皇庭匯 (已結業)

難得放假，諗住落去茶樓同屋企人飲個早茶，填左張紙舉手成5分鍾，職員見到扮睇唔到，之後終於有個所謂經理過黎，我話我舉左5分鍾你地d職員見到都扮睇唔到，佢指住我屋企人話(佢地日日黎食，不嬲都係咁既啦，唔夠人係咁既啦！) ，我當時話你呢d咩服務態度，所謂既經理懶理重串串供直接走開，我見原來佢地個個都係咁，扮睇唔到，等你唔耐煩，自己去囉水自己去交單，咁佢地就唔洗做，呢到全部都係d行唔到出遠門老人家，呢間酒樓就係欺負呢到既老人，野食落完單半個鍾都唔黎，食物都唔係特別新鮮，大家如果可以選擇，請不要光顧呢間酒樓，唔好助長呢間酒樓職員欺負老人家。明明睇其他分店都唔錯食評，點解呢間會咁差。

是日做冬，冬大過年，唔想阿媽辛苦煮，去酒樓食就最好！$2000唔洗一圍，志在一家團聚食返餐。個套餐都有d野好食嘅，名亦改得幾靚，翡翠新鮮龍躉球，雲耳蒸龍躉頭腩，前者炸過再炒就香口d，後者清蒸撈埋蒜茸粉絲都好味，大碟頭到食唔哂。碧綠蚌片影花姿，蚌同花姿片炒得尚算爽口，西芹無咩渣。意頭野壽包，唔出色，但可以一吃。皮厚唔夠軟熟，蓮蓉唔夠香，勝在熱辣辣救返個包。屋邨酒樓服務質素，無期待，但差d有意外！明明最出位置留左兩個人都埋到枱嘅位，都要涉入黎放茶壺，放低又唔睇下擺好未，好彩我接我住先唔洗滾水淥腳。

咩酒樓？5毫唔收？？唔係錢呀？大把地方都仲收5毫！如真係冇咁點？妳係咪唔收？收銀處條中女好串，話說是酒樓老闆新抱呢間酒樓真係出名乜都差幸好，翠屏多了很多食店，有別的選擇

呢到附近無乜酒樓，但係又想飲茶就局住試吓呢一間啦但係點知一試就中伏唔好講佢啲食物質素，先講佢服務態度非常之差，侍應無禮貌，又求其，做事馬馬虎虎，未食就一肚氣再講下啲食物，賣相完全吸引連相都唔想影。啲點心上到枱一啲都唔熱嘅，微暖咋，感覺上好唔新鮮都唔知放左幾耐。呢一個價錢同埋呢一個食物質素完全唔配合離晒譜。嘢食唔好食服務態度又差難怪成日都冇乜人幫襯。

呢間酒樓完全唔掂試過一次午餐再俾多次機會去食晚餐永遠唔會再返去。講個午餐多數都係叫點心為主啲點心上枱嘅時候完全都唔新鮮嘅都冇熱辣辣嘅感覺。而且款式小啲，炸物非常之油膩食落口一口油咁樣。諗住夜晚可能會好啲啦叫咗幾個小菜特別係叉燒話未食嗰啲咁硬嘅叉燒而且個蜜汁超甜啲飯又煮得過硬估唔到連最簡單嘅白飯都做得唔好。成間餐廳完全唔掂離晒譜永遠唔會再返去

一直對屋邨酒樓不太抗拒, 因為方便又容易搵位, 而且經濟抵食呀。位於觀塘的呢一間, 大約一個月都會幫襯一次的。韮菜豬紅我不吃的, 不過同事話好入味, 而且豬紅大大件不欺場。蝦餃晶瑩通透, 皮薄而肥膏不太多, 可接受。乾燒伊麵很乾身又爽口, 不油膩。蝦腸是特價點心, 不錯。吃完再加多一碟。燒賣正常, 反而菜苗鮮蝦餃的皮太淋。乾炒牛河, 牛肉有 D 柴皮, 炒粉都 ok!甜品叫左芝麻糊, 紅豆沙各一碗 share!紅豆沙太稀, 芝麻糊可以。埋單每人都係 $5x, 以今時今日的生活指數而言, 真係好抵食。

星期六上午10點買2個點心外賣，門口外賣價錢比樓上平，但樓下永遠唔會有賣，逼你樓上買等候時間要30分鐘，收銀同部門間溝通混亂，客人無所適從正常蒸點15分鐘應該出餐，除非係連包都未包等30分鐘係太耐侍應一般來講服務可以，查詢有答必答，但出餐時間太耐，價錢尚可，但屋邨來講都算係咁觀塘區酒樓來講，速度太慢假期要有心理準備等候時間比市中心酒樓更耐份量正常，價錢正常，味道一般，等候時間太耐最後等左超過40分鐘先攞到2個點心外賣

屋邨內經常有新的酒樓可說是常態，同一個地方，同樣是酒樓，但就是有不同的名字。這次的名字真的很大，而裝修也很堂煌，不知道能夠做得久一點呢？食物算可以，推別有心水的是紅油炒手。不是太辣，相信是大部份人都可以吃得的。而中間的肉質算不錯，有肉汁。希望這裡也繼續成為街坊的一個好去處吧。

難得平日冇野做，阿媽又放假，於是帶佢嚟屋企附近嘅酒樓飲茶。雖然佢離我屋企只係5-6分鐘嘅路程，但係酒樓轉手之後我一直都未嚟試過，今次就試下佢好唔好食。我食到一半先記起要影相，所以有d野食冇影到/食到一半先影。魚滑生菜粥($10.8)碗粥好大碗，仲大過海皇粥店果d，唔會好水汪汪咁，不過應該有落d味精。以$10.8嚟講，CP值極高。鮮蝦腸粉($13左右)一碟有3條腸粉，每條得1隻蝦，d蝦都算大隻，不過唔知點解d腸粉唔熱嘅。牛肉腸粉($20.8)食到一半先記得影。一樣係一碟3條腸粉，牛肉算多，但係一樣唔多熱。佢d腸粉應該即叫即整，因為都等咗幾耐先到，所以都唔明點解嚟到嘅腸粉會唔熱。黃金千層糕($16.8)又係食到一半先記得影。佢一籠有3舊，食落似鬆糕，中間夾咁2層好薄嘅奶黃餡，算係幾好食。蝦餃($23.8)正正常常咁，個皮有d厚，但係蝦肉算多。燒賣($23.8)等咗成個鐘先到,，正正常常嘅燒賣，偏細粒，俾我簡我應該會食唐記嘅燒賣就算。佢野食唔算難食，但係服務就真係麻麻。我地平日10點左右到，個場唔算好full，佢地有個area d枱係吉嘅，但係唔俾人坐，又冇人book咗，係要安排我地同其他人

絕對支持之前食客說法，這家酒樓服務非常差，尤其嗰位矮細四眼女部長。其實這家酒樓已轉了好幾次，但今次係最差最差的一間，希望這家酒樓集團高層見到這裡評價，會有所跟進啦！！

星期日晚8點食飯，已經唔多客，想落單叫侍應，無人應。叫咗一榨橙汁，唔比杯唔緊要，問一位矮嘅女侍應，玻璃杯放邊，我自己攞，佢真係可以行過我而唔啋我😠咁樣嘅服務，唔怪之得10枱客都無啦！

同另外一個留言一樣, 雖然開通左openrice acc 好耐但都係第1次寫食評, 估唔到係劣評, 曾經上過網搵呢個集團有冇電話或者email可以投訴但可惜唯有係openrice寫下劣評一則, 雖然呢類小酒樓可能唔care又或者唔會有人share黎睇, 不過希望如果呢間酒樓既集團總公司既人見到, 可以正視一下員工問題.其實呢個位係翠屏已經轉過手好多次, 不過今次呢間皇庭匯可以算係最差既一次, 小弟係翠屏住左廿多年第一次食到咁嬲.野食方面無咩大問題不過不失, 不過好多時會出現漏單或者上錯台情況, 前排新開張時間仲誇張可以等條魚等超過一小時, 不過而家已經有改善.但員工方面真係要好好培訓一下, 雖然大部分樓面都無咩問題而且仲好友善, 唯獨有一兩個真係好有問題. 事緣昨晚(4/1/18)我同屋企人4個落去食飯, 期間麻煩一位"身材較細小戴眼鏡既樓面姐姐"幫我地加一加茶, 當時佢拎住托盤行埋黎, 托盤上面仲有幾個透明膠蓋, 佢拎左我地壺茶去加, 之後壺茶就失左蹤 (呢到補充返少少: 我地一家差唔多每星期都會黎食最少一次晚飯, 大多樓面員工我地都認得, 呢一位樓面姐姐其實已經好多次係咁, 拎左去

開咗acc咁耐我真係忍唔住第一次寫食評，呢間咁既野我今日去叫咗個鮮蝦菜苗餃，入面三隻都無蝦既，叫阿姐過黎睇...佢仲反問我係咪叫特價點心，我指佢睇係正價鮮蝦菜苗餃，佢之後仲去問其他同事我地鮮蝦菜苗餃係咪有蝦，我真係得啖笑，唯有叫姐姐快啲同廚房講，佢仲話我食左兩隻好難換俾我，大佬我唔食點知入面無蝦，你無蝦就咪寫自己係鮮蝦菜苗餃啦，我真係可以去海關投訴你嫁...雖然其他野都係正常，但係經過今次之後可能真係每一次都要夾爛舊餃睇下有無蝦先食掛哈哈？

今日同媽咪再去飲茶，其實上個月第一次去時佢好似係開業無耐～ 但係啲服務都已經係差，野食等得又耐， 但見啲蝦腸粉皮又滑，蝦又彈牙就再幫襯多次啦～今次去到，叫人開茶同上次一樣無人啋架🙉！ 你叫人佢望下你然後好自然係你身邊飄走， 你千祈唔好諗住佢聽到衹係無應你等陣會開茶比你， 咁諗太天真喇！ 你要好有耐心咁截住大約3-5個請佢地開茶先有機會有1個真係幫你開！都算啦～點野食！ 點左蝦腸、生竹牛肉、生煎包同藥膳鷄腳～ 大約15分鐘左右黎左生煎包同牛肉球， 媽咪話麻麻地， 我都懶得comment喇～ 而我想食嘅蝦腸終於係35-40分鐘內上枱！一見碟野就唔開胃…… 粉皮溶溶爛爛咁， 有2、3隻蝦仲係生猛到衝破粉皮hea左係面……. 一食個皮…… Um…….說好的滑呢？！？！ 堅係“粉”皮喎…… 而之前好彈牙嘅蝦～今次變得好新鮮！！！其中有1、2隻係新鮮到“晶瑩剔透”～ 以我目測應係medium well…………之後坐多大約15分鐘我地就埋單走左…………大家有無覺得好似仲差啲乜咁？ 係喎～ 仲有個藥膳鷄脚呢？ Sorry～ 無出現過而我亦無諗住催單…………

諗住近近地去樓下呢間酒樓飲茶，佢樓下接待處叫我地自己上去搵位，我地搵到位坐低，個女侍應話呢張枱要12點走，我地11點15坐低，茶都未開而且張枱冇貼學生留座，問佢點解要12點走，佢話叫我地搵過張枱，我已經好火，叫佢一係搵過張枱俾我，一係我坐呢度，個經理一句係要自己搵過張枱架喇就走左去，冇人行過黎同我地開茶，焗我地離開張枱。好彩，擾讓左10分鐘搵到個部長開茶，我地11:30交點心紙俾侍應就好似叫天不應，叫地不聞咁，個女部長見到我招手，仲掉頭走！難道我要自己入廚房拎？仲要我地交完點心紙，佢地12點先黎齊啲點心，咁我地點12點交枱呀？咁既服務態度真係冇下次，觀塘大把酒樓，遲早俾人淘汰唔好問點解，真係飲茶飲到嬲嬲豬😡