落味道唔會過甜！川芎白芷燉魚雲嘅材料非常足料，所以湯底嘅味道超級甘甜濃郁，魚頭極之新鮮，肉質超鮮甜嫩滑，最仲要係新鮮即叫即燉同埋落足真材實料，都祇係賣$28咋，真係超正同超抵食呀！係本人嘅必食推介！所以我們叫咗一人一盅嚟食！

由於我們已經有一段時間都無嚟「皇庭匯」旺角店喇，所以我們一家四口今日下午就去咗飲下午茶！喺揀緊想食咩點心嗰陣，見到他們有新款點心推出咗，所以我們就叫咗鴛鴦豬仔包嘅造型賣相非常趣緻可愛，而入面嘅餡料係香甜嘅奶黃，除咗有一對豬仔包之外，仲有一個冬菇包，入面嘅餡料係香甜嘅冬瓜蓉！黑芝麻流沙包嘅包質超香滑軟熟，入面嘅黑芝麻餡料非常流沙，味道極之芳香濃郁，食得出黑芝麻嘅份量真係超級足料，先可以有食完會齒頰留香嘅感覺，真係超正呀！所以係本人嘅必食推介！皇庭匯蝦餃皇嘅餃皮好煙韌薄身，蝦肉相當爽甜彈牙，而且都幾大粒！燒汁魚肉釀茄子嘅茄子好軟滑，頂層嘅魚肉好鮮味彈牙，而燒汁嘅味道亦好惹味，而且唔會過鹹！原盆馬拉糕真係原個上，唔係祇得半個，真係好抵食，而且質感非常香滑鬆軟，味道亦唔會過甜！椰絲甜薄𦉘嘅椰絲同花生碎粒份量真係好足料，多到漏咗出嚟，而薄𦉘嘅質感就非常煙煙韌韌，食落覺得層次感好豐富！總括：諗唔到隔咗一段時間無嚟，今次嚟到食，他們嘅出品質素仍然都係咁好，真係值得讚賞！

今日係我們屋企還神兼一家四口食飯做節嘅大日子！所以本人早幾日打去「皇庭匯」旺角店預訂咗一隻酬神鴻運乳豬全體、四隻清蒸頂角大糕蟹同蘿蔔糕外賣自取返屋企！我們大約2點去到，當時啱啱係下午茶優惠時段開始，所以全場都爆滿，初頭係一位女部長負責招待我們，但因為真係太多人客同人手唔係太足夠嘅關係，女部長要去招呼同其他茶客落單，所以佢都有禮貌咁同我們講話唔好意思呀，我叫其他人幫你們吖！之後有位男經理定男主任負責幫我們跟進所有嘢，佢所有嘢都包裝得非常之井井有條，同包裝得相當乾淨衛生！本人明白到喺大時大節，可能係因為人客多，但人手唔夠嘅問題，所以我們每人都要多多包容！酬神鴻運乳豬全體係即叫即燒，所以外皮超級香脆，肉質非常鬆軟嫩滑，無乜多餘嘅脂肪！清蒸頂角大糕蟹係新鮮即叫即蒸，無論係堂食定外賣都係咁好食，就算放凍咗食，肉質都係咁鮮甜嫩滑，蟹糕好軟滑甘香！蘿蔔糕係他們每日新鮮自家製，蘿蔔絲嘅粗幼度均勻，唔會太粗或太幼，臘腸同蝦米嘅份量相當多，差唔多每一啖都有餡料！不愧係我們一家四口嘅首選食府！

年晚將近，想到奧海城食晚膳，因各大酒樓都因各公司攪年晚飯全滿。但已泊車，於是走到奥海城对面的诲富苑試一試。到了這酒樓仍有大量座位，於是看吓這裡的水準如何。叫了數個小菜，黑松露炒蛋炒得很好，很有味道。臘味炒芥蘭有火候，臘味與菜配料均勻。而那個脆皮乳猪也很有水準，乳猪皮很脆，份量夠加海蜇伴上，很出色。這裡的的食品水平很高，但可惜太多額外收費。茶錢，茶芥，小吃，連 辣醬也收$28元一碟。令人感覺上不太良好。